![]() |
استفسار لمن لديه خبرة او قام بتقديم معروض للاستثناء بمكة و بجدة كيف الطريقه وكم تاخذ وقت للموافقة ...زي ماتعرفو رفضت معاملة من غير اسباب وابغى اعرف ايش اكتب في المعروض الاستثناء
|
بن ماضي ايش سبب الحفظ هل عمرك او عمر المخطوبه اقل من 27؟؟
الاستثناء تكتب معروض لوزير الداخليه وتذكر سبب الحفظ بعدين تاخذ الاستثناء وترسله عن طريق البريد الممتاز وتاخد فتره من شهرين لثلاث اعتقد ويجيك الرد باذن الله في نقطه مهمه لازم الطرف السعودي هو اللي يقدم الاوراق ويكتب اسم ورقمه |
اقتباس:
|
اللي سمعته يقولوا فيه زحمه على طلبات الزواج في جده الله يعينناااااا ويصبرنا
|
اقتباس:
أنا مشكلتي في عمر الزوجه عمرها 18 سنه حتى لو تستفسر لي طريقه الاستثناء او حل لهذه المشكلة اكون لك من الشاكرين وأتمني اشوف كل يلي بالمنتدى متزوجين ومستانسين باذن الله والله ينثر السعادة في درب الانسان يلي يساعد اخيه `111`1` |
اللي يسالوا عن الاستثناء هذا نموذج خطابي
اللي راح اقدمه بعد شهرين تقريبا باذن الله طبعا ينكتب هذا الخطاب وترفقون معاه الاوراق اللازمه زي الهويات وبعدين على اقرب بريد ممتاز ترسلوه للوزاره تكتبو اسم المستلم وزير الداخليه جهة الاستلام وزاره الداخليه وطبعا البريد ياخذ منكم مبلغ 50 ريال وماعرف اذا الاماره ترسل خطابات استثناء والا لا تنتظرون الرد من شهرين لثلاث او يمكن تطول اكثر بسم الله الرحمن الرحيم إلى معالي وزيرالداخلية صاحب السمو الملكي :الأمير محمد بن نايف بن عبدالعزيز آل سعود حفظه الله . السلام عليكم و رحمة الله و بركاته وبعد أقدم لسموكم الكريم هذا المعروض عل الله ان يقدر لي الخير طامعة في كرم سموكم... أفيد معاليك بأنني فلانة بنت فلان بن فلان الفلاني حاملة الهوية الوطنية رقم 1111111111 و أبلغ من العمر 31 عاما و لم يتقدم لخطبتي خاطبا سعودي الجنسية إلى الان _ووالدي فلان بن فلان بن فلان الفلاني يبلغ من العمر 88 عاما حامل الهوية الوطنية رقم 77777777وحالتنا المادية متوسطة قد تقدم لخطبتي خاطب مصري الجنسية يحمل رخصة إقامة رقم 2222222222 و يبلغ من العمر 35 عاما وافق أبي على هذا الرجل ووافقت عليه لما يحمله من صفات حميده ترتضيها أي فتاه ومنصب مرموق بإحدى الشركات و حالته المادية ممتازه _مرفق لكم تزكيه للخاطب من مدير ادارة التوعيه والتوجيه بمنطقه مكه المكرمه . وبدأنا بإجراءات التقدم للحصول على إذن زواج لدى محافظة جدة و لكن توقفت بعدما تم الانتهاء من إجراء الفحص الطبي و ذلك لانه يحمل جين انيميا الفول بنسبه بسيطه وحيث أن قوانين الزواج من الاجانب لا تسمح بالزواج من تثبت اصابتهم بامراض انيميا وعليه أتقدم لمعاليك بإستثناء هذا الشرط و ذلك لعدم خطورة المرض على الزواج و أيضا لتدني فرص إنتقال هذا المرض إلى الأبناء في المستقبل مرفقا بذلك تقريرطبي من مستشفى حكومي تثبت صحة كلامي . وانا أريد الستر في الدنيا و الأخرة وليس لي بعد الله الا سماحتكم وأنا اثق في الله ثم في حكومتي الرشيدة بعمل الصالح لمواطنيها وأني أتمنى من الله عزوجل أن تتم الموافقة من جهتكم لزواجي من الشاب و اسأل الله العلي القدير ان يجعل ذلك في موازين حسناتكم وان يبارك ويطيل بعمر سماحتكم انه كريم جواد، أن يحفظ ولاة أمورنا من كل شر و يحفظ هذا البلد |
اقتباس:
09`1`01`01الله يجزاك خير واشكرك ع الخطاب ونا بعد مجهز لي ع خطاب قريب منه وباذن الله بنزله هنا لكم لعلى وعسى انكم تستفيدون منه بس مشكلتي ما عندي وقت وباذن الله بكرا اذا فضييت بالدوام بكتبه لكم واتمنى من جميع الاعضاء يلي عنده اي رأي او تجربه في تدقيم الاستثناء يطرح رايئ لعلى وسعى ان يكون سبب زواج احد الاعضاء وتحياتي وتقديري للجميع `111`1` أخوكم : فيصل البلوووشي 00``00` |
لحضة تفائل انا معاملتي رفضت من غير سبب لاني اتطلعت على الملف بالكامل في قسم الشرطة بعد مارجعت ومكتوب فقط نفيدكم بعدم الموافقة على الزواج وحفظ المعاملة ...انا طرف الغير سعودي وعمري 30 وخطيبتي 23 سنة ...........بخصوص اللي يقول سبب اارفض احتمال عمرها اقل 25 او 27 هذا كلام غير صحيح اعرف قاضي بمحكمة الانكحة وقالي قبل كم يوم جتنا معاملات زواج وعمر البنت 22 وكلام فاضي اللي يقولك لازم عمرها فوق 25
|
ماهو حل انه ارسل بالبريد الممتاز وانتظر شهرين او ثلاثة وبعد كذا مدري حيردو بالموافقه او الرفض وممكن تاخذ وقت اكثر عشام يردو .....انا اقول الافضل الدخول لمقابلة امير المنطقة مباشرة للي بجده او مكه الامير مشعل يقابل المواطنين في امارة مكه كل يوم احد واللي بالرياض كل يوم ثلاثاء
|
اقتباس:
كلامك صحيح الافضل الدخول شخصياً لامير المنطقة والرد بموافقة الاستثناء بالكثير اسبوع وهو افضل حل للي حفظت معاملته بدل ارسال معروض لوزارة الداخلية والانتظار شهرين او اكثر. |
والله ماعرف انا سالت وبحثت عن حل للاستثناء مالقيت تجاوب
ناس تقول بريد ممتاز وناس تقول الدخول على الامير انا عندي الدخول احسن واضمن لكن بالنسبه لي صعب لان ماحد واقف معانا غير ربي العالمين الله يفرجها علينا وعليكم بالقريب العاجل |
بس مشكلتكم انتم مو عارفين سبب الحفظ يعني لو بتدخلو على امير ايش بتقولوا؟
صرررررراحه الله يعيننا كلنااااا نعاني |
اقتباس:
هذه الشروط وادخل امارة منطقة مكة وشوف ..! طبعا القاضي ما يدري ايش سوى صاحب المعاملة عشان يمشيها يمكن معقب يمكن واسطه يمكن ويمكن اسباب كثيييرة بس انت حط ببالك ان حسب شروطهم كذا وساعات سبحان الله انت وحظك ..! وشيء ثاني يوم الجمعة كنت متواصل مع صاحبي مدير مكتب الزواج بشرطة مكة يصير رحيمه و وصاه علي بس انا مشكلتي للأسف حتى لو هو مشاها بتروح وترجع من الامارة الموهم يقول له حاليا تعديلات والامير موقف المعاملات الافضل خليه يجي يقدم نهاية الشهر او بدايته والمعاملات كلها اللي راحت حفظت ..! يعني اللي بدون سبب يمكن هذا السبب عشان التعديلات ويخلص وترجع تسوي لها استئناف طالما مافي سبب الا اذا تم الافادة بعدم الموافقة والحفظ ..! |
السلام عليكم اليوم قريبي راح الاماره في جده وقالوا سهاله ولا تخافوا قالوا سارت مشاكل كثير وسرنا نمشي المعاملات ما نعطلها
|
اقتباس:
ممكن في تعديلان جديدة حسب قولتك وانا سمعتها من غيرك بنفس ماقلت بس حقيقة مو منطقي هالكلام مفروض مايرفضو ويبقو الملف عندهم الين ماينزلو التعديلات وبعدها يردو المعاملات حسب االائحة الجديده عالعموم اشكركم جميعا للاهتمام واللي عنده اي خبر جديد في الامارة يذكرو لنا عشان نعرف كيف نتصرف ويارب يكتب لي ولكم الخير |
حبيت اعطيك معلومة اخوي قابل مدير مكتب الزواج اللي في الامارة وقالو مافي اي نظام جديد الا الان في معاملات الزواج وقالو غريبه كيف رفضت من غير سبب وقالو انا راح اطلب الملف حق المعاملة من الشرطة عشان نشوف هل تم التاشير على المعاملة او ان كان فيها نقص واعطيك خبر بعدها .... واي شي جديد يصير معايا راح اعطيكم خبر
دعواتكم لي ولكم بالتوفيق |
السلام عليكم
ما اعتقد في تغيير في الشروط لان لو في شي لازم يتم الاعلان عنها والله يوفق الجميع |
السلام عليكم ورحمة الله و بركاته
انا عضو جديد في هذا المنتدى الشيق قراءت اغلب المشاركات في هـــذا الموضوع لان الموضوع يهمني و حبيت اطرح بعض الاستفسارات و استفيد من خبراتكم في هــذا الموضوع . انا شاب اجنبي من مواليد مكه و عمري 32 سنه و خطيبتي سعودية و عمرها 29 سنه ولا توجد اي صلة قرابة , قدمت معاملتي لشرطة مكة و اعطونا خطابات موجه الى مستشفى الولاده لعمل فحص ما قبل الزواج . عملت فحص جانبي في مختبر في جده و اتضح اني اعاني من مرض الاعتلال الانزيمي الفولي و المشكله اني اول مره اعرف هذا المرض . الحمدلله خطيبتي سليمه ولا تعاني من شي .سوالي هوا هل الموضوع راح يأثر على المعامله بالرفض او لا و حبيت اعرف اش تنصحوني اسوي قبل ما اروح للمستشفى و اعمل التحاليل الرسميه . و جزاكم الله خيرا . |
اخوي مكه انا خطيبي نفس الشي بس مو اعتلال
عنده جين انيميا الفول وطبعا راح يرفضون المعامله بما انك الطرف الاجنبي الله يعينك حاول تدبر واسطه من دحين في المستشفى عشان يمشونها لك |
السلام عليكم ورحمة الله وبركاته
رجعت لكم ^_^ صار لمعاملتي 6 شهور من اول ماقدمتها واليوم تحولت من المحافظه للاماره ومن قرائتي للردود فهمت ان المعامله كمان تجلس ثلاث شهور تقريبا لانها لازم تمر على ادارة القضايا وبعدها الوكالة المساعدة للحقوق وبعدها مكتب الوكيل للعرض و التوقيع وبعدها الادارة العامه للحقوق وترجع ثاني للوكالة المساعدة و .... الخ وربي شي يقهرر مع ان غيري قدم بعدي وطلعت له الموافقه ماشاءالله .. مدري هي واسطه ولا حظ ... الله يعييين :( المفروض يحطو قواعد وقوانين معروفه وزمن محدد بدال المرمطه والبهذله اللي احنا فيها واللي يقهرررررر بعد كل المرمطة ماندررري بتجي الموافقه ولا لااا !! انا يأسسسسسسسست مررررررررره وضااااااق صدرررررررررري حسبي الله ونعم الوكيل فيييييييييهم والله كأننا بنسوي جرررررريمه مو كأننا بنتزوج :( |
اقتباس:
|
اقتباس:
|
اقتباس:
|
ادري ياكوكيتا انتي عارفه ان انيميا الفول مايشمل السعوديين
بس حطوه للاجانب عشان يعرقلوها علينا لكن الحمدلله على كل حال |
مساء الخير بنات شريكم شخص كتت استفسر منو عن معاملتي جاوبني السعوديه تتزوج سعودي مالها بلاجنبي بلا مشاكل وغلبه
صدنني ليه حلال هو وليه هالتعقيد كلن حر نهوب شرط سعوديه تتزوج سعودي والسعودي كيفو ياخذ اجنبيه متي ربي يسهلها حنا بلد مسلم بلد الحرمين الرسول ممنع ولا الله سبحانه منعو شرع الله حسبي الله ونعم الوكيل |
اقتباس:
احس السالفه تطفييييييش مايبغو اي سعوديه تاخذ اجنبي يعقدووون كل شيء مع ان بالدين وبالاسلام مافيه شيء اسمو جنسيه صعبوو كل شيء حسبي الله عليييهم :( |
اقتباس:
