ااااه ربي يعين ياشيخه المفروض المستشفى ماله دخل بالزواج بس يطلع نتايج التحاليل
واذا كانو سليمين الحمدلله واذا كان واحد منهم فيه شي يبغلون الطرفين اذا موافقين. او لا
زي لما يعملو التحاليل بين طرفين سعوديين مايتدخلو بالتحاليل
بس ايش تقولين حسبي الله ونعم الوكيل

حبيبتي مافي شي صعب وكله بيد الله وربنا يسهلها من عنده
يكفي انك متفاءلة خير

ربي يرضى عليكم ويجمعكم على خير ويرزقكم الذرية الصالحة

امييين حبيبتي سقيا عادي اعطي خطيبي رقمك وانا اتواصل معاك
اتصلت على رقمك ماتردين

او حطي رقم اخوكي دام خطيبتة نفس الشي وهم يتفاهمو مع بعض
انا مو فاهمه شي ترا كل شي سوواه خطيبي اللي اعرفه ان المستشفى
ماببعطينا تقاريرنا تبع التوافق اللي راح نحتاجها بالمحكمه فانا اقول تتواصلو معاه افضل

امارة مكة
وانتي ؟؟

حتى انا معاملتي صار لها شهر وعليها في الامارة
وفي ادارة الحقوق الخاصة هذا ثالث اسبوع
الله ييسرها علينا جميعا
بس انتي من فين ؟؟

الله يفرجها عليكي

ان شاء الله تتيسر

ي قلبببيه
زيك برضو امارة مكة شكلهم مقعدينها
الله يسهلها يارب

اخيرا لقيت وحدة نفس وضعي
اامين يارب الله يسهلها عالجممميع

انتي اي امارة ؟

السلام عليكم
ليا فترة اتابعكم وحبيت اشرككم نفس موضوعكم
والله معناه واجرأت متعبة بس الحمدلله يارب يرزقنا ويزقكم على قد ماتتمنو واكتر
انا وخطيبي قدمنا اورقنا للشرطة من شهر محرم 1435 دي السنة يعني ومن تحاليل لي جنائيات وشرطة تقريبا اعطونا شهر ونص تحاليل وكل شويا نتصلبهم يقولو العينة ماعملنها تعالو اسحبو تاني انواع المرمطة الحمدلله بس وفي نهاية طلعت ورحنا الشرطة على شهر 3 اعطونا رقم معاملة في الامارة وتابعنها واخدت اسبوعين تقريبا وفي شهر اللي فات اللي هوا 4 اتحولت للداخلية ولها دحين 3 اسابيع تقريبا
ادعولي انو موضوعنا يمشي وتتطلع الموافقة ياااارب ، واي سؤال انا حاضرة

وعليكم السلام ورحمة الله وبركاته
هلا بك جوجو مكه ماشاء الله ربي ان شاء الله يسهلها لك وتطلع موافقه يااااااااااارب
احنا يوم سوينا تحليل قالت لي 10 ايام وتطلع حتى قالتها لي بدون نفس كاني باخذ منها شي حسبي الله عليهم تعاملهم زفت
وجلسنا ننتظر وخطيبي رايح جاي كل شوي يقولوا زحمه وومره يقولوا عندنا نقص بالمحاليل وربك يعين طلعووها وللاسف انصدمنا بالنتيجه
لان خطيبي ماكان يعرف انه معاه هالمرض من قبل مع انه مسوي تحاليل قبل فتره وطلع سليم يلا بس الحمدلله على كل حال
الله ييسرها لكل مسلم ومسلمه

الحمدالله على كل حال
انتي ب امارة مكة صح بسألك ليش راحت معاملتك للداخلية ؟
ومعاملتك مرت في ادارة الحقوق الخاصة في الامارة او لا ؟ وكم قعدت
اللله يسهلها عليكي وتكون هذي اخر مرحلة ويفرحكم يارب

من جد معاناة….
من كثر ما اقرا عن معاناتكم صايرة افكر اني اصرف نظر عن الموضوع … من النرمطه والبهدلة اللي قاعدة تصير للبنات وهذا كله عشان تبغى تتزوج
صرت احس كاننا عاملين جريمة مش زواج … الله يعين يا رب ويسهل امور الجميع

لااااا ابدا لاتصرفي النظر ماتدرين وين الخير فيه مو شرط اللي صار لنا يصير لك الموضوع توافيق بيد ربي
لاتتنازلي عن حقك بالستر والحلال عشان قوانين مانزل الله بها من سلطان ولا هي من الشرع ولا من الدين
توكلي على ربك بس اذا شفتي نفسك مو مرتاحه له او انك مو قادره تتحملي وتصبري خلاص بكيفك
بس انا اقولك لاتخلينهم على كيفهم يختارون لنا مين نتزوج ومين مانتزوج من حقنا نتزوج ونختار شريك حياتنا ماسوينا غلط ولاجريمه

والله نفس الحالة وخطيبي من جدة مسكين كل شويا طالع نازل بس الحمدلله عدت والله يعدي باقي الامور كلها يارب على خير

إمارة مكة .

ايوا امارة مكة لا راحت الامارة بس جلست اسبوعين تقريبا
الله امين حبيبتي يسهلكم ياارب كلكم

ايوا والله شي يخليكي تفكري كتير انو تبطلي بس الحمدلله على كل حال

طيب معليش ممكن تقولي لي ايش المراحل اللي مرت فيها المعاملة
وكم اخذت وقت في كل مرة
وتحولت للداخلية او لا ؟

الحمدلله على كل حال ياشيخه على الاقل انتي خلاص هانت بس مساله وقت ان شاء الله ويبلغونك بالموافقه ان شااء الله
لكن انا لسى لازم نحل مشكله التحاليل دي مدرى متى بتنحل واذا حليناها اخاف يطلعون لنا مشكله تانيه لكن ربي معانا ومايضيع حق وراه مطالب
ولكل مجتهد نصيب واللي يبي الحلال والستر ربي بيوفقه باذنه تعالى ومهما سوينا ماراح نتزوج الا باليوم اللي ربي كتبه لنا بس الواحد يعمل بالاسباب ويحاول

تقريبا انا كتبت كل شي بس ح اقولك بالتفصيل
يوم 15 محرم قدمنا اوراقنا للشرطة و اعطونا ورقة تحليل وورقة تعريف عمدة وورقة للجنائيات بنسبة لخطيبي
وطلعت نتيجة التحاليل في شهر 3 يوم 6 ورحنا الشرطة واخدنا نتجية التحاليل طبعا عشان ناخد بس نتايج التحاليل ونكمل اوراقنا وترسل للامارة اخدنا 3 اسابيع عشان وقتها الشرطة بتنقل ويوم 28 اعطونا رقم في الامارة ويوم 24شهر 4 اتحولت للداخلية وجالسين نتستنى متى يرسلوها للامارة وتطلع الموافقة باذن الله ادعولنا ربي يسهلها علينا

شوفي ياعسل انا خطيبي سوا كل شي في جده
وانا من خارج جدة .
قدم في المحافظة بعد يومين تحولت للشرطة
سوينا التحاليل في جدة سوا وبعدين كمل أوراقه في الشرطة
شرطة جدة رسلت المعاملة على شرطة منطقتي رحت وقعت
ورجعت لشرطة جدة ومنها تحولت للإمارة " في الشرطة أخذت
تقريباً شهرين " في امارة مكة قعدت 20 يوم في الحقوق الخاصة
واحيلت للوكالة المساعدة للحقوق وجلست 20 يوم
وتحولت قبل اسبوع لمكتب الوكيل " حالياً "
وماراحت للدلخلية لانه من مواليد السعودية .

ماشاء الله جوجو مكه وفاطمه تقريبا انتي قطعتوا نص المشوار وباقي لكم بس شوويه صبر الين مايبلغونكم بالموافقه باذن الله
والله يعينكم ويصبركم وان شاء الله تبشرونا خلال هالاسبوع بالموافقه الله يفرجها عليكم

اللهم امين يااااارب
وانتي طمننا ان شاء الله طلعت الموافقة معليش ماتبعتكم كم اول

لا لسى حبيبتي احنا معاملتنا موقفه عند المستشفى مو راضين يعطونا التقارير تبعنا عشان خطيبي معاها انيميا الفول
يبغو يرسلوا للشرطه اننا مو متوافقين طبيا حسبي الله ونعم الوكيل
لكن ان شاء الله نلاقي حل ونروح للشرطه نكمل الباقي

تقريبا انتي زيي مريت في كل هالاشياء
والحين المعاملة في الحقوق الخاصة
الله يسهلها يارب
شكرا لك اختي طمنتيني وان شاء الله هانت وتطلع موافقتك قريب

يااااارب يسهلكم هيا ويكتبلكم اللي فيه الخير

حبيت اقتبس هالرد للي معاملتهم في جده او مكه يمكن تستفيدو منه

امييييييييييييييييين حبيبتي الله يحلها ويفرجها من عنده ولايحوجنا لظالم
والله يوفقك انتي كمان

انفالة انتي كم عمرك ؟؟

عمري 24
وانتي ؟

بنات فهموني انتم تقارير التحاليل تستلمونها من المستشفى وتكلمو الباقي بالشرطه
والا المستشفى يرسلها للشرطه وتروحو تستلمونها من هناك ؟
لان اوراقنا التحاليل تبعنا قالوا المستشفى انهم ارسلوها للشرطه عشان خطيبي معاه انيميا
حسبي الله عليهم والله قلبي صاريعورني من هالموضوع
معاملتنا مصيرها تنحفظ لاحول ولاقوة الا بالله

التحاليل خطيبي استلمها من المستشفى وداها للشرطة
ي قلبي لاتفقدي الامل الله كريم وبيفرجها عليكم ان شاء الله
حاولو مع المستشفى او شوفو غيره
الله يسهلها لكي يارب ماتدري يمكن خيرة

تسلمين حبيبتي احساس صعب لما تحسي انك لحالك وماحد يساندك
ويد لوحدها ماتصفق للاسف ماحد واقف معي من اهلي قالوا لي مالنا صلاح
وانتي تتحملي قرارك وماحد متعاون معاي ومع خطيبي ماعرف كيف نتصرف
كلنا نفسيتنا تعبانه بس انا اقوى نفسي واقول اني ماني بحاجه لاحد لان ربي عارف
اننا نسعى للستر والحلال واننا مظلومين وضحايا لمجتمع عنصري وقوانين ظالمه
ربي قال يسرو ولاتعسرو لكن ماقول غير حسبي الله ونعم الوكيل
انا تقدمو لي سعوديين قبل كذا بس كلهم طلعو كذابين بكلامهم
ماشفت احد افضل واحسن من خطيبي هذا ماشاء الله راعي دين واخلاق وادب
وحتى اهله ماشاء الله طيبين لكن ايش اقول الحمدلله على كل حال
ورلي حرام اللي يصير ليش يعاقبونا عشان بنتزوج يعاقبونا عشان ربي رزقنا برجل غير سعودي
ايش ذنبا طيب ربي كاتب لنا يجينا اجنبي ليش العقاب القاسي هذا
ااااه بس يارب انصرنا احنا مظلوماااااات ومانبي الا الستر والعفاف والحياه الكريمه
المستشفى رافض حبيبتي يعطونا التحاليل وياليت ينفع نروح مستشفى ثاني كل من اول حلينا المشكله
بس الشرطه ماتقبل الا من هذا المستشفى والتحاليل قالوا لنا حولناها للشرطه مدري صادقين والا يصرفو خطيبي
اللع لايوفقهم يارب وحسبي الله عليهم بدل مايكسبو اجر جمع طرفين بالحلال
راح يتعاقبو على منع اثنين يبون الحلال والستر

الله يكون في عونك اختي … وباذن الله تتيسر الامور من عند رب العالمين

مشكلة لما المجتمع يكون واقف ضدك والاصعب موقف الاهل والناس المقربة منك


وخصوصا في شي ما انزل الله به من سلطان في موضوع العنصرية والجنسية …. لكن الله يسهل لك الخير

كل شئ يجري بقضاء وقدر
 

الحمد لله والصلاة والسلام على رسول الله وبعد ،

بداية لا بد أن نعرف ان الله عز وجل قدر المقادير قبل أن يخلق السماوات والأرض بخمسين ألف سنة وأن الرزق كذلك مكتوب وأن الانسان مكتوب له الرزق والشقاء والسعادة ومن الرزق ( الزواج )
ومع هذه العراقيل أشعر أنه مع السعي ان شاء الله عز وجل تتسهل الصعاب ومع الاستغفار والسعي لن يخيب تعب أحد ، وأبشر من تكدر خاطره مثلي بقول النبي صل الله عليه وسلم : اللهم ممن ولي
من أمر أمتي أمرا فشق عليهم فأشقق عيه ومن ولي من أمر أمتي أمرا فرفق بهم فأرفق به .

فالموظفة التي بيدها كانت تنهي المعاملة عندها عنصرية كبيرة وغظاظة شديدة ، والله اني لادعو عليها ليل نهار في أوقات الاستجابة ، وحاولت مع مديرها فكان أسوأ منها معاملة وكأنه منزل من كوكب
والمقبلين على الزواج من كوكب آخر ، والعنصرية واضحة جدا في التعامل ولا أقول الا ( حسبي الله ونعم الوكيل ) فهم يحرموننا من العفة بالحلال بأشياء لا تضر أبدا لا الزوج ولا الزوجة ولا حتى الذرية
والعجيب أنه هل ضمنا أن الله عز وجل يرزقنا ذرية ؟ يقول الله : يهب لمن يشاء اناثا ويهب لمن يشاء الذكور او يزوجهم ذكرانا واناثا ويجعل من يشاء عقيما .. الايات .

ولا أدري لماذا العراقيل حين يكون الطرقان موافين على الشئ ( المرض - الذي هو ليس مرض ) فلما نعقد الأمور ؟!

على كل حال اسأل الله أن يفرج همي وهم خطيبتي وكل مهموم ويفرج كروبات المسلمين .ki8ds4

آآآآآآآآآآآآآآآآآآآآآآآآآآآآآآآآآآآآآه ياشيخه شككوني اني قاعده اسوي الحراام
شككورني ان خطيبي من كوكب اخر وان مرضه خطييير مررره
الموضوع سهل جدا جدا جدا كل اللي نبيه تحاليلنا تسلم لنا عشان نكمل نبغى التحليل ايش مايكون فيه حتى لو فيه مليون مرض نبيه
شي يخصنا هذا ليش يمنعونا منه الله ينتقم لي من كل مسؤوول ومسؤووله تشتغل في هذا المستشفى وربي ماراح اسامحهم يوم الدين
حسبي الله عليهم ونعم الوكيل هم بكدا يشاركو في الظلم والظلم ظلمات يوم القيامه ابفهم هم مايخافون ربي مايخافون عقابه كيف يشاركون في الاثم هذا
ليش تحاليل الاجنبي غير عن السعودي ليش ؟ ليش يعاقبونا بشي ربي كتبه لنا رزق وربي اعطانا اياه ليش يمنعونا منه حسبي الله عليهم
لكن معليه كللللللللللله باجره وكل واحد تسبب في عرقله اي معامله راح ياخذ جزاه يوم الدين وقتها ماراح ينفعه لاقانون ولانظام
الله يمهل ولايهمل
ياااارب احنا طالبين الحلال ياارب انتقم لنا منهم باسرع وقت وعاجلا غير اجل يااارب يااكريم احنا مظلومات وانت العالم بنا اننا ماطلبنا الا الحلال
ياريت ابونا ابو متعب يسمع نداءانا ويغلي القرارت اللي مالها داعي انا ماني جد اجرائاتهم من حقهم يحمونا وكل واحد وله سياسته
بس فيه اجراءات مالها داعي ابدا ابدا ابدا
اذا ربي كتب لنا نتزوج اجنبي ليش هم كذا اااه بس مين يسمعنا غير ربي ماابي غير انه يقويني وينصرني وينصر كل وحده مظلومه

انت تكلم ميييييييين ؟؟ ناس مات الخوف من ربي في قلوبهم فعاقبهم الله بقسوة قلوبهم
انا الموظفه قالت لخطيبي ابعد هذا القانون والنظام كذا يلا بعد لاااطلب الامن دحين
في حين انها تضحك مع هذا وتمزح مع هذا واقسم بربي اني اسمع ضحكاتهم تعلو في قسم الرجال
وتكلمهم كانهم اخوانها بدون حياء منها ولاخجل فايش ارتجي من وحده مثل كذا ؟؟
ولما راح خطيبي للمدير قال له ايش تبي خلاص راحت عليك مالك نصيب نعــــــم!! مين هو عشان يقرر له نصيب والا لا ؟
ليكون ولي امر وانا مدري والا هو ربي استغفر الله بس
حسبي الله ونعم الوكيل فيهم واحد واحد الله يعجل بهلاكهم قريبا ربي يعسر امورهم ويقفلها بوجههم زي ماقفلوها بوجهنا
الله كبيييييير وفوووق ومطلع وباذن الله نتزوج غصب عنهم رضو والا مارضو
انا ماعمري وجعني قلبي ونفسيتي تدمرت زي ماهي متدمره دحين لكن الله كرييييم مالنا غيره نرتجيه ياخذ حقنا منهم يارررررررب