![]() |
مرحبا بكم
انا مزاجي نازل وما احب النرفزه اللي فيني اريد اتغير واكون كوووول تصير لي مواقف برع البيت وانقهر منها كيف اصير هاديه ؟! |
متل شو ها المواقف يا بنت الظبي ؟
|
اقتباس:
اراح احطها في الخزنة باس خايف يذبل الورد يا راعي الورد جعلك حياتكم كلها ورود وسعادة |
بنت الظبي هذا حال الكثيرين عصبية زائدة وقلق وقولون ما حد مرتاح
|
اليوم قمت الصبح الساعة 6 عشان الدكتور لازم ارجع بدري
وصلت سبع على باب العيادة وافتش في ثوبي وفي السيارة ههههههههههههه المحفظة والفلوس كلها في البيت المشوار من البيت للعيادة ساعة كاملة يعني لو برجع للبيت انسى اني ارجع للعيادة والله قمة القهر وافتش في درج السيارة واحصل 400 ريال حسيت انها مليون ريال رحت وحجزت الموعد ودفعت الكشفية 300 ريال بعدها دقيت على اخوي قلت شوف المحفظة في الصالة جبها لي في المستشفي ورحت امشي على رجولي ادور مطعم واحصل مطعم لبناني دخلت وطلب فول لبناني وبيض مقلي وشاهي حليب وموية افطر رجعت للعيادة قلت ها وصل الدور قال تبطي عظم ما فيه الا الساعة عشر ههههه زحمة موت الناس تجي بدري من الساعة خمسة ونص وست وانت جاي سبع انتظر يا حبيبي شريت موية وركبت في السيارة وشغلت الجوال على اليوتيوب ومقاطع حتى جت الساعة تسع وادخل على العيادة قال دورك رح فوق الدور الثاني دخلت لقيت دكتورة سودانية جلست وقامت تسئل عن كل شي كم عمرك وين ساكن وكم عدد ااخوانك واخواتك وابوك وامك وانت موظف وما بقت سوال ما سئلت صراحة رهيبة ارتحت لها مرة جلسنا نسولف عن حالتي قالت لازم تعدل الجرعات وتزيد علاج وتبطل علاج وجلست تشرح لي طريقة عمل الادوية وسئلت عن كل شي كل شي في خاطري قلته لها لان كنت مرتاح معها وعطتني الوصفات قالت تبي تدخل على الدكتور سلميان زيادة اطمئنان قلت لا قال اصبر ادخل ملفك وجلسة ورجعت وقالت الدكتور شرح على الملف واضاف ادوية قلت خير قالت بتصل عليك الظهر عشان اشوف خذيت الجرعة او لا قلت ابشري وقالت اسبوع كامل اتواصل معك عل التلفون اطمئن عليك رحت الصيدلة وشريت الادوية برستيك 50 ملجم مرتين مساءا لامكتال 200 مرتين مساءا انفيجا 9 مرة مساءا فتامين دال مرة واحدة مساء وعطتني اروق للعلاج ونصائح سلوكي وغذائية وقالت لازم تتابع مقاطع العلاج السلوكي والمعرفي وعطتني نظام غذائي كامل وممارسة الرياضة ساعة في اليوم |
انتم هنا ..منورين والله
البدراني ماشاء الله شكلها دكتوره مخضرمه انت امش على نصايحها وتشوف اذا صرت امير زمانك وتفصل من يوميات المكتئبين والله يطمن بالك ردك خفف كثييير من معاناتي ظل تسلمين ياقلبي على سطورك الجميله بنت الظبي ماشاء الله نفسيتك في تحسن ملحوظ ركزي عالانبساط واصرفي انتباهك عن الانشغال بحالتك يعني حاولي ماتركزين انت مزعوجه ولا لا والله يمتعك بالصحه النفسية يااااارب |
هلا اختي قارب الحياه أي امير هههه بس ترا هي مب كبيرة في العمر لكن كل انسان يرتاح عند شخص ممكن لو احد يروح لها ما تعجبه لكن انا حسيت براحة بعض الارواح تالف بعضها من الله
اما غادر اليوميات ما اعتقد لان فيها ناس وقفو معي وكانو لي مثل الاخوان والاخوات |
اختي ... عندي أمل
مثلاً من فتره رحنا مطعم وننتظر النادل ياخذ الطلبيه، وهو شكله تعمد يتأخر فما قدرت اتحمل تصرفاته، فهذي الأمور توترني .. اذا واحد تصرفه ثقيل اكره نفسي واتضايج وأتوتر .. اذا حاولت افهّم شخص موضوع ومب راضي يقتنع القولون عندي ينتفخ .. وفي كثير ... محمد الله يعطيك العافيه بس عن جد لازم تمشي وتتعب نفسك شوي مع الرياضه وان شاء الله تترك الادويه بالتدريج ، تفاؤل وبتحصل مرادك لا تخاف يالبدراني ارسم صوره في مخيلتك انه اللي انت فيه حلم وبيروح ..... اختي قارب انا هاليومين تعبانه ومش عارفه الآيات اللي اختارها عشان ارتاح الحمدلله على كل حال ! |
ههههههههههههههههههههه وليش تزعجين نفسك يا بنت الحلال خلييه يتاخر على الطلبية , والله لا يجعل الشخص لي تفهميه المواضيع يفهم , يا اختي شوي شوي على قولونك ما حد يستااهل :p انتي احس انو عندك قلق وبس والحزن اللي تحسين به هو مزاج اكتئاب فقط مو اكتئاب او نقدر نسميه قلق اكتئابي , انتي حاولي ترجعي لوظيفتك ؟؟ او تشوفي وظيفة تانية وكماان تكوني صداقات كثيييرة مع البنااات لانو القعدة بالبيت بتجييييب المرض والطفش
|
احاول استرخي لكن مزاجي يتعكر
ومن فتره حصلت على وظيفه، داومت يوم وجتني كتمه وحسيت بخنقه قلت بلاها هالوظيفه ! مش دلع بس ماعرف الصراحه وعلى فكره صليت استخاره .. فعلاً قعدة البيت تجيب المرض ... الله المستعان . |
طيب ليش ما تجربي ادوية مضادات القلق والاكتئاب رح تنفعك لانو حالتك بسيطة يعني مجرد خنقة وبعدها رح تقدري تداومي ومع الوقت رح تتحسني كتير وتتعودي على التحسن ولما تنتهي مدة العلاج تتركي الدواء بالتدريج
|
هلا بنت الظبي اكيد المشي زين بس والله ما قدرت امارس الرياضة ابدا
ان شاء الله عن قريب اضغط علي نفسي لو نص ساعة مشي في اليوم كافيه اليوم الثاني لي من بداية العلاج الجديد واحس ان شاء الله ان النوم تحسن عندي لان سيركويل كنت كل اليوم نايم ودايخ والحمدالله الي قدرت اتركه |
اقتباس:
ماشاء الله كان يومك حلوو هههه .. أنا دكتورتي أول مستحيل تسألني عن أي شي بس تصرف لي علاج والسلام .. صراة أحسن أحس بعدين لفتني بكلامك أنها صرفتلك فيتامين دال ؟؟ وش حبوب ؟؟؟ انتبه انتبه تأخذها والله ان تزيد الامك وبس تتلوى من وجع عظامك .. لي باع طويل مع الادوية حقت فيتامين دال ماخليت شي وصلت للابر اطلبها من النت والله مارتفع الفيتامين بشكل ثابت وارتاحت نفسيتي الا بعد ربي ثم نظام د ريم العنزي .. شويتين واحط حسابها عجيييييييييييب 3 شهور وانت ناسي شي اسمه نقص فيتامين دال وكله بالغذاء بس |
الرياضة تبغى جهااااااااااااااد وحنا صراحة ماتعودنا عليها .. لكن كبداية الافضل 5 دقايق وشوي شوي نزززيد الوقت أنا كذا وساعدني هالشي استمررر .. لأن نص ساعة وربع كثير علي كمبتدئة |
بقولكم شي حلوووو واحس يومي يروح معه مررره ولما اتضايق او احزن بدون سبب بس اتفرج عليه ويروح الحزن بما ان الادوية تشتت مررره وتخلي التفكير فلله ههههه .. فاانا بعدها قررت القى حل عشان اركز اكثر واستوعب شوي .. ومعروف ان التركيز يجي بالتدريج بس لازم اسعى للحل قريت مره بالنت أن أحسن حل حتى نرفع تركيزنا بالاسترخاء الذهني .. وأفضل شيي مرره مررره مع الطيوووووور .. قلت بس يابنت لازم اشتري واجرب ومارح أخسر شي لو ماستفدت منهم اطعمهم كل يوم وهذي صدقة عني .. المهم اشتريتها وحرصت ان يكون لها تغرريد وصوت رايق .. ولاحظت ان يومي يروح معهم اسبحهم اطعمهم اشربهم انظف الشبك حقهم أحس فيه مسؤؤلية ملت وقتي غير كذا صرت وين ماروح باي مكان بالبيت اخذها معي واتفرج عليهااا .. بعد شهوور لاحظت تركيزي صار يعلى شوووي ماشاء الله وان شاء الله يزبط مرره.. والله سبحان الله والسبب لأنك لما تركز بالطير وحركته وتغريده وتحليقه وهو يأكل وهو يشرب وهو نايم بمجرد تركيزك عليه يتوقف العقل عن التفكير لانو هي ( عملية استرخاء ذهن ) أنصحكم فييييييييييييييهم شي عجيييييييييييييب الصوت لحاله فن سبحان الله |
الساعة الآن 10:15 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا