|
السلام عليكم
اسعد الله اوقاتكم جميعا بكل خير جزاك الله خير على دعواتك أخانا شاطئ و لك مثلها اما بالنسبة لك اختي عزيزة اسأل الله أن يجبر كسر قلبك و يعوضك في الدارين مع احترامي للرجال المحترمين كلن يتزوج لمصلحة معينة ، أما اللي يتزوج عشان العفاف و الاجر و الكلام ذا ما عاد فيه منه ، خلص من زمان إلا من رحم ، حتى اللي من رحم مثل بيض الصعو يسمع بوه و لا يشاف لذلك في اليأس راحة و الراحة في الجنة أنا بصراحة فقدت قدرتي على المجازفة من زمان ، مافي شي أصلا يستدعي المجازفة و خوض التجربة ، و ربي يرزقنا وياكم الفردوس الأعلى خير من الدنيا و ما فيها و يرزقها جميع المسلمين اللهم آمين |
أنا إذا بغيت أحس إن الدنيا ما زالت بخير أتأمل جيل الصحابة و التابعين رضوان الله عليهم ، و يتوه عقلي في فعولهم و أعزف عن واقعي .
أدري ماني صحابية و لا تابعية ، بس وش فيها يوم الواحد يطمح للي يعينه على الدين و الدنيا الحين حتى اللي يطلق عليهم ملتزمين و أصحاب لحى ينعدون على الأصابع اللي فعلا يخافون الله في انفسهم و في بنات المسلمين لذلك المجازفة محفوفة بالمخاطر بمنتهى الأسف و اسأل الله أن يوفق الجميع لما يحب و يرضى |
حصل موقف البارح بعد التراويح في ليلة 27 ما أنساه مدى حياتي ، دموعي ما جفت من أمس و لا قدرت أغمض ، في غاية الارهاق انا الآن
سبحان الله تجلت عظمة الخالق سبحانه في الموقف لدرجة القشعريرة ، شي غريب ، لكن لأن أحداثه شوي طويله ، سرده يبي له تركيز و انا التر كيز عندي صفر من ارهاق الدموع و انعدام الغمض و ربي يتقبل منا جميعا و يجعلنا من المقبولين المعفو عنهم في الدارين و جميع المسلمين اللهم آمين |
السلام عليكم
خير ان شاء الله اختي عيون ... خير يلزم لك راحة .... بالرغم من اني قلقان لمعرفة القصة ...... ههههههه ما يكون الا خير |
اقتباس:
|
اقتباس:
تقبل الله طاعتكم شلونك مع رمضان |
الحمدلله ❤️
|
اقتباس:
|
السلام عليكم
يارب انك تسعد هؤلاء الاخوان و الاخوات و تعافيهم و تعفو عنهم و تحقق آمالهم في الدارين يارب انك تطمنا على اخواننا البدراني و ابي نجلا و بدر الهذال و خالد و تحفظهم و توفقهم الموقف اني بعد صلاة التراويح جاني اخوي الصغير و قال القطة اللي عند بابنا صدمتها سيارة و ماتت قدام بابنا مباشرة ، سألته اي وحدة و علمني لكن التبس علي و فكرتها قطة اخرى و طلبت منه سرعة دفنها و الا شوي طرت على بالي فكرة ارتدي عباتي و اودعها و ادعو الله ان يجعلها شفيعة الا و اتفاجأ انها القطة المرضع اللي لم يمض على ولادتها سوى ثلاثة ايام بغى يغمى علي يوم تذكرت رضعها لدرجة رجليني ما شالتني و جلست جنبها أفكر و انا في غاية القلق على صغارها و الحزن لاني دارية انها خاشتهم في جحر آمن و بعيد عن الانظار و يبون يبكون من الجوع لين تنقطع احشاءهم و انفاسهم و يموتون الموت البطيء بعد يومين او ثلاث و الا تتصل امي علي و انا بذا الموقف و بغى يطير عقلها يوم بلغتها اني أباخذ جولة انا و اخوي حول البيت للبيت بحثا عن صغارها حتى اعتني بهم و ارضعهم قالت هذا الجنان بعينه ارجعي وين بتلقينهم ما راح تلقينهم و وقتها اغلقت عيوني و دعيت من قلبي انه يعثرني فيهم و دارية ان المهمة شاقة لانهم يبون يكونون مثل الابرة داخل قش و ما انتهيت من دعوتي الا و التفت يميني الا و القاهم ثلاثة بجنب درج بيتنا من الخارج جهة الشارع ثلاث درجات بجانبها على الرصيف ، في مكان ظاهر ، لا تحتهم شي و لا حولهم حاجز ، يعني اللي يبي يمر من جانبهم يبي يشوفهم ، و واحد فيهم يشبه لها تماما و الغريب ما كانوا موجودين قبل ابدا و اخوي كان في المكان بساعات ما كانوا موجودين شكلها يوم حست بقرب اجلها حطتهم في مكان ظاهر جنب بيتنا ، و الا وش خلاها تضعهم جنبنا لانها حست اننا نبي نتكفل بهم سبحان الله و هي ميتة بينها و بينهم مترين ثلاث و الحمدلله اخذتهم داخل و الوالدة غير مصدقة لكنهم رافضين يرضعون و انا اغصبهم لان الحليب تغير عليهم و قاعدة ادور لهم عن ام بديلة قطة مرضع و الا لا قدر الله يبون يموتون ، لانهم اليوم كملوا اربعة ايام مرة صغار و ضعاف و عويناتهم مقفلة الغريب ايضا اني بالعادة تجي امهم و معها قطة اخرى متلازمتان و بعد صلاة العصر و احيان قريب المغرب اضع لهم شي من بقايا الطعام مخلوط بقليل من الاكل الجاف لكن في ذا اليوم تحديد شي يدفعني اني أبكر بالذهاب و فتح الباب و وضع الطعام لهم و رحت لهن حتى قبل اذان العصر ، الساعة ثلاث و سبحان الله من يوم فتحت الباب ادخلن الثنتين كأنهن منتظرات لدرجة استغربت ان كيف ذي المرضع مرابطة عند الباب و تاركة رضعها بعيد ، قلت سبحان الله يمكن في ذا الوقت وضعتهم بجانب بيتنا يوم حست بدنو اجلها و الامر الغريب الثاني انها اخذت تاكل بنهم و تحدق فيني كأنها تشكرني و عيونها كلها حزن و ذيك اللي ملازمتها انثى الظاهر اختها تصرفت تصرف غريب ، بدال تاكل اخذت تحك راسها براس اختها المرضع و كأنها اول مرة تشوفها ، بعدين فهمت انها تودعها لدرجة كل مرة احط الاكل و امشي ، و بالرغم من حر الشمس وقفت أتأملهن ذي المرة سبحان الله كل ما اتذكر سرعة اجابة الدعاء اني من يوم دعيت ان ربي يعثرني فيهم يقشعر بدني و لاني دارية لو ما حصلتهم يبي يتضاعف حزني اضعاف عليهم و على مصيرهم و الحمدلله حمدا كثيرا دعواتكم القى لهم ام بديلة لانهم ما هم متقبلين الحليب الصناعي خايفة لا قدر الله يلحقون امهم |
لذلك يا اخوان ادعوا كثفوا الدعاء في ذي الايام المباركة ، انتم تدعون كريم رحيم
و ادعوا لي معكم و ربي يتقبل منا جميعا و من المسلمين اللهم آمين |
يسعدلي صباحكم بالخير جميعاً
اشلونكم اليوم هل من جديد؟ |
اقتباس:
|
تفضل اخوي ؟
|
اقتباس:
|
على فكرة نسيت اذكر ان اختها اللي مرافقتها يوم حطيت لها الاكل دخلت و عويناتها كلها حزن
و يشهد الله انها رفضت تاكل من اللي حطيت ، حاولت اطيب خاطرها و امسح عليها ما قدرت تطول غادرت و هي حزينة اول ياكلن و يقعدن شوي ثم يروحن انا اكتشفت ان الحيوانات فيهم احساس و وفاء يفوق معظم البشر سبحان الله لكن لان قدرتهم على التعبير بالكلام غير موجودة نستهين فيهم حتى الحيوانات المفترسة يوم تفترس بدافع الفطرة و سد الجوع و ابن ادم من يوم يشبع يفترس |
الساعة الآن 02:05 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا