صباح الخير .
شيكت اليوم على معاملتي " أحيلت إلى مكتب الوكيل باجراء: توقيع سمو الأمير "
ايش يعني ؟

هلا حبيبتي صباح النور
هذا وين في الأمارة .!!

اهلاً وسهلاً بالجميع
اخباركم يا جماعة كويسين,,,
بالنسبة للرسايل لازم عن طريق الإدارة
ابعتولي رسايلكم وان شاء الله خير
______________

اهلين ..
ايوا ياعسل في الإمارة .
وأنا بحثت في المنتدى لقيت الكل يمروا بهالإدارة .
يعني الحمدلله المعاملة ماشية كويس .

كله بفضل من الله وصلاة الليل والاستغفار .

ابعتيلي على hm66732 و نتفاهم ان شاءالله :)
هادا الايميل على جي ميل عشان ماهو راضي يكتب الايميل اذا واضح معاك اديني خبر

معليش اختي بسالك كم يوم جلست معاملتك في ادارة الحقوق الخاصة ؟؟
لان معاملتي صارلها في هذا القسم اكثر من اسبوعين

أهلين .
جلست في الحقوق الخاصة 3 أسابيع
وتحولت للوكالة المساعدة للحقوق وجلست 3 أسابيع
وتحولت لمكتب الوكيل .

لا تشيلي هم هانت .

انا سمعت انها اخر خطوة في الامارة
الف مبروووك مقدما
بس انا شايلة هم معاملتي طولت في ادارة الحقوق الخاصة

3 اسابيع في كل امارة مرة كثير
الله يعين

يا جماعة من فيكم من جدة
فيه شوية استفسارات حابة اسئل عنها
استنى رد من بنات جدة
والله يسهل جميييع اموركم
________________

صباح الخير .
عزيزتي أنا مو من بنات جدة بس معاملتي في جدة
إذا حاب أفيدك بشي .

طيب بنات والشؤون الامنيه يعني شنو؟

بعدما رجعت من الداخليه يقولون في الشؤون الامنيه ،، وكم تجلس ☹ ?

انا قدمت من الاماره بس دخلنا في اجازة عيد الفطر وبعدها عيد الحج وفي مشكله كان في اوراقو تجديد اقامه ونقل كفاله ودحيين خلاص قالو راجعو بعد شهرين يمكن تتحول للاماره يارب سهلها وتتحول

ِ

السلام عليكم ورحمة الله

كنت ادور ع الاجراءات وقادني البحث لها الموضوع

بصراحة من رحلة المعاناة اللي مروا فيها الاخوات حسيت ان الموضوع عملية جنائية مش كانه الوحدة فينا تبغى تتزوج وتكون اسرة لكن الله يعين …

انا اللي متقدم لي من المدينة وانا بجدة … راح وقدم الاوراق من امارة المدينة رفضوها وقالوا لازم تقدمها من مكان اقامة المخطوبة يعني من جده ..
دخلت على امارة جدة شفت في اتلقديم الكترونيا عن طريق موقع الامارة ..
حابه اسال في احد قدم عن طريق الموقع وهل افضل ولا اخلي الوالد يروح للامارة بنفسه ؟؟

السلام عليكم ورحمة الله وبركاته
فاتن حبيت افيدك انا خطيبي قدم عن طريق الموقع عادي وجات الحمدلله ربي يوفقك

حابه اسال بنات من صار لها نفس مشكلتي او تعرف احد صار له مثلي
احنا قدمنا معاملاتنا وطلعت المشكله بالتحليل للاسف عنده انيميا الفول
وماحنا لاقين حل للموضوع ولاتركنا باب الا ودقيناه مافيه فايده بس املي بالله
انها راح تفرج بايش تنصحوني وايش نعمل ؟

فاتن معليش طلعت غلطانه خلي اهلك يقدموها بنفسهم
بعدين يعطونك رقم معامله تتبيعها عن طريق موقعهم اعتقد كذا سوى خطيبي
بس لان خطيبي هو اللي سوى كل شي فما عارفه الاجرائات
احنا لسى متوقفين عند التحاليل مو عارفين كيف نحل هالمشكله
الله يفرجها علينا يااارب وحسبي الله على كل من تسبب في تاخر وتعطل المعاملات

تسلمي يا عسل

وربي يكتب لك الخير ويسهل امرك

اميييين شكرا فاتن والله يسهل لك اختي
وييييين الباقييين يفيدوني ايس اسووووي والله ضاقت علي مالي غير الله
ثم هالمنتدى الاقي حل او مخرج لهالموضوع باذن الله

هلا حبيبتي وعليكم السلام والرحمة
انا اللي اعرفه وصار معايا ومع اللي حولي / قدميها من المحافظة ب اسمك مو ب اسم الوالد
عشان انتي اللي توقعي وتنهي الأوراق بدون الرجوع للوالد

ربي يوفقك ويسهل امرك وامورنا يارب

ياقلبي الله يكتب لك مخرج من همك ويرضيك رب العالمين
بخصوص التحاليل تقدري تطلبي المستشفى خطاب يكتبوا فيه ان الانيميا الفولية
مامنها خوف
انتي عارفة انهم للطرف السعودي يقولوا مايحللوا انيميا الفول بس يكتبوا انها
ماعنده

يعني بس تطلبيهم يعملوها أنا سألت وقالوا نعمل خطاب

ربي يفرجها عليكم

في واحد معقب البنات كاتبين عنه في الصفحات الماضيه كلميه يارب يفيدك
هذا رقمه
اسمه ابو راكان وانا شخصيا استفسرت منه قبل كذا انسان خلوق ويرد ع الاستفسارات
واتوقع يعمل معاملات حكومية ب أجر

0501810333

موفقه يارب

l,uiture67

اختي سقيا اللي يسقيكي من ماء الجنه ياااارب
المشكله المستشفى مو متعاون مع خطيبي وحاول ابوي معاهم مو راضين يقتنعو
سكرو كل الاشياء بوجهنا حسبي الله عليهم يقولوا ممنوع وهذا النظام حسبي الله عليهم
بس هذا مايمنع اننا نحاول ثاني مشكوووووووووره حبيبتي

ايوه صحيح تحليل الانيميا مايشمل السعوديين بس الاجانب يعملوه له حسبي الله عليهم ليش هالظلم
هالشي ماعرفنا الا متاخر وخطيبي للاسف ماكتشف هالانيميا الا لما فحص وانصدم وحالته الله العالم بها

اللهم امين / الله يثلج صدرك ويفرح قلبك
وربي حاسة فيكِ
وبخصوص المستشفى مو لازم من نفس المستشفى اللي حللتوا فيه
شوفي أي مستشفى ثاني حسبي الله ونعم الوكيل
الله يسترنا ويسخر لنا كل خير

ربي يسعدك ويرزقك خير من حيث لاتحتسبين

21l;wqa'

لاحول ولاقوة الا بالله / ربي اعلم بعباده وان شاء الله يسخر لكم الخير ارحم الراحمين
ربي يفرحكم ويجمعكم على خير ويرزقكم الذرية الصالحة يارب

ادعي واستغفري وعليك ب صلاة الليل ربي يجلي الهم من صدرك

اميييين مشكوووره ياسقيا والله يفرج هم كل مهموم
وينصر كل مظلوم على ظلمه يارب
الله يسهلها يارب من عنده مانحتاج لرحمتهم حسبي الله عليهم
كل يوم حالتي غير عن اليوم اللي قبله احسني بفقد عقلي بسببهم
الله لايوفقهم ياااارب

اللهم آمين / اللهم آمين

حبيبتي سألت لك المعقب وقال عادي تسوي خطاب من مدير التحاليل
موجه للأمارة انه انيميا الفول ليس لها اضرار على الزواج
وانا شخصيا أدري انهم يعملوها

