الله يبارك فيك اخوي
وانشاء الله لمن يروح خطيبي بكرا لشرطه ياخذ رقم المعاملة لمحكمة واتابعها يوم الثلاثاء او الاربعاء

والله يا الحبيب يا كثر القرارات اللي مطبقه خارج مكة غير
وبمكة غييييييييير
مكة فيها تعقيد بشكل ما تتتصور بكل شيء
وأهل مكة ادرى بهالشيء

ربك كريم والله يكون في العون

الف الف الف الف مبروووووووووك
ربي يتمم لك ع خيييييييييييير يارب

بس انت من اي منطقه وفين قدمتي ؟..

مكة كانت اسهل امارة تتم فيها معاملات الزواج
لكن من بعد جية الامير مشعل بن عبدالله اتغيرت حاجات كثير
هذا نوع من الدكتاتوية عشان يظهر انو عنده راي وكلمة تمشي
وانه قادر على المنع ، لكن بما انه لسى صغير في العمر فاكيد هو مطلع
و مهتم ب الاعلام وراي المجتمع ب تويتر و الفيس
ماعندنا غير الدعاء والتواصل مع الايميل اللي حطه الاخ تركي بن خالد
عشان الموضوع ينزل ب سبق ، واذا ممكن نسوي هاشتاق بتويتر زي
امير_مكة_يعطل_معاملات_الزواج_لفرض_هيبته صدقوني ممكن تتغير حاجات ويرجع نظام المعاملات زي أول.

سمرا حلوة

الف مبروك أختي وربنا يتمم امورك بالخير.

الله يبارك فيكم جميعا
انا من المدينة وخطيبي قدم الاوراق على امارة المدينة

مليون مبروك وربي يكتب لك الخير والسعادة يا رب

الله يبارك فيكي وعقبال كل اللي بلمنتدى

مبروووك اختى سمرا حلاوة ان شاء الله تتهنين معاه وزواجه الدهر يااااارب

الف مبروك يا سمراء حﻻوة وياارب عقبال كل اللي في المنتدى ...

الله يبارك فيكم وعقبال عندكم يارب

الف الف مبروك سمرا حلاوة الله يوفقكم بحياتكم وعقبالنا

مبروك ياسمرا الله يتمم لك على خير وجميع اعضاء المنتدى يارب

الله يبارك فيكم حبايبي وعقبالكم يارب

الف الف مبروك

ويارب فرجها علينا يارب وارزقنا بالموافقة

انا الحين بشكل يومي اروح لشرطة جدة اراجع

المحافظة طلبوا برنت من الاحوال غير القديم

هل يعقل اكثر من عشرة ايام علشان ترجع للمحافظة ؟؟

طبعا المعاملة في مكتب الزواج منتظرهم يتكرمون علي ويحولوها للصادر اللي راح يحولها للمحافظة

حسبي الله ونعم الوكيل


تدروا انا بسبب تاخير مكتب الزواج وتعطيلهه لي حسبي الله ونعم الوكيل
شهادة الميلاد انتهت اربع مرات وجددتها
الاقامة انتهت وجددتها
جواز السفر انتهى لاكن ماجددته
اقامة ولي الامر وجوازه انتهوا وجددانهم
والان بتنتهي تحاليل الزواج

وايضا برنت الاحوال لانهم طلبوه مني في المرة الاخيرة وجبته لهم

الان بين الاذان والاقامة

حسبي الله ونعم الوكيل على كل شخص اخر معاملتي ولو يوم في الشرطة


انا شيكت على تحاليل زواجي لقيتها عدى عليها 6شهور وهذا يعني انها منتهية

تحاليل زوجتي تنتهي بعد 16 يوم

يارب الهمنا الصبر وحسبي الله ونعم الوكيل على كل شخص تهاون في اداء واجبه وتكاسل واخر معاملاتنا بدون سبب

تقريبا لو انتهت تحاليل الزواج يعني تقريبا كاني اقدم معاملة من جديد

للعلم تاريخ تقديم المعاملة هو 25/9/1434
واحنا اليوم 22/6/1435

يعني عشرة اشهر
معقولة عشرة اشهر معاملة زواج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يبارك فيك اخوي
الله يصبرك على ثقالتهم وتكاسلهم والله انا زيك معاملتي قعدت تسعه شهور بس الحمدالله ربك فرجها من عنده مالك الا الصبر وباذن الله تجيك الموافقه مدري ليه في مكة وجدة معقدين المعتملات حقت الزواج غربيه والله!
وبنسبة لتحاليل عادي ماتنتهي انا تحاليلي قعدت اكثر من ست شهور وماقالو شي الشرطة اخذوها عشان يطابقونها على الصورة اللي عندهم عشان يحولونها على المحكمة
والله يسر لك ويكتب اللي فيه الخير لك

ألف ألف ألف مبروووك يختي سمرا عقبال الجميع
وبالنسبه لي اليوم كنت بالشرطة والله العظيم تعامل سيئ جدآ وما خلاني استفسر يقول خل البنت بنفسها تجي وربي نام معوق اول مرة اشوف المرآة تراجع بدل رجالها ولا يكلمك من طرف خشمه ولو تبي تستفسر تعال من الساعه ثمانيه وخذ رقم وانتظر هذه كله بس عشان تستفسر وفي مطوع جالس وربي ولا يشوف الملف يطلع للعالم تعقيد الله يعقدة في حياته ويشوفها في دربه باذن الله حسبي الله ونعم الوكيل فيه ونا اول سوال سئلني وش جنسيتك ولا شاف الاوراق وواحد قبلي كسر خاطري طلع له حجه انك باكستاني غير عربي لازم يكون عمرك 25 وهو 24 ويطلع حجج عشان يرجع المعامله المهم قال لي دام عمر البنت 18 لا تتعب حالك رح بلط البحر ومحتار الحين شسوي والصراحة يئست بعد التعامل ذا ما اتوقع اني راح اكمل واليوم اتصلو فيني السفارة الامريكية قالو تاشيرتك جاهزة ومتردد وبستخير وبحاول مرة ثانيه بواسطه ولا بشوف لي غيرها هذه اخر الاحتمالات ع العموم اتمنى للجميع التوفيق تحياتي

احبك دنيتي لاتايس خليك وراء معاملتك الين تخلصها يارب انا متفائله انها تطلعك بس ايس تسوي مالك الاالصبر والاهانه معاهم
وفيصل وربي انت مااشفت شي لسه في بدايه الطريق اهانات واسلوب زفت لمن تشك في نفسك عامل قضيئه جنائية مو زواج وبفعل العمر البنت مره صغير ياتصبر تدخل العشرين او لو عندك واسطه يمكن تمشي بس الحين متشددين في كل شي والعالم الي يقول نطلعلك تصاريح كلهم كذابين مالك الاتصبر والبنت تكبر شويا
مانقول الا حسبي ربي مالنا غير ربي العالمين

السلام عليكم ورحمة الله وبركاته .
ياجماعة اللي تحليلاتهم عدا عليها اكثر من 6 شهور
لازم يعيدها لان الشيخ في المحكمة مايقبلها .
وهذا اللي صار معايا .
عيدوها من الحين أفضل عشان لما تطلع الموافقه تكون جاهزة .
وترا عادي ماتنعاد المعاملة ولا شي .

مبروك حبيبتي سمرا
الله يتمم باقي الامور على خير


اناا دقيت على الداخليه وقالوا انو المعامله في الشئون الخاصه
احد عنده فكره عن مراحل سير المعامله في الداخليه
لان صارلي تقريب شهرين `111`1`

غﻻ انتي وﻻ انت الطرف السعودي
ومعاملتك ليش شهرين في الشئون الخاصه المفروض شهر بس
ومن الشئون الخاصه الي سكرتارية لجنة الزواج
الطرف اﻻجنبي مش مواليد صح وﻻ ﻻ

ورقه تعريف الراتب تجيبها من شغلك وتكون ورقه رسميه من نفس المؤسسه او الشركه الي تشتغل فيه وبعدين تروح تصدقها من مكانين تلاقيها في الشروط في موقع الاماره

تعريف الراتب

تكون انت مثلا شغال بمؤسسة او شركة

صيغة الخطاب بسيطة مثلا

تشهد مؤسسة ( ) بان السيد( ) على راس العمل وانه من خير الشباب السعودي الطموح وباجر شهري قدره ( )

الى ان تكمل الخطاب

وغالبا الخطاب هذا عملك هو اللي يقوم فيه مو انت

يارب تسهل امري و تسهل على كل واحد بالمنتدى و نفرح و يتمم امورنا على خير ..
لسه انا اوراقي بالشرطة جدة و بانتظر حتى نهاية رجب علشان اراجعهم
عندي استفسار ياريت تفيدوني '''''
دحين انا خطيبي اللي هو الطرف السعودي قدم كل اﻻوراق من النت عن طريق محافظة جدة و راحت المعاملة للشرطة محافظة جدة و عملنا الفحص بعد ما تنتهي من الشرطة وين تروح المعاملة و ايش المراحل الباقيه علما ان الخاطب السعودي من الرياض و انا من جدة ؟؟؟
هل يشترط تعريف الراتب للخطيب تصديقها من الغرفة التجارية ﻻن اﻻمارة ما قالت شئ لما قدم هو تعريف الراتب و ما كان مصدق و مشيت المعاملة ...
جزاكم الله خيرا افيدوني

اهلين اختي

بشري ايش صار معاك في الشرطة واعطوك رقم المعامله المحوله للمحكمة

ايوه اناا الطرف الاجنبي مو من مواليد السعوديه لكني مقيمه من خمس السنوات

ماا اعرف سبب التاخير والله لكن ان شاء الله خيره

بعد الشئون الخاصه يعني تروح لسكرتارية الزواج ؟؟

وهل عندك علم بالمراحل افيدوني الله يجزاك خير `111`1`

هلا اخوي ايوا الحمدالله راح خطيبي لشرطة وعطوه الرقم يتابع فيه المحكمة وامس راح خطيبي المحكمة قالوله تعال الاربعاء الجاي عشان تاخذ موعد لعقد القران

المعاملة بعد الشرطة ترجع للمحافظة والمحافظة ترسلها للمحكمة

بالنسبة للمراحل اللي تمر فيها في المحافظة بسيطة

اهم شي تطلع المعاملة من قسم الشرطة

بالنسبة لتعريف لابد يصدق من الغرفة التجارية

لانه بالاساس الشرطة راح تطلب برنت من الاحوال المدنية

ولما يجبلهم البرنت راح يقولون له عدل البرنت بانك موظف لانه غالبا ماراح يكون معدل

فطريقة تعديله انه راح يجيب ورقة من جهة عمله مبين فيه الراتب ويروح للغرفة التجارية فيصدقوها له وبعد كذا يروح للاحوال فتعطيه برنت للشرطة

الله يوفقك ان شاء الله ويوفق كل الاعضاء وييسر لهم امورهم ويكتبلهم الخير يارب

انا الحمد لله طلعت الموافقه وعقدت اليوم والله يكتبلي الخير يارب

المعامله من المدينة والعمر 24 والبنت 22 وانا الطرف السعودي بس اخذت استثناء العمر من امير المدينة

اخذ الاستثناء مو صعب وامير المنطقة ماشاء الله يستقبل المواطنين كل يوم

الحمد لله تعبت وتيسرت والله يفرجها عليكم وتتسهل معاملاتكم يارب.

الف الف مبروك و يارب تتهنوا باذن الله خﻻص راح التعب و الله وفقكم و يارب زواج العمر و عقبالي و عقبال كل المنتدى

احبك يا ديني :( الشرطة اللي بجدة اخذت اوراقي انا البنت الطرف الغير سعودي و ماطلبوا مننا برنت ابدا مو عارفة بس ممكن البرنت للسعودية فقط اللي بتتزوج اجنبي الشرطة اخذت كل اوراقي من اقاة و شهادة ميﻻد موثقة جديد و جوازي و الفحوصات و قلت لهم ما تحتاجوا شئ تاني زي برنت اﻻحوال من الخطيب السعودي قالولي ﻻ اخاف عملوا كدا ﻻن الخطاب من الرياض يعني ما يقبلون اوراقه هنا بجدة وربي حايرة الله المستعان اخاف بعد ما تخلص من جدة تروح الرياض اخاف تطول المعاملة ....

الف الف مبروك اخوي الله يسعدك ويهنيك

اختي كوكيتا

انا قرات ردودك السابقة مرة ثانية

في ملاحظات لازم تاخذوها بعين الاعتبار

علشان تتسهل معاملتكم ان شاء الله
ضيفوا ورقة تثبت صلة القرابة مابينك وبين خطيبك
لانه هذي تفرق عندهم كثير
شغله ثانية برنت الاحوال امرها هين يعني الشرطه تعطيه خطاب يروح الاحوال ويعطوه برنت
والافضل انه يجهزه من الان

خليه يروح لشرطة الرياض ويعطوه هالخطاب
او انه هناك طريقة ثانية انكم تروحوا لشرطة جدة وتساليهم عن برنت الاحوال للخاطب وتعرفيهم انه من الرياض راح يعطونك اكيد حل

انا صار معاي قبل كذا شي مشابه بدرجه بسيطة لموضوعك
وهو انه خطيبتي من مكة وانا من جدة وكان صعب انها تجي جدة لانها يتيمه فهمتهم الكلام هذا فقاموا حولوا كل معاملتي الى مكة وسوت تحاليلها في مكة وبعدين انا طلبت انها ترجع جدة

انا اتوقع انه الشهرين هذي اللي اعطوكم هيا هي شهرين البحث الجنائي اللي بعده احتمال انهم يعملوا معاكم مثل ماعملوا معانا انهم يحولوا المعاملة

معليش الكلام داخل في بعض

كلام الغربية ماشاء الله تبارك الله

الف الف الف مبروك

اسال ان يجعل ايامك كلها سعادة انت وزوجتك وان يرزقكم بالذرية الصالحة

اخواني اخواتي

ها بشرونا ان شاء الله الموافقه جات ؟؟؟


يارب انه في هذا الشهر ترزق الجميع بالموافقات يارب


يارب ينتهي من فكر الموظفين والعساكر والمسؤولين والناس شي اسمه واسطه


الواسطه صارت في كل مكان صارت وباء الله المستعان

اكيد كلكم شفتوا الشي هذا كيف متفشي بين الموظفين والعساكر

والله انه في حالات تمر قدامي نكون واقفين ومنتظرين ادورانا ويجي واحد شيخ ماشاء الله تبارك الله عليه

ويقله انا جايلك من فلان بن فلان وخذه معاك عالجوال

والعسكري يستقبله احسن استقبال

ويمشيه قبلنا اللي احنا بالساعات ننتظر دورنا

وليش هذا كله

علشان لا انا ولاانت ياللي في المنتدى وقاعد تراجع مثلي وصار لك عشرة اشهر او تسعه اشهر او سنة ماعندك واسطة

والله اني صرت اقولها عادي للي يسالني

ليش متاخرة معاملتك وليش للحين تراجعهم وايش باقيلك

اقله ماعندي واسطة

انا اخر شي اقترح وانا جاد في كل كلمة اقولها

لازم نؤمن ونصدق بل نقر بالواسطة في حياتنا

يعني يضيفون شرط جديد في المعاملات لو عندك واسطة اذكر لنا اسمه وماهي وظيفته



حسبي الله ونعم الوكيل

انا بصراحه بكل اسف

اشفق على نفسي واشفق عليكم كلكم

لانه ماعندكم واسطه

شي محزن