|
|
اقتباس:
حبيبتي احنا مسلمين ماننتظر ان الموقع يكون دعوي حتى نمنع الغلط و التجاوز و ديننا ما ينفصل عن حياتنا ، ما حنا علمانيين ترى و انا اتحداك تجيبين لي رد واحد فيه غلط على احد و المفروض ان هؤلاء يمنعون من الكتابة دام يبون يسيئون لربهم و دينهم هم اصلا عناوين موضوعاتهم و وموضاعتهم كلها سوء ادب مع اللي خلقهم ، يعني ما ينتظرون ان احد يستفزهم و من يوم احد يناصحهم يقلبون و يطلعون وصخ قلوبهم المريضة ، حتى ما يبون احد يذكرهم بالله و لان ما في احد منعهم و لا منع موضوعاتهم المشينة لذلك تجاسروا و هم انفسهم اللي يكررون ذي الموضوعات الشيطانية فعلا من أمن العقوبة اساء الادب و تراكم تتحملون وزر ما يكتبون دام انهم غير مسؤولين |
اقتباس:
لا حول ولاقوة الا بالله العلي العظيم |
امسي عليكم جميعا
الله يصلح حال الجميع يارب كيوت النظرة تجنن يا عيون .. " نظرة البسة " هههههه مع اني ما اعرف اربي بساس انا و لا كل الحيوانات ما اتحمل مسؤلية ! |
https://lh3.googleusercontent.com/-m...1+%2856%29.jpg
القلوب المحبه الطيبه كالورود البيضاء النقية التي لا تنبت إلا في النفس الطاهرة الزكية تتفتح على أغصان النقاء وينتشر شذاها مع الأيام في ساعات العمر وتنمو يوما بعد يوم فتكون تلك النفوس تربة خصبة لتلك الورود وتغدو حدائق غناء يعبق في أرجائها العطر وتغني فيها البهجة أعذب ألحان الحياة حتى وإن كان يحيط بالمرء ركام من العذاب والألم فالخصال الحميدة تطهر القلب من أدرانه وتجعله نقيا يشع نورا ولمعانا مساء الخير |
مساء الخيرات يآل نفساني
واضح اني بجلس لكم في المنتدى هاليومين لين ينتهي هالشهر الكريم (: .. انا بديت اشك ان اساس مشكلتنا شي وجداني وعاطفه جياشه واحساس فوق الوصف .. دنيا صعبه وقلوب رقيقه ! هذه كل الحكايه .. احيان اقول نحن مميزين لدينا مشاعر اكبر واحاسيس أعظم حتى لو كنا نعيش ب الصبر حتى لو كان طعم الالم مذاق حياتنا حتى لو كنا نعيش على هامش الحياه !! لا اريد ان ازيدكم حزنآ وكآبه هي مجرد محاولة قراءه .. رغم ان اكثر مانجهله .. أنفسنا اللهم انك عفوآ تحب العفو فاعف عنا اللهم انك عفوآ تحب العفو فاعف عنا اللهم انك عفوآ كريم تحب العفو فاعف عنا .... اللهم آمين |
ترى الوضع خطير
وش يدرينا انهم ما ينفذون اجندة هدفها تشويه الدين و المعتقد ؟ يبدؤون يبثون سمومهم شيئا فشيئا في المرضى اللي اعياهم المرض و احبطهم طول أمد الاوجاع بحيث يزعزعون ثقتهم في خالقهم و يكروون عبارات التشكيك في عدل الخالق في تقسيم الصحة و الارزاق تعالى الله عن ذلك علوا كبيرا و اعتراضهم بكل وقاحة على الأمراض لين يوصلون لمرحلة انكار الذات الالهية من باب لو الله موجود ما تركنا نعاني عياذا بالله اصلا وش هو الالحاد غير الميل و الجحود يجحدون نعم الخالق و لطفه بعباده لين يجحدونه و يجحدون وجوده بالكلية ترى شفنا من ذي الاشكال لين عفنا ، يندسون في المنتديات اللي يردها العارف بدينه و الجاهل ، اصلا هذي بيئتهم الخصبة لنفث سمومهم لو هم اصلا فيهم ذرة خير من يوم احد يذكرهم بربهم و رحمته يستغفرونه و يبدون ندمهم لو بالكذب لكنهم يصيبهم الجنون و كأنهم ما يبون احد يثق بخالقه و يطلعون وصخ قلوبهم و انواع الإساءة يشهد الله اني ما زعلت يوم أساء لي المدعو صبري لانه اساء للاعظم قبل ما يسيء لي اساء لربه اللي خلقه و انعم عليه و الدليل اني ما زعلت و لا اشتكيت للادارة و لا طالبت بحذف شتائمه القذرة و لكن عندما تمادى في الردود كتبت جملة : لا يضر السحاب نبح الكلاب و الله يشرف الكلاب اللي ما لها ذنب ، الا بالعكس تسبح خالقها هي و باقي الحيوانات لا يفترون عن ذلك و لا ينسون ، احسن من بعض البشر اللي نزلوا بانفسهم لادنى من مستوى الحيوانات باعتراضهم و نكرانهم و جحودهم لانعم ربهم اللهم كل من أراد بديننا سوءا فاشغله في نفسه و اجعل تدبيره تدميرا عليه و احفظ المسلمين من شره و كيده اللهم آمين |
فاهمك يا عبود
لا تتعب نفسك لن يكون هناك كثير إكتراث لهذا الموضوع ليس إلا لسريانه في الغموض http://2.bp.blogspot.com/__932unOi-n...e_340_309_.jpg |
بعدين المرض اي مرض يبي يكسر صاحبه و يرده لربه رغما عنه بالذات المرض النفسي الجالب للغم و العزلة
عندما يجد المسلم نفسه وحيدا اسيرا لمرضه لا يجد امامه سوى خالقه ملاذا له ، للركن الشديد ، للحصن الحصين ما هو للبشر الضعوف اللي حتى ما يملكون انفاسهم و لا ارزاقهم و لا مصائرهم و اكيد كلكم يا من جربتم هذه الانكسارات ، شوفوا مستوى ايمانياتكم قبل و بعد هذا الطبيعي اما قله الادب مع الخالق و الاعتراض و الجحود ما هي من طبع المرضى الغلبانين المكسورين ابدا حتى الاستغفار و الاعتراف بجريمتهم تجاه ربهم ما بدرت منهم الا مزيد من التطاول على اللي خلقهم حسبهم الله و نعم الوكيل |
هلا ياعالي
وش رايك في السروكسات ؟ اظن قد جاوبتني بس والله الذاكره معطوبه بديت اخاف من الزهايمر ): انا احيان يكون الاكتئاب اقوى الرهاب خف علي من بعد علاجي الاول قبل ٣ سنوات بس بعض المواقف بين فتره وفتره تثبت لي انه لايزال موجود انا اخذت سيروكسات من نفسي بعد ماجربت سبرالكس و اوسترال ولا نفعوا معي والخبط في الجرعات وش رايك اضيف له شي خاصه لموضوع الاكتئاب والقلق الكبير |
هدي بالك عيون لا توسوسي
و معاكي حق المفروض منع مثل هذي المواضيع لانها ما تعود حتى على صاحب المشكله لا بالراحه و لا بالارتياح و لا بالحل لو الانسان يستسلم لهذي الافكار و للتشكي و للحسد .. بيدمر نفسه و ايمانه و لا بيلقى حل لانه كررها و تكلم بها قد يمر على الخاطر و في النفس و بالذات وقت الازمات انك تقول ايشمعنى انا و لا ليه يصير معايا انا كذا لكنه ما يلبث ان يتبدد حيث انك ما تصرح به و تؤكدة و تكرره فالضرر على صاحب الفعل هذا اكبر بالنسبة للمتلقي كمان هو يقع في غضب بسبب كلام لا يليق بالله عزوجل و قد ينفعل و انا اشوفها طريقة سيئة في التعبير عن المشاكل او الضيق الذي يمرون به و لا اعرف ايش الحكم الشرعي و هل يؤاخذهم الله بما يقولون و يفعلون الله اعلم بهم و الله لا يجيب لنا ضيقة او زعل بس فعلا النتيجه النهائية لكل الاطراف غير مرضية و الله يقويكي عيون و ان شاء الله الادارة تمنع هذي المواضيع |
اقتباس:
اصلا ماتقدر تروح وتترك هالوجوه الطيبه صح والا ؟ $$$ |
الاخت عيون انا معاكي ان هالمواضيع تسبب شوشره
ولالها فايده سوى انه تشوش ويمكن تاثر على عقيده المتواجدين كان بامكاني احذف الموضوع لكن احنا كاداره نعطيهم فرصه ونكلمهم باللين وننصحهم يااان يتركو عنهم هالكلام ويتصلح حالهم او يتم اجراء اخر انا حذفت له ردين اساءه فيه لك وعدلت بعد العبارات اللي كان يقولها احنا نعتبرها نوع من الفضفضه مع اني مااشوفها فضفضه الا قلة ادب صراحه اي شي يمس الدين والرب انا اغضب ومااتحمله لكن هذا راي الاداره الكبيره ونحترمه اهدي انتي بس وادعي ربي يهديهم للحق يارب |
اقتباس:
اي والله اخوه اعزاء وطيبين اصلا توني قايلها فوق اهل القلوب الطيبه (: الخميه منصوبه هاليومين بس ترى انا بدوي رحال (: |
هل الغضب ان تمس الذات الالهية يعتبر وسواس يا هبة ؟
ما هقيتها تطلع منك اتركي الحسد على جنب حسدهم ان شاء الله يرجع لهم و ما هو بحجم الاساءة لخالقهم و كل هذا بحجة انه مرفوع عنهم القلم انت لو جبت طفل لم يبلغ الحلم و قلت له حرام ما يجوز انك تقول كذا لوجدتيه استغفر ربه فورا لان تقديس الخالق فطرة ما لها دخل بالادراك اما التمادي في الاساءة للي خلقهم هذي تحتها الف خط و الحل مثل ما قلت : ان تحذف هذي المواضيع اللي تجرح مشاعر المسلمين و لكن شوفيها موجودة هي و عناوينها السيئة و يرد عليها و ترفع و بالاخير يحاسبون اللي انجرح من الاساءة للخالق |
اقتباس:
لصقه جونسون ^ |
| الساعة الآن 02:34 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا