ياللي لمحتوا دمعتي بجفوني
مستغربين إللي حصل يا ساده

تكفون لفراق الغضِي خلوني
أشكي همومي مِحتضلي وساده

ماعاد أبيكم تنشدون شلوني
جرحي وعارف علته وضماده

إن كان بيديكم سنع شوفوني
ولا أتركوني للحزن وجهاده

من يوم غابت عن سماي وكوني
مولات قلبي غايته ومراده

اُم العيون السود كل جنوني
ست البنات البيض وأحلا غاده

كني عن ابواب الفرح صدوني
ولا الصبر كثر الرجاء ما فاده

الجرح جرحي والطعون طعوني
للحب ناس وللهواء زهاده

لابو قصيدٍ يرتضيلي هوني
يشكي من الحظ الردي وعناده

قولوا لها شِلّي حصل دلوني
أبطت وخابر مالها بالعاده

بعض البشر غابوا ولاهموني
والبعض يمكن خيرتي في بعاده

بس المصيبه لو تصيب ظنوني
بغياب نور وطلت المياده

قولوا لها والشوق زاد شجوني
وينك تراني ما أطيق زياده

يا اُم الغلا كله ونور عيوني
ياروح عبدالله ونبض فؤاده

شوفي غيابك يستثير سكوني
والليل عيني ما أهتنت برقاده

ضاقت ضواحي خافقي وأبكوني
من روحتك فجئة بدون إيفاده

دفتر قصيدي إشتاقلك من دوني
صفحاته لرقة يدك معتاده

وجدي عليك اليوم يا مظنوني
والدلع راقي لا بكى بغداده

اقسم برب البيت وتعروفني
وابيات شعري تنتظر هالداده

إن كان عادت والله لـ تلقوني
أقصد وألبسها القصيد قلاده

والحين أبي علمٍ يكف طنوني
منهو يجيب أخبارها يا ساده

إما كذا ولا أبعدوا وخلوني
أرجع لحضن وسادتي كالعاده

الشاعر
عبدالله بن مرعي الظفيري

سبحان الله وبحمده سبحان الله العظيم

اللهم لك الحمد والشكر كما ينبغي لجلال وجهك وعظيم سلطانك

حالي عجيب غريب بعد مافقدت الامل في العلاج صرت ابحث عن القدر ؟!

ايام البشر ي زواج ياموت وانا مفلس من الاثنتين

صحيح اني اكلت علاج وخلاني مسترخي بس القلب مذبوح جماد لا مشاعر ولا احساس لا امال ولا امنيات صرت مثل لعبه سياره لاسلكي خل يخلص عمر بطاريه ماتمشي هذا حالي مع الحبوب

صرت استحي اطلب من الله شي لاني معاق ولا فيني امراض خطره ومتوضف حياتي مستوره

ماقول الا الله يزين الاحوال ويجبر خواطرنا هو شافي معافي

‏لا يوجد في العلاج المعرفي السلوكي شيء اسمه "التفكير الايجابي" بل يوجد "التفكير الواقعي" الذي قد يشمل أفكار إيجابية وأفكار سلبية.

أسامة الجامع

والنعم بالله اسال الله يجيب لك ما تتمناه واكثر آمين

يسعد مساكم يا اكابر .
محمد البدراني سعيده كثير بردك الاخير لي
بس ضاع🙃
بين الردود لكني قراته الله يسعدك وعالي كمان
لكن انشغالي ما قدرت ارد بوقتها الله يحميكم جميعا
اخوتي الطيبين وكل رواد الصفحه الكرام :)

والله ان الموت أرحم من حالتي

مساء الخير للجميع

هلا مللت من الحياة شنو أدويتك الحين الله يشفيك