هل لو جبت واسطة الواسطة تتدخل في الموافقة او مجرد تحريك المعاملة بالداخلية ؟؟ عشن ما اتفشل واحفظ موية وجهي ابغا اعرف الله يخليك لانه كمان بصراحة حاطة فبالي موعد محدد للفرح وخطيبي يبغا يسوي حجوزات شهر العسل وبدأنا نفرش البيت وكل دا ولسة الموافقة ماطلعت هههههههههه يارب تطلع من غرفة العمليات بالسلامة هههههههه

الله يسر ويسهل للجميع يارب

خليني ارجعك كمان كم شهر لوراء ESWVG ايش حيصير دحين بعد ماوقعت الورق في الشرطه واهلي شهدوا ووقعو معي علماً بأن دا الشخص من مواليد المملكة بس م اخد الجنسية .وكمان عمروه ما سافر للخارج DSSDDSDSDSSDDSDS

دحين يا عروسة رح تنتظري من شهر الى شهرين او اشهر ونص لانها رح تمر عالبحث الجنائي وكدا وبعدين تتحول عالمحافظة وبعدها الامارة وان شاء الله عالمحكمة بس انا حسب علمي انه المواليد بالسعودية بجنسيات عربية ماتتحول للداخلية اما المواليد بجنسيات غير عربية او المقيمين الغير مولودين بالسعىدية رح يحولوهم للداخلية

الواسطة تجيب لك الموافقه وأنتِ بالبيت لو حبيتي
هههههههه تحريك المعاملة هذا أمره سهل
ربي يكتب كل خير إن شاء الله

الاستعلام بموقع الداخلية اليوم فتح
قبل شوي جربته وضبط معي :)
بالتوفيق للكل

السلام عليكم
انا اتصلت على الامارة اليوم طبعا اللي في مكة
ردو اخيرا بعد محاولة ساعتين
قلتله بستفسر عن معامله واديته الرقم قلي هذ في التوقيع قلتله توقيع مين قلي توقيع الامير قلتله بس انا بشيك على الموقع لسه ماتحركت قلي ارفع الموقع قب ماعليك منه قلتله كيف
قلي بقلك ارفع الموقع قب وانا بقلك شي علشان ترتاح اذا اوراقك كاملة ومستوفي الشروط وعلشان لاتدعي علينا في رمضان المعاملة لسه بتروح الداخلية لانه الطرف السعودي بنت لو العكس ماتروح وسيبها لاتتابعها لانها بتتاخر
وتتصل علينا في اخر يوم في رمضان و ان شاء الله بتعقد في شوال اذا امورك تمام وعلى فكرة انا من مواليد السعودية والله واعلم هل فعلا بتروح الداخلية او لا مادري

مشكورة لحظة ربي يكتب لك كل خير يارب

بالنسبة للي يسأللوا عن اثبات السكن ، حالياً مايطلبوه .. لكن يطلبوا أشياء ثانية تحتاج تتصدق بالعمدة وماراح يصدقها لك الين تثبت انك ساكن عنده في الحي ..

للزوج ( الطرف الأجنبي ) يطلبوا مشهد مصدق من العمدة بأنه لم يسبق له الزواج من سعودية ولا على ذمته سعودية .. وتعريف من عمله مصدق من الغرفة التجارية ..
للزوجة ( الطرف السعودي ) يطلبوا مشهد مصدق من العمدة اذا كانت ربة منزل ، أو تعريف من الجامعة اذا طالبة ، أو تعريف من العمل اذا موظفة ..

وعليكم السلام .. هلا اخوي ديدو ..
الموقع شكله مايتحدث اول بأول .. لانه أنا لين أمس قبل الظهر كانت المعاملة في الموقع بدون بيانات ، بس مكتوب ( داخلي ) .. ومريتهم بعد الظهر قالي هيا في الوكالة المساعدة للحقوق للتأشير .. رجعت استعلم في الموقع لقيته تحدث ومكتوب انها تحولت من الى الوكالة المساعدة ..
شيكت من الصباح اليوم لقيتها تحولت الى مكتب سمو الامير - شؤون المكتب ..
فشكلنا معاملاتنا ماشيه سوا ..

بس موضوع انها تتحول للداخلية ما أتوقع لانها ماقد صارت ..

[QUOTE=ساره-محمد;1076844]الحمدلله هلى كل حال
ربي مخبيلك الافضل باذن الله


يا عمري لا تتاثري بكلامنا احنا بس نفضفض
حاسة فيكي وبوضعك بس هانت الحمدلله اصبري وصبري خطيبك وان شاء الله العقد يتم على خير وتنزفي لبيتك وتكون ايامك كلها فرح وسعادة
لا تخافي والزواج حقك ومدام وصلت معاملتك للمحكمة ما شاءالله خليكم اقوياء وواجهي اهلك بادب وحكمة
قلبي معاكي ربي يفرج عليكم


يا حبيبة قلبي تسلميلي
الحمدلله انا متفائلة وعارفة اهلي كيف طبيعتهم رغم اني احزن عليا مرات ههههه بس اقول خلاص هما كذا وما بقلبهم شي عليا
يا رب يقوينا كمان وكمان ويسمع دعواتك الطيبة ويرزقك المثل واكثر وافضل باذن الله




شوفي يا قلبي انا بالبداية كنت مثلك تماما
دايما بكتب موالي من اول وجديد
انا قدمت مرتين معاملة فشلت والثانية الى الان متيسرة ولله الحمد
انا برضه مبتعثة ومعاملتي الاولى قدمتها في امارة جده وسافرت خارج المملكة لما كانت المعاملة في الشرطة فحفظوها
المرة الثانية قدمت عن طريق الداخلية ارسلت خطاب بالبريد وارفقت معاه هويتي وجواز خطيبي
طبعا انا ما كتبت اني مبتعثة ولا شي
ايش الي صار
جلست في الداخلية شهرين ثم راحت الامارة اسبوع ثم الشرطة شهر ونص وطلبوا تحاليلي ومشهد عمدة وبرنت احوال مافي شي يخص خطيبي لانه غير مقيم
ثم راحت للامارة بعد ما تمت من الشرطة
الان هيا في الامارة وبعد الشهود باذن الله المفروض تروح للداخلية بس ما عندي فكرة كم تجلس ثم تروح للخارجية ثم السفارة
في السفارة خطيبي يكمل اوراق

النقطة الي بوصلها لك انه معاملتك في مسارها الطبيعي طول ما انتي ما وضحتي في الخطاب انك خارج البلد
وطبعا لما توصل الشرطة حيعرفوا
مادي هل بيحفظوا المعاملات في الشرطة لو كنتي برا المملكة او لا بس على وقت معاملتي الاولى كان في حفظ في هالحالة

الشي الثاني لو انتي موضحة انك خارج المملكة
شوفي مشاركات الاخت ولاء مبتعثة وكيف مسار معاملتها
لو وضعك مثلها اتبعي الي هيا عملته لانه ماشاء الله معاملتها ماشية ولله الحمد

ومثل ما قريت وجربت لقيت انه مسار المعاملة يختلف من منطقة لاخرى حتى الشروط
يعني الاخت ولاء من الرياض وكتبت في خطابها على ما افتكر انها مبتعثة
انا زمان عملت كذا وعلى طول تم الرفض
فالمرات الي بعدها ما جبت سيرة الابتعاث

ياعمري ياسارة مشكورة حبيبتي ربي يسهل معاملتك ويفرحك بالموافقة ويكتب لك كل خير
انا ما وضحت لهم اي شي عن اسباب سفري للخارج لاني مو مبتعثة ولا شي انا اتعالج في الخارج بسبب تعرضي لحادث قبل فترة

مشكورين هويام ولحظة وكل الاعضاء المشاركين على تعاونكم والله كلامكم يريح ربي يبشركم بالموافقة جميع

مكتب سمو الامير - شؤون المكتب

في أمارة مكة ايش المرحلة اللي بعد كذا ، وايش اللي باقي ..


وفي موظف بأمارة نجران يقلي معاملتك توافق عليها .. بس حتى الان مافي شي رسمي .. استفسر عنها يقلك تحت الاجراء ..

طيب عندي استفسار المعامله كم تقعد في الادارة العامة للحقوق الخاصه

ما اعتقد تطول .. لانه انا تسجلت معاملتي الأربعاء الماضي .. وامس الثلاثاء لما استفسرت كانت في الوكالة المساعدة للحقوق .. يعني عدت الحقوق الخاصة ..
أتوقع ثلاث الى اربع أيام بالكثير ..

أنا سألت دحين قلي في الإدارة العامة للتاشير يعني عدت من مكتب الأمير