![]() |
اقتباس:
|
السلام عليكم ورحمة الله وبركاته
كيفكم بناات هاااه بشرو ماصدرت موافقه لاي وحده فيكم؟؟ نبي نسمع اخبار حلوووه بعد الاحباط اللي جانا انا جالسه انتظر بس ماني عارفه ايش انتظر الله المستعان بس |
اقتباس:
وعليكم السلام والرحمة.. وعسى ربي يسمعنا اخبار الجميع الحلوة ويسهل امرك بس الغريب ان اللي جاتهم الموافقه فين اختفوا.. مالهم حس وخبر l,uiture67 |
هلا الطيير المهاجر ممكن نتواصل بس كيف؟؟
يارب يسهل ويعجل معاملات الزواج ونحصل الموافقة قبل رمضان يارب |
اقتباس:
|
السلام عليكم كيفكم؟؟
مين عنده خبره كيف نقدر نجيب استثناء من وزير الداخليه ؟؟ |
السلام عليكم ورحمة الله وبركاته .
يسعد صباحكم . اليوم شيكت على معاملتي وأحيلت إلى الإدارة العامة للحقوق الخاصة بإجراء: عرضت توقيع الأمير . وربنا ييسر لي ولكم . |
ياجماعة اللي حاب يستفسر عن طريق الجوال :
ارسلوا رقم المعاملة إلى الرقم 7111 بس لازم يكون الخط الاتصالات السعودية يجيك مسج يوضحلك في اي ادارة وفي اي تاريخ احيلت لها . |
اقتباس:
الله يسير الامور يارب هذي الاخبار الحلوه عقبال ما تفرحينا بخبر الموافقه يارب |
اقتباس:
هذا الرقم لمعاملات الامارة او الداخليه؟؟ الرياض او جده او مافي فرق |
اقتباس:
ماشاء الله مبروووووووووووووك معناة هذي موافقه ان شاء الله آآآآآآآآآآآآآآآآآآآآآآآه متى يجي هاليوم عندي لسى مشواري طوييييل ومعقد الله يفرجها يارب حسبي الله على من كان السبب في حزني وحرقه القلب اللي اعيشها هالايام الله لايسامحهم يارب |
ماحد رد علي كيف اجيب استثنااااء من وزير الداخليه ؟؟
|
والله ما اعرف حبيبتي ان شاء الله البنات بيفيدونك
|
اقتباس:
فاطمه حاولت يطلع لي تعذر الارسال مع ان جوالي اتصالات انتي معاملتك كم لها وواجهتك مشاكل والا لا؟ |
صباح الخير .
الله يوفق الجميع ويارب نفرح بالجميع . بالنسبة للرقم فهو للمعاملات اللي داخل الإمارة . وأنا في إمارة مكة . |
السلام عليكم انا معاملتي في امارة مكه وامس صدرت الى محافظة الطائف مع العلم انهم قالوا لي خلاص راح نحولها للمحكمة بعدتوقيع الوكيل.. وبعدها كلمت واحد أعرفه يقول الوكيل شطب على كل المعاملات...معقولة يا ناس والله ان حالتي حالة ما اكلت شي من يوم ما قال لي
|
ابو ووسام لاتسمع للقيل والقال روح استفسر بنفسك واتاكد وان شاء الله خير
صراحه اماره مكه احسهم معقدييييين ونايمين على المعاملات ربي يعيننا ويصبرنا |
توفر هذه الخدمة رقماً خاصاً (71111) يسمح للمستفيد بالحصول على المعلومات عبر رسالة جوال قصيرة بحيث تستجيب أنظمة المعلومات بالإمارة بإرسال الرد إلى جوال المرسل.