انتِ قوليلي من وين .. وبأي مستشفى
ياليت تكوني من بنات جدة وعملتيها في المختبر الإقليمي
بحاول قد مآأقدر أساعدك لو فعلا من جدة

ربي يسخر لك ويرضيك بحجم نفاءلك واكثر ويطيب خاطرك يارب

السلام عليكم انا من جدة وخطيبي غير سعودي
معاملتي لها فترة بالادارة العامة للحقوق الخاصة
هل الوضع طبيعي ؟ ومين مرت في هذا الشي ياليت تساعدني
وكم الفترة اللي تقعد فيها المعاملة في الامارة لان الوالد كل مايروح يراجع يقول له لسى وانها في مكة
افهم من كذا انه نقعد ننتظر ومايحتاج مراجعة ؟
الله يسهلها للجميع ويسر اموركم يارب

ايوه حبيبتي انا من جده وسوينا التحاليل في المستشفى المشؤوم دا
وخطيبي يقول تعاملهم خايس ورافضين يتعاونو معاه او يعطوه اي شي يفيده
انا راح ابلغهم انه يسوي اللي قلتي عليه واعطيهم رقم المعقب وشكرا لكي انك سالتي في ميزان حسناتك يارب
هما اصلا دارين ان هالانيميا ماله اضرار ليش التعقيد ابفهم !!
يلا بس الحمدلله على كل حال والله يعجل بالفرج ويفك عن كل مسلم كربته وضيقته يااااارب
l,uiture67

انتي اول مره تقدمي اقصد في بدايه اجراءات معاملتك ؟
يعني انتي تجاوزتي مرحله التحاليل ؟؟
ماماعندي اي معلومه
لاااللي اعرفه انه بعد التحاليل تحول المعامله للشرطه ومن الشرطه
ترجع للاماره وتنتظري لين تجي الموافقه او الرفض
وان شاء الله يوافقوا ونقول لك مبرووووووك ياارب ياكريم

عندي ســــؤال
خطيبي متزوج وزوجته مو سعوديه هل برضه يستقعدوا له ويقولون له ايش سبب الزواج من ثانيه ؟؟

لا هذا من اول تجاوزت التحاليل والشرطة الحمداللله
بس لها فترة في الامارة مين نفس وضعي تطمني ؟
ان شاء الله يارب

الحين اذا تحولت المعاملة من الشرطة للامارة ممكن تنرفض ؟ او لا

انفاله تفائلي حبيبتي لا ان شاء الله تبشريني بالقبول
بس اللي اعرفه انها تاخذ وقت طويل عشانها تمر بكذا دائره وكل دائره تاخذ حوالي اسبوع
الا ذا عندك واسطه تطلع لك الموافقه خلال مده اسبوع او اسبوعين
اذا شروطكم مستوفيه من ناحيه التحاليل والاقامه وسبب الزواج اظمني الموافقه ان شاء الله
بس توقعي يطلعو لك اي عيب عشان يعقدوها لكم بس انتي تفائلي الله كبييييييير ومايضيع حق وراه مطالب
وياارب ياارب تطلع لك موافقه ياااااااااااااااااارب

اااامين يارب الله يسمع منك ويسهلها عالجميع
لا والله ماعندي واسطة الله كريم ويفرجها من عنده

ا


الله يسهل امور الجميع يارب

واسطتنا رب العالمين .. عشان كذا راح تتيسر ان شاء الله

ابشركم معاملتي اخيرا خرجت من الشرطه طبعا بالواسطه وﻻ موعدها كان نهاية شهر 6 ولله الحمد واليوم جاتني رساله انها وصلت المحافظه برقم ودخلت علي موقع المحافظه بنفس الرقم لقيت احيلت الي وحدة الزواح تحت الاجراء مراجعه ويش يعني

ان شاء الله حبيبتي تسمعين اخبار زينه بدون واسطه وربي يسهلها لك وعلي وعلى المسلمين

اكيد بالاول والاخير كل شي بيد ربي حتى لو معاكي مليون واسطه
وان شاء الله تتيسر للجميع يارب