يا جماعه لي فتره احس بخفقان في القلب و خايفه أتكلم و خايفه منه
و الله مو عارفه اقول و الا لا

احس بتعب عام في جسمي و صرت موسوسه من العين مررره اخاف منها على عكس قبل

مع أني لي فتره اعتبر الوضع مستقر نوعا ما

اهلا وسهلا وصباح الخير ورود

كثير من البنات هنا قبل زواجهم خافوا وتوسوسو كثير إنه ممكن يصير لهم شئ بهذا اليوم بس ماشاء الله 😍
تزوجوا وانبسطوا وفرحوا واتحدوا الوسواس والحمد لله ربي تمم لهم على خير، الوضع يحتاج قوة 💪 وتحدي للفكرة وتبديدها فوراً لا تنصتي حاولي مرة اثنين ثلاثة وعليك بالإستغفار كل ماجاتك الفكرة، أسأل الله ان يحقق ما في بالك ويوفقك ويسعدك 🌹

اهلا وسهلا صباح الخير اختي
الخفقان مالوا وقت يعني كل ماكنت متضايق يجي ع طول وإذا كنت رايق يروح، ف تعاملي معه على دا الأساس وتطمني الخفقان لايدل على شئ خطير خصوصاً لحالاتنا توكلِ على الله وأبعد عن الشاي والقهوة تماماً دي الفترة وشوفي كيف النتيجة، والف سلامة يارب

السلام عليكم
ان شاء الله تكونوا بخير

عليه افضل الصلاة والسلام
الحمدلله بخير من رب العباد
يسلمووو ايديك تعبت نفسك 🤣🤣🤣

والله اليوم من الصبح الافكار مو راضيه تبعد عني جننتتي بس افكر بالموت ماني قادرة اخلي عقلي يوقف الله المستعان بس
طمنا عنك انت كيف وضعك

ههههه 😂 😂 هني وعافية يارب 😜
الله يعينك 😔 أحياناً تتسلط الأفكار علينا والله ماننلام ☹️
تعوذي من الشيطان وعمرك طويل إن شاء الله. وحاولِ تشغل وقتك قدر الإمكان الله يسعدك، الفراغ محبب للوسواس ترا.
أبشرك الحمد لله بخير والأجواء ماشاء الله تسعد وتفرح وأشعر بالأمل معها بوجود حبات المطر الجميلة 😍
بس شوية توتر وقلق خفيف من الشتاء والبرد نوعاً ما ☹️
بس اطنش إيش اسوي لازم احاول اتأقلم مع الوضع لين اتناساه وانساه.
🌹🌹🍫

مساء الخير عليكم جميعاً
كيف حالكم؟ طمنوني الله يحفظكم

على قلبك يارب هههههههههههههه
احاول اشغل وقتي لكن اليوم مخي متسلط علي بطريقه فظيعه وتجيني نوبات قلق متقطعه واذناي حرارة اليوم يمكن لان نومي متلخبط ونظامي متلخبط اخاف من كل شي حتى افكاري ودي كل شي يتوقف ودي ارجع مثل اول ماافكر بشي مااخاف من شي بس مو قادرة اقول لنفسي ليش انا ليش يصير معاي كذا والله تعبت الله المستعان بس

ااه وسواس العين

كيفك اخي ابو عبادي الله يصلح حالك

😅😅

الله يفرجها عليك يارب ☹️
طيب حرارة الإذن ترا طبيعية دايم تجيني تطمني.
الله يشفيك ويعافيك ع أهون سبب يارب ي ختي آمين 🌹. الحال من بعضه والله حتى الدواء لي يومين مضيع بوقته مع زحمة الشغل 😒😔. لكن شدي حيلك والزمي الإستغفار صدقيني ستفرج بإذن الله. وكوني متفائلة دائماً 🌹🤝 الله يسعدك.
ويكند جميل 🍫🌹🌹

الحمد لله بخير ي ام محمد اللهم آمين وربي يسلمك ويحفظك ويطول بعمرك 🌹

مساء الخير خدوا ورد كثيييير يلا🌹🌹🌹💐💐💐💐💐💐😁😅😂😂
ماهي خططكم في هذا الويكند؟
انتظر إجاباتكم يلا لاتتفشوني 🤗

بعد ما تغلبت عاى الوسواس مؤخرا وشلت افكارو السيئة رجعلي..
البارح حضرت جنازة واليوم اخرى.. كثر الموت هالأيام وصرت اخاف من اتفه شي، صحيت الصبح لقيت نفسي متعرقة شوي خفت خوف شديد و قلت هي اعراض مرض ماا لأنو فيه امراض من اعراضها التعرق في الليل الله يعافينا وصرت اتحسس قلبي اكثر من قبل والله حاسة نفسي رح اجن واخبار الموت كل يوم ماتنقطعش 😥😥😥 الله يسترنا ويحفظنا

اللهم امين علينا جميعا يارب اخوي
بااذن الله ربي قادر على كل شي واساله ان يشفينا جميعا عاجلا غير اجل يارب
ويكند راحة وطمأنينه لكم جميعا🌸🌸🌸🌸

الله يرحمهم جميعا كلنا نحس كذذا ونخاف من اي شي نسمعه او اي شي يصير قدامنا اهدي واطمني واستغفري والله يهدي بالنا يارب وتطمأن نفوسنا

صباح الخير

بالفعل ي ايميلي مثل هذي المواقف صعبة وتؤثر علينا ك موسوسين بالموت والأمراض وتسبب رعب كبير وتبقى بالنفس لفترة الله المستعان 😞، لكن ما باليد حيلةوكل اللي نقوله يارب الفرج، وتحسس القلب ونبضاته وخلافه اعراض هبلت فيني كثير قبل كذا 😒😢. رحم الله ميتكم وعظم أجركم وإنا لله وإنا إليه راجعون. وتأكدي ماحد بيموت قبل يومه سواءً مريض أو غير مريض وتعوذي من الشيطان الله يبعده عنك وعننا آمين.
وأتمنى لك يوماً سعيداً.
ماتنسيش طمنينا عليك بحفظ الله ورعايته

هلا اختي، صباح الخير
يارب الله يسمع منك 🤲 ويبعد عنا وساوس الشيطان هذي اللي مرهقني😒اما الأعراض تعودت عليها وصابر لأنها لاتستمر مؤقته نوعاً ما. اللهم آمين أجمعين يارب.
أختي هل الوسواس اللي معاك من زمان أو نوبة هلع بالبداية؟

للهم امين
والله احساس يزيد من توتري خاصة لما اشوف كل الناس عادي الا انا
الله يحفظنا ويزيل همنا

الله يحفظك اخويا والله يفرج علينا
انا اليوم مزاجي تحت الصفر تعبت، شفت حلم مش حلو و قاعدة افكر فيه الله يستر علينا وعلى جميع امة محمد

وانت كيف اخبارك

الله يعينا و يشفينا جميع يا رب

يا جماعه كيف معاكم حديث الداخلي او حديث النفس بيني و بين الجنون شعره خلاااص

كان شخص بداخلي يتكلم و يقول كلام احس مش قادره افكر فيه يعني مثلا حد يقولي شي في ردة فعل سريعه داخل مخي و كلام يصير كلم مب زين و اخاف اقول معقوله انا دعيت على نفسي او على اولادي و الكلام كله داخل مخي يعني مثل نتناقش انا وزوجي بموضوع امراض و جي و عطول ردت فعل داخل مخي تصير من كلام و الحين احس اني موسوسه من هالكلام

ماعرف اذا حد فهم شو اقصد بس مش عارفه كيف اوصل المعلومه بس حديث النفس خلالااص تعبني والله العظيم

اللهم آمين جميعاً يارب
عادي جداً خليها بلا اهمية حتى لاتستغل فترة ضعفك بعد المواقف اللي صارت معاك من كم يوم كوني قوية واستعيذي بالله ولاتيأس من رحمة الله تعالى.
الله يشفيك ويكتب لك الأجر آمين عاجلاً غير آجل

هلا بنت الحوسني كيف حالك؟
ايوة اعرف هذي فكرة وسواسية مع قلق شديد على من حولك وتشعري بأن المرض او الخطر قريب منهم بسبب هذي الفكرة تطمني كلها وهم و وساوس لاتشغلي بالك فيها.
أستودع الله زوجك وأبنائك بإذن مايجيهم ضر والله يكتب لك الشفاء عاجلاً غير آجل آمين

سبحان الله ماتبدأ أجواء البرد تجي إلا اتوتر شوي وغير برودة الأطراف☹️😔 يارب فرجك علينا والشفاء العاجل آمين

الله يخفف عنك ويفرج على الجميع
وانا تجيني حالة اكتئاب بسبب الجو المغيّم واصير كل تفكيري في الموت
ادعولي الله يحفظلي اهلي لبارح اخي عمل حادث والحمدلله ماصار فيه شي لكن السيارة راحت فيها ومن هذيك رجعتلي نوبات الهلع ماقدرت انام ولما نمت شفت احلام خوفتني وصرت اخاف على ماما مع انها مافيها شي الحمدلله الله يحفظها لكن صرت خايفة عليها مش عارفة هالاحساس اجاني اواخر عام2014 وبالزور تخلصت منو والآن رجعلي تعبني.. حتى في الاجتماعات العائلية بين الاقارب كلهم يتكلموا ويضحكوا وانا احاول لكون معلهم اضحك شوي واروح في عالم راسي المخيف اتخيل تخيلات سيئة
وبالليل انام وحدي وصرت اخاف وابيت الاضواء مشتعلة حتى يجي بابا يأنبني هههههههه
الله يقوينا والله يحمينا ويشفيناا و يطول اعمارنا ويبارك لنا فيها
🌸🌸🌸

لي فتره ما افكر في الوسواس الا في الليل لكن طوال اليوم الوضع تقريبا عادي
لكن اليوم صحيت على حلم ملخبط و من صحيت و انا موسوسه منه و مع عدم وجود خوف

انا من رجع الوسواس لي تقريبا سنة و انا ما اسوي شيء أحلامي و الأشياء الي ابغا انجزها هذي السنه ما سويت فيها شيء

صار تفكيري كيف الناس تروح و تجي و الموت يترصد لهم. كيف ينبسطون كل تفكيري كذا
عجزت أتقدم في حياتي
طبعا هذا كله حوارات داخليه محد يعرف فيها غيري الي يشوفني يقول عني طبيعية بس داخلي بركان

هلا اخوي صباح النور والنفوس الراضيه

الحمدلله على كل حال انا دايما ادعي بصلاتي اللهم ازل وساوس الشيطان من عقولنا وقلوبنا وانفسنا وابدلها بقدرتك لراحة وسكينه يارب ياكريم لنا جميعا اللهم امين

انا كان من زمان عندي اشياء خفيفه ماكنت انتبه لها يعني اكره النوم لاني اخاف منه ومن الاحلام بس كنت دايم اطنش لها واخاف من الموت والقيامه بس الخوف الطبيعي لين تراكمت الاشياء وصارت معاي احداث كثيرة نكد ومشاكل وجلست فترة لوحدي وصرت اخاف من اي صوت من اي شي وفجاءة جاتني اول نوبة هلع قويه بالمكتب وماكنت ادري وش هي وخفت كثير وماادري ايش فيني انتفض نفض ذاك اليوم حاولت انام ولا من ١٠ ساعات لين هدت الرجفه وقدرت انام شوي وصرت ابحث بالنت والله هداني للمنتداكم الي خلاني اعرف كل شي ومن يومها تفكيري بالموت ٢٤ ساعه والخوف من الاحلام والنوم زاد وكل شي...
ليش حالتي تختلف عن الموسوسين؟!
ونقول الحمدلله على كل حال...
اسال الله لي ولكم الشفاء عاجلا غير اجل..اللهم امين

اعرف شعورك بالضبط اطالع في الناس اقول كيف يضحكون وهما عارفين بيموتون
اللهم امين استغفري والله المستعان

عاد انا اعشق البرد والاجواء الشتوية كانت رمز الرومانسية والاحلام عندي بس الحين مدري اش احساسي 😢😢😢

صباح الخير ايميلي
اللهم آمين جميعاً يارب 🌹
الله يفرجها عليك وعلينا يارب، تعرفي وانا صغير كنت اخاف من الهواء موت وماكنت اعرف انه وسواس عشان أتوقف عن التفكير فيه واعارضه😔.
الله يحفظهم لك ويطول بعمرهم على طاعته تطمني لاتشغلي بالك الحال من بعضه، سبحان الله أغلبنا الموسوسين متشابهة افكارنا، والحمد لله على سلامة اخوك. الله يعوضكم خير، ههههههه عادي أهم شئ تنامي براحتك والطريقة اللي ترتاح عليها.
واللهم آمين يارب 🌹

هلو تقهويتك مواجع صباح الخير والسرور 🌹🤗🤗
كيف حالك؟
اي هي حلوة مع شبة النار وكذا بس انا مع القلق تبدأ تبرد اطرافي واقلق 😒😒.

هلو بك يسعد صباحك اخوي
انا بالنسبة لي احس مشاعري صارت ملخبطة مااعرف هيا ايش عشان كذا

هلا هلا نسيت ارد على هالتعليق آسف ☹️
مساء الخير والتفاؤل 🌹
اللهم آمين ونا بدعي لكم معايا يعلم الله لأنه اللي نحنا فيه يحتاج صبر وعزيمة وتعامل هادئ معاه حتى لاتكون هناك اي نكسات لاسمح الله 😒.
للأمانه انا كنت قريب من حالتك وكنت مسيطر على الوسواس والقلق الحمدلله، بس وفاة الوالد رحمة الله عليه جابت لي نوبات الهلع اللي قضت علي وقتها تماماً ☹️😭 وكنت أجلس بالأيام لا أكل و لا شرب بس بكاء وسرحان وحزن على أبوي 😫😢😢 وزي ماقلت حسيت كلها جات دفعة واحدة الوساوس والقلق جات على شكل نوبة وانا اسوق يالطيف حرارة وبرودة وضربات قلب وتعرق استغفر الله العظيم 😪 شئ مرعب فعلاً ومن بعدها بحثت عن العلاج بعد أن ارشدني ربي لهذا المنزل الجميل وهو منتدى نفساني اللي وجدت فيه الحل بأمر الله، وانا الآن منتظم على الدواء الحمد لله أين كنت واين اصبحت، وتطمني ترا كله وهم وليس حقيقة ومامررت به مررنا به جميعاً ف هدي نفسك ولاتقلقي قادر ربنا سبحانه وتعالى يشفينا على اهون سبب يارب آمين 🌹

ولكم كنت بختصر اسمك بس قلت لا ماقول مواجع 😒
تقهويتك ازين 😊 ومساءك جميل يارب 🌹
والله مالوم مشاعرنا تتلخبط من اللي شفناه ☹️
الله يعينك 😪، كيف نومك صار تمام؟

مساء الخير ي احبتي كيف حالكم
بدأ الشتاء عندكم عالأغلب صح؟
أنا متوتر شوي منه 😔😔

الله يعينا والله الوسواس يشوف وين نقطة ضعفنا و يركز عليها

الله يشفي الجميع

قمت الصبح و خف الوسواس لكن ياني وسواس ليش خف الوسواس هههههه الله يعينا يا رب


اخباركم اليوم جميعا ان شاءالله احسن حالا

نفس الوضع لان الحين كله جمعات و قعدات و الناس مستانسه و انا اذا بطلع شوي الحديقه اخاف ليش طلعت يا رب يشفيك و يشفينا و نستمتع بهالاجواء بصحتنا و عافيتنا يا رب