اقصد انو لسى الوضع زي ماهو قبل اسبوعين كان تترفض لو الطرف الاجنبي حامل للصفة والسعودي سليم
متى قال لكم الدكتور انو حتى اذا الشخص حامل للصفة والتاني سليم تمشي

اها دوبي فهمتك من فترة يمكن من شهرين وهو يقول كدا

تصدقي خوفتيني لايكون يكدب لان خطيبي طفشه رايح جاي عليه

فقله كدا يسكته شغلتي لي بالي

لااحبيبتي ليه تخافي الحمدالله بما انو نتايجك سليمة كويس

بس بسألك خطيبك راسل اي امير

هو ماشاف بعينه انه التحليل كويس نفس الدكتور قال له انها كويسه واتحولت للبحث عشان كدا

حتى هو خايف يقول ماني واثق بكلامه هو راسل نفس الاماره

شوفي انا بكرة الصباح ان شاءالله بدق عليهم مستشفى الولادة وبستفسر بخصوص الموضوع
يعني تغير النظام او زي ماهوو لانو اليوم دقيت قالوا دقي الصباح وإن شاءالله خير وياارب انو الانظمة تكون فعلا تغيرت ربنا يسهلها

اوك شوفي انت وردي لي خبر لان الدكتور متاكد من الموضوع خطيبي بكره بيروح البحث وان شاء الله خير

ان شاءالله يارب كل الامور خير
بس الله يسعدك ابغى اسم الدكتور على اساس خطيبي يستفسر من الموضوع
لانو عارفة يمكن اللي يرد عليا يتفلسف تعرفيهم انتِ كيف

اوك حاساله واقولك

ادق عليهم من 8ونص لغاية 10 ونص ولا احد يرد

بنات انا ناوية على الزواج من شاب اجنبي
حبيت اعرف هل الاجراءات سهله؟ وهل مطلوب ان يكون عنده راتب معين؟؟
لسى هو ما تقدملي وخايفة ابويا يرفض
ادعوووووولي ارجووووكم

اهلا وسهلا فيكي حبيتى ياقلبي الاجرائات تختلف من منطقه لمنطقه وعلى حسب عمرك واشياء كتير فى بنات تجيهم فى 3 شهور وبناات ب5سنين على حسب استخيري وان شاء الله
ربنا يكتبلك الى فى الخير وبالنسبه للوالد ان شاء الله يواافق بس اتفاهمو معاااه بالرووواقه والله يسرلك حبيتي احنا هنا تجمعنا نفس المعاناه والتعب وانتى لو ترجعى للصفحاات الى وراء تحصلى الاجرائات مكتوبه بالتفاااصيل وايش معاناة كل وحده فينا ,,,,,الله يسر

شكرا اختي على الاجابة والاهتمام
انا من مكه
مواليد 1985
مطلقة من غير مايدخل عليه
والشاب مواليد 1984
على اخر الشهر جاي للسعودية ولجدة بالتحديد او مكه ومعه فيزا حرة
ياااارب تكون الاجراءات سهله
من جد تعب نفسي كبيييير وشايلة هم ):

بارك الله فيك اختي على دعواتك الطيبة
انا املي الله كبير بس شايلة هم موافقة الوالد وهم الاجراءات

اللهم لك الحمد حتى ترضى ولك الحمد بعد الرضا ولك الحمد على كل حال
الحمدالله وبعد ست سنوات طلعت موافقتي يوم السبت و تحولت معاملتي للمحكمة بالموافقة
راح أتغيب فترة بسبب انشغالي وراح أقولكم بالتفاصيل ان شاءالله
عقبال الجميع ياارب