وتنقسم الخدمة إلى قسمين، أحدهما خاص بالمعاملات حيث يمكن إرسال رقم المعاملة بالجوال لمعرفة حالة المعاملة في نفس الوقت، أو التعقيب عليها. والقسم الثاني خاص بموظفي الإمارة حيث يمكنهم معرفة رصيد الإجازات والراتب وكذلك معدل الغياب والتأخير المسجل عليهم. القسم الأول: وينقسم إلى:- - الإستعلام عن المعاملات - للإستعلام عن حالة المعاملة يجب أن تقوم بإرسال رقم قيد المعاملة والمكون من 11 رقماً فقط (دون أي إضافات) على شكل رسالة من هاتفك الجوال إلى رقم 71111 - تأكد من أن رقم القيد هو الرقم المبين على مذكرة المعاملة التي لديك وليس رقم الصادر أو خطاب الوارد من جهة أخري - التعقيب عن المعاملات يمكنك التعقيب على المعاملة عن طريق إرسال رقم قيد المعاملة متبوعا بعبارة تعقيب القسم الثاني: وينقسم إلى:- - طلب بيان رصيد الإجازات - أرسل عبارة (أجازة )،أو الرمز v على شكل رسالة قصيرة من هاتفك الجوال المسجل في سجلك بالحاسب الآلي إلى رقم 71111 وستـصلك رسالة تبين لك رصيد إجازاتك. - طلب بيان الراتب - أرسل عبارة( راتب ) ،أو الرمز s على شكل رسالة قصيرة من هاتفك الجوال المسجل فيسجلك بالحاسب الآلي إلى رقم 71111 وستـصلك رسالة تبين لك راتبك الحالي. - طلب بيان الدوام السنوي - أرسل عبارة( دوام) ،أو الرمز A على شكل رسالة قصيرة من هاتفك الجوال المسجل في سجلك بالحاسب الآلي إلى رقم 71111 وستـصلك رسالة تبين لك اجمالي دوامك. - طلب بيان العهد والسيارات - أرسل عبارة( عهد) ،أو الرمز c على شكل رسالة قصيرة من هاتفك الجوال المسجل في سجلك بالحاسب الآلي إلى رقم 71111 وستـصلك رسالة تبين العهد الخاصة بك. |
دا الرقم يابنات الله يسهلنا امورنا
|
اقتباس:
الله ييسر لك يا رب و قريب نسمع الاخبار الطيبة |
اقتباس:
كتر من الاستغفر والصلاة على النبي صلى الله علية وسلم والله يفرج همك وهم كل مسلم ياكريم |
اقتباس:
طيب ايش السبب الي يخليه يشطبها كلها هوا بكيفه مثلا ؟؟ روح راجع وشوف ايش السبب انا كمان معقديني حسبي الله عليهم اكثر من 3 اسابيع في ادارة الحقوق الخاصة ما اتحركت مدري ايش يسوو فيها انت قد ايش جلست معاملتك في الامارة ؟؟ |
انا كمان لي تقريبا اسبوعين او شهر قالوا لنا المستشفى بيحولون التقارير للشرطه
والشرطه تقول بنرسلها للمحافظه والين دحين مدرى وين راحت التقارير وهي دحين فين !! حتى لما ارسلت للرقم يقول لم يتم العثور على نتيجة الله يصبرنا ويعيننا احس انه فيه قرار يمنع الزواج من الاجانب عشان كذا حطو هالقوانين وعقدوها واللي توقفت معاملته بدون سبب كانهم يقولون لنا مافيه زواج من اجنبي لاحول ولاقوة الا بالله |
انا رجعت لكم من جديد اخواتي حبيباتي ترددت كثير انه اقول هالكلام لانو يمكن رح يزعل بعض البنات مني بس ماراح الومهم لانه صعب مره عليهم وانا حاسه فيهم
بس ابراء للذمه راح اقوله بصراحه يابنات اقولها لكم اللي من بدايه موضوعها فيه مشاكل انصحها لاتكمل وتنسى كل شي لانو ماراح تستفيد شي بالنهايه الا التعب والمرمطه واخرتها تنرفض معاملتها لانو اللي عرفته ومن خبرتي قبلكم عرفت انه اللي من الاول فيه مشاكل واقصد من بدايه التحليل معاملتها مرفرضه لو ايش ماسوت واللي تحاليلها سليمه تكمل واحتمال تنرفض بس فيه أمل انه تقبل ... معليش يابنات بس من قهري عليكم قلت هالكلام وبريت ذمتي امام ربنا لانو هالشي عرفته وماقلته لكم اسألكم بالله ولا احد يحقد علي ولاتقولو انا متشائمه صدقوني من واقع تجربه مريره مع قوانين ظالمه وربي انا تقدملي بعده عرسان بس رفضت مابغى اتزوج خلاص تعقدت من كل شي وتعبت وتعبت نفسيتي بما فيه الكفايه بس رددو حسبي الله ونعم الوكيل وكفى |
اقتباس:
وفيه ناس تتعقد لهم بالبدايه ومع الصبر والدعاء تنفرج وتتسهل لهم يعنى بالنهايه احنا نسعى وربنا معانا قادر انه يكسر الصخر ومافيه شي صعب ومستحيل مع ربي انتي جربتي وحاولتي وربي ماكتب لك نصيب معاه لحكمة من ربنا ويمكن خيره لك بس مو معناه هذا انت تجربتك بتصير لنا كلنا احنا ندفع بالاسباب عارفه انه صعب الاحساس وموسهل وانا حاسه فيكي وربي انا انكسرت وخاب رجاي مو مرره ولامررتين ولاثلاث وبمواضيع ككثيره ومو بس بالزواج لكن ارجع اقوي نفسي واواسي نفسي عاد تخيلي ماحد حاس فيني ولاداري باللي بقلبي بس انا ارجع اقول فيه رب رحيم وكريم وكبير وانا مو محتاجه لاحد مو محتاجه لبشر لانهم ماراح يقدرو ينفعوني ولاراح يضروني استمد قوتي وثقتي بالله صحيح تجيني ايام اضعف وابكي بس ارجع اقوي بالله واتذكر انو فيه ناس اسوء مننا وحاله اصعب مننا وتذكري انك مو لوحدك بتعانين انتي اصبري وتفائلي وجددي ثقتكي بالله والزواج قسمة ونصيب ومهما حطو قوانين او انظمه اذا ربي امر للزواجه دي تتم بتتم غصبا عنهم فلا تشيلي هم ولاتوقفي حياتك على شخص او انسان ان شاء الله تكون اخر خيبات الامل واخر احزانك فكي عن نفسك شوفي انا في كل اموري معقده حتى معاملة زواجي عارفه انها مصيرها تنحفظ بس واثقه ان ربي رايد لي الخير وان شاء الله يكتب لي نصيب معاه سواء رضو والا مارضو باذن الله راح تنفرج واتزوج وتتزوج كل وحده تبي الستر والحلال احنا يحكمنا شرع ودين واسلام ماتحكمنا قوانين وانظمه وعندنا رب عالم بنا وباحوالنا وقادر ينصف اي محرومه حبيبي لاتضايقي نفسك واعتذر للاطاله صدقني حسيت فيكي يوم قلتي تعقدت من الزواج لاني نفس حالتك احس انى ابتعقد لو ماتزوجت هذا الشخص بالذات بس ايماني بالله ماراح اياس ولاراح اسكت وراح اصبر الين مايكتب لي ربي نصيب معاه l,uiture67 |
نبغى تفائل وأمل ارجوكم نحنا مو في حاجة للحزن والإحباط
عبارة دافئہ جدًا ؛ لا تحزنوا .. " فإن اللہ معنا " اللهم لآ تجعلنا بحاجہ لِغيرك وانت اقربُ الينا منّ حبل الوريّد .. صباااحكم رضااا من رب رحيم :) |
اقتباس:
|
اقتباس:
|
اقتباس:
واذا عديتها وهنا سارت المشكلة خلي الطرف السعودي يتصل ويستفسر ويالليت يذهب لمقرهم عشان تفهمو ايش هيا الاسباب لانو اللي اسمعو الشرطة او الداخلية هيا اللي تعرقل الموضوع دا اما باقي الجهات فقط روتينيه والله اعلم ولا تنسى تكتر من الاسغفار والصلاة على النيي اللهم فرج همك وهمي وهم كل مسلم امين |
مساء الخير على الجميع .
اليوم أحيلت معاملتي إلى الوكالة المساعدة للحقوق باجراء: للتأشير . الحمدلله المعاملة هالأسبوع تحركت مرتين . فلا تيأسوا ياجماعة . انا معاملتي لها 3 شهور في الإمارة الصبر والاستغفار والدعاء . وأي سؤال أنا تحت أمركم . الله يكتبلنا الخير . |
اقتباس:
ماشاء الله الحمدلله يارب يسهلك باقي الإجرات بس حبيت اسئلك دحين هيا في الامارة ايش الخطوة اللي كانت قبلها وهل دي الخطوة الاخيرة ؟ ايوا والله لا تيأسو الله يجازيكي خير حبيبتي |
اقتباس:
اللهم آمين الجميع يارب . قبل الإمارة المحافظة . الامارة آخر خطوة بعدها تتحول للمحكمة عشان موعد العقد " اذا كان الخطيب من مواليد السعودية " |
اقتباس:
انا ليا صاحبه كمان اخدت اجنبي بس كان من البدايه معاملتهم ماشيه ومافي اي مشاكل واقصد التحليل كان سلييييم وماشاء الله عليها مشيت وتم الزواج ،، وانا عارفه انو الحياة مابتتوقف على شخص هو مجرد نصيب وقدر .. شوفي انتي قلتي بنفسك انو راح تتعقدي وانا هدا اللي اقصده من كلامي انو مابغى احد يتعقد كل الحكايه انو ابغاكم تتهيئو نفسيا وتستعدو للاسوء اتمنى فهمتوني بنات والله يخليكم لاتزعلو مني |
اقتباس:
اخبار حلوه… الله يسهل لك وللبقية يا رب |
اقتباس:
حنقدم استرحام واذا مانفع نقدم على استثناء وان شاء الله كل شوي بنجرب حل الا وحده من الحلول راح تزبط ان شاء الله اذا لي نصيب معاه ماحد بيمنعني عنه واذا ماتم نصيب راح ارضي باللي ربي كتبه لي طبعا اكيد بتاثر وبزعل بس مع الزمن راح انسى وارجع زي ماكنت ان شاء الله انا عندي استعداد اني اصبر وانتظر حتى لو جلست 5 سنين بحاول املي بالله ماراح يخيب ان شاء الله لاني مطمنه بالي ان صبرنا وتحملنا له اجر فيه احد يكره الاجر من ربي ؟؟ l,uiture67 |
الموضوع صعب لكن مو مستحيل
والله معاكم ولما تدعو الله كونو بيقين انه وحده القادر على تصريف الأمر اللي ماعندها مشكلة مع التحاليل العقد الثانية سهل فكها وانا الحمدلله من اللي جاتهم الموافقة وما اوافق الاخت اللي تقول لو طلعلك مشكلة بطلي انا طلعتلي مشاكل كثير ولكاعة وتاخير ولعب وضياع اوراق والحمدلله بعد صبر طويل تم عقد القران ان الله مع الصابرين وبخصوص الاهل والكلام اللي بيقولوه عن الاجنبي طنشوه وارمو ورا ظهركم لما يتم الزواج وتخرجي من بيت اهلك لبيتك وقتها بتعيشي الحياة اللي انتي اخترتيها وكل نفس بما كسبت رهينة |
صباح الخير
الله يخترلنا الطيب يارب مع صباح يوم الجمعة المباركة والله صحيح لكل مجتهد نصيب وعلى قد ثقتك بالله وجهدك ربنا ح يعطيكي وابدا لا يخيب ضنكم بالله سبحانه بس اكتر شي يابنات اللي متعبني كلام اهلي اكتر من بطى المعاملة وتأخيرها الله ادينا الصبر بس سرت احس اني وحيدة ونفستي بدأت تتعب جدا :( ادعولي الله يفرج همكم وهمي وهم كل مسلم |
صح لسانك اصداف مافيه شي صعب على ربي وعشان كذا انا مرتاحه
جوجو مكه معليش حطي اذن من طين واذن من عجين هذي حياتك لاتخلي احد يتدخل فيها هم ماراح ينفعونك بالكلام ولا راح يضرونك صحيح انك تحسي انك وحيده وماحد واقف معاكي بس انتي واحنا معانا اللي اكبر منهم وارحم منهم اللي هو ربي فيه احسن من كذا؟ وانا وافقت ورضيت بالزواج هذا مو والله عشان اعاندهم لا الزواج عمره ماجاء بالعناد والا انك تهربي من واقعك الي عيشاه لواقع افضل لانك ماراخ تضمنين حياتك ايش بتكون انا وافقت ورضيت فيه لانه توفرت فيه الصفات الي ذكرها رسولنا اللي هي الدين والخلق والحمدلله هذايكفيني ابدا ماتوقعت يجي يوم وارتبط بجنسيه غير جنسيتي وماتوقعت يجيني شخس بهالصفات فيارب لك الحمد والله يجمعني ويجمعكم مع عرسانكم عاجلا غير اجل ويوفقكم جوجو احيانا الاهل يتكلمو على بالهم انهم اعرف منك بمصلحتك وكمان خايفين علينا نتبهذل لكن بعد مايشوفونك مبسوطه معاه ان شاء الله تتغير فكرتهم عنه. ويرتاحون انا الحمدلله ماصارو يتكلمو بس مطنششششين مرره موضوعي ولايسالوا حتى ههههههه بس انا صابره وراضيه وانتظر فرج ومعجزه من الله انه يتمم زواجي على خير ويشيل العائق |
اقتباس:
كم يوم تجلس في الوكالة المساعدة؟ وايش الخطوة اللي بعدها؟ وهل للتأشير يعني التاشيرة لقدوم الخاطب من الخارج؟؟ وشاكر لكم حسن تعاونكم |
اقتباس:
انو اهم شي التحليل لو طلع سليم الاشياء التانيه تزبط واللي من بدايه التحليل عندها مشاكل تختصر الوقت وتنسى لانو مافي فايده وربي اتكلم من تجربتي هم اهم حاجه عندهم التحاليل لو مزبوطه الحمدلله يمكن يمشوكي بالاشياء التانيه ولو فيها مشاكل زي اللي طلعلي انا وخطيبي السابق مهما تعبنا وتبهدلنا مصيرها الرفض وانتي بنفسك قلتيها اللي تحاليلها كويسه الاشياء التانيه تهون ،،، انا مابقول كدا عشان احبطكم لا وربي انتو اجتهدو بس نصيحه من اخت اذا طولت المعامله اكتر من سنه خلااص اتركوها وربنا بيعوضكم باللي احسن لانو حرام تستنى الوحده خمس سنين والا سته واخرتها تنرفض وبنفس الوقت يمكن بهالخمس سنين انتظار يجيها نصيبها والله يابنات اهم ماعلى الوحده نفسيتها انا بذلت واجتهدت وتعبت وكلو لحالي واخرتها اترفضت وانا جوني خطاب بهالفتره اللي جلسنا ننتظرهم يوافقو بس كنت مخطوبه وقتها وبالنهايه كل شي قسمه ونصيب وربنا يريح بالكم |
الساعة الآن 06:32 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا