باذن الله تفرج لكن مللت تجارب الادوية والمشكلة الكبيرة هي دواء سيركويل لما اتركه اتعب وانتكس واذا رجعت له راح وقته كل في النوم

لكن الحمدالله على كل حال وما تضيق الا تفرج وعلى الله التوكل


حاليا مرهق جدا وما رحت الدوام ولا نمت زين وارق وعضامي كلها الم تقول مطقوق

ان شاء الله ازور الدكتور عسى ان يكتب الله خيرا

رغم ان الانتكاسات الكبيرة المتتالية تضعف الانسان كثير واخذت من طاقتي الكثير

جوك عليل :)

أجل ما أنتم بعيدين عنا بس المكيف لا يمكن أشغله تعرف البيت سيراميك و يلزق البرد فيه و الجو اليوم دفا و غيم و رشت قبل شوي و خير الله واجد و الحمدلله

ع العموم حبيت أسلم و أتطمن عليك يالغالي تآمرني شي خدمه لزمه

ما تشوف شر و أجر و عافيه يالغالي و ترا دخلاتي ع النت قليله جدا المرض قل حيلي الله يقل حيله و يصبرني عليه هاه تآمرني شي يالغالي

جعلك سالم وغانم اخوي مراقب

اخو عزيز وغالي وما يامر عليك ظالم

طمن عنك كل فترة

في حفظ الرحمن

يا جعلك الجنه يا بو حميد و ما تقصر يا بعدي و انا بعد باتطمن عليك على خير و الله يحفظك و فمان الله l,uiture67

مساء الخير جميعاً

كيف حالكم ؟

أنا من كم يوم زاد عليّ الاكتئاب وقمت ابكي

وادعي المولى بالشفاء

وكانت لي طلعه اليوم مع صديقاتي والدموع

في عيوني ، بس قعدة البيت مابتغير شي

او حتى الطلعه، مافي متعه

أرق وخمول بعد

كنت نتكلم، فنصحتني صديقتي بأكل البصل

تجلب النوم بسرعه ، اقولها لهذا السبب الهنود

ربعنا ياكلون بصل !

تمت تضحك

رديت البيت ورحت عند صديقنا قوقل وكتبت له

بصل .....

ههههههه

شفت انه وحده كاتبه تجربتها عنه اكل البصل

انه قضى على الاكتئاب والخوف والضيق

لكن للأسف نحن همنا الريحه

قلت الصراحه مب مهم الريحه المهم اكون انا مرتاحه

اظل افكر في غيري وانا تعبانه !

افكر اذا غيري شم مني ريحة البصل وانا اظل مكتئبه

هم مابيفتكرون في همي !

وفي كثير حلول نقضي على ريحة البصل بس في الاول نشوف مفعوله

وربي يعطيكم العافيه

هلا بنت الظبي الحمدالله انك طلعتي من البيت ولو غصب المهم تغيير جو

صحيح بعض الاحيان الطلعات تجدد عليك المواجع خاصة لما تشوف الناس تسولف وتضحك وبترجع البيت تنوم عادي وانت راح ترجع لنفس الدوامة

اما البصل ههههههه صدقيني كله خراط لا بصل ولا ثوم يفيد مالك الا الادوية او الرقية خيارين لا ثالث لهم

اما الاشياء الي تحسن من المزاج كثير لكن للناس العادية مب المرض الاكتئابي مثل الزعفران والينسون والكمون والتلبينة وبعض الاعشاب

اختي بنت الظبي ليش انت موقفة حالك يعني ما جربتي لا الرقية ولا المكملات الغذائية ولا ادوية

مرحبا بك يامحمد

انا في البدايه رقاني شيخ ، بس بعدين قال لي

انسي انه فيك شي لاتكوني حساسه وهو من السعوديه

وبعدين رحت لشيخين غيره كلهم يقولون عين قويه

المهم رقيت عمري وبعد مده وقفت

جربت الفيتامينات ووقفت لكن من فتره بديت

بكبسولات اوميغا 3

بالنسبه للادويه استخرت الله واشوف اني في حيره

سلامو اليكووووم جميعا 😍
ماشاء الله تبارك الله رغم الالم والمعاناة الا ان جمال ارواحكم اغرقني في التفكير زادكم الله جمالا وسكينة وراحة بال لامتناهيه ❤️

قصتي يارفاقي كنت شخصية مرحة الى عمر 18 سنه وفجأة اكتئاب شديد كرهت العالم والبيت واهلي واحب الوحدة والله يا اقوى نكته ماتحرك ساكن الان عمري 25 ووضعي في انحدار مستمر ً،مقتنعه بان الدنيا ماتستووي لاحد واجاهد نفسي مجاهده لكن احيانا انهار ،واظل بالاسابيع مكتئبة بدون سبب اقدر افكر فيه واجيب حل, الحمدلله ذكر الله دائما ع بالي وهذا اقوى سلاح رحت لطبيب نفسي واعطاني اندرال كانت اثارها ساعتين فقط وخلاص , ماحبيت اتعود عالدواء لانه يخليني شبه ميته مافيه اي طعم للحياة تركته وانا في جهاد مستمر احاول مايمر يوم الا اكتسب عادة جديدة , اسوي تمارين , مااترك للشيطان مجال يدخل اذا ماعندي شغل اردد المعوذات قد مااقدر والحمدلله على كل حال حلمت حلم وفسرته قال تحصين قوي والله اني ماازيد على اية الكرسي والمعوذات رغم الصعوبه لاني احس احيانا فكي مربوط مااقدر اتكلم بس اقرأها بقلبي وبتدبر ًً، قرأت قصصكم كلكم واستودع الله الم كل شخص فيكم ان يشفيه ويعافيه وان يعطيه حتى يرضيه ويكتب لكم الفردوس لما صبرتوا

ربي يشفي الجميع

ان مع العسر يسرا

الله يحيك اخوي قارب حياة وان شاء الله قدامك العافية

اختي بنت الظبي والله الادوية محيرة صراحة لكن الرقية كنت اتمنى تواصلين فيها ما حد يعلم هل هي عين او لا

محمد قطعت عن الرقيه من فتره

ان شاء الله اقدر ارجع ارقي نفسي حتى لو بالفاتحه

حسبي الله ونعم الوكيل