المشاركة الأصلية كتبت بواسطة تركي القيسي (المشاركة 1073967)

لحضه عاد انتي ماشالله متابعه اول باول سير معاملتي اليوم كلمتهم قالو ليه نعطيك النتيجه الاسبوع الجاي عاد متوكلين علي سبحانه

المشاركة الأصلية كتبت بواسطة لحظه تفائل (المشاركة 1073670)

سارونه اذا ممكن ايش جنسيه خطيبك ؟؟
لاتخافي حتى لو بلده فيها مشاكل باذن الله ماراح يأثر على معاملتك لان كثير تجيهم موافقات اهم شي ماتكون ممنوعه
اذا راح تاثر على معاملتك كان ممكن تلاقيها موقفه او تلاقي معاملتك محفوظه بمكان بس ماشاء الله انتي معاملتك ماشيه يعنى لاتشيلي هم
شوفي تاكدي لما معاملتك كانت بالداخليه او تحولت للداخليه كانت هذي الاوراق مرفقه:

اصل البرنت
الهوية الوطنية وسجل الاسرة للوالد
شهادة مصدقة من شهود وعمدة وشرطة انك ماتشتغلي في وظيفة حكومية او اهلية (( ربة بيت))
اقامة الخاطب
تعريف عمل مصدق من الغرفه التجاريه اذا كنتي تشتغلي
اقرار انك موافقه بالزواج منه

لان هذي الاوراق هي اللي تحتاجها الداخليه واذا نقصت ترجعها الداخليه
بس فيه عضوه هنا قالت مره انه لو الداخليه احتاجت ورقه او شي راح تبلغكم ترسلوها لهم
مع ان فيه حاله رجعوها لنقص ورقه بس الحاله دي لمقيم مو بالخارج
يعنى ان شاء الله خلااص ماراح ترجع معاملتك باذن الله

المشاركة الأصلية كتبت بواسطة ولاء مبتعثه (المشاركة 1073703)

اهلًا ساره ، انا قدمت من الاماره علطول مو من الداخليه واخدت عندهم 5 أشهر لانه كانت ورقه إثبات مسلم ناقصه . بعدها الداخليه شهرين وبعدها الخارجيه أسبوعين وبعدها السفارة وللآن مستنيه اخلص إجراءات تسجيل العقد
بالنسبه للسفارة خطيبي ما طلبوا منه يجي انا اللي رحت و أعطوني الطلبات لأَنِّي متواجدة في كندا و كمان السفارة هنا لها مكتب الأجانب يتعاملوا معاه فما يدخلوا السفارة ، طلبوا شهاده ميلاده و تحاليل و شهاده اسلام و جواز السفر و سجل الاجرامي من الشرطه
بالنسبه للعقد اتوماتيك هيروح لبلد الخاطب و اذا حبيتي يكون في السعوديه لازم تقدمي طلب بعد صدور الموافقه

بالتوفيق عزيزتي

المشاركة الأصلية كتبت بواسطة فتوصابر (المشاركة 1073711)

ما اترفضت للان بس كل شوية ترجع من الامارة للشرطة بسبب نقص ورقة لها اكتر من شهرين ونص على دا الحال

المشاركة الأصلية كتبت بواسطة فرح خالد (المشاركة 1073733)

انا اللي مخوفني ان كل هالاوراق اللي قلتي عنها ما طلبوها مني في الداخلية مع اني رحت اول شي للامارة وقالوا لي بما انه غير مقيم التقديم يكون عن طريق الداخلية في الداخلية بس طلبوا خطاب من ولي امري نسخة من بطاقة احوالي ونسخة من اثبات ولي امري ونسخة من صك الصلاق وورقة تثبت اسلام الخاطب
وهناك ولي امري وقع على اقرار الموافقة
وانا من عندي اضفت على المعاملة تعريف عمل الخاطب نسخة عن جواز سفر ونسخة عن بطاقة هويته
عشان كذا خايفة يرفضوا لنقص اوراق او اي شي
وتتوقعوا ممكن معاملتي تتحول لامارة الرياض لان المعاملة الان في الحقوق الخاصة في الداخلية ربي ييسرها ويجعلها خير يارب

المشاركة الأصلية كتبت بواسطة ولاء مبتعثه (المشاركة 1073858)

اهلًا الله ثقتي ، بالنسبه للسفارة موافقه الزواج تكون جتهم من الخارجيه بأسمك و اسم الزوج و مدتها سنه بعني في خلال سنه لازم تتزوجوا ولا تنتهي ولازم تقدموا عليها من جديد
الموافقه دي نهائيه يعني حتى لو التحاليل فيها شئ لا تؤثر بأذن الله ، طبعا طلبوا منا نعقد و نعمل التحاليل و نوفر كل الأوراق اللي طلبوها و نسلمها للسفارة لتسجل الزواج و كمان يعملوا فيزا للزوج
التحاليل لازم يكون أتعمل على الأقل من سنه أشهر أكتر من كده لازم تنعاد، و التحاليل هنا طلبوا الالتهاب الكبدي الوبائي بي و سي و الإيدز و مرض السفليس و انا من نفسي عملت الانيميا المنجليه و الثلاسيميا للاحتياط

بالنسبه لزواج الديني طبعا يطلب الامام احد يزوجك علشان كده جا اخويا الله يسعده والوالد الله يخليه للاحتياط عمل له وكاله شرعيه من المحكمة علشان يزوجني في حال طلبوها منه و الحمد لله ما طلبوها

الوكالة هادي مره كويسه في حال انه مافي احد من اهلك يقدر يروح ممكن يعملوا توكيل في المحكمة لشخص موثوق انه يزوجك و التوكيل واضح ومذكور فيه السبب

بالتوفيق عزيزتي

المشاركة الأصلية كتبت بواسطة لحظه تفائل (المشاركة 1073937)

اهلا وسهلا بالاعضاء الجدد
مرجانه
نونا
انسه ملعقه
تاليه

المشاركة الأصلية كتبت بواسطة لحظه تفائل (المشاركة 1073894)

حسب انتي مين اي اماره
وحسب مين الطرف السعودي
وحسب الطرف الاجنبي مقيم او مولود
وايش جنسيته
/QUOTE]

امارة مكة منطقة جدة
انا الطرف السعودي
وخطيبي يمني مولود هنا

المشاركة الأصلية كتبت بواسطة هيندا (المشاركة 1073964)

هلا اخت ولاء مبتعثه الله يسعدك يارب بالنسبة للتقديم هقدم باسم جوازه لان بالأول انا فهمت فقط يطلبوا جوازه ، فعرفت منك الان انه بالاخير بالسفاره هيطلبوا الهوية أيضاً ، هم عندهم ببلدهم قانوني اذا كان يختلف الاسم الجواز عن الهويه لأن الهوية نفس اسمه بالجواز ولكن الكنيه تختلف تحت اسم جده وكنيه جده فقط بالهويه، ارجو افادتك اخت ولاء؟
تحياتي. .

المشاركة الأصلية كتبت بواسطة ساره-محمد (المشاركة 1073980)

خطيبي ليبي
للاسف هالاوراق ما كانت موجودة بالنسبة لاقامة الخاطب ما عندي لانه غير مقيم
الي اعطيته الداخلية الهوية وكرت العائلة خطاب بموافقتي وموافقة ولي امري صك الطلاق جواز خطيبي
ربي يسعدك ويرضى عليك ما تتخيلي قد كيف كلامكم يريحني ويرفع معنوياتي
ويارب تتيسر معاملاتنا كلنا


ما شاء الله تبارك الرحمن
الله يوفقك ويسهل كل امورك
يعني معاملتك ما راحت للشرطة
على كذا الي فهمته ان معاملتي تروح للشرطة لاني داخل المملكة وكمان زي ما قلت للحظة كانت في اوراق مو متوفرة عندي
زي البرنت وورقة العمدة لانه هالاوراق جبتها بخطابات من الشرطة بالاضافة الى تحاليلي

من وين اقدم هذا الطلب عشان اعقد داخل السعودية


دامها ماشية الحمدلله
لا تفاولي عليها حبيبتي واحمدي الله دائما
سبحان الله ترى التفاول بغير الخير يسبب القلق والاحباط
باذن الله كل امورك تمام ممكن معلقة معاكم شوي بس باذن الله بتمشي ونفرح بيكي


انا نفس وضعك تماما بس والدي ما راح للداخلية وما وقع على شي
احنا من جده فاتوقع لسة دور الداخلية والتوقيع جاي في الطريق


مرة شكرا يا ولاء على توضيحاتك القيمة
بجد ما شاء الله كل معلومة قلتيها جدا افادتني وححتاج اسالك عن الفيزا للزوج او الاقامة
انا احس اني بسال عن شغلات ولسة التصريح ما طلع بس متفائلة الحمدلله
الله يسعد ويرضى عليك يا رب

رسيل ومستبشرة والله ثقتي والجميع ربي يفرج عليكم ويفتح لكم ابواب التيسير

قوم درجني ربي يبارك لك ويفتحها عليك كمان وكمان
ولا تنسانا الله يرضى عليك لو بيدك تفيدنا
ممكن ححتاج اسالك عن معاملتي لما تروح للداخلية ولو تقدر تساعدني في حال طلعت الموافقة باذن الله اني اعقد داخل المملكة لان خطيبي غير مقيم

المشاركة الأصلية كتبت بواسطة تركي القيسي (المشاركة 1073961)

اخواني ابي افاده منكم
انا قدمت علي الداخليه قبل سبعه او ثمانيه اشهر اخذت مجرها من اوراق وتقرير وتحليل الان رجعت على الداخليه علمن باني خطبت مقيمه ليسا لها شهاده ميلاد من المملكه فا احد الشباب بصراحه اليوم سالني كم عمرك قلت له الان عمري 31 قالي مطلق قلت له ماتزوجت قبل كدا قالي الداخليه ماراح توافق علي معاملتك لازم يامطلق او عمرك 35 سنه قلت الان اوراقيه في الجنه سكارياته الزواج في الداخليه بصراحه لعب بي مخي وتفكيري وعقلي فهل الداخليه لازم 35 والي ايش العلم انا ماني عارف شروط الداخليه فانا علي المنحني الاخير والرجال زادني قلق

المشاركة الأصلية كتبت بواسطة لحظه تفائل (المشاركة 1074017)

ولاء انتي وقوم درجني
بارك الله فيكم علي الجهود اللي تقدموها للاعضاء
في ميزان حسناتكم يارب
وان شاء الله ربي يفرحكم زي ماتفرحوهم ويفرجها عليكم
وعلي الجميييع