.
.
.

تقدم لي شاب عراقي (سني) قبل كم سنه
دين .. أخلاق .. موظف ..
لكن كالعاده الاهل كانو بالمرصاد وتم رفضه
حاولت معهم .. ماكانو يستوعبو انو من حقي اختار الشخص اللي اعيش معه
ما اسمع غير كلمه القبيله .. الناس .. التقاليد ..

اعتذروا للشب بحجه انو انت بالعراق وبعيد وكذا
قال مستعد اعيش بالسعوديه .. واذا كان مقصدكم القبيله انا قبيلي
حاولنا لكن مانسمع غير كلمه ..(لا)


للاسف كان خساره بالنسبه لي .. كبسنا ع الجرح ملح ع قوله المثل
ونسينا ..


الشي المضحك بالموضوع انه الاخوان يحسوا بنشوه الانتصار
بعد ما تفركشت الخطبه .. كأنهم خارجين من معركه !!!

للاسف مجتمع ظالم وعنصري .... ودائما مانردد احنا نطبق الشرع !
...


المهم حاليا في شاب مسلم عربي حاب يتقدم لي

مهمتي ع جزئين ... اقناع الاهل وهي الاصعب
ثم خوض ضمار المعارك مع استخرج التصريح


هــ المره ماراح اتنازل عن حقي
إستعنا بالله



`111`1`

الله يوفقكم يابنات ويسعد كل وحده مع الانسان الي اختارته يارب.
اختي البوح اسال الله انه يلين قلب اهلك ويسخرهم لك يارب.

اخواتي حابه اسالكم وياليت تفيدوني بآقرب وقت ممكن
خطيبي يبغا يسافر خارج البلد ولمدة اسبوع ونحن لسه ماصدرت الموافقه لنا بالزواج تتوقعون الاماره او الداخليه بيعرفون انه غادر البلد مع انه خلص كل الاجرائات ونتتظر الرد منهم
هل راح تتعقد علينا الامور ولاعادي؟

اختي البوح الله يسخر لك اهلك يارب ويوافقو ويعينك بعدها على الاجرائات ربنا يسهل لك ويرزقك ماتتمنين يارب صلي صلاة الاستخارة وتوكلي على الله بالتوفيق ان شاء الله .

اختي دانه بصراحه ماادري هل راح يعرفون اولا بس اذا ماكان سفره لشي مهم انصحك تقنعيه مايسافر الا بعد ماتصدر الموافقة باذن الله لانهم يدورو على اي سبب وانته عارفه اكيد ربنا يعينكم يارب.

كل عام وانتو بخير اعرف جات متاخره بس انشغلت شويه

الله يوفقكم كلكم يارب وييسر لكم امركم

شذى احمد شكرا على سؤالك انا بخير كويسه بس لس نستنى الاماره ترد

دانه والله مااعرف بس حاولي تقنعيه مايسافر ان شاء الله موضوعك مخلص ماباقي له شي

خليه يصبر شويه انت عارفه مايصدقو يلقو شي الله يوفقك يارب

ربك بيفرجها يالغاليه بس مثل ماقلتلك اتصلي بالداخلية وشوفي هل صحيح معاملات الزواج من مصري او اردني متوقفه مثل ماقالوا ولالا عشان ترتاحين اكثر ويكون عندك حجه تدافعين فيها عن اوراقك اللي ماسووا فيها شي
وياليت تطمنينا اول بأول هم كذا حسبي الله على اغلبهم اذا شافوا سعودية بتتزوج اجنبي يحاولون بشتى الطرق توقيف المعامله بس وش نقول غير الله يجعل كيدهم في نحورهم وبالنسبة للتقديم في اماراة ثانيه عادي خلي خطيبك هو اللي يروح ويقدم اوراقك اذا كانت ظروفه تسمح مش لازم انتي ^_^ و `111`1`

الأهل معاناتهم في الاقناع شي ثاني الله يسهل لك اختي نصيحتي لك كثري من دعاء يونس عليه السلام ( لا اله الا انت سبحانك اني كنت من الظالمين ) وايضا ( ربي اشرح لي صدري ويسر لي امري واحلل عقدة من لساني )
حاولي تقنعينهم بحجج قوية ، وربي معك ان شاءالله
وبالنسبة لتصريح الزواج اذا انتي الشروط فيك موجودة ماراح تتعبين كثير ان شاءالله
الله يسهل عليك وعلينا يفرجها 09`1`01`01

دانه نصيحة لك لاتخلينه يسافر والله ان يمرمطونه هم بس يدورون على الزلة وبعدها كل شيء بيتفركش وتضطرين تخلينه يجلس 6شهور ثانية وتجددوا الطلب !
هانت ترى مابقى شيء فلايسافر افضل

السلام عليكم ورحمة الله..

أهلا بالأخوات. وكل سنة وانتم طبيبين. أنا اتابعكم كل يوم تقريبا لكن عندي اختبارات كل يوم عشان كذا اتصفح واخرج.

اسال الله ان يعينني ويعين كل الاخوات هنا. انا باقي ما قدمت لان والدي مافضي الّا الان واتفق والدي مع الخاطب انهم يبدأون في تقديم الأوراق خلال هذي الفترة لكن الله أعلم في أي وقت.

ماني مستعجلة لأني خايفة من رفض الطلب وهو المتوقع في الغالب. فعشان كذا عارفة لو قدمنا بأدخل في دوامة ضغط نفسي وشدة أعصاب. لكن توكلنا على الله.