أبو هذال ما عليك من الرجال

و الله يعين على ذي الدنيا

إن شاء الله تتسمح أمورك يا رب في القريب العاجل و يغنيك بنفسك عن مية طحطوح

تطمن يا اخوي نفس اللي جاك جاني

وجا غيرنا ، في بداية الإكتئاب

كنت ودي أصيح في المسجد

واشقق ثوبي أناظر المصلين

ناس اعرفهم وناس ما اعرفهم

كنت أقول في نفسي ليش أنا بالذات

اللي تعبان نفسياً وجاني هالشعور

الغريب العجيب المخيف

ليش ذولي ماجاهم كنت اوسوس

لدرجة وصلت لمرحلة الصدمة النفسيه

والانهيار من الحاله اللي مريت فيها

وما احد يلومني وخصوصاً اللي جرب

هالشعور قسماً بمن احل القسم ان الإكتئاب

صدمة كبيره في حياتي واللي جرب راح

يعرف معنى كلامي فالأحلام المزعجه

واشياء جديده وغريبة تصير لك وتحصل معك

وماتعودت عليها من قبل وكأنك في حلم وعقلك

متشتت وتقوم من النوم تحس انك بعالم ثاني

وافكار مخيفه وسوداويه ولا تقدر تكمل يومك

تحس ان ايامك الجايه بتكون سيئه ولا راح

تقدر انك تتعود عليها وتحس انك في النهاية

وكل اللي قدامك مسكر ومظلم

هذا كله من الإكتئاب والقلق النفسي

ومريت فيه شخصياً ومروا فيه اغلب المكتئبين

اذا مو كلهم ، أسأل الله لي ولَك وللجميع الشفاء

آمين يا بعد راسي

صادق ماراح ينفعنا الا انفسنا

وخصوصاً في الحاله اللي حنا فيها

لازم ننسى الناس وخصوصاً اللي كانو عبء علينا

وثقيلين على كبودنا اللي مثلنا يا ابو نجلا ما يفكر

الا بشي واحد كيف يطلع نفسه من هالحاله

ويعيش مطمئن مرتاح البال زي باقي المسلمين

مالنا خلق نفكر بأشياء ثانيه ، أمراضنا تكفي

حنا نبي من يفكر فينا ويقدر الحاله اللي حنا فيها

وياخذنا بالتي هي أحسن ، الله يصلح احوالنا

أحن كيف ما أحن لكن أخاف انجبهم ما ودي انجبهم ، اخاف الدنيا تقهرهم و تقهرني عليهم

و لكني أعد كل الكائنات أبنائي

أمومة عامة خير من أمومة خاصة


الحمدلله حنا بخير جعلك دوم بخير

أما بالنسبة للكرسي خلاص انت أولى مني متنازلة لك عنه : )


ربي يسعدك

اللهُم صَباح ميسّر لما بداخلنا
اللهُم خير اليوم وخِير مايرضينا.

صباح الرضا يا غوالي
عساكم بخير دوم :)

ادري يابدر انا عايش مع النفس المضطربه من زمان
الله يعوضنا خير في اللي راح .. ويلطف في الجاي
دائما هناك امل ب الله مهما كان الواقع ..

وامين اخي الله يشفي الجميع

والله عندنا حر رهيب ^
اللي يبي يقلب اسمر يجينا (:

ااريمرون اعتقد سيكون مفيد لي
انا دايما العلاج اللي يكون له اعراض جانبيه قويه
بداية استخدامه اعتقد انه بيكون مفيد
والعكس صحيح .. ننتظر ونشوف النتايج

قامت على صدري
... تضيق الازارير
كن الهبوب اتقول لي لا تزره !

يامسير الاقدار
... محتاج تيسير
مشكاي لك من ضيقةً مستمره !

أنت الجواد اللي
... تحل المعاسير
مدات فضلك من تطوله تسره

آمنت بك ربي ❤
... ورب المقادير
عبدك صواديف الليالي تفره !

يرفع لك الحاجات
... من دون تاخير
ويلح ب الدعوات في كل مره

ميقن ب فضلك
... لو تطول المشاوير
قوه قبل قسوة زمانه تضره 💔 !

مساء الخير على الحلوين
الحمدلله طمنتنا عليك ياعالي
عقبال محمد 😢
وحيد الله يكون بعونك ويفرجها عليك

اهلا بالاخت العزيزه .. لوليتا

على فكره اسم لوليتا جميل والله بس وش معناه (:


امين يالوليتا لنا ولك ولكل مسلم

هاذي ابيات اعجبتني جميله وجدانيه وفيها مناجاه
قلت هاتها ياولد عند الحبيب عالي (:

اما انا بيني وبينك صاير جماد ههه

فاهي وفاغر على قولة حبايبنا اهل الجنوب (:

فاهي وفاغر وبدون حس ومشاعر ههههه

الجوع الصناعي المستمر
اجبرني على دخول المطبخ

وكان دخول مميز !!
والله مافلحت الا في البيض المقلي (:

حاولت لكن للاسف ماعندي اي موهبه نهائيا
في عالم المطبخ😰

هلا فيك معنى الاسم الاحسن ماتعرفه خليك معجب بس بالاسم احسن $$$
هي كدا الحياه ياوحيد ناس تموت وناس تتزوج وناس بين البين الله يرحمنا برحمته بس
ماشاء الله شاطر بس لو قطعت بصل وطماطم تطلع لك احلى شكشوكه مع رشه فلفل اسود يممممي $$$
بالعافيه

_ طيب مافيش مشكله
نسوي بحث في قوقل ونجيب المعنى
طبعا اذا اسعفتنا الذاكره المصديه ههههه
الحين بحاول اخمد ونام (:

_الشكشوكه والله سويتها مرتين وطلعت بدون طعم
ولا رائحه ولا نكهه ولا اي شي يدل على انها اكله ..
مدري المشكله فيني ولا فيها هههههههه

فتحت التلفزيون
وقعدت اقلب في هالقنوات
لين طحت في مسلسل قديم 😓
كان يعرض بعد المغرب
في التلفزيون السعودي
اظن اظن وقتها كنت في المتوسط


والله ياخوان
اني سرحت ورجعت بي الذاكره
للزمن الماضي 💔

سبحان الله ..
سنين مرت ... !!
مرت او حنا اللي مرينا عليها

ويمكن تركنا
ضحكة القلب هناك
.. في تلك الايام
وفووق محيا ذاك الصغير !!

يارب زينها من عندك ..

معليش قلبتها نكد ههه

حسبي الله على التلفزيون ):
على فكره هل لايزال اسمه تلفزيون (:
والله اظن انتهى وقته ..

الناس انشغلت ب الاجهزه الذكيه
والسوشل ميديا الخ ..
كلن معه جهازه وعايش حياته
في عالمه التقني الخاص !!


عشان كذا ما اجمل ايام البساطه
و لو كان اكثر عناوينها .. الحزن ❤💔

تصبحون ع خير