السلام عليكم ورحمة الله وبركاته
اخواني واخواتي اللي عنده علم ويقدر يساعدني لايبخل علي جزاكم الله خير وفي ميزان حسناتكم ان شاء الله..

قدمت على معاملة زواج سعوية من غير سعودي مولود في المملكة لدى إمارة منطقة الرياض ( القسم النسوي ) وقالوا لنا راجعوا بعد شهر ؛ وبعد ما خلص الشهر راجعنا قالوا بعد اسبوعين ؛ وفي موقع الإمارة طالع لي تحت الإجراء هل اموري تمام ؟؟ والى متى بنتظر الموافقه ؟؟

ملاحظه:
ليش ما طلبوا مني تحليل الزواج؟؟

وعليكم السلام

لسى يحولوكم عالشرطه وتروحو تاخذو الطلبات ومن ضمنها التحليل...


الله يسهلك ويسهلنا ويسهل لكل شاب وبنت..


يارب يامن امره بين الكاف والنون يسر لي امري ويسر الجميع بالموقع امورهم يارب ياكريم..

العفو خلاص الحمدلله ان شااء الله ماتتغير النتيجه خليه يتوكل علي الله
تقدري تقدمي من الداخليه وتاخذي موافقه اذا كان الطرف الاجنبي مقيم وااذا تحولت للمحكمه يطلبو منكم تحليل عادي
شهر ليش ؟ غريب المفروض اسبوع توصل الشرطه وتاخذو الطلبات وتحللو
مدري اجراءات الرياض كيف
بس بما انها تحت الاجراء معناه يشتغلو فيها الان

آمـيـن الله يسهلها على الجميــع

بس ليش يحولونا على الشرطة ؟

انا وخطيبتي حللنا بس ما طلبوا النتيجة مننا قالوا بعد ما تطلع الموافقة تاخذ نتيجة التحليل للمحكمة

انا قلت يحولوكم عالشرطه على بالي مااخذتووو الخطابات اللي طلبوها منكم..

اول مرة رحنا عندهم اعطونا ورقة فيها طلبات ومن ضمن هذي الطلبات كان صور اثباتات ومشهد سكن للزوجة مصدق من العمدة والشرطة وصحيفة من الادلة الجنائية للزوج وبرنت للزوج من الجوازات وبرنت من الأحوال للزوجة وبعدها قدمت الملف واعطوني رقم اراجعهم فيه.

كويس يعني خلاص قربتي تخلصو
بس هل معاملتكم دخلت البحث الجنائي
لان البحث هواللي اعرف انه تطول المعامله فيه
وبالاماره تمشي بسرعه يمكن اسبوع ونص تخلص
بس ماعرف انتم بالرياض كيف نظامكم صراحه

الله يوفقكم في بدايه هالسنه ويجعل اموركم تيسير في تيسر
يارب اجعلها سنه خير وفرحه وسعاده علي الجميع
وارزقهم مايتمنوووووه يارب

اللهم امين يارب ولك بالمثل يااارب ...♡

الحين من جد ذكرتوني بحاحه
صديقتي وخواتها تطلع لهم الموافقه قبل التحاليل
واحنا نحلل اول قبل كل شي
ونفس بعض احنا مقيمين والبعض مولود يعني الامور متشابهه
بس ليش تطلع لهم الموافقه قبل وش تفرق
؟؟؟؟

يمكن على حسب المناطق..

علي حسب وين مقدمين
في الغربيه معروف انهم يحللو قبل الموافقه
اما المناطق الثانيه صراحه ماعرف كيف نظام
اما نظام التقديم من الداخليه زي كذا موافقه وبعدين التحليل بس اذا التحليل فيه مشكله تنلغي موافقه الداخليه هذي هي المشكله والا كان يمديها حل للي عنده مشكله بتحليله

حالفين يعقدونها على الناس من كل الجهات الله يهديهم..

الله ييسرها للجميع..

اهلا فرح خالد الحمدلله على سلامتك وسنة سعيدة يارب.. فرح انا وانتي نفس الحالة بالضبط ومن نفس البلد خليكي على تواصل والله يسرلنا يارب..
انا دحين معاملتي بالاماره لها اسبوع استناها تروح للداخلية انشالله. .
في سؤال محيرني اتمنى تفيدني بما انه عندك اقارب ببريطانيا انشاءالله يكون عندم علم اكيد لاني من جد شايله هم..
وهذا الشي هو نوع الفيزا لمن اسافر عشان اعقد ببلده ؟ خليت خطيبي يسأل المركز الثقافي الإسلامي وهو الوحيد الي معترف بيه من السفارة للعقد .. وقالوله انه ورقه الموافقة من السفارة ماتكفي لازم يجيب ورقه ثانية من المحكمة البريطانية يعني قانوني لازم من نفس البلد ، والمحكمة ماتعطي اصريح للزواج الا لازم يكون بفيزا زواج ،، وهادي شغلتها شغله وتاخد وقت وطلبات ..
ومااعتقد انه السفارة هتعطينا ورقة للمحكمة فقط ورقة الموافقه من السعودية ..

هيندا انتي من المدينه صح ؟
اعرف وحده من المدينه ماخذه هولندي جاتها وموافقه وجلست تجري عشان الفيزا وكل شوي تقول لنا ادعولي
واحنا نقول وووي لسى ماخلصتي تقول لا
ان شاء الله بسالهابخصوص هالشي
المهم ادعو لها بالتوفيق وان ربي يعطيها الصحه والعافيه ويرزقها باولاد بارين فيها يااارب