![]() |
|
السلام عليكم
اسعد الله مساءاتكم جميعا بل خير يارب تكونون دوم في خير و الى خير ما ودي ازيد عليكم يشهد الله -- من امس و انا في داخلي صراخ مكبوت -- اكبر من الدموع مات مجدي ميتة صعبة كلها الم مجدي هذا قط انقذته رضيع و عاش مدة ثلاث سنين الا شهرين يتنقل ما بين الحوش و باب البيت ، صدمته سيارة بعد الظهر لدرجة عيونه خرجت من مكانها و كل ما فيه تكسر لفيته بمنشفة و هو يون انين يقطع القلب ، اعد الساعات عد حتى احاول اسعفه عند دكتور بيطري، يوم شافه العصر و كشف عليه ، قال فوق تكسر كل عظامه يعاني من نزيف داخلي و قال ما راح يتحمل ابرة بنج و خليه لين بكره هو يبي يموت اصلا ، و جلس يون ما توقف ونينه من الظهر يوم اصيب لين صباح اليوم الثاني ، و انا ما جاني النوم ما غير اردد دعاء اوجاع الجسد ، و ما قدرت انتظر خاصة يوم انه كمل لليوم الثاني و ما مات ، وديته بيطري ثاني قعد يغز فيه بالابر لين قعد يرتجف كأن نافضته كهرب و مات مجدي |
اقتباس:
|
اقتباس:
اففف انا احب القطاوة كان عندي قطو وانا صغير مدري شسمه المهم انه قطو بني نشب راسه باعمدة الدرج واختنق ومات طول الليل اسمعه يماوي ودي اطلع اشوفه بس كنت صغير ما قدرت اطلع وف الصبح اهلي مغطين عيوني لا اشوفه ودفنوه بمحل بعيد اذا عندك خشخاشته او شي له خليه معك وجيبي غيره ادري يتعب فرقاه خصوصا اللي يحبون الحيوانات بس كان الموت اريحله |
قلت للبيطري وش ذي الابر ، قال توقف النزيف الداخلي و مسكنة للالم ، و الظاهر جاته صدمة دوائية و ما تحمل الدواء
يعني مجدي لو كان قط ثاني و صادمته سيارة كان ممكن يظل فوق اربع ايام يتعذب و يون لين يموت يا ناس انتبهوا و انتم تسوقون ، هذي ارواح تحس و تتالم و تجوع و تعطش و تمرض و تخاف و الله لو احد فيكم شافه ما كان يتحمل صوت أنينه و هو يتوجع لحظة كيف انا اكثر من يوم ، من الظهر اول ما انصاب لين عصر اليوم الثاني من شدة الاوجاع يضرب راسه على الارض على فترات مدري وش الحكمة يتعذبون و هم ما عليهم ذنوب على الاقل حنا يوم نتعذب عذابنا تكفير لذنوبنا و رفعة في درجاتنا مجدي ما كان قط ، كان طفل ، نظراته و حركاته تقول كذا كل يوم لازم يطل علي و يرمي نفسه في حضني ، ما كان يغيب عن البيت يوم ، حتى لو كان معظم وقته قدام باب البيت مدري ليش عندي احساس ان اللي صدمه كان قاصد لان مجدي ثلاث سنين حافظ المنطقة اللي قدام الباب حفظ ، حتى هم حاسة السمع قوية يسمعون محرك السيارة من بعيد و يتفادونها شافوه الناس اول ما انصدم صار يزحف مع الاسفلت لين انسدح تحت سيارتنا حنا بالذات دونا عن السيارات اللي كانت قريبة منه و كأنه يبي يحس بالامان تحتها او يبي يودعنا و ودعني ودعني بابشع ميتة و اصعب موقف عزائي الوحيد ان الرحمن الرحيم يجمعني به في جنات النعيم يشفع لي و ينتظرني على باب الجنة اللهم امين قد حزني عليه قد اني مرتاحة لانه ارتاح من غثاء الدنيا و شقاءها و راح عند رب رحيم |
انا يوم اقول مجدي ما كان قط
لانه فعلا هو طفل كل القطط اطفال ، تشوف الفرح في عيونهم و يعبرون بصوت غريب يوم يشوفونك و يلفون انفسهم حول ساقيك و اقدامك مع تحريك اذيالهم للاعلى خاصة يوم اخليهم يفتحون الباب العصر ، القاه منتظر على باب بيتنا و يدخل و اول شي يدورني و يرمي نفسه علي مجدي عمره ما بخ على قط او زمجر عليه ، ما عنده حب الاستحواذ ، حتى اللي يصرخ عليه من القطط الاخرى يتركه و يمشي ، ما يتناشب مع احد و فوق ذا قنوع ، غير لحوح . ما راح اقدر انساه بسهولة ، مو بس لصفاته ، بسبب سيناريو وفاته البشع او بمعنى اصح قتله تعبت كثر ما ودعت ، وداع اليوم غير اللي يشوف نشاطه و مرحه ما يقول ان يبي ينتهي ذي النهاية الماساوية والحمدلله على كل حال و احيان اقول يمكن عين ما صلت على النبي لان مجدي كان ضخم البنية ، عظامه كبيرة و شعره كثيف شكله هجين الظاهر ان امه او اباه قط مستورد من ذوات الشعر ، لكن ملامحه و لونه ماو عربي لونه رمادي و ابيض حتى لونه غريب ، كل من شافه علق على ضخامة حجمه حبيبي كان حجم الكف الوحدة عن ثلاث كفوف من كفوف القطط الاخرى و اللي زاد من منظر ضخامته شعره الطويل الكثيف و رغم ذا كله طيب و خواف و مسالم اه بس مدري كيف انام يارب صبرني و الحمدلله على كل حال يارب لو اللي صادمه كان متعمد يلقى نفس مصيره هو و كل مؤذي يارب |
الظاهر ان البلادة غير التبلد قاهر الرهاب
البلادة تخص الحركة والاستيعاب يمكن والتبلد يخص المشاعر ياليت يصيبني شيء من التبلد لو الايام الجاية فقط |
السلام عليكم
أسعد الله صباحاتكم جميعا بكل خير يارب يتقبل منا في هذا اليوم الفضيل و يتقبل من جميع المسلمين اللهم آمين لا تنسون تكثيف الدعاء في ساعة الإجابة و قراءة سورة الكهف و ربي يعيننا جميعا على ذكره و شكره و حسن عبادته |
السلام عليكم و رزقنا الله و اياكم السعادة و راحة البال و الطمأنينة و السرور خاصة اليوم يوم جمعة
الله يتقبل منا و منكم الصلاة و الدعاء . أمين الاخت عيون متفائلة الله يصبرك بفقدانك قطك و هرك ذكرتيني بطفولتي و بكائي على موت القطط التي ربيتها و دفنتها بيداي فقدان الحيوانات التي نالفها ... في حد ذاته ابتلاء اذا صبرنا على موتها نجازى و الله اعلم ذاك الصنف الذي ذكرتيه هجين Race croissé. خليط بين نوع عربي و نوع اجنبي لذلك طباعه و صفاته ليست كالقط العربي الذي يفظل التهاوش و المشاكسة هههههههههه حتى صفات حيواناتهم مختلفة اظن قطك من نوع Siamois |
اول مرة الاحظ غياب الاخ محمد البدراني ... ان شاء الله يكون غياب خير و في صالحه
ابو نجلا غايب يا رب يكون بخير اتمنى الكل يكون بخير و يرزقهم الشفاء و المعافاة و يعوض عليهم الذي فقدوه خاصة : الاخت خلود لميا الحزينة عيون متفائلة غيوم ضي دجى ظل امل و ايضا : بدر الهذال ..... ايش يعني هذا الاسم ؟ من فظلك يا بدر جاوب محمد ابدراني عبدو عمر ابو نجلاء فيصل السعودية ابو امل ابو علي بندر ع و الجميع يا رب ، نحن بيوم الجمعة يا رب اعط لكل سائل ما سأل |
الحمد لله توقف التناوش و المخاصمة بين الاخت خلود + الاخت لميا الحزينة ( الله يخليها دايما سعيدة ) مع الاخ صهيب
نعوذ بالله من الشيطان الرجيم ، و من نفخه و نفثه و همزه الله يردنا للطريق ردا جميلا |
السلام عليكم صباح الخيرات على الجميع |
اقتباس:
والحزن عليه وأسأل الله يبعد عنك كل حزن وهم 💔 ولأني أشعر بحجم الم الفقد وجربته وعشته فتخيلي معي دعوتك على الصادم لو تتحقق لا سمح الله حتى لو كان قاصد فما بالك أسرته وابنائه يشعرون بفقده 😢 بل نقول الله يهديه أن كان قاصد والله يربط على قلوبناو يسامحنا جميعا آمين |
اقتباس:
مات قطي من 3 سنين قسما بالله أتذكره وابكي للآن😢 كان نفس وصف قطك جميل. بس بصراحة كان متوحش مكان اليف. بس أحببته بجنووون كما هو تفهمته وكان لطيف معي ومتعلق بي لدرجة اقسم بالله الكل كانوا يقولون لي هذا مو قط احذريه ومع الجميع متوحش مشان هيك ما أحبووه.الله يعوضنا خيرا ويربط على قلوبنا آمين |
جمعة مباركة
شكرا على الدعاء يا سائل الراحة صحيت و خذيت حبة سيركوسات و انواع النعاس و جالسة أقوم لاني ما اقدر انام حتى لو حطيت راسي من القلق الله يعين |
أحيانا الرهاب والمخاوف في أساسها وسواس قهري
|
الساعة الآن 06:24 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا