انا بالنسبه لمعاملتي انا الطرف السعودي عمري 21
وخطيبي اجنبي مواليد السعوديه ومقيم فيها
وبيننا قرابه من الدرجه الاولى


اول شي راح خطيبي الشرطه و اخذ ورقة الشروط تلقيها ف الموقع
وبعد ماجهزنا الاوراق كامله ف الملف راح الشرطه اخذ خطاب
لصك القرابه وفعلا استخرجنا الصك وبعدين قدمنا المعامله
عن طريق شرطه العاصمه المقدسه واعطونا التحاليل واوراق البصمات للاجنبي
ورحنت حللنا ولمن خرجت التحاليل راحت المعامله للاماره
اول شي اداره القضايا والمطالبات الخاصه
بعدين الاداره العامه للحقوق الخاصه
بعدين الوكاله المساعده للحقوق
بعدين مكتب الوكيل باجراء توقيع سمو الامير
وهنا وقفت معاملتي



بالنسبه للشروط غيروها في مكه وحتنزل وتثبت الاسبرع الجاي
خلي خطيبك يروح الاحد الشرطه وياخدلو ورقهه شروط

بالظبط دا الي حصل معايا انا كمان بالضبط بينا قرابه من الدرجه الاولى الحمدلله .. بس حبيبتي ازا مولود معناتو تقديمك زينا من الشرطه وازا لا من الداخليه بس معرف كيف الصراحه .. وزي ما شرحتلك طال انتظاري بالضبط دا الي صار معانا .. وبالتوفيييق يااااااااااااااااااارب

[RIGHT][RIGHT][RIGHT][LEFT][CENTER][CENTER][CENTER][CENTER]طبعا تم تقديم طلبي من شرطة العاصمة
اول حاجة تم إعطائي ورقة تخص الطلبات وهي
1_تعريف من العمل لي ولها
2_تعريف من العمدة لي ولها
3_شهادة ميلاد مختومة من الاحول
4_صور لي بطاقة البنت وهويتي وطبعا جوازي مترجم للعربية بحكم إني مولود بس من جنسية غير عربية
بعد تقديم كل الطلبات هذه تم إعطائي خطابات موجهة للاحوال و مستشفي النساء و الولادة بمكة وايضا خطاب للادلة الجنائية للبصمات
طبعا عملت التحاليل وطلعت بعد عشرة ايام وخلال هذه العشرة الايام خلصت موضوع البصمات والحمدلله طلعت التحاليل سليمة وراجعت الشرطة طبعا التحاليل يتم إستلامها من الشرطة علشان يكون فيها رقم صادر من قبل المستشفي تراجع فيه الشرطة وبعدين رحت للشرطة وأستلمت الاصل من التحاليل وطبعا هم يأخذوا صورة فقط يتم إرفاقها مع الاوراق بعد كذا يطلبوا البنت و ولي أمرها يوقع علي اوراق وكذا وحتي انا وقعت علي إقرار عدم الزواج او سبق التقديم للزواج من سعودية وبعدين جلست اوراقي 4 تقريبا بالكثير 4 ايام واتحولت للأمارة طبعا بعد اسبوع اعطوني رقم القيد وصرت اتابعها راحت لديوان الامارة ومنه للاستقبال وطلبوا اجيب ولي امرها واثنين شهود و كذا وبعدين جلست في الامارة تقريبا 3 ايام تنقلت ما بين الادارة العامة للحقوق وإدارة الحقوق الخاصة والمطالبات ومكتب الوكيل وراحت للصادر ومن الصادر راحت علي الداخلية جلست 9 ايام تقريبا وصلت الداخلية راحت علي إدارة الحقوق الخاصة وجلست يمكن يوم او يومين وراحت لجنة سكرتارية الزواج وجلست تقريبا 35 يوم وبعدين راحت الاتصالات الادارية ومنها علي الصادرر وبعدين رجعت علي امارة مكة جلست تقريبا اسبوع بعدين وصلت امارة مكة و بعدين في الامارة راحت ادارة القضايا والمطالبات الخاصة جلست يوم وعلي الادارة العامة للحقوق الخاصة جلست تقريبا7ايام وبعدين راحت الوكالة المساعدة للحقوق جلست يوم وراحت علي الصادر العام بعدين راحت للمحمكة في نفس اليوم وبعدين رجعت المحكمة وطلعت ماوصلت وبعد اسبوع راجعتهم وكمان ماوصلت بس طلعت وصلت في الوارد وماسجوها في الجهاز وطبعا بعد كذا اخذت وموعد وعلي ثاني يوم بس طلع في اوراق ضايعة قالوا الاوراق جات ناقصة من الداخلية المهم ماحبيت اضيع الوقت راحت جبت الاوراق كلهم من اول وجديد
1_تعريف من العمدة لي ولها 2_برنت من الاحوال 3_تعريف من العمل لي ولها 4_تصديق شهادة الميلاد لي
الا قاهرني كان هو إنه الاحوال مايعطوك برنت الا بخطاب رسمي من جهة حكومية بس الحمدلله ربي فرجها واخذت البرنت ورحت للعمدة اعطاني تعريف بالقوة لي ولها و ربي قدرني عليهم وجمعت كل الاوراق ورحت بعد الظهر يوم الابعاء وأخذت موعد للقعد الا هو يوم الخميس والحمدلله عقدت

اعضاء القروب اتمنى الرد
الي سبق وتزوج سعوديه وانفصل هل يستطيع التقديم لزواج من سعوديه مرة اخرى

قولون عصبي وطال انتظاري

خلاص وقفو قلق باذن الله معاملتكم موافق عليها مدام وصلت مكتب الامير وبتوقيع الامير
يعني خلاص انتيهتوووووو

اتجهزوا ياعرايس

ربي يتمملكم على خييييير ياااارب

يااااااااااااااااااااااااااااااااااااارب ربي يسمع منك ياااااارب ويسهل امورك ان شاء الله تلحقينا يااااااااااارب ياكريييم

حبيبتي الف مبروك
اله يتمم لك ع خير
معاملتك نفس مسار معاملتي زمان
دام وصلت مكتب الوكيل بتوقيع سمو الامير
خلاص بعدها ع الصادر وع المحكمه
وتقعد تقريبا 4 ايام في هادي الاداره وبعدها خلص
وبعدين الين توصل المحكمه يبالك من 4 ايام ل اسبوع
والمحكمه انتي تحددي الموعد ع حسب ظروفك
وبالتوفيق يالغلا انتي وطال انتظاربي وعقبال البقيه يارب

شكرا الاخوات طال انتظاري ... قولون عصبي
ربي ييسرلكم جميع اموركم ومبروك مقدما


الاخ حفيد جلاد مبروك الف مبروك بالرفاء والبنين

يعني موافقه اوراقنا !
يارب الله يسمع منك
وعقبالكم يارب

ايوا ارسلت بس مايردو ليش ماعرف اكيد في ضغط

امييين يااارب ربي يعوض صبرنا جميعا


يب يب باذن الله قرب الفرج
وكلها كم يوم وتشوفي راحت المحكمة

اميييين يااارب

الله يسعدك حبيبتي يسلمو ان شاء الله ربي ييسرها ياااارب ياااااااااارب .. يعطيكم العافيه ويريح قلوبكم ياااااااااااااااااااارب

السلام عليكم ورحمة الله وبركاته

بسال سؤال يا اهل الخبرة
اذا تغيرت الشروط ان شاء الله هل تتقدم معاملة جديدة او الشرطة بترفع المعاملة القديمة للامارة ؟