انتم يانكم صبركم ماله حدود يان انا شخصيتي ضعيفه وحده من الاثنتين ياناس المرض مايحتمل انا عندي اشياء بسويها قبل لا اموت عندي رساله بالحياة المرض سلب مني كل شي اراده الحياة الوناسه المناسبات الزواج دنيتي خربت ولت مع التسلاب انا ابي اعيش مثل مرضى سكر مرضى قلب حتى مرضى الايدز وكبد الوبائي حياتهم احسن منا ياعرب افهموني

هلا اختي

ربع مليون لكن فيها إشكاليات

بتكلم عنها بعدين

وأشكرك على النصيحه

وش اخذوا منها السلاطين و الملوك

خرجوا بالكفن

من عاش مات ... و من مات فات ... و كل ما هو آت آت

الله يشرفك و يشرف وجهك
فعلا حنا شكايه أكثر منك أنتي ما شاء الله عليك مفوضه أمرك لله

الله يزيد صبرك صبر و قوتك قوة و لا يوريك مكروه

عليك بالغطوه

و الا أقلها نقاب و الا برقع ههههههههههه

الله يعين شباب الزمن ذا رايحين فيها و خاصة عندنا و عندكم

خطة ترى اذا ما ساعدت نفسك ترى ما احد يبي يساعدك

اطلب المعونة من ربك

اللي مثلك المفروض ما يترك السجادة خصوصا في ذا الوقت اللي يتنزل فيه ربك

اطلب منه كل ما تبي

حتى لو الموت

قل : اللهم احييني ماكانت الحياة خيرا ، و توفني ما كانت الوفاة خيرا لي

دامك وصلت لذي المرحلة من الياس

و هو يبي يلطف بك سبحانه

حنا بشر ضعوف ما بيدنا غير ندعي لك

الإشكاليات :

1 تعميم من احد الشركات برقم هويتي عند احد مراكز الشرطة في العاصمة

بإيقاف جميع خدماتي ومنعي من السفر .

2 مبلغ 262 الف مطالب بها انا وشخص ( سود الله وجهه )

3 المبلغ المذكور هذا عند الشرطه ، لكن عند محامي الشركة

مسجل علي 49 الف فقط من أصل 262 الف .

الخلاصة أني مطالب بمبلغ 49 الف عند المحامي

وجميع اعترافاتي مدونه بورقه تحمل توقيعي وبصمتي

عند المحامي ، هذا من غير مكتب ايجار يطلب مني 8000 آلاف ريال

الحسبه الإجمالية راح تطلع 57 الف .

خطة

حنا ما ندري عن ظروفك الله يلطف بحالك

دام وصلت انك تضيق يوم تشوف الجنس الاخر ارق نفسك


سامحنا بالله لو قسينا عليك

انا ماياست بس كلام مضايقني حبيت اطلعه

والله ماياس لو كل ضروف ضدي

مشكورين

اسال لله ان يفرج عليك بدر و يفرج على خطة و على الجميع في هذي الليلة المباركة

اللهم امين


استودعكم الذي لا تضيع ودائعه سبحانه

كفو

انا دارية انك قدها و قدود

ربي يسعدك

ابو نجلا ادخل يوتيوب

واكتب

وش ذكرك حب خذته الليالي / دريع الهاجري

أجوائها غير

الله على الأيام وشلون سـوت
إلين خلتني مثل ماأنت شايـفــــــــ
♬♬♬
كم فاتت اللي كـان ماتنتفـوت
وأنا عليها من الشفاقة مهايـفـــــــ
♬♬♬
مانيب مقطوع الرجاء لي تغوت
ولا راجيآ غيرة ولانيب خايـفــــــــــ
♬♬♬
واللي على صكات بقعاء تقـوت
قدهي تشوف إن الثقيلة خفايفــــــــ
♬♬♬
عندي لها غير المصوت مصوت
ليا كلحت لنياب فوق الشفايـفـــــــــ
♬♬♬
تومي بها صملاتنا ليـا تنـوت
عاداتنـا مانحتـزم بالحسايـفـــــــــــــ
♬♬♬
نعرف نحل حبالها ليـا تلـوت
ونقودها قود الرسن للعسايـفــــــــــ
♬♬♬
محسن بن دواس
♬♬♬

آمين الله يجزاك خير

اهداء لعيون متفائلة
ابو نجلا
بدون خطة
بدر الهذال
سائل الراحة .. : )



https://www.youtube.com/watch?v=_rdqQ3k1Bpw