مبروك املي ربي

دانه كيفك ايش اخبارك

السلام عليكم أخواتي..

في موضوع مقلقني جدا ودائما أفكر فيه. ودائما ألوم نفسي عليه.
سامحوني ما أقصد أقلق أي أحد لكن مالي أحد بعد الله إلا انتو لأننا في نفس الوضع تقريبا. وثانيا لأن ممكن منكم من سمعت عن تجارب بنات سعوديات ثانيات متزوجات من غير سعودين ومعهم أطفال. أيضا ثالثا لأن أكيد كلكم فكرتو في نفس الموضوع واطلعتو عليه فأستفيد من مشورتكم وأفكاركم.

الموضوع اللي مقلقني هو الأطفال. دائما أفكر لو توفي زوجي وعندنا أطفال. هل بيرحلونهم ؟ لأن في حال وجود زوجي فبيكونون أطفالنا على كفالته ومايحق لأي أحد أن يرحلهم لطالما أن والدهم موجود في هذي البلد. واللي أعرفه أن المرأة ماتستطيع أن تكفل أطفالها. فكيف؟ ما أستطيع أن أتخيل ان ممكن أطفالي يترحلون بهذا السبب. والله اني اكتب وأنا أبكي وبقيت على هذا الحال ثلاث أيام. بالرغم من أنه قبل أن تقدم خطيبي لخطبتي وبعد ما تقدم وأنا أبحث في هذا الموضوع لكن ماكان شئ كبير بالنسبة لي وكنت ألقى حلول بسرعة وراسلت الجوازات وكانت الأمور طبيعية واكثر من عادية. ولكن اللي جعل الموضوع أسوأ انو قبل ثلاث أيام قعدت أقرأ في بعض المنتديات ومقالات في الجرايد وكل ما قرأته كان : " معاناة المرأة السعودية المتزوجة من غير سعودي " " المرأة السعودية المتزوجة من غير سعودي تعيش في معاناة وقلق نفسي وعدم إستقرار " " زواج المرأه من غير سعودي ظلم لأبناءها " " أبناء المرأة السعودية بلا حقوق " وغيرها الكثير من المواضيع. وأجد ردود من بعض أبناء السعوديات وأحزنتي بالفعل خصوصا اذا ما كان عندهم دخل مادي متوفر.

الهم النفسي اللي أعيشه ذحين هو أولا: خطيبي رجل من خيرة الرجال ولا أزكيه على الله. وانتظرني مدة ليست سهلة وللأمانة عانا كثير معايا في أمر هذا الزواج بسبب عائق الحكومة وآخره . وكان يقرأ كثير عن أمور الجنسية وحقوق الأبناء الخ وانزعج انه أبناء السعوديات مافي فرق بينهم وبين أي مقيم آخر ولكن من ناحية الجنسية عشان كونه أمريكي فيحس أن الأمور سهلة جدا من هذي الناحية بسبب سهولة الأمر في أمريكا مع أنه يعرف انه في نظام الجنسية السعودية ما يحق للأبناء الذكور من أم سعودية أخذ الجنسية إلا بعد 18 سنة, ولكن مع ذلك الأمر مو سهل. لكن هوا يعتقد انه خلاص لمن يبلغون 18 سنة ياخذونها بالسهوله. فأحس اني أنا السبب وألوم نفس كثير واحس اني باشعر بالظلم طوال حياتي. اني اولا ظلمت زوجي . وثانيا ظلمت أبنائي لو عانوا الاثنين. لأن زوجي بيبقى قلق عشان مستقبل أبناءنا وأبنائي بيبقون قلقين لمستقبلهم فأحس اني انا بأكون الظالمة في كلا الحالتين. أعتذر اذا كلامي غير منطقي خصوصا اننا بنقدم قريب لكن هذي تقريبا فضفضة والحمدلله ماتركت الدعاء والاستخارة في كل وقت لكننا بشر ونحتاج نتكلم. أنا الشئ الوحيد اللي يبكيني اني احس اني انا السبب في كل شئ.

طهــــر يا طهــر
فعلا اسم على مسمى وأقف إحتراما وتبجيلا لنضج عقلك وتفكيرك اللي يسبق سنك
يالغالية .. ربي تكفل بالأبناء قبل أن يخلقوا لكن هذا مايمنع إننا نآخذ بالأسباب ونفكر بالمستقبل من كل النواحي
وفيه كثير قصص مأساوية .. الأب يترحل .. يسافر ويهجر الزوجة وياخذ الأبناء .. يسافر ويهج ويترك الزوجة وأبناءها حتى بدون اثباتات وغيرها كثير من القصص اللي يندى لها الجبين

لكن فكري بالناحية الإيجابية
إذا خطيبك واثقة إنه بيبقى هنا فهذا شيء إيجابي
فيه حالات تنقل فيها كفالات الأبناء دون الـ 18 على أمهاتهم .. لكن بعد موافقة والده بتنازل مكتوب ومصدق من العمدة
وإذا الزوج رجل نحسبه من أهل الخير والله حسيبه فـ انتِ بتستأمنينه أولا على نفسك وحياتك
وأكيد بيكون متعاون بهالناحية وتنقلين كفالتهم عليك علشان ترتاحين .. وفيه زيجات من أجانب نجاحها فاق نجاح السعودية من أقرب الناس لها ..

أسأل الله لنا ولك السعادة وراحة البال وكلنا هنا أخوان وأخوات ولا تخلين بخاطرك شيء فضفضي واحنا نعين ونعاون باللي نقدر عليه http://www.vb.eqla3.com/images/smilies/004.gifhttp://www.vb.eqla3.com/images/smilies/rose.gif

تسلمي املي ربي

انا الحمدلله موضوعي تيسر واعطوني موعد للمحكمه بس بعد شهر

عقبال الباقي يااااارب

انا كمان املي ربي انصدمت وزعلت بس ايش حسوي شي احسن من شي

لو عندك احد في المحكمه يسرع لك هي

الله يسمع منك اختي شذى

بالنسبة لكلامك اختي طهر انا مثلك حالتي النفسية ساءت جدا بعد ماجلست ابحث واقرا في النت عن معاناة السعوديات المتزوجات اجانب
وجات في بالي افكار كثيرة واني افسخ الخطوبة ، لكن سبحان الله كل ماصليت استخارة ارتحت ، ومثل ماقالوا الاخوات ربي مايضيع احد
الامر الثاني جا في بالي ان العيش في بلاد الزوج يعتبر حل جيد لمثل حالتنا لكن الاغتراب مشكله بعد
االاهم من هذا ان البنت ماتقدم على هذي الخطوة الا وهي دارستها من جميع النواحي وتفكر في مستقبل ابناءها مستقبلا يعني ماتفكر في نفسها وبس لا من الان تبدا تخطط لمستقبلهم هي وزوجها وين يكملوا تعليمهم ووشلون يحصلون لهم على وظيفه او مشروع يضمن بقاءهم في عيش رغد وكذا
ومثل ماقلت ربي مايضيع احد والاهم ترى النت والجرايد والتلفزيون دايما يضخمون الامور وانتي عارفه هذا الشيء لذلك اعزمي وتوكلي على الله اذا الرجال طيب وماعليه خلاف والتوفيق من الله

الله يبارك فيكي معاناة جديده

الله يوفقك يارب وان شاء الله تفرج عليكي لاتيأسي وخلي املك بربنا كبير

شوفي انا 4 سنوات متحمله ونفسيتي الله يعلم فيها يوم فوق ويوم تحت

بس الحمدلله في النهاية اكتشفت ان التأخير خير كان لي بس الانسان بطبعه عجول

ان شاء الله قريب نسمع منك اخبار حلوة