اثبات السكن ما طلبوه مننا ابدا معقول ترجع المعاملة بسبب هدا النقص؟؟ وفعلا اجراءات مكة اسهل بكثير واسرع

الحمدلله واخيرا راحت الداخليه

تعقد شهر وممكن تزيد اسبوع او اسبوعين هذي المده الطبيعيه للمعامله بس اذا عندك واسطه تعقد اسبوع 😉

بصراحة انا ماكنت رح اكذب كنت رح اكتب في تجربتي اني لازال البحث جاري عن واسطة بالداخلية لانه هادي اهم مرحلة واخطر مرحلة بس يارب اتوفق ويارب تيسر للجميع يارب

اخوي تركي ماعليك منو مادام معاملتك وصلت سكرتارية الزواج انا متاكدة 99% موافقة باذن الله انت العريس القادم موفق

اثبات السكن
الي هيا ورقه العمده
تعرفهم انك من سكان الحي وانك من مكه
اما غير كدا ما اتوقع يطلبو
لانه بس اخويا راح له واعطاه ورقه موقعه ومختومه بان الفلانه الفلانيه من سكان دا الحي
والورقه عشان معامله زواج
مو فاكره بالزبط
ايش كان مكتوب فيها
بس ختم وتوقيعه وخلصص


حتا زوجي طلبو منه اثبات سكن الي هيا زي ماقلت لك انه ورقه من العمده


انتي دام مشيت امورك ماشالله وراحت الداخليه خليكي متفائله
لانه ماتخرج معامله من الشرطه الا وهيا كامله ووازا كانت فيها نقص كانت الاماره وجعتها لهم يكملوها
اتوكلي وخلي املك بالله كبير باذن الله ميسره 34e

ماعرف والله يا احلام بس التحاليل لسه ماعملت

أهلاً وسهلاً

المعاملات بعضها يجلس 3 شهور ويجي رد
50 يوم ما أتوقع راح تجيك النتيجة قبل من الخمسين يوم
بمشيئة الله

غلطة كبيره يا اخوي و شي غصب يربك لكن حمدلله على كل حال
ان شاء الله انه زي ماتقول مو يوصل ل الغاء التصريح
الله يسهل لك كل صعب زي ما تساعد غيرك يارب

انا رجل ماني بنت .

ان شاء الله تتسهل يارب ادعولي

كيف يلغى التصريح ؟
المسألة ما تحتاج توضيح ولا تعقيد بنفس الوقت
المعاملة تجي كاملة بالتفاصيل والبيانات
لا تحسبين الدعوة مجرد إلقاء نظرة على السريع
الدعوة تقصي وتحري ومتابعة
استهدي بالله و أموركم طيبة

اشكرك على جوابك الرائع .

بغيت اسالك هل لازم الشهود في ورقة العمده ؟؟؟

لان خطيبتي اجنبيه ومن جده ابغا اطلع لها اثبات سكن في مكه عن طريق مكتب عقار ..هل لازم شهود ؟

وهل ضروري تكون خطيبتي في مكه اثناء تقديم المعامله ؟؟

علشان البحث

الله ييسر امورك بس نصيحة مني استفسر عن كل شي بنفسك واسال اهل الثقة او المجربين فقط

اذا تبغى تقدم من الطائف لازم تجيب اثبات سكن لك ولخطيبتك وتمشي عادي
لانهم ما يدققو كثير هنا في الطائف ومايدورو وراك اهم شي اثبات السكن وخلاص
بالنسبة للتقديم في الطائف :
اول شي تروح البنت تقدم في محافظة الطائف في القسم النسائي
وبعدها تروح المعاملة لشرطة محافظة الطائف وبعدين الشرطة توصلها للبحث الجنائي
تروح البحث الجنائي وتاخذ اوراق التحاليل والبصمات
وبالنسبة للتحاليل تسويها في مختبرات بنك الدم
وبعد ماتكتمل الاوراق في البحث الجنائي ترجع للمحافظة وتروح الامارة
اتمنى اكون افدتك
وبالتوفيق

بما اني من مواليد السعوديه ومن مكه وزوجي سعودي
ومن مكه

الورقه الي كانت من العمده ما احتجنا فيها شهود
لانه اخويا راح له وقال له ابغا ورقه عشان الزواج ل اختي
وبس اعطاه وختم له ووقع
بس ضروري يكون عندها عقد ايجار
عشان العمده يعرف اغلب الي ساكنين فماتقدر تمشيها عليه بسهوله
من قال لك انو في بحث وتحري
لانه قدمنا اوراقنا في الشرطه وبعد يومين راحت الاماره ومشيت الامور
الحمدلله
ضروري اوراقك تكون كامله
واهم شي شهاده ميلادها تكون مصدقه من مكان ميلادها
انا شهاده ميلادي من المدينه ابويا الله يطول بعمره طلع المدينه في الليل وصل الصباح مع بدايه الدوام وصدقها ليا بتاريخ جديد وجا وتاني يوم استلمو المعامله
ترا معاملتك بتكون نفس مسار معاملتي
ازا اثبتو انو البنت من مكه خلص امورك منتهيه في شهر وبالكتير شهرين