مافهمت

اصلا كل جهه تراجعيها لازم بخطاب سراء البرنت اوالتحليل اوالبصمات كلها خطابات موجهه من زمان هالنظام..

معليش تفهموني وش اللي تغير حبيباتي؟؟!

حسب كلامهم انه صار لازم تصديق لشهاده الميلاد بالنسبه للمواليد وهذا الشي لازم يكون بخطاب من الشرطه

ثانيا البصمات مايعملوها الا لما يشوفو التحاليل

هذا الشيئين اللي تغيرت


واللي قلتيه معروف وماتغير فيه شي

بإذن الله تعالى الله يطمن قلبي ويطمن قلوبكم اجمعين ❤❤

تصبحوا علي خير
وعلي ماتتمنو

تدرين خطيبي لمن طلبوووو يصدق شهادة الميلاد من قسم المواليد مارضوله الين جاب واسطه وصدقوها له.... بس كويس عملوووو خطاب حتسهل الامر ويصير يصدقوووو الشهادات بدون حوسه


الله يسهل احسها تيسرت عن قبل ..


الله ييسرها على كل مسلم..

انا ماكان عندي فكره انو لازم خطاب من الشرطه بطلب تصديق شهادة الميلاد
وبما اني من مواليد مكه وانا الطرف الاجنبي مقيمه بالرياض

اتهجولت وسافرت مكه عشان اسوي تصديق شهادة الميلاد وتعبوني الله يسامحهم وانا من تكسي لتكسي
رحت اول شي الشئون الصحية ومحد راضي يفهم عليا او يوضحلي انو لازم خطاب من الشرطه وكل واحد يرميني للثاني من الدور السادس للدور ال13 ..ومن 13 قالو روحي الهراشي مول للاحوال هناك ويلا رحت الهراشي قالو مو عندنا انتي مواليد 30-5-1408 واحنا عندنا من تاريخ 10-6-1408 روحي العزيزية ...
واروح العزيزية والتكسي مو عارف وكل اللي اسالهم مايعرفو جلست يمكن ساعتين ونص ادور المكان وصلت لين مستشفى الولاده والاطفال وقالو هنا حقين جرول بس يااااربي ...وقالو في الزاهر في هناك شئون صحيه قلت اجرب حظي رحت هناك قالو نقلوها ام الجود وطلعت هيا نفسها اللي كنت فيها اول مره...


المهم رجعت ام الجود صيحت فوقهم قلتلهم ياجماعه اش دا حرام عليكم اتقوا الله وانتو كل واحد يرميني مكان انا ودي الحرمه الكبيره (اقصد امي لانو ماما معايا بابا مايقدر عالسفر) وخاصمتهم قاموا قالو روحي الدور الخامس عند واحد اسمو عبدالله المقاطي رحت ادور عليه قالوا لا روحي عند واحد اسمو محمد مدري ايش في الدور الرابع ....رحت لمحمد و
شرحتله السالفه كامله وسوا شوية اتصالات وحولني على عبدالله المقاطي تاني مره في الدور الخامس ورحتله وهو قد وصله خبري قالي لازم خطاب من الشرطه قلتله طيب محد وضح لنا انو لازم خطاب وانا جايه من الرياض كيف يصير كذا يعني ارجع الرياض عشان اجبلكم الخطاب ولا كيف .. قال طيب فين العريس مايجي يسوي دي الاجرائات قلتله دي الورقه مفروض بابا يسويها وبابا رجال كبير بالعمر ومريض يرضيك اهجوله يعني لو جا بابا كنتو سويتو فيه اعظم من اللي سويتوه فيني الله يسامحكم بس ..وسألته دحين كيف الطريقة وهل ينفع اجيب خطاب الشرطه من مكه قال لا ماينفع لازم من الشرطه التابعه لاجرائات المعامله ..

بعدها اتصل على واحد اسمو فايز الحارثي واتكلم معاه وفايز قاله اكتبلها خطاب لواحد اسمو عبدالله اللحياني في الاحوال اللي في الهراشي مول ... كتبلي في ورقه الكلام دا انو انا مرسوله من فايز الحارثي وماقصر دا اللي اسمو عبدالله المقاطي نادا واحد وصلني لين الهراشي مول ودخل معايا ووصلني لين دا اللي اسمو عبدالله اللحياني ..

الحمدلله وصلنا عندو قالي يا بنتي ماينفع الا بخطاب انا دحين اقدر اختملك عالصوره بس بدون تاريخ وبدون توقيع ..افففف قلتله طيب تقدر تشرح هالامور لبابا لاني تعبت وما افهم بدا الكلام قالي طيب كلم بابتي وشرحله الكلام دا انو كمساعده منهم يحطولي الختم بدون اي شي لكن لو قدمتها كذا راح تنرفض لازم خطاب الشرطه وبابا قالو اهم شي الختم اختمها وخلاص ...وبعد عنا ختمها لي وحاولت فيه انو يحطعا واحنا ندبرها من الرياض مع الشرطه بس رفض وبشده اخذت اوراقي مختومه ساده ومشيت


طبعا كل الاحداث هذي صارت من الساعه 9 الصباح لحد ماوصلت الشقه وكانت الساعه 4 العصر ...كل دي الهجوله عشان مجرد ختم مانقول الا حسبنا الله ونعم الوكيل

صادقه خطيبي ضيعوا اوراقه وكل ما جاهم يقولوله تعال بعد يومين تعال الاسبوع الجاي اخر شي قالوا ضيعنا اوراقك وسبحان الله شاف واحد من اصحاب اخوانو ساعده وخلص اوراقه بسرعه.

فعلا انا اشوف انو كذا افضل من البدايه عشان الواحد ما يتأمل الين يجي التحليل وينصدم

الله يعينك والله مرا شي يقهر الله يفرح قلبك وينسيك التعب اللي تعبتيه انتي وامك

الله يسهل امركم وامرى

وعليكم السلام
هلا وغلا ومرححبا منووره غلاتي ..
وينك تزوجتي ولا شو !؟☆##

دعواتك ي عيووني ربي يسهلها هالمره ..قدمنا ثاني وربي يفرجها
إن مع العسر يسرا

جاوبوني Y>

يعطيك العافية اخت لحظه بس الموافقه كيف اعرف انها جت

السلام عليكم ابغى اسالكم. انا وخطيبي كلمنا معقب عشان معاملة زواج وطلب وساطة موقع تاني معروف صار له تقريبا احداعشر يوم وما وصلتنا ولا رسالة من الداخليه هل هذا الشي عادي؟ المهله الي طلبها اتنين واربعين يوم متى نساله اذا فيه شي اجابي ولا سلبي واسفة ع الاطالة

بالداخليه تجلس شهر واسبوعين تقريبا واحيانا تاخذ. شهر ونص
وسؤالك الثاني. علي حسب ايش. كتبت عليها الداخليه ياموافق ياحسب النظام
لكن بما انك مطابقه للشروط اضمني الموافقه 100% بادن. الله يعني جهزي نفسك ياعروس
تعرف. ادا راحت للاماره وشفتها تحولت للمحكمه
وعليكم السلام
سؤالك مايجاوبك عليه غير معقبكم اللي اتفقتو معاه
صراحه انا ماافضل المعقبين لان لي تجارب معهم ولاواحد استفدنا منه
ناخذ وعود ومافيه تنفيذ ماغير خساره فلوس
دامكم مطابقين للشروط لاتتعاملو مع احد قدمو بنفسكم