لا تكتب تاريخ وصولها للاماره فقط مع رقمها
واذا مشكلتك التحاليل حتطلبها المحكمه منك وتعطيك خطاب

ارسلت رقم بعتولي رقم غلط ماحطيت تاريخ
حط تاريخ....
وجزاك الله الجنة

السلام عليكم ,
حسب سير معاملة الاخ الفتى الهمام السليمة والي تحولت للمحكمة , اجراء المعاملة في مكتب الامير كان
( أحيلت إلى مكتب سمو الامير - شؤون المكتب
بإجراء : توقيع سمو الامير )

اما انا الحالة عندي قبل دقايق كانت في الوكالة المساعده للحقوق ,
والان صارت
( حيلت إلى مكتب سمو الامير - شؤون المكتب
بإجراء : موقعه )

الي فهمته ان معاملة الاخ الفتى الهمام دخلت لمكتب الامير تتوقع , اما معاملتي دخلت موقعه لمكتب الامير , يعني المعاملة فيها شي ؟

ياجماعة عندي سؤال مهم الله يسعد إلى ترد علي، انا معاملتي في المحكمة والجلسة الأخيرة في المحكمة يوم الخميس والولي أخي الغير شقيق الى لا أعرفه ولايعرفني، اضطريت أرفع قضية عضل عليه المشكلة انه الشيخ متواطئ معاه في موضوع التكافؤ والقبيلة والخاطب من جنسية أوروبية السؤال هو هل يحق للشيخ الرفض بحجة التكافؤ رغم حصولى على موافقة وزارة الداخلية؟ مالدليل الشرعي؟ هل استطيع ان اطالب بالدخول لمكتب الأمير و من هو الوزيرأو المسئول المكلف لمتابعة تلاعب شيوخ المحكمة؟

ايوه لازم تحط تاريخ صدورها للاماره عشان يطلع لك الرقم
اخوي هيا نفسها سواء توقيع سمو الامير او موقعه
لاتوسوس وتدقق في كل شي معاملتك ماشيه صح
مووفق يارب
لاحول ولاقوة الا بالله
اعتقد لهم حق لو مافيه تكافؤ يرفضو يزوجوك
الله يعينك ويكتب لك الخير

اختي الافضل تسألي ناس مختصين قانونياً وشرعياً , حسب دراستي الشرعية موضوع تكافؤ النسب كلام فاضي ولا دخل له في ديننا , اقصد بتكافؤ النسب كأدعاء بفسخ الطلاق سبب غير معتبر في الشرع ,
سيدنا بلال بن رباح الحبشي تزوج بأخت عبد الرحمن بن عوف القرشية , وتزوج مولى رسول الله زيد بن حارثة زينب بنت جحش القرشية , والامثلة كثيره مكانها مو هنا , لكن اعيد , الافضل تسألي مختص قانوني او محامي .


اللهم امين وياك اخت لحظة

لحظه تفاؤل
وكل الي مرو هنا
مساء الورد لكم
كيفكم يابنات دفعتي ههه
والله لكم وحشه
لحظه ياقلبي وحشتني كتير
حبيت ابشرك اني ماشالله جبت بنوته
وعقبال مانفرح فيكي ياقلبي

السلام عليكم ورحمة الله وبركاته
مساء الخير..
حابه استفسر منكم لو المتقدم الغير سعودي مقيم في دوله خليجيه هل يتم قبول المعامله او يشترط الاقامه ..لو لا يشترط الاقامه ايش هي الاجرأت ومن فين ابدأ؟
جزاكم الله خيرآ

تصدقي لحظة والله معاكي حق خطيبي راح البحث وصلت ومع واسطاتو قدر يفتح المعاملة الاستثناء مو مكتوب عليه شي ومعاها مجموعة معاملات وحاطين ورقة فيها جدول بأسماء المقدمين وتحت مكتوب السماح لهم بالزواج مع انطباق شروط الشرطة والله حسسوني كأنو المرض مرض الله يسامح القاطع النصيب حسبي الله ونعم الوكيل

ياحبيبتي الف حمدالله علي السلامه
والله العظيم انتي في بالي دوم
وكنت عارفه غيابك هذا معناه ولدتي وانتي كمان وحشتييييييني
الف مبرووووك البنوته تتربي بعزك يارب
ورزقك الله برها ياااارب 3fc3wfc

ايوه حبيبتي عارفه هذا الشي من زمان يمكن ليا سنتين
كل اللي يقدم استثناء سواء تحاليل او اي شي ترجع المعامله بحسب الشروط وشروطهم تعرفينها معناه ماحيقبلو يمشوها لك الشرطه الله يعينك حبيبتي ويسهل امرك
جربو من الرياض يعطو تحاليل حتى لو فيه فول او الشرقيه هذي المنطقتين اللي سمعت يعطو تحاليل
انا يوم قدمت استثناء زمااان كان معاي تقرير طبي من المستشفى مكتوب عليه مايؤثر علي الزواج ومع هذا ماوافقو كويس انتم شفتو المكتوب فيها احنا قالوا حفظ من غير مايتاكدو بس الله حسيبهمgfds

وعليكم السلام ورحمه الله وبركاته
ايوه عادي تمشي مو لازم يكون مقيم بالمملكه بس معاملتك حتكون معامله من الخارج
وعادي تقدمي طلب من المحافظه اذا كنتي من جده بطلب الزواج من غير مقيم وتوصل للشرطه وهي تقولك ايش تجيبي من اوراق وموفقه

السلام عليكم ..

انا اليوم خطيبي جاب الطلبات من الشرطه ..
عندي استفسار فيه ورقه لي انا السعوديه وطالبين شهود اثنين وختم العمده .. سؤالي:هل الشهود ضروري يكونو سعودييين ويكونووو قرايب لي ولاعادي اي احد ؟؟ ياريت احد يفيدني..

وسؤالي الثاني: في التحاليل صحيح الطرف الغير سعودي يدفع700 ريال.. مع العلم حلل خطيبي قبل سنه في الدمام وماطلبووووو منه ريال؟؟ وهل المختبر الاقليمي يتعمد يعطي تحاليل فيها انيميا الطرف السعودي . وشكرا لكم..

افيدوني الله يحزاكم الجنه ويسهلكم اموركم💜

وعليكم السلام ورحمة الله وبركاته
هذي الورقه اسمها مشهد العمده اختي عملتها امس وجبنا شهود زوج اختى وولد خالي
لازم اعتقد لازم قريب لك عشان يثبتو انك فعلا ساكنه في هذا الحي هو صحيح كلام فاضي بس مشي حالك
بخصوص التحليل اتذكر اللي كان خاطبني دفع فلوس وبخصوص النتيجه حسب اللي يطلع لهم يحطوه مايتعمدو ولاشي
ان شاء الله تحاليلكم سليمه يااااارب
على فكره الطرف السعودي مايدققو في تحاليله حتى لو طلع عنده مرض اهم شي الاجنبي يكون سليم

الاخ الفتى الهمام طمنا ايش صار معاك اخذت موعد للمحكمه والا لا؟

ساااااااره ياليت تطمنينا ايش عملتي بالمعامله حقتك ؟ :(