اهلًا هيندا
الموضوع سهل جدا ، تروحوا الستي هول او المحكمة المكان اللي يتم فيها طلب أوراق الزواج ، هما يعطوك إياه بمبلغ و قدره و يسألوك تبغيه مدني او ديني . انا اخترت ديني و عطوني الأوراق و رحت للمركز الاسلامي و ياخدوا الورق منك و يعقد لك الامام .
هذا الورق اللي ياخده الامام يختمه و يرجع تاني للسيتي هول ولا المحكمة و يتسجل الزواج رسمي . بالنسبه لي تسجيل العقد ياخد 3 أشهر لانه المكان يغطي المقاطعه كلها و المواليد و الوفيات .
بالنسبه الفيزا اي فيزا ساريه المفعول أتوقع عادي سواء زائر او بزنسس ما أتوقع يقولوا حاجه
في نقطه طلبوها مني وهو اثباتين الشخصيه فاخدت جواز سفري و رخصه القياده تبعي . فحوالي مثلا تجيبي شهاده ميلادك و تترجميها و اختميها في حال طلبوا منك عده إثباتات
بالنسبه لوضعي الحالي انا كلمت السفارة و قالوا ممكن نعطي زوجك فيزا زائر يروح بيها السعوديه عبال ما تجهز أوراقك هنا في كندا و ان شاءالله رايحه الأسبوع الجاي اقدم عليها

للتوضيح هذا كله في كندا ، احسن حاجه خطيبك يروح للسيتي هول او المحكمة او يشيك اون لاين و يشوف ايش إجراءاتهم في البلد اللي هوا فيه و عموما الموضوع سهل جدا في الخارج ولله الحمد

بالتوفيق عزيزتي

إلا حطيت تعريف أنها طالبه بس هيا انتساب تدرس وبتشتغل
واكيد لما بحث و عرفت انها تشتغل فرجعوها أظن أنه كده
و يا اخت فواحة خطيبتي مو مبتعثة وهيا الطرف السعودي

اهلًا بالجميع الأخت ثقتي بربي يارب الله يستجيب لنا والله كلي ثقة بانه الله راح يبهرنا بكرمه وجوده في هذا الشهر الفضيل شهر الجود والكرم
قلت لكم انا مستغيثة بالله وهو حسبي وكلفني
الله يعدي الأمور على خير ويبشرنا بالفرح اليوم قبل بكرا يارب وارتاح من التفكير المتعب دا
ومبارك لجميع الي جات موافقاتهم
والي لِسَّه يارب الله يكرمكم بقضاء الأمور بيسر وتعجيل يارب
الأخت الأندلسية لك وحشه
الأخت احلام أنثى ربي يطمن قلبك يارب

اللهم امين حبيبتي واياكي

اذا كان اسمها في التامينات فقبل ماتغيره لربه منزل لازم ينشال اسمها من التامينات لانه حيبان اسمها انها موظفه
او خليها تجيب تعريف راتب عملها مصدق وتخلصو ان شاء الله

الله يسمع منك يارب ..ونسأل الله أن تكون االايام الجايه ..ايام خير وبشاير وحاجات حلووه 34e

اخ ديدو اذا تقدر تحولو لربة منزل افضل

انا عن نفسي متخرجه فالاريدي اوراقي اول مااتخرجت غيرتو من طالبة لربة منزل وعليها للان
بس ايام تصريح اختي قبل 8 سنوات كانت موظفة فمدرسه اهليه ولمن اتخطبت وبتسوي اوراقها واحد قال لبابا لاتحط انها موظفه حتي لو اهلي حط ربة منزل
هذا والاهلي كان غير دحين دحين تامينات واخاف يطالعو في الراتب وتتعقد وانت منك داري من فين اتعقدت
فنصصصيحتي الاضمن والاريح اذا تقدرو تغيروه ربة منزل فاهلا وسهلااا عشان تمشي اوراقكم سهاله باذن الله

وايوة تحتاج ختم من العمده هما الشرطه يعطوك خطاب موجه للعمده يختم عليه وعليه توقيع شاهدين سعودين ويحطو اسماءهم

ليش تتعقد اذا كانت البنت موظفة؟ يعني معقولة لو البنت السعودية موظفة مايوافقو؟

اختي ليش ماترجعي تقدمي فيً جدة طالما تجاوزتي ال 25 وتحاليل خطيبك قبل كدة كانت سليمة الافضل ترجعي تقدمي من جدة الله يوفقك ويسهلك

كل عام وانتم بخير جميعا ..

أسأل الله في هذه الايام المباركة يسهل الامور ويحقق الامنيات. .

اخوي ديدو.. الحمدلله انها رجعت لسبب واضح ..
شوف هي المفروض ماترجع لو هيا طالبة ومقدمة تعريف ..
لكن يمكن المشكلة على قولك انها بتشتغل..

اذا هيا مسجلة في التأمينات. . عدلوا مهنتها في الاحوال كموظفة.. وخذوا تعريف من العمل. .
اذا مو مسجلة في التأمينات.. غيروا مهنتها من الاحوال ربة منزل. . وخذوا ورقة مشهد العمدة من الشرطة .. يوقع من شاهدين ويصدقوا العمدة..

بالتوفيق يااارب ..

الف الف ااااالف مبرررروك

udjdudud انا الطرف السعودي وموظفه رسمية

ممكن مايوافقوا ع موضوع زواجي من مقيم غير عربي udjdudududjdududgfds

الله يعطيكم العافيه ماقصرتو
إن شاء الله منغيرها موظف أهلي لأنها مسجله في التأمينات
ما حينفع تخليها ربة منزل

لا عادي اهم شي تجيبي تعريف راتب وتبيني انك موظفه ماهي مشكله كبيره الموضوع