|
دانة .. طهر .. ملامح
مختفين عسى المانع خير ؟ طمنونا وش صار عليكم ! |
اقتباس:
حاليا عمري 24 وشهر ، يعني لساتني ماكملت ال25 كم المبالغ اللي طالبينها بالضبط ؟ |
اقتباس:
|
الحمدلله إن أحد دخل وكلمني
أحس إني مره تعبانة ومتحطمة نفسيتي خطيبي راجع الشرطة أمس واليوم وقالوا له ماوصلنا شيء حتى لما أراجع أنا برقم المعاملة بالاستعلام الإلكتروني يطلع لي لايوجد معاملة ؟!! ورجع للأمارة وقالوا له باقي تحت الدراسة ؟!!!! ولما سألهم عن الرسالة قالوا له تونا بدأنا دوام ومن غير المعقول توصلك رسالة وأكيد خطأ من النظام ومن باب التحطيم زيادة رجع أكد لنا إن الزواج من مصري وأردني موقف لحين تحديث بعض الأمور المتعلقة بالجنسية إلا للي بينهم صلة قرابة ولما سألهم ليش قبلتوا أوراقنا قال عادي نقبلها لكن ماتمشي توقف لحد مانشوف المستجدات لأن خطيبي مصري لكن مواليد هنا وعايش هنا ؟؟؟؟؟؟؟؟؟؟؟؟؟ والله أحس إني مره منهارة ولا بحق الفرحة اللي فرحتها لما أرسلوا لنا ولما قرأت كلامك معاناهـ إنها بداية خير لكن زاد همي هم ماني عارفه كيف أتصرف يارب يفرج همنا ويعوض صبرنا خير |
معليش معاناه نسيت أقول لك طالبين حول الـ 40 ألف وناس 70 ألف
أحسها مره كثير ! يللا هانت باقي لك أقل من سنة إن شاء الله أما طهر أذكر إنها مطولة |
بتصل بأمارة مكة وأشوف وش يردون علي
أو أتصل بالداخلية !! أحس إني متشتته وصرت أهذي ماني عارفة وين الصدق أبي أرسى على كلام ثابت يارب رحمتك |
مساء الخير عيد اضحىى مبارك.. وكل سنة والجميع بخير يارب.. اهلا في اخواتي العضوات الجدد منورين الموضوع الله يوفقكم ويسهل اموركم شكرا للي سأل عني بنسبة لموضوعي اترفعت المعامله في اخر يوم دوام قبل الحج لـ أمارة مكه وللان مارحت لهم اراجع اكيد انه لسه ماصار فيها شي لانه كان اجازة بتركها لاخر الاسبوع واروح اشوف وش صار فيها وأن شاء الله خير.. `111`1` |
معليه اختي شذى يحق لك تنهارين وتتضايقين سبحان الله بعض الناس يتعاملون مع هذي المعاملات ببرود لان اللي رجله بالنار م. مثل اللي رجله بالمويه
طيب بما انهم قبلوها ليش ماقالولكم انها متوقفه للسبب المذكور ليه يعشمونكم وبالاخير يخلونكم تتحطمون شوفي اختي اتصلي على الداخليه اضمن لك وارجعي قدمي اوراقك في اماره ثانية غير الامارة اللي انتي قدمتي فيها لان بعض الامارات تتغاظى وسمعت ان في وحده قدمت معاملتها في امارة منطقتها وكانت في جدة وانرفضت وقدمت مره ثانية في امارة المدينة ومعاملتها انقبلت وجتها الموافقه ياما حسيت بشعور الاحباط اللي عانيتي منه وياما ناس عشمونا وقالوا العمر لاتشيلون همه وفي الاخير ماشوف شي والله لدرجة اني ابكي بس الحمدلله على كل حال اهم شي لاتيأسين ومثل ماقلتلك دقي على الداخليه اضمن لك وخلي خطيبك يقدم اوراقك في امارة منطقه ثانية قريبه عندكم لعل الله يفتحها عليكم وعلينا بالنسبه للسعر اشوف سبعين الف واجده وشدعوى هم بيجيبونها لي في يوم واحد والاربعين سعر ماشي حاله حنا بنشوف الناس اللي وعدونا وش ردهم واذا مره مافي امل بنشوف لنا معقب من اتحاد المعقبين عسى ولعل ! ماعليه ياشذى قريب بتنفرج لاتيأسين ولاتزعلين وانا معك في الحلوة والمره :) دانه موفقه وكل عام وانتي بخير وطمنينا عليك لعلك تكوني اول وحده تجيها الموافقه بيننا الجدد :) |
والله يامعاناهـ أحس إني مره ضايعه وماأدري من وين أبدأ ؟!!
الوالد مقعد وجبنا كاتب العدل للبيت بالقوة وعمل وكالة لأخوي ولا أحد بيعطيني وجه ويروح لأمارة ثانية بس بسأل بمكة يمكن يكون فيه شيء ثاني الله لا يخليني منك يالغالية وعسى ربي يفرج همنا ويكتب لنا الخير دانه هلابك يالغلا أذكر وحده كتبت إنه ضيعوا أوراقها وسوت من جديد ماأذكر مين بس أخاف أطلع زي وضعها وجالسين يتحججون ! |
اقتباس:
اقتباس:
هلابك زود يالغلا انا الي ضيعو ملفي بس مو في الاماره في البحث الجنائي بس لقيوه ماسويت من جديد. الاماره لاتخافي مافي شي فيها يضيع.. الله يسهل امورك ويسعد قلبك يارب لاتقلقي ماتضيق الا لمن تفرج خلي املك بالله كبير.. 21l;wqa' |
اقتباس:
|
وعلى فكرة ياشذى هم قاصدين انهم يحطمون اي وحده تبغى تتزوج اجنبي حسبي الله عليهم فااسمعو وطنشو والله نصيحه من الاماره والشرطه والبحث كلهم نفس الشي اهم شي الشروط تنطبق ماعليك فيهم توكلي على الله واكثري من الصلاة والدعاء في اخر الليل والاستغفار والدعاء اوقات الاجابه وربنا معاك وراح تتيسر ان شاء الله.
|
والله لو حصل الزواج بيدي بخذ لي اجنبي لو كان متعلم وفاهم الحياه صح بس للااسف اهلي راح يذبحوني ...
|
اقتباس:
|
السلام عليكم
أخيرا تم الافراج عن العضويه :) كيفكم حبيباتي أنا من المؤيدين وبعنف للزواج من الشاب المسلم سواء عربي ولاغير عربي مافي ايه بالقران تجبرنا ع الزواج بالسعودي حصريا لكل انسانه الحق بأختيار شريك حياتها .. من حسن دينه وخلقه وارفع القبعه لكل اخت هنا اصرت على نيل حقها باختيار شريك الحياه ونالت ذلك والعقبى للبقيه متابعه لكم وراح اكتب تجربتي التي لم يحالفها الحظ |
| الساعة الآن 08:38 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا