اكييييييد هالموضوع علمنا كيف نصبر ونتحمل ونتوكل على ربنا ومانيأس باذن الله
والواحد يجرب كدا وكدا الين ماتجي معاه ويوفقه ربي وتجيه موافقه
وانت الف مبروك على الاستثناء اللي اخذته عقبال زواجك يارب وتتهنون مع بعض

امين يارب ويسهلكم ونشوفكم كلكم متزوجين يارب

آللهم آآآمين لجميع دعواتكم بحق الوقت المبارك دا،
ما يرد دعانا ورجانا يـا رب ..

والله ما عندي شيء الحمدلله بس مو عارفة طريق معاملتي !!!
أنا ما بدأت لا تحاليل ولا حاجة ومستغربة كيف مو قادرة أعرف أراضي المعاملة فين !!!
كل ما أتصل يقولولي راحت المكان الفلاني،
وعبال ما اوصل للمكان الجديد واتصل ما اعرف أوصل لشيء،
ومو عارفة لا أنزل ولا أطلع عشان أتابعها، قلت يمكن لو عملت معروض تتعجل ولا يحصل شيء جديد !!!
// الله المستعان //

طيب انتي كيف قدمتي معاملتك عن طريق المحافظه والا كيف؟؟؟
غريبه انك مانتي عارفه وين معاملتك وماسويتي التحاليل والاشياء الثانيه
بس دامها تتحرك الحمدلله اصبري عليها كم يوم ويجيكي مسج انه تحولت للشرطه اول ماتتحول روحي خذي طلباتهم وكمليها والله يعينك عليهم

الله يبشرك بالخير يالحظة وتسمعي الأخبار الطيبة بحول الله وقوته
طيب خطيبك ارسل المعروض للداخلية الله يفرج همكم وهمنا يارب

l,uiture67اللهم امين الله يسمع منك خطيبي لا ماارسل للداخليه وماقدر اقول لمين الا لما اتاكد.
بس المعروض راح يروح للداخليه ان شاء الله
احنا ننتظر رقم صادر وان شاء الله تجي ياارب

فهميهم يآ لوون آلســمآ
يوم آقول آن آلشخص طآلمآ بيجيب موآفقه بدون مآ تعمل تحآليل
ليش طيب يزيد ع آللي يقول له عنده مشكلة بآلتحآليل ؟..

لآ بيكون نظآمي وكل شيء تمآم
بتروح ع آلدآخليه ع طووووووول
بدون شرطة ولآ هم يحزنون آنــآ آعرف معقب كذآ
ويعطيك رقم آلقيد تبع آلمعــآملة بحيث لو حآب تتصل تستفر عن معىملتك
ترسل رسآله وتشوف .. تشيك من آلنت ع آلمعآملة
بس يمكن آلنقطة آنه بآلآخير لمآ تصدر للمحكمة تروح هنآك
يعطوك خطآب للتحآليل وآلله آعلم ..!
لآنهآ من آلدآخليه آلمعآملة بتروح للمحكمة ع طووووول


ومن نآحية آصل آلتحآليل ترى بمكة آنت وحظك
آعرف آكثر من شخص مآ طلبوهم تحآليل
يمكن آلقضآه بعضهم لهم علم وبعضهم لآ
خآصة لو مـآ بيكتبوآ آلشيء دآ من آلدآخليه
آنه لآزم يكون معآهم التحآليل ..

معاملة زواج
 

السلام عليكم
قمت بتقديم معاملة الزواج عن طريق موقع محافظة جدة

وبعد ثلاثة ايام وصلني مسج بان المعاملة تحولت الى شرطة جدة برقم ....
بعدها قام خطيبي بمتابعة المعاملة واخذ الطلبات والاجراءات اللازمة
قام بعمل البصمات .. وقمنا بعمل الفحص الطبي
بعد تجهيز الاوراق اللازمة كاملة .. قام بتقديمها قبل شهرين ونصف الى شرطة جدة..

وبعد شهرين ونصف بالتمام تم تحويلها أخيرا الى محافظة جدة ..
احيلت الى وحدة الزواج - ثم ادارة الحقوق باجراء (للتأشير) - ثم الى مركز الاتصالات الادارية بإجراء (موقعة)

بعد ذلك صدرت الى شرطة جدة برقم ......

سؤالي: أليس من المفترض الى تحول المعاملة الى امارة مكة وليس الى شرطة جدة؟؟ ومن ثم تصدر الى المحكمة؟؟؟

أرجو الرد علي في أقرب وقت

آآآمين يا راقية، يعيننا جميعاً ويوفقنا لخيرنا،
وأنا قدمتها عن طريق الوزارة ..

يا أهلا وسهلا ( فراشة الزهور ) وعليكم السلام والرحمة والإكرام
باذن الله أمورك ماشية تمام وموافقتك قربت، ما عندي علم بموضوع التحويلات والإجراءات
لكن في ردود سابقة حصلت لهم نفس الحركة، إن شا الله تلاقي أحد الأعضاء يفيدك أكتر،
وبذن الله تكون خير والله يتممها عليكم ويوفقكم ويوفقنا جميعاً يا رب ..

تسلمي يا قلبي الله يسمع منك يارب ويوفقنا ويسهل امورنا جميعا يارب

حبيبي فراشة اهلا فيكي و حبيت اقولك كل معاملة تختلف في طريقة سيرها بس انتي اوكي معاملتك ماشية الحمد لله مسالة وقت و راح تتصدر للمحكمة الله يوفقنا و اياكي

الحمدلله عرفت أوصل للرقم ، دا رقم مديرية العاصمة المقدسة - مكة - حي النسيم
0125277914
أو :
0125277908
==
بس فاضل موضوع السواق،
الله يرضيكم لو تعرفوا أحد ثقه ممكن ينزلني ويطلعني بالمشوار ؟

عزيزتي اذا حبيتي ممكن تتواصلي معايا على الخاص اعطيكي ارقام سواقين يطلعوكي بالمشوار
الله يوفقك يارب

عزيزتي كوكيتا حابة انصحك انو تراجعو الشرطة لحدت مايصدرو الاوراق للمحافظة مرة تانية
لأنو مابيرسلو الاوراق الا قبل الموعد اللي اعطوكي هو بيومين.. زي ماصار معايا

قرأت وحدة كانت كاتبة انهم اعطوهم موعد بعد شهرين ونصف.. بس صارو يراجعوهم كل يوم .. لحدت ماصدروها بعد اسبوعين للمحافظة
بالنسبة لتعريف الراتب لعملي كان شرط انو يكون مصدق من الغرفة التجارية عشان يقبلوها

الله ييسر لك يارب

ان شاء الله يارب الله يسمع منك.. بس تعبت من القلق والتوتر اللي انا فيه.. كل شوية تطلع ورقة ناقصة .. جلست 3 شهور عشان اكمل اوراقي واقدم المعاملة
الله ييسرها ويفرجها ان شاء الله في اقرب وقت

الله يرضيكي ويفرج همك وهمنا يا رب،
ما قدرت أرسل على الخاص عشان عدد المشاركات للأسف،
إذا ممكن تبعتيهم على إيميلي : على الهوت ميل،
وقولي لي ربي يسعدك أية اتعاملتي معاه وارتحتي بتعاملوا ..

أحد يقلي الضبط الجنائي ايش موقعه من الإعراب ؟؟؟
يعني ايش بعد الضبط الجنائي ؟
ايش عملهم بالنسبة للمعاملة ؟

الضبط الجنائي يمكن يشوفوا اذا خطيبك عامل لاسمح الله جنايه او عقوبه قبل كذا
مدري مو متاكده ترا

حبيبة ألبي ربي يرضي روحكـ ويفرحكـ،
يب صحيح دا الأرجح ..
واللي عندو فكرة أكتر يا ليت يفيدني،
وايش الخطوة اللي بعد الضبط الجنائي ؟

ياحلوين مين يعرف واسطة قويه

(^__^) والله يا أختي ( مخطوبه ) يتهيألي يعني لو واحد فينا عندو واسطة بس
من غير قوية ما كان شفتيه بالموضوع هنا متشحطط يسأل ويستفسر !
الله يوفقك ويوفقنا ويسخر لحياتك وحياتنا أجمعين أخير وأحب عبادهـ إليه ..
وإن شا الله تلاقي إجابة تفيدك من أحد الأعضاء ||

انا عارفه حبيبي صح كلامك

بس انا تعبت تقريبا دي المره السابعه اقدم توصل الين اوراق التحليل بعدين يرجعوها و على دا الحال

لا حول ولا قوة إلا بالله ..
عارفة يا راقية والله إنك تعبتي،
وكلنا تعبنا من كل النواحي،
وادعيلك من قلبي الله يفرج كربتك وكربنا ونلاقي حلول،
بس يا ليت تشرحي لنا مشكلة تحاليلك وأوراقك وإن شا الله تلاقي أحد يفيدك ..

سلام للجميع
انا وديت اوراقي لشرطه بس قلي لازم تحليل اول واعطاني ورقة احلل وقلي امى تجيبيها تبوكي يجي ويجيب شهود اثنين معاه.
الاورتق اللي طلبوها مني طبعا زوجي مو مقيم من الخارج
ورقة موافقة الزوجة
ورقة موافق ولي الامر
صورة من هوية الاب
صورة من هوية الزوجه
ورقة من العمده ازا كنت اشتغل ولا لا
وبرنت من الاحوال
صورة من جواز الزوج مترجم
ورقة تعريف من عمله مترجم
ورقة شهادة الاسلام مترجمة
وصك الطلاق للزوجة
واخر خطوه ورقة التحليل طبعا بحضور ولي الامر مه اثنين شهود
وبس ماعرف اش الخطوه اللي بعدها حبيت افيد البنات اللي يباوا يتزوجوا من الخارج
وشكرا والله ييسر للجميع

عزيزتي فاطمة .. حبيت أسألك بخصوص التحاليل .. قدرتو تاخدو نسخة طبق الاصل من التحاليل ..؟؟
ولا لازم نعمل تحاليل جديدة .. لأنو تحاليلنا مرت عليها 6 شهور دحين ؟؟؟

الاخت عاشقةً تقدرين تقدمين في امارة المنطقة الشرقية والله يسهل امورك وجميع الاعضاء يارب

معاملتي طولت في اﻻداره العامه للحقوق الخاصه في اﻻماره من يوم 1-7

لا يأس لا تيأس ان شاء الله تتحرك
ايش رايك لآيأس تقول لي ايش سويت بخصوص التحآليل
آذآ في شخص بس يسوي تحليل اخبرني ..
او تواصل معي

آنتظرررك..!

الله يسهل ويعجل زواج اعضاء هذه الصفحة
اختي جاسمن انا قدمت اوراقي وجبت صورة من جوازه وهويته في بلده ورجعوها لي وقالولي مانحتاجها
بس اخذوا بياناته فقط وبالنسبة لي اخذوا تحليلي وهويتي وبرنت الاحوال ومشهد العمده واعطوني موعد بعد شهرين ونص اراجع الاتصالات الادارية والى الان عدا شهر ونص وحاولت اروح واتصل اسأل بس مافي فايده يقولوا لسه ماتصدرت

اقتباس:
المشاركة الأصلية كتبت بواسطة فاطمة بنت حسن
السلام عليكم ورحمة الله وبركاته .
أنا شايفة انه الكثير مو عارف ايش الإجراءات
فحبيت أوضحلكم الخطوات اللي مريت فيها واللي
قرأتها من الأخوات .
هذا بالنسبة إذا كان الخطيب من مواليد السعودية
وبالنسبة لغير مواليد السعودية نفس الخطوات بس تتحول
من الامارة للداخلية وترجع للامارة وتتحول للمحكمة .

1/ تقديم الطلب في المحافظة وخلال 3 أيام تتحول للشرطة .
2/ الشرطة تطلب من الطرفين اجراء التحليل " أخذ موعد من خلال الموقع أو نفس المستشفى " يحضر الطرفين لاجراء التحليل " لازم يكون مع الخطيبة بطاقة أحوال أو الجواز " .
النتيجة تطلع خلال أسبوعين بالكثير .
3/ أخذ النتيجة إلى الشرطة واكمال الاجراءات من بصمات للخطيب وتعريف عمل وشهادة ميلاد وراتب وغيره تاخذ في الشرطة حوالي شهرين .
4/ تتحول إلى المحافظة برقم معاملة جديد
وتاخذ أسبوع وتتحول إلى الإمارة برقم معاملة آخر .
5/ الإدارة الأولى " القضايا والمطالبات الخاصة "
وتاخذ تقريباً 3 أسابيع .
6/ الإدارة الثانية " الوكالة المساعدة للحقوق "
وتاخذ تقريباً من أسبوعين لثلاثة .
7/ الإدارة الثالثة " مكتب الوكيل " مرة تكون بإجراء توقيع سمو الأمير وبعد 5 أيام تكون بإجراء عرض .
7/ الإدارة الرابعة " الادارة العامة للحقوق الخاصة ماتاخذ وقت وترجع مرة ثانية لإدارة الوكالة المساعدة للحقوق .
هذا بالنسبة للي صار معايا .
بعدها تتحول للصادر العام ومنها للمحكمة العامة ويتم تحديد موعد العقد بإذن الله .
أسأل الله التوفيق لي ولكم .

انا بعد مااتحولت للمحافظة .. راحت على الشرطة وليست على الامارة..؟؟!
ممكن أحد يفيدني..!

اكيد في شي ناقص في اﻻوراق

الله يرضيكي ويفرج همك وهمنا يا رب،
ما قدرت أرسل على الخاص عشان عدد المشاركات للأسف،
إذا ممكن تبعتيهم على إيميلي : على الهوت ميل،
وقولي لي ربي يسعدك أية اتعاملتي معاه وارتحتي بتعاملوا،
أنتظرك ردك يا راقية ..

مساء الخيرات عليكم جميعا ،،

حبيت اسأل اللي مروا في الداخليه معاملاتهم
اناا صار لها تقريب شهر في الشؤون الامنيه
احد يعرف متى ممكن تخلص منهم ؟؟

اللي يعرف يا ليت يجاوب ربي يسعد قلب اللي يجاوبني دنيا واخره
l,uiture6721l;wqa'

للأسف ما مرت عليّ الإدارة دي،
إن شا الله أحد يفيدنا ؟
والله يسهل أمرك وأمرنا يا رب ..

مانسيتك ياقلبي والله.. بس استنيت صحبتي ترسلي الارقام لانو مسحتهم من عندي
فيه اتنين اتعاملت معاهم .. وواحد ارسلت رقمه بس مااتعاملت معاه بصراحة

أول ماارجع البيت ان شاء الله ارسلك هما على الايميل بحول الله

اهلين اخخوي

اذا خويكك بشرطة جدة وبيسساعدنا ارسلي رقمك خاص وبوديك عند واحد بالمختبر الاقيليمي
يضبط لك التحاليل ان شاء الله،،للعلم انا الطرف السعودي


# تنبيهه لاخواني السعوديين
اذا انت موظف قطاع خاص ومهنتك في الاحوال " طالب " خذلك ورقة من العمل ورح غيير المهنة ل موظف قطاع أهلي
اختصصار للوقت =)