|
|
اهلااااااااااااين مزوووووووون الله يحيك
والله يا مزززون نفس حالتي صداااااااااع وكهرباء بالراس وطنين بالاذن ودوخة |
صصصصباح الخير والشفاء جمييييعاً
قمت من النوم متضايق قبل آذان الفجر جلست نصف ساعه وبعدها توضيت ولبست ثوبي وشماغي وعقالي ورحت اصلي في المسجد خلصت الصلاه رجعت البيت شافني اخوي الصغير قال خاوني الجامعه شكلك قلقان ومتضايق قلت يالله معك معك الجامعه في محافظة حريملاء تبعد عن الرياض 120 كم حركنا الساعه 6 الصباح وصلنا الساعه 7:30 الصباح خلص اخوي محاضرته والحين ماسكين خط الرياض ان شاء الله . |
هلاااااااااااااااااااااااا
بدر يالله حيه صباااااااااااااااااحك عسل يا عسل ما شاء الله والله بعيدها حريملاء لا يكون اخوك يضرب مشوار كل يوم الله يكون بعونه الحمدالله على سلامتكم بشرنا عنك وعن اخبار الاهل والشيبان والجماعة والله يا بدر حالي معفوس فوق تحت اسال الله ان يلطف بحالي وحال جميع مرضى المسلمين |
اقتباس:
الله يحييك يا تاج راسي وصباحك ورد وجوري من ناحية البعد بعيده بس اخوي تعود أتوقع مو يومياً فقط ثلاث مرات بالأسبوع على حسب المحاضرات تخصصه أدب إنجليزي والله يسلمك ويسلم قلبك وبالنسبة لي وضعي النفسي تعبان ابي افتك من السيروكسات الأهل والشيبان الحمدلله كلهم بخير الوالد البارح اتصل علي يتطمن والله فعلاً يا محمد القاسم المشترك اللي بينا القلق والخوف لو يروحون نعيش بإكتئاب عادي الله يجبر بخاطرك لا تهمل الضغط وحاول تبتعد عن كل الضغوطات عيش يومك اطلع واستانس والله أني اطلع وانا كاره الطلعه مالها طعم مثل اول بس كل يوم أقول بتفرج المسأله يبيلها وقت ويالله على بابك يا كريم |
تسلم يا بعدهم وعصابة راسي
اسال الله ان يوفق اخوك ويكمل الجامعة على خير ويحفظ من كل شر صدقت اخوي الغاااالي بدر القلق والاكتئاب مصائب سيروكسات عنيف بالاثار الانساحبية لكن ما عليك انت رح للدكتور العقيل وبيسر الله امرك باذن الله انا والله احاول اطلع بالقوة مراااات اساااااااافر الشرقية ومراااااات اطلع مع واحد من الربع شرواك عزيز وغاااالي وطيب وحبوب اليوم ان شاء الله بطلع معه العصر تواعدت انا واياه وان شاء الله ييسر الامر تصدق يا بدر بعض الاحيااااااان احسد الاموات وبعض الاحيااااان يرتفع الايمان واشكر الله على البلاء الى عرفنا طريق الحق وعرفنا حقيقة الدنيا الزائفة ارجو من الله ان نلتقى انا وياك واحبابنا في جنات الخلد بدون حساب ولا سابق عذااااب بدر انت انساااااااااان راااااااااااااااااااااائع |
اقتباس:
الله يسلمك ويجبر بخاطرك ايه والله اعراضه قويه أسأل الله ان يخفف عني وعنك وعن الجميع بس الوكاااد انها عودة الأعراض لأني ما مشيت على السيروكسات مزبوط بروح بإذن الله للعقيل وراح اوافيك بالمستجدات انت والجميع اللهم آمين نلتقي ان شاء الله بالدنيا قبل الأخره بس انت شف لك يوم تكون فيه مرتاح واصمل وانا عندك وين ما تبي اطلع يا رجال وسع خاطرك لا يضيق رح كوفي هادي ومافيه زحمه اشرب لك نعناع ساده مع شوية زعفران تريح أعصابك وطعمه لذيذ وانت انسان جميل و أصيل يا صاحبي |
اليوم صليت الظهر في المسجد
ورجعت البيت قلت يا ابو هذال وين المطبخ بس ابي أكل اي شي لو حزمة كزبره جتني الوالده وعطتني الصرافة قالت رح المكي جب لنا ربع تيس مافيه الا انا وانت وأخوك قلت أبشري عشر دقايق وانا عند المكي وخذيت ذاك الربع اللي يحبه قلبك مع 6 حبات سفن أب وصحن سلطه مجاناً من عندهم 240 ريال + تأمين الصحن 30 ريال + 10 ريال سمبوسه ب 280 ريال المجموع كامل الله يجزاها خير الوالده ويرزقني برها و إحسانها فهي اطعمتني وربتني وتعبت من اجلي كثيراً |