وتجي الموافقة .....نصيحتي مدام في وقت والاوراق وصلت الامارة حاول تشوف واسطه من الحين في الامارة يمشي المعاملة باسرع وقت ممكن ومنها تضمني انه ماتنرفض لاسمح الله ....كل شي بيد الله ... |
ياجماعه في مكتب لوزير الداخليه في جده للي يبي يقدم استثناء
طريق المدينه جوار سوق المساعديه |
|
مساء الخير عالجميع ،،،كنت اتابعكم بصمت وااقرأ مشاركاتكم ربي يسخر لكل وحدة اللي تتمناه ويجمع كلن بنصيبه عاجلا غير اجل يارب،،،،،،،طبعا انا الاسبوع القادم راح ابدأ المشوار دعواتكم ربي يسهلها l,uiture67
|
معاملتي في سكرتارية لجنة الزواج في وزارة الداخليه احد يعرف كم تقعد المعامله في وزارة الداخليه
|
السلام عليكم . . . آخواني آخواتي بحول الله اقدر اوصل اصوات الجميع في صحيفة " سبق " لعلى وعسسى تفرج معاملات الجميع بقرأة المسؤولين الخبر في صحيفة " سبق " ياليت كل من رفضت معاملته او حفظت معاملته او حتى من لديه تعليق عن ماعانه خلال تقديمه للمعاملة يشارك ويرسل لي عبر الخاص اسمه الثنائي - طريقة التواصل حتى تتواصل معه " سبق " - سبب حفظ المعاملة او رفضها نبي اكبر عدد من الجنسين خلال ثلاث ايام ! للزوار بعد إذن الإدارة مراسلتي عبر الايميل التالي : alzahraniii.(AT) G m A i L.com ## تنبيهه الاييميل على الـ جميل والله يوفق الجميع |
اقتباس:
مافي شيء يمشي ع الكل انت وحظك وفي اختلافات بين الامارات والشرطة في مختلف مناطق المملكة هذا اللي واضح .. |
اقتباس:
ولو فعلا مافي معاملات تحفظ بغير سبب ليش معاملات ترجع وتحفظ بدون ذكر مسببات للحفظ عموما ان شاء الله يكون شيء صح ربي يوفق الجميييع |
لتأكيد خبر العمر [30] ..
سبق قلت في واحد من اصحابي احدى قريباته شغاله بامارة مكة وقالت له ان العمر لازم يكون 30 شرط للزواج الان قبل قليل يأكد لي احد الاشخاص انه راح الامارة وقالو له لازم يكون عمره وعمر البنت 30 والله المستعان طبعا هذا فقط بامارة مكة على كلامه حسب ما افاده احد اصحابه اللي شغالين بالامارة طبعا مكة تعقيد مو طبيعي ..! يعني هذا القرار الظاهر فقط لمكة الله يسسسسسسسسسهل .. |
اقتباس:
غريبة تكون هيا الاماره الوحيدة اللي مسوية هذا الشرط انا قدمت في المدينة والاعمار هي نفسها المعروفة 25 واذا في استثناء عادي بأي عمر. |
السلام عليكم ومساء الخير حبيت اقولكم الحمدالله جات الموافقه اليوم راح خطيبي للشرطة وقالواعطيتا ورقه التحاليل الاساسيه عشان يحولونها للمحكمة وبكرا انشاء الله راح يعطوه رقم يراجع فيه المحكمة ويارب عقبال كل اللي بلمنتدى تجيهم الموافقه
|
اقتباس:
بعد مايعطو خطيبك رقم المعامله شيكي عليه في موقع وزارة العدل وبيكون واضح عندك كل شي والمكتب اللي تحول عليه والشيخ المحدد لمعاملتك وتراجعي نفس المكتب وتحددي اليوم اللي تبي تسوي العقد فية وهذا اللي صار لصاحبي بعد تحويل المعامله للمحكمة |
الله يبارك فييك اخوي انشاء الله اذا اعطو خطيبي رقم المعاملة للمحكمة بكرا
اشيك عليها يوم الثلاثاء او الاربعاء |
اماره المدينة إجرائتها اسهل من مكه
اللي يقدر يقدم عليها يجرب ومابيخسر شي لكن لازم يكون عند مقدم الطلب عقد سكن في المدينة والله يوفق الجميع |
الساعة الآن 04:28 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا