الحمد لله أخي إنشاء الله هذا اللي حسويه و الله المستعان .الله يسهل أمورك و ينور طريقك

اللهم امين عنا جميعا يارب🤲
لا والله مااخذ علاج مع انه الارتداد الي عندي اخطر نوع وللامانه اكلي ملخبط ونومي ال ال ملخبط لاني اقاوم النوم مثل مااقاوم الوسواس🤣😢
الله يسلمك اخوي🌸

امين يارب🌸
خلاص ابد تم القهوة عندي بكرا🌸😊

الله يطمنك ويديم عليك الصحة والعافيه وعلى الجميع يارب ان شاء الله بحاول اسويها والله كريم🌸

ااااه ياجمااااعة صرت كل يوم احلم وحلم يخوفني 😢 انه احد مات ومن هالقبيل يعني قبل يومين كنت انصح ورجعتلي الأحلام طوووول نومي احلام وقصص ورا بعض عادي من مخاوفي صح اعرف أطمن بس ماعرف اطكن نفسي 😐😐😐

قصص هبلة مع قصص من حياتي الواقعية وايش حيصير فيها وورا بعض سيناريوهات شغالة

الله المستعان ي اختي معليه نظمي الأكل وأوقاته بإذن الله تزبط أمورك، واوعي 😁 تقاوم النوم بالعكس سبحان الله انا احس عقلي يرتاح لما انام ولما اصحى من النوم اقلق من جديد الله المستعان والله يعينك حاولي قدر الممكن

يارب 🤲

خلاص عندتس 😜😂😂 الله يسعدك 🌹

اللهم آمين جميعاً يارب شدي حيلك فترة وتعدي يارب 🌹

اللهم آمين جميعاً يارب ويكتب لنا الطمأنينة والراحة النفسية ويبعد عنا ما اهمنا آمين 🌹

محد رد عليه 😢

هلا لولو سامحيني والله كنت حرد بس جات شغلة كدا 😒 وتو دخلت، هيا تؤمني بالله انه البارح حلمت حلم مخيف وقمت الصباح متنكد وسويت نفسسي ما حلمت عشان لايتمكد يومي كله، بس مسوي نفسي ما افكر واستغفر ربي حاولي، واشغلي نفسك بأي شيء الله يحفظك لاتقلقي واللي يضايقك اكتبيه هنا لابأس عليك ي الله انتي اللي تحمسينا وتشدي معنا المعنويات ي بطلة نحنا اقوى بإذن الله

انا يوم جاتني فكره غريبه خلتني اقلق عندي بقعه سوداء بيدي لها فتره واستخدمت لها كريمات وبدت تخف حمدلله ايش جاء في بالي قلت لما جيت بموت خف سواد هذي كلمه خلتني اقلق بشكل اول مرا يجي في بالي كذا
عادي يجي مع وسواس الموت افكار زي كذا

الله يسعدك لا عادي خذ وقتك ،،
فعلا هادي المشكلة كلنا بنعاني منها عشان كده افضل شي نطنش تصدق كانت الأحلام متوقفة مارجعت الا لما صرت أتكلم عنها ،،من جد عقلنا الباطني مضروب ههههههه المهم ويك اند جميل لطيف يارب عالجميع

سارة انا عارفة لانها فكرتك حاستها من جد وانا اقولك انه لما قريت ابتسمت فكرة جدا سخيفة شيليها من بالك

اهلا وسهلا

لا لا بإذن الله تعالى غير كذا، وعمرك طويل إن شاء الله تعالى
ترا مرات بيصير هالشئ معايا يعني بكون هادئ وعادي ويجي مباشرة إنه أستغفر الله العظيم 😪 بنموت وكذا ☹️😭، بس لازم نستمر بالعناد والتطنيش قدر الممكن واشغلي وقتك ي سارا ضروري حتى يخف ضغط الأفكار السلبية عنك.

ويسعدك ي لولو يارب.
والله بس لما قريت ردك الظهر حسيت انه كنت مرررة متضايقة وخايفة 😢😔، بس ثقتي كبيرة فيك إنك اقوى من هالوساوس التافهة💪، ويارب كلكم ويكندكم جميل وقولوا ليا إيش هيا فعالياتكم اللي ناويين تسووها؟
انا قاعد اتونكد من دحين 🙈😜😁، الله يحفظكم انبسطوا وعيشوا حياتكم زي ماتحبوا 🌹🌹

اي عندي مثل ها القصص الهبله 😂

بس اوقات بتخوفني
واحياناً اطنش الأفكار

وبدنا نفرح ولكن ما بقدر

السلام عليكم
اليوم حصلي موقف وحاولت أني مثل ما قلتوا انتصر على الوساوس ما قدرت
بقولكم الموقف هل الي اخس فيه صحيح او لا

اليوم وانا طلعت ومعاية أغراض من الجمعية
وفيها اكل ريحته ظاهره
وانا ركبت مع التكسي يوصلني
فلنا ركبت الريحة انتشرت بسيارته
انا خفت مره افكر اعطي صاحب التكسي
بفكر انه ممكن جيعان ممكن ما اكل وجبته
ممكن عجبته الريحة
وانا بفكر أعطيه بس ما يصلح يعني كان باقي ومو كويس
أعطيه شي ماكول
وطول الوقت افكر اخاف نفسو في الاكله
هل وضعي طبيعي ولا انا مكبره الموضوع
واو انتو بمكاني كيف تتصرفوا

وكمان عندي استفسار انا بخاف من الأحلام
هل الأحلام الي ما تتذكروا تفاصيلها تخوف بس ما تتذكروها بالضبط يعني لما تصحو
بعد بفترررره تجي عبالكم بس ما تتذكروها كويس
هل هذي تعتبر حلم حقيقي ممكن يقع
او حلم اضغاث وان شالله مايتحقق؟

وعليكم السلام ورحمة الله وبركاته
اهلا وسهلا
عادي جداً مثل اصحاب التكاسي متعودين يعني طلبات وتوصيل اغدية واعشية ف لا تكبري الموضوع بسيط وقلقك مركز على امر بسيط مثل هذا، قولي بسم الله وكليه بالعافية ولاعليك خل هالوسواس اللعين يولي.

مو لدي الدرجة مرررة مكبرة الموضوع بزيادة والله بديت احس قد ايش افكارنا تافهة ولو تجي تحكي احد مايعرف اللي احنا نمر فيه حيضحك،، يختي حق التكسي ماشاءالله أغنى مني ومنك الله يزيدهم والأكل في كل مكان ويودوا ويجيبوا اكل على كده كان ماطلبنا من مرسول وديلفري وغيره بليييييز عشاني شيلي الموضوع من بالك واصحي تاني مرة تفكري بدي الطريقة احنا هنا لازم نساعد بعض ضروري ترى انا عندي وسواس وخوف من العين بس بديت احس انه خلاص الحافظ الله الواحد يقول أذكار الصباح والمسا ويتوكل عليه ،،،

شوفي انا كنت مااحلم وأول ماتكلمت معاكم بالأحلام صرت احلم وبأشياء تخوف واكتبلكم وتشوفوا ،، مع يقيني احنا نفسيتنا مضطربة وعقلنا الباطن سلبي يعني اي حلم ملخبط مو ملخبط ديليت ولا تفكري فيه ،، كل عقلك خوف ووسوسة تبغي تحلمي بحديقة وورد وبحر وسما لا طبعا اكيد خربشات هبلة واحلام تخوف توكلي على الله والله يكتبلنا كل خير ويجعل حياتنا القادمة افضل وأحلى من اللي راحت يارب

شكرا للطفك الله يسعدك يارب،، انا تغديت برة ورحت المول تقضين ودولي راجعة البيت افكر شويات أقوم ارتب شغلات عندي يبغالها ترتيب.. لتحسنت والله الحمد كتير من ناحية دايم الوسواس يخليني قدام المرايا واكتشف بنفسي واوسوس دحين كل مااحس بشي واحد يقولي روحي شوفي اطنشششش وإدا مررررة اعملها مرة زي امس ضعفت وتوووبة اليوم باذن الله أقوى ومطنشششششة ومرتاحة كده شفت مقطع منزلة بن دايم لواحد بحريني يحكي عن الوسواس القهري نهاية الفيديو حلف انه التطنيش علاجه ومرة من جد اقتنعت لازم اطنش وأصير ريلاكس قد مااقدر وايجابية زي ماكنت ،،، معليش فترة صعبة وبتعدي ربنا كريم والجاي احلى باذن الله

يوووه أبو عبادي كل ردي كل اخطاء املائية
تقضين= تقضيت
دولي=دوبي
لتحسنت=تحسنت

بسالكم احيانا اسمع صوت غرغرة وكلا من بطني ايش الموضوع ؟!
مع أني أكون مو جيعانة!!!

الله يسعدك ي لولو وصباحك سعيد يارب 🌹

ماشاء الله تبارك الله عليك، جميل جداً شغل الوقت بأي شي حتى يمل ويروح الوسواس، وترا برافو عليك دحين بيضغط عليك شويا وبعدها تلاحظي يضعف كيده وماعاد يسوي شئ إذا قالك روحي للمرايا قولي مابغى 😁 خليه يطفش منك،
ويارب للأحسن والأفضل🤲
وفعاليات سعيدة يارب ودحين بكتب بك فعالياتي ب رد منفصل وكانت مفاجأة ليا من زملائي الله يجزاهم خير 🎂🌸

😂 لاعادي لاتقلقي طبيعي واردة دي الأخطاء الله يعافيك 🌺

ايوة دا مرات يكون القولون ويتأثر من القهوة والتوابل كمان، إذا ازعجك بزيادة ركزي عالأكل الخفيف زيته وتوابله، لأنه بيكون القولون اقرب للتهيج من النفسية والقلق واكثري شرب المويا والف سلامه.

أبو عبادي صوت بدون الم ولا شي قعد ربع ساعة وراح ،، كيف اعرف اذا عندي القولون ؟!

فعالياتي اليوم كنت متضايق من كم يوم وكدا المهم حسوا اصحابي بالعمل انه انا متضايق 😔😭، ف وصلت للدوام لقيتهم جايبين ليا حلا وكنافة وبسبوسة 🤣😏😍 وكنا ح نطلع سوا نتمشى بس صراحة 😥 ضعفت مع البرد واعتذرت 😔😣، بس ماشاء الله الموقف دا حسّن نفسيتي والله يجزاهم خير ماقصروا😭.
نصيحة لكم اسعدوا نفسكم ب أبسط الأشياءلاتحرموا نفسكم الله يعافيكم يارب 🌹

يلا حمستنا بإنتظار فعالياتك😍

ماشاءالله حلو والله طيب ليش اعتذرت كنت قاومت ورحت وايش اللي كان مضايقك لازم تحاول تنسى وتلهى وانت في العمل

ايوة صوت بدون الم وطبيعي، ترا وكل الناس عندهم قولون بس التهيج يكون بمسببات يعني اكل حار 🌶 ودهني مررا وكذا، اما انه اللي عنده وماعنده لا فقط يكون متحسس ومتهيج بسبب التوتر والقلق ووكدا وطبيعي وماتقلقي منو ابدا.

ربي يسعدك 🌹
والله مو بيدي☹️البرد مرة يقلقني وخوفني والمدينة مرررة فيها هواء بارد يدخل جوا العظم المهم ممكن بكرا إن شاء الله احاول نطلع بس بوقت الدفى يعني العصر وكذا عشان ما كون استسلمت يعني محاولة اعوض طلعة اليوم 😏بإذن الله اتحداه.

تسلم الله يطمنك تصدق دا الصوت مو غريب عليا من زمااان احيان يجي بس الوسواس يخليك تشوف كل شي غريب
ع فكرة من فين انت أبو عبادي الجو عندكم بارد؟!

ضرووووري لا تتعذر بالبرد😡
تدفى وروح انبسط لأبو الوسواس والأفكار السلبية
عييييش وانبسط وربك يفرجها

الله يسلمك ي لولو ايوة اغلب اعراضنا كانت بدون اي اهمية بس مع القلق والله لو وخزة باليد ولا القدم نبدأ نفكر ونحوس أستغفر الله العظيم 😪، من المدينة ي لولو ايوة الهواء مررة زيادة واحس اذني وانفي باردين 😢😣😭.

طيب إن شاء الله، انا المشكلة لي مواقف مع البرد بس لبست شرابات وتدفيت وبإذن الله بكرا بتحدى واخرج ولو بالليل، عشان ما يضيع الويكند عليا بوهم وخوف، يارب🤲رحمتك وفرجك علينا🌹