اقتباس:
|
السلام عليكم
اسعد الله مساءاتكم جميعا اخواني واخواتي ربي يحفظكم و يسعدكم و يبارك فيكم فيه العافية اخوي بدر و ربي يحفظ لكم الوالدة و يرزقكم برها بالنسبة لي مع اني ما ودي اكدر عليكم حزينة من ظهر الجمعة حتى ماني قادرة ارتاح بنومي والاكل اتغصصه بسبب قط لي عزيز صدمته سيارة باليوم الفضيل تفاجأت فيه منسدح على درج الحوش الدخلي وينزف دم من انفه و ميت و دفنته بعد المغرب ضعيف حبيبي مع ان السيارة صدمته بالسكة الا انه يوم جاء يموت زحف واحتضر على درج الحوش بالرغم من حزني عليه و على فراقه و عشرة اربع سنين الا اني حمدت ربي انه ما مات بالشارع و الا ماكان دريت عنه و أبقعد انتظره و اقلق عليه الفترة القادمة كلها مثل ما اني قلقانة الى الان على اللي اختفوا و لا أدري وين ديارهم و حالي حال الشاعر اللي يقول : شط المزار بسلمى و انتهى الأمل فلا ديــــــــــار و لا رسم و لا طلل الا رجــــــــــــــاء أندري سندركه ؟ أم يستمر و يأتي دونه الأجـــــــــل ماني قادرة أنساهم على الرغم من مرور سنة و سنتين وأكثر كل يوم أستودعهم اللي خلقهم واقول يارب طمني عليهم لو اشوفهم مرة و يروحون فقط أطمئن ما في الا رجاء يا رب يا اللي من ترجاك ما خاب |
فيه لي قصة مع واحد منهم اختفى اسمه سالم
بس اخاف ان حديثي عنهم ما يروق للبعض و تقولون ماعندها سالفة لاني ما اشوف احد يعلق بخصوصهم مع اني اكتب عنهم و انا كلي حماس آخ بس يا ليت البشرعندهم ربع وفاءهم كانت الدنيا بخير |
سعد الغامدي - هل ترانا نلتقي نسخة كاملة -جودة صوت عالية-
https://www.youtube.com/watch?v=WV7aJFTP9GA هكذا يســــــــــــــأل قلبي كلمـــــــا ..... طالت الأيام من بعــــــــــد الغياب أحيان اقول الحمدلله انهم ما يتكلمون ولا لهم صوت كانت الذكريات و الحنين قتلوني لأن احبابنا رحمهم الله اللي فارقناهم ما نذكر غير حواراتنا معهم و اصواتهم ، قليل ما نتذكر ملامحهم بس اللي فارقناهم و ماندري وش مصيرهم هل نبي نشوفهم و الا يحول بيننا و بينهم الأجل هؤلاء اللي يقتلون بدون سكين اليأس من حصول المطلوب راحة كيف بالله أيأس حتى ارتاح ؟ التعلق مصيبة الا دمار الحمدلله ان ربي ما رزقني بضنا مدري وش كانت حالتي الحمدلله ربي حكيم ربي نسألك رضاك و الجنة |
هكذا يســــــــــــــأل قلبي كلمـــــــا ..... طالت الأيام من بعــــــــــد الغياب
أحيان اقول الحمدلله انهم ما يتكلمون ولا لهم صوت كانت الذكريات و الحنين قتلوني لأن احبابنا رحمهم الله اللي فارقناهم ما نذكر غير حواراتنا معهم و اصواتهم ، قليل ما نتذكر ملامحهم بس اللي فارقناهم و ماندري وش مصيرهم هل نبي نشوفهم و الا يحول بيننا و بينهم الأجل هؤلاء اللي يقتلون بدون سكين اليأس من حصول المطلوب راحة كيف بالله أيأس حتى ارتاح ؟ التعلق مصيبة الا دمار الحمدلله ان ربي ما رزقني بضنا مدري وش كانت حالتي الحمدلله ربي حكيم ربي نسألك رضاك و الجنة |
قصة شاب في المقطع كانت خاتمته حسنة بسبب صدقاته في الدنيا
ربي أحسن خواتيمنا جميعا و خواتيم المسلمين اللهم آمين اجمل نشيد في العالم https://www.youtube.com/watch?v=xIGpebfkAJ8 قصة شاب في المقطع كانت خاتمته حسنة بسبب صدقاته في الدنيا ربي أحسن خواتيمنا جميعا و خواتيم المسلمين اللهم آمين |
|
الله يعوضك خير أختي عيون ويجزيك خير الجزاء لإحسانك بهذي القطط . التعلق بالحيوانات ومن ثم فقدهم مشكلة عاطفية كبيرة خصوصاً لرقيق الحس..
|
| الساعة الآن 05:35 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا