مساؤووو للحلوين
كيفكم يا غوالي
الجنرال وأبو نجلا وعيون ولميا وعهود وبدر وماجد وكل الحاضرين
ارجو ان تكونوا بأفضل حال :)

و الله الشرقيه حلوه و تنحب يا محمد إن بغيت البحر عندك إن بغيت البر عندك إن بغيت أسواق عندك إن بغيت الشيعة عندك إن بغيت السنه عندك ههههههه متوالفين و منطقه موالفه للجميع و أهلها ينبلعون بلع

بس في نقطه مزعجتنا و هي الرطوبه
أفكر ودي أسوي لك جحر بجمب الشاطي وقت الرطوبة

بس حلاة الرطوبة تغسلك من جهة و تتروش بماي البحر من جهة الله لا يخلينا من الخليج العربي مع انهم يقولون إنه أملح من البحر الأحمر بإذن الله لبحر الأحمر زيارة و أشوف الفرق بينهم
قد رحت جدة بس ما سبحت و لا طعمت بحره يا حسافة

طبعا الرياض منطقة أساسيه و رسميه أكثر من كونها ترفيهيه بعكس الدمام أو الشرقيه كعموم

سبحان الله يقولون المدينه المطلة ع البحر بعكس المدينه الداخليه الصحراويه أو الجبليه

الله يسعدك يا بو حميد

يلعن الاكتئاب اللي بدون سبب يذبح

الناس تروح ل دكتور وعندها مشاكل وانا اروح مادري شنو اقول احس ماعندي سالفه حرام يعطوني جلسه ساعه

يلعن ابو عيشتي على جد الاكتئاب

مجار من كل شر و بليه يا بدون خطه

علمنا وش أدويتك ؟

الناس مشغوله بدنيا وانا مشغول بنفسي

( يا أيها الذين آمنوا إن من أزواجكم وأولادكم عدواً لكم فاحذروهم )

هذا في الأزواج و الأولاد و الأقربين !

فكيف بالأصحاب والغرباء و الأبعدين ؟

علاجي سبرالكس ابو نجلا انا ماعندي سالفه ليش اروح دكتور نفسي انا انسان غبي

ما رحت لأخصائي نفسي يدرس حالتك ؟

الله يفك عوقك عاجلا

ما في أطم من الإكتئاب بدون سبب

و الله قبل ما أجيكم دمعاتي تمطر على خدودي و باقي شوي على الشهقه لكن لها أسباب و قلت يا رجال فلها مع الحبايب

وش مضيقك علمنا و حنا معك أكبر من أخوان

عالي انا توني جاي من اخصائي نفسي تخيل كنت قاعد انطر دوري وفي مريض قبلي خلص وقته وعطوه عشر دقايق زياده دمعت عيني قلت شرط هذا مشكلته كبيره ويعرف يسولف ويعرف يطرح مشكلته احسن مني ودخلت على دكتور متحطم نفسيا نزلت دمعتي من القهر قلت انا ليه معرف مشكلتي ولا اعرف اطرح مشكلتي

ياخي صرت ماعرف شخصيتي ولا على نفسي ولا شنو ابي

هلا بك ياالقمر المطل ع الحبايب
هلا بك يالجو الرايق

هلا بالأخت الأغلى من الغلا كله

https://s-media-cache-ak0.pinimg.com...e29404ba9b.gif

فـي الإسـلام مـن حـقّ الـعـاطـل الـذي لا يـجِـدُ عـمـلاً إعـانـتـه

( والذين في أموالهم حقٌّ معلوم للسائل والمحروم )

أي مـن حُـرِمَ الـعـمـل وهو واجـبٌ دائـم ، لـقـولـه : ( حقٌّ معلوم )

عالي محد معطيني وجههه محد مليقيني بال رحت عند استشاريين مايعطوني حقي ولا ودهم على يشخصوني تحس مايسالوني عن شي ابد لهدرجه انا مسكين ماعندي سالفه عيب مو فيهم فيني لان المرضى كلهم مرتاحين معاهم الا انا اكرهه نفسي ياعالي