![]() |
|
طيب بخصوص نقاشكم عن العلاج ساعات الواحد يخاف انه يقدم ع العلاج او يخاف انه اذا هد العلاج راح تسوء حالته او انه يكون عند طبيب نفسي مو متخصص او ما عرف يشخص المرض
بالنسبة لي ما فكرت اقدم ع العلاج عفواً انا فكرت بس ما قدرت اني ابادر خصوصاً اني كاتمة هالموضوع عن اهلي محد يدري اني مريضة اساسا لو بطلع بشي مفيد من هالمرض اهو علمن شلون اربح الاوسكار لوول من كثر ما امثل اني ما فيني شي فانا ما اقدمت ع العلاج لانه ما عندي الامكانية اني اتعالج مو مادية اقصد معنوية انه لازم يكون معاك مرافق شخص كبير يوديك و صعبة اتعالج بالسر فخليت هالشي ع الله لين الله يفرجها و استلم اليسن و اضطر اجذب و اقول بروح السوق و انا طاحسة بالطب النفسي فالي اب اوصله مو الكل تارك العلاج عمداً البعض ما يقدر يتعالج لظروف ? |
من شو تعاني لو سمحتي ؟
|
انا ما اعرف اصنف شنو اعاني منه بالضبط خوف و لا هلع و لا وسواس ما ادري بس الي اعرفه انه الي اعاني منه شي غبي و مخجل يعني امراضنا مو مثل مريض القلب يقول انا فيني القلب و الكل يفهم و يحافظ ع صحته و يقوله التزم بالادوية احنا امراضنا لي قلناها لاشخاص ثانيين راح ينتقص من قدرنا و من أهليتنا و يصنفونا مع المجنونين فانا اخترت السكوت
بس بستسلم و اقول انا شعاني منه لانه كل الي هني مثلي و يمكن حالتهم اسوء بعد انا من سنتين تابعت برنامج چان زين ما تابعته اعرضوا بنت مدمنة انا شفت معاناتها اكتأب و خفت كله عبالي بصير مثلها صرت اوسوس بشكل لا يطاق و اخاف ما ادري شلون اشرح هالشي بس حيل اثرت فيني و من يومها و انا اعاني و حالتي تسوءاكثر و اكثر فانا كنت بمرحلة ضغط بحياتي كنت بالثانوية و لازم اجيب نسبة لدرجة حبست روحي المشكلة صار الضغط ثلاث ضغوط ضغط دراسة و ضغط المرض و خوفي انه احد يدري اني مريضة وضغط اهلي اني لازم اجيب معدل اساساً قبل شهر تغيرت الحالة و صار وسواس من الموت اول كنت اقدر اسيطر ع هالمرض بس الحين هالمرض جن جنونه ما اقدر اسيطر عليه مع العلم ان ما اخذ ادوية و لا اشوف طبيب نفسي و هذا معاناتي |
اقتباس:
شيء غبي ومخجل امراضنا مو مثل مريض القلب ينتقص من قدرنا ينتقص من اهليتنا ويصنفونا من المجانين خوفي انه احد يدري اني مريضه وسواس من الموت ما آخذ دواء ولا اشوف طبيب نفسي هل قرأتي هذا التلخيص لحالتك ؟ أتمنى أن تقرأيه جيدا ، وفكري به قليلا قبل أن تردي ،،، وأنصحك ان تقرأي هذا الموضوع : http://www.nafsany.cc/vb/showthread.php?t=73037 |
يعني لازم اشوف دكتور نفسي مو هذي المشكلة لو اعرف دكتور شاطر چان رحت
سؤال يمكن غبي الدكتور يطلب شي اوراق مستندات حضور الام و الاب انا ما ابي اعلم امي و ابوي بالهالشئ مو لاني انانية لا لانهولا واحد فيهم يفهم ذاك اليوم تشجعت و قلت لهم احس اني بموت و انا خايفة و صج كنت ابجي طبعاً امي قالت لي لا تصيرين مجنونة مثل عمتج عمتي مريضة بمرض نفسي المهم الي ابي اوصله مجتمعنا هذي نظرته مريض نفسي = مجنون طبعاً انا مقتنعه انه المرض النفسي ماله شغل بالجنون |
اتمنى تحاولي تستفيد من الموضوع اللي كتبت رابطه لك ،،،
البحث من صفحتين ،،، إقرأيه بالكامل ،،، ستتعرفين على نفسك اكثر ،،، وقد تستغنين عن الطبيب احيانا لو ساعدتي نفسك ،،، وهناك فرق بين طبيب نفسي واخصائي نفسي ،،، يجب التفريق بينهما لكي تستطيعي بداية العلاج لو أردتي الإلتحاق للعلاج ،،، |
اقتباس:
والعام اخذت سيبراليكس للهلع واخذته شهر ونص والحمدلله اختفى الهلع ووقفته وقبل العام مريت بحالة اكتئاب فضيع وخذيت سليباكس 3 شهور وهديت ووقفته وقبل اخذت دوقماتيل للقولون مدة 3 شهور ووقفته وهكذا لكني اخذه مع العلاج النبوي . اقتباس:
والشئ الثالث لازم تعلمين اهلك مهما كان وخلي هالشئ قاعدة في حياتك وخليك مع اهلك صريحة حتى لو ضروك . |
ما شاء الله لا قوة الا بالله الله يتمم شفاءك يا رب و الان حنين انت متوقفة خلاص ... يعني ما فيه اثار للمرض بعد توقيف الدواء و الحمد لله اليس كذلك |
اقتباس:
لو كنتي قاصر يمكن يطلب حضور ولي امرك .. نعرف هذه النظرة من المجتمع و حتى من اقرب الناس للاسف :( و كان المريض النفسي مذنب و لا يكفيه ما يعاني منه |
طيب انا ما ابي ادوية انا ابي سلوكي
ليش تخدير !؟ لا شكل بهون عن الطب النفسي ههههه لا لا اتغشمر يبا تخدير اي شي اهم شي ارد طبيعية بس سالفة اعلم اهلي هذي من سابع المستحيلات اهلي ان دروا ما راح يخلوني اروح طب نفسي انا اعرفهم بعدين انا ياما قطيت نغزات بس ما يستوعبون بعدين انا لمن كان عمري ثمانية او تسعه يمكن عشرة جذي بهالعمر صارت فيني مرض نسيت اسمه هذا الي ما يخليچ تاكلين جد ما اكلت ظليت ع هالحالة شهرين او شهر و نص اهلي عبالهم انه طاقيني عيني اهل ما يؤمنون بشئ اسمه مرض نفسي كله يقولون اي توسوين خلي عنچ هالتفكير بعدين انا ما ابي اعتمد ع احد عادي بعتمد ع نفسي و بطلع نفسي من هالحالة و ما ابي اضر احد هالشي المفروض يضرني بروحي ما يمتد و يضر اهلي معاي او يحسسهم بضيق عشاني او يظنون انه بنتهم مو مثل باجي البنات فالي مفروض يشيل هم نفسي اهوا انا مو اهلي هذي نظرتي للموضوع و ان كانت ساذجة وانا على استعداد للعلاج بمجرد ما القى فرصة ? |
السلام عليكم ورحمة الله...
طابت أوقاتكم بكل خير... |
اقتباس:
لاااااا الحمدلله انا حديد ماشاء الله لا قوة الا بالله هههههههههههههههه كل العلاجات الي اخذتها آمنه ولله الحمد والمنه الا علاج واحد اخذته من قبل مختص اعصاب وقت بداية مرض الشحنات كنت ما اهداء وعطوني (روش) لكن لازم بطاقة ولي الامر وهو نوع ممكن الواحد يدمن عليه كنت اخذه واروح بساااااااااابع نومه صراحة يخوف واتخدر بس هذا العلاج القوي وماطولت فيه بس شهر وسمعت عن علاج اسمه الزناكس يقولون قوي وله اعراض وانا استخدمت علاجات ولله الحمد امنه . |
اقتباس:
و عليكم السلام و طابت اوقاتك بما يسرك اخ عمران اقتباس:
هههه ما شاء الله و لا قوة الا بالله الحمد لله هذا من فضل الله سبحانه و تعالى ان شاء الله شفاء لا يغادر سقما يا رب و عقبالنا اللهم امييين |
اقتباس:
|
hope...
حنين الذكرى... أهلاً وسهلاً بكما,,, |
الساعة الآن 01:52 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا