![]() |
لا ياأمل ميين قلك التحاليل مرره ضروريه لانو بعد البحث الجنائي والصمات وهلم جرره يدوكِ ورقة التحاليل طبعا ورقتك انت ماطول ورقتو هو تطول اسبوعين وحسب لنتجيه تتم الموافقه او الرفض
|
مشكورة يا مس ، والله الواحد احتار
الله يسهلها |
السلام عليكم ورحمة الله
إخواني لا أريد توجيه كلمة للسعوديات بل لغير السعودي الذي يفكر بالزواج من سعودية ناصحا له بالبعد فالمرأة السعودية هي جزء من مجتمع يرى أنه شعب الله المختار وأن باقي العرب والمسلمين طامعين فيه وفي ثرواته وفي الحصول على جنسيته رغم أن الزواج من أربع سعوديات لن يعطي زوجهن الجنسية إلا بعد مشوار طويل من الكفاح في توفير شروط طويلة عريضة أخرى تطلبها منه الدولة مع العلم بأنه لو نال الجنسية السعودية سيتوجب عليه التنازل عن جنسيته الأصلية وإذا زار بلده وأهله يدخلها كالغريب الأجنبي!!! (لعدم قبول السعودية حمل مواطنيها لجنسيات أخرى) ومع كامل احترامي للمرأة السعودية ذات التواضع والحشمة والوقار والحياء ومع حبي ومودتي لكثير من السعوديين الأفاضل المتواضعين الطيبين لكن الانسان لن يستطيع أن يقصر علاقته على شخص المرأة فهناك والدها كيف ينظر إليك؟ وإخوتها الذين تمكنوا في قصة الخضيري الشهير من الحصول على حكم قضائي بتطليق زوجته القبيلية منه ! - رغم أن عندهم أولاد - وهناك عشيرتهم بل وباقي المجتمع .. تخيل الفتاة توافق وأبوها والدولة ثم يأتي إخوانها ويطلقوها منك ... ليش وجع الراس من الأول يابن الحلال؟ نفترض أن الزوج تزوج المرأة ووافق والدها ورحب به إخوانها ونفترض أن قبيلتها ذات عقل رشيد فكيف ستواجه الأنظمة الحكومية التي تعاملك كأجنبي وكثير من السعوديين الذين يتعاملون معك بطريقة أنت لا ترتضي أن يعامل بها اليهود من سخرية واستهزاء حتى أحيانا يأتيك سعودي يقول إن أمه على نفس جنسيتك ويسخر من جنسيتها وهي أمه! ويعاملونك كأنك شحاذ ويقول لك لو ما تعجبك معاملتنا ارجع ولن ترجع لأنك محتاج للمال على حد ظنه ولو رجعت بييجي غيرك كثير يتمنوا يكونوا مكانك رغم أن الشحاذ سواء إن أعطيته أو لم تعطيه صدقة فينبغي الإحسان إليه بالقول لكي لا تبطل الصدقة بالمن والأذى ولكي لا تنزع العافية من صاحب المال وتعطى النعمة والعافية لمن كان يهزأ منه الخطر هو أن ينعكس هذا على معاملتك لزوجتك وقد ينقلب حبك لها كراهية خصوصا أنها محبة لهذا الوطن وأهله حتى لو فررت بها خارج السعودية لبلدك ولكن ستضطر لتعود بها يوما ما لتزور أهلها وتشبع شوقها إليهم وقد تتعرض حينها في فترة تواجدك لمضايقات كثيرة وقارن حال الدولة السعودية وشعبها وقوانينها التي قد تسجن المتزوج من ابنتهم دون موافقة الدولة أو لا تسمح له بالزواج منها ابتداء الا لو تخطت سن ال 25 وبعدها غالبا ما تعرقل مسيرة زواجك ( يكفي أنك ستحتاج لأن تكون على كفالة زوجتك وهو لفظ مهين للزوج الرجل في رأيي) قارن هذا كله (أقصد هذا الترحيب) وانظر لدولة كبرى قوية اقتصاديا وعسكريا وهي روسيا وهي دولة مسيحية أرثوذكسية ومع ذلك تسهل وبشدة زواج المسلم العربي من الروسية المسلمة والمسيحية على حد سواء ولا تتطلب الحصول على موافقة الدولة فيكفي موافقة الفتاة ووالدها وهم أدرى بمصالحهم بل تقوم الحكومة الروسية بتوفير مكاتب في جميع دول الاتحاد السوفيتي وروسيا نفسها تسجل فيها الفتيات الراغبات في الزواج من العرب ملفات عن أنفسهن وصورهن وتنشر الدولة هذه الملفات على موقع تابع للدولة وبشكل رسمي لمساعدة هذه الفتيات وتتكلم بشكل رسمي على الموقع باللغة العربية عن حصول الشاب المتزوج على الجنسية الروسية بشكل دائم كما ترحب به وتجيب عن تساؤلاته وترى فيه لا طامعا ولا مستوجبا للسجن بل تراه انسانا يحترمهم وجدير يالاحترام لأنه رأى بنت بلدهم فتاة أحلامه وأحب أن ينفق عليها ويضيع عمره بجوارها يرعاها ويقطع المسافات البعيدة كل عام مرة أو مرتين معها لتلقى أهلها ولكن يهون عليه ذلك ليبقى بجوارها فاحترمته الدولة وهذا الموقع الروسي مثال على احترام الدول للمتزوج من بناتها ومع احترامي للفتيات السعوديات فأنا كنت أعمل في مصر فترة بجوار مساكن الطلبة الروس والشيشان القادمين للدراسة بالأزهر وشهادة لله أجمل بنت ممكن تقابلها البنت الروسية مع تمسكها بالدين والتزامها في الملبس وغيره (وهؤلاء دارسات العلم الشرعي فليس كل الروسيات على ذات الدرجة من التحفظ) وإن كانت مشكلتها عدم فهم اللغة العربية بشكل جيد أما الإخوة السعوديون هداهم الله فيرون أن هذا الانسان يريد إهانتهم والإساءة إليهم حينما يفكر في بناتهم كبنات مؤهلة للزواج أو حينما يضعها في المرتبة الأولى كفتاة أحلامه لأنه طامع في سرقتها والنصب عليها أو تعذيبها وقهرها وكثير من السعوديين يدندن حول موضوع غيرة باقي العرب والمسلمين وأنهم لا يغارون على النساء وهذا يرجع لزيارته لبعض تلك البلاد .. فلو أنه زار مساجد البلاد وحلقات العلم بها لتغير رأيه بخلاف الرأي الذي يستنبطه عندما يزور شواطئ المترفين والتي تمتلئ بالسياح ومن يقلدهم من المنهزمين نفسيا من أهل البلد فيرى مثلا فتاة ترتدي البكيني فيظن أن كل أهل البلد يعرض النساء للتباهي بجمالهن أمام الرجال وأن هذا الشعب بأكمله ديوث لا يغار على أهله! على أي حال الفتاة السعودية المتواضعة جديرة بالاحترام لكن أنظمة وقوانين بلدها وتفكير شعبها تحول دون تحقيق نجاح زواج المسلمين منها إلا إذا انتقلت هي وأهلها لبلد الزوج بحيث لا يحتاج الزوج لدخول السعودية أظن حينها سيكون الأمر سهل جدا وستحصل الفتاة على جنسية زوجها غالبا بكل سهولة لكن هل ستتحمل عدم رؤية أهلها لفترات طويلة؟ أو أن ينتظر الشابين حتى تنفد حقول البترول بالخليج وبعدها بحوالي عشر سنوات حينما تتغير القوانين - إن تغيرت - يمكننا أن نرى مولودهما الأول |
انا يا miss تحاليلي طلعه بعد 6 ايام و خطيبتي تحاليلها طلعه بعد 13 يوم.....علي حسب مزاجهم...انا الامور كلها خربه معايا و ماني عارف ايش اسوي...كل يومين او تلاته بدور واسطه جديده ...بس عندي ليكم خبر حلو ....بس ما راح اقول الا لما اروح و اتأكد بنفسي من الكلام.... الله يكرم و يبارك للجميع.
|
يارب يسهلك يارب وبشرينا
|
الله يسهلنا ياارب غريبه عادة السعوديه تطلع تحاليلها قبل
|
يا جماعه الخير.....ناس كتير قالولي انه الحكومه مالها دخل في موضوع التحاليل ده و انه الأمر متعلق بولي الأمر و الزوجه و الزوج و يكتفوا بأن ولي الأمر يكتب تعهد بأنه موافق علي الزواج مع العلم بالحاله و الدوله غير مسئوله عن رعايه الأطفال وا وا وا الخ.
هل الكلام ده صحيح...ام لا يا miss و يا أمل ....انا حصلت واحد من طريق زميله في العمل و قال بياخد 20 الف في المعامله هادي بس ما هياخد و لا ريال الا لما تيجي المعامله بلموافقه و كل اللي يبغاه بس حق سفره و جلسته في الرياض 5 ايام او شي...و بعدين بيرجع هنا يسوي التحاليل و تيجي الموافقه علي حسب كلامه ان شاء الله في خلال45 يوم بل كتير...هو بيسوي ليا و ليها و لأختها كمان و قال انه عشان يعرفهم ما هياخد الفلوس الا لما تيجي الموافقه لأنه يضمن الناس هادي....ف انا بشوف ايش بيصير و اردلكم...الرجال ده هيكون صادق فعلا لو خلصلي انا موضوع تحاليلي..لأنه انا اصلا ما احتاج الا ورقه التحاليل سليمه بس لو بتيجي علي 20 الف و ارتاح و الله ما يهم..ادعولي بل توفيق و ربنا مع الجميع |
ماتهم الفلووس ياما قد دفع ونصبو عليه ومستعد يدفع اهم شي يصدقووا
بخصوص كلامك عن التحاليل هادي في حالة ادا كانوا سعوديين اما لو طرف منهم اجنبي يتغير الوضع مع انو في ناس معاملتهم نفس مشكلتنا لكن ماقعدوا كم شهر الا ولقيووا مين يخرجها لهم لكن حسبي الله ونعم الوكيل ارربع سنين من عمري راحت ومااسامح اللي كان السبب واتمنى تفيدنا بأي جديد حياتي |
لاحول ولا قوة الا بالله...يارب سهل
|
خلاص انا اوراقي بترجع من الرياض و قالو مافي شي هيصير الا بعد العيد
|
الله ييسر اموركم جميعا ،،،،
|
الله يسهل ويسر الامور
أنا معاملتي تصدرت من الاماره لمكتب مدير شرطة الرياض هل فيه أحد يعرف ايش الإجراءات اللي راح تكون في الشرطة؟؟؟ |
اقتباس:
اختي الفاضله ...علي الخبره المسبقه من حيثما حدث معي اللي هيصير ان شاء الله : اللي صار في مكه كان كده : تقدموا الأوراق كلها في الشرطه و يكون الوالد و الخاطب حاضرين شخصيا او ولي امرك اذا كان الوالد ما يقدر يروح. الشرطه تطلب منكم الأوراق الازمه...في حالتي كانت: اوراقي : -جواز سفر اصل للمطابقه + صوره منه -اقامه اصل للمطابقه + صوره منها -صورتين مقاس 4x6 خلفيه بيضاء و تكون شمسيه يعني ما فيها اي تعديل بلكمبيوتر و تفتيح بشره و الحركات هذه. -خطاب تعريف من العمل بنفس مهنه الأقامه -صوره من شهاده الميلاد مصدقه من مرجعها بتاريخ حديث...اذا كان مواليد السعوديه اجل لازم يروح الأحوال المدنيه و اذا كان من مواليد بلده اجل هذه لفه طويله...لازم احد من بلده يطلعلوا نسخه من شهاده ميلاده ويصدقها من احوال بلده ...وبعدين من وزاره الخارجيه في بلده...بعدين يرسلها هنا يصدقها من سفاره بلده هنا في السعوديه و اخيرا يتم التصديق عليها من وزاره الخارجيه السعوديه. اوراق خطيبتي : بطاقه احوال اصل للمطابقه + صوره منها اذا لا يوجد اجل كارت العائله. بطاقه احوال الوالد او ولي الامر للمطابقه + صوره منها. خطاب تعريف من العمل ان كنتي تعملين و لا يشترط يكون بل راتب و في حال انك لا تعملي اجل تجيبي خطاب من العمده يفي بذللك -صورتين مقاس 4x6 خلفيه بيضاء و تكون شمسيه يعني ما فيها اي تعديل بلكمبيوتر و تفتيح بشره و الحركات هذه. -رسم كروكي لمحل سكنك من العمده و احيانا ما يطلبوه بعد ما يكون كل الأوراق دي كامله بايطلعوا عليها بس او ممكن ياخدوها و يحفظوها عندهم في حالتي ما اخدوا ولا شي. بعدين في الشرطه يدولكم 4 خطابات : -2 لعمل التحاليل في المستشفي لكي و لخطيبك -1 لكي عشان برينت الأحوال للحاله الأجتماعيه -1 لخطيبك لعمل الفحص الجناءي عشان يشوفه عنده سوابق و لا لأ. طبعا البرينت حقك ما ياخذ 10 دقائق في الأحوال و يطلع و الفحص الجنائي لخطيبك ياخد يوم واحد بس ويستلموا تاني يوم بعد الساعه 1 ظهرا. بعدين التحاليل ممكن تروحو مع بعض انت و الوالد و خطيبك و تسوها في يوم واحد و تطلع بعد اسبوعين او ممكن كل واحد لحاله و بعد م تطلع التحاليل سليمه ان شاء الله تروحوا تتابعوا في الشرطه و بعدين يترفع الورق للأماره و تاخدوا رقم معامله تتابعوا بيه و العمليه تاخد اقل شي شهر. ما ذكر اعلاه كان في منطقه مكه....اما بل نسبه لجده كان الوضع مختلف بس نفس الأوراق تقريبا و كان كالأتي : بعد ما ترفع الأماره المعامله للشرطه تروحي انت و خطيبك او الوالد معاكي هناك و مو زي مكه تاخدي خطابات لا...تاخدوا ارقام المعامله... و بعدين اللي يصير : تروحوا الاحوال الجنائيه للبصمات و الفحص الجنائي و طبعا لازم الصور و علي فكره يستحسن لو تتصوروا 6 صور عشان بيحتاجوا كثير بعض الأحيان بعد الفحص الجنائي هما هناك يحولوا اوراقكم للشرطه و الشرطه تحول المعامله للمستشفي عشان التحاليل و انتم تتابعوا في الشرطه او هما هيتصلوا عليكم عشان معاد التحاليل و بعد اسبوعين تقريبا تروحوا هناك و تعطوهم بقيت الأوراق المذكوره اعلاه و يترفع الورق للأماره و تتم المتابعه هناك برقم المعامله. العمليه تتم بأنه الورق من الشرطه للأماره بعدين للداخليه في الرياض و يتوافق عليها او تترفض من هناك و بعدين يرجع تاني للأماره بعدين للشرطه...و اذا كان بل موافقه فبيروح للمحكه و يروح الخاطب هنك و ياخد معاد عند القاضي عشان يعقد عليكم هناك. الله يوفقك و يوفقنا جميعا و ان شاء الله الموضوع يمشي بكل يسر و لا تخافي اهم شي في الموضوع كله هو التحاليل تكون سليمه و نصيحه مني انتم الأثنين سوا التحاليل في اي مستشفي خارجيه و تكون خاصه مو حكومه و لو سليمه توكلوا علي الله...و لو الله لا يقدر في شي عندك او عنده اجل حاولو تمشوا حالكم بأي شي سواء واسطه او فلوس في المستشفي اللي هتحولكم الشرطه عليها قبل لا تسوا التحاليل و الا هتكوني في نفس الورطه اللي انا و miss و امل المحيط فيها. اسف علي الأطاله و ارجو اني اكون افدت. |
حياتي بتضيع الله يجزاك خير ويوسع لك دنيا وآخره ويسهل أمرك عاجل غير آجل
|
نسأل الله أن يسهل اموركن لما فيه الخير لكن
|
اخواني انا اعاني مثل مشكلتكم التحاليل >>الصفه الوراثيه؟؟ومازلنا نحاول ان نخرج من هذه العقبه
|
اريد ان اتواصل معكم ياخوان فانا في نفس وضعكم
|
السلام عليكم ورحمة الله وبركاته
كيفكم بنات يارب تسهلت معاملتكم |
اخواتي عندي سؤال
طيب لو اعيدت التحاليل في نفس المستشفى >>>يتضح لهم انا الشخص اعيد تحليله يعني هل النتائج للامراض الوراثيه تحفظ في المستشفى؟؟ |
وينكم ياهوووووووووه وربي مشكلتنا مثلكم
ان شاء الله تكون مشاكلكم انحلت ساعدوني |
على حطةيدك يافواحه لسى محلك سر والمعقبين نصابين يعشموك عالفاضي
وترى مانصح بنفس المستشفى الا لو عندك واسطه في المستشفى ممكن يمشوها لك ويمحو اي معلومات من الكمبيوتر بس حاولي ربنا يكتبلك الخير |
شوفو عندكم واسطه بتنفع معكم ماعندكم ماراح تمشي وربي يكتب لنا الي فيه الخير
انا والله كنت متواصله مع بنت بس مدري ايش صار عليها |
سمعت اذا قدم العريس طلب من وزارة الداخليه ممكن يحصل على استثناء
بس بصراحه ماعملنا هذي الخطه وين الاخ>>حياتي بتضيع >>شو عمل؟؟ |
اقتباس:
لكن لو بتسوي في نفس المستشفي لازم تمشي حالك بواسطه او بفلوس يلغوا التحاليل القديمه و يعدمه الكيت اللي فيلو النتائج.....و يا ريت تفيديني مين اللي عنده المشكله انت و لا خطيبك و ربنا يوفقنا جميعا و الا جميع اخواني و اخواتي اسف علي الغياب الطويل لكن و الله سافرت بلدي لانه امي في حاله مرضيه و ادعولي انه كل شي يصير علي خير و بل نسبه للتحاليل يا مس انتي و بقيه الاخوان و الاخوات قريب ان شاء الله لما اعاود علي السعوديه بعطيكم خبر حلو بس لما اخلص منه بنفسي. اسف علي الاطاله و السلام عليكم و اتمني لي و لكم جميعا الخير و التوفيق و تمسكوا و لا تتخلوا عن من تحبون حتي و لو ايش يصير |
انا عمري 22 مايوافقو لازم 25 وخصوصا المتقدم لي اكبر مني بسنه
|
حتى ياأميرة لو عمرك فوق 25 ترى ماتمشي بسهوله اعرف وحده فوق 30 ولسى معاملتها ماخرجت يعقدوها تعقيد حسبي الله ونعم الوكيل فيهم
انا مو قاهرني الا المعقبين كل اللي تعاملنا معاهم خلال الخمس سنوات طلعو نصابين حسبي الله ونعم الوكيل فيهم الله حسيبهم |
طيب لو ابوكي يقولو انا موافق وبنت وابغى ازوجها ايش الي يمنع
|
الدوله تمنع شفتٍ فين وصل الاستعباد .؟
|
كان الله في عونك وعوننا اخت فرموزا واخت اميره والاخ حياتي بتضيع
مشكلتنا ان اختي حامل لانيميا الفول وهي اجنبيه من مواليد السعوديه رغم انها حامله مش مريضه لكن مانعين الزواج وعلى فكره التحليل بس للاجانب اما السعودين مايعملوه لهم واضح انكم من مكه يااخوان؟؟مثلي؟؟ومستشفى الولاده ماتلاقي عندهم اي واسطه اخ حياتي بتضيع منتظرين الحل على احر من الجمر سلامات للوالده اجر ان شاء الله وقدامها العافيه |
لا حتى السعوديين يسوون لهم انا سعوديه وهو اجنبي وسويناها كلنا وبالاساس مو ن مكه بس قلك لقينا واسطه طلع نصااب ويشتتغل في المستشفى حسبي الله عليه عارفه انا ماحرق دمي وقلبي الا النصابين المعقبين تخيلي 5 سنوات وكل اللي تعاملنا معاهم طلعوا بياعين حكي ونصابين واللي قاهرني واللهي وحده اجنبيه عندها المرض مو حامله وطلعلها زوجها المعامله من الرياض وهم معقيدن اكتر مننا ووحده سعوديه هو معااق وطلعت معاملتهم وتخيلي مادفعوا الا مبلغ بسيط ومشيت ونحنا دفعنا مبالغ كبيره ماتتخيلي ككم دفع وماطلعت ونصبوه عليه حسبي الله عليههم سرقوا الفلوس والوقت يالله ربنا كريم بالاول والاخير
|
ميس فرموزا انتي من وين؟من جده ولا الطايف
تحليل الفول مايطلبوه الا لما يكون في طرف اجنبي لكن لو الطرفين سعوديين مايطلبوه |
الافضل ياميس انكم ماتعطوه الفلوس الا اذا انجز المطلوب
|
من جده لكن سويت التحاليل في مكه وكانت للطرفين السعودي والاجنبي
صح بس كنا زي الغريق اللي يتعلق في قشه وثق فيهم على بالو كل الناس طيبيبن يالله صديقني الفلوس على الحسره لكن مو زي اللي يسرقون الوقت يعني حتى الوقت واللعب بالاعصااب خليني ساكته بجد االوضع اللي تعرضنا لو مزري ولعبة الاعصاب اللي تعرضنالها هدتنا لكن حسبي الله ونعم الوكيل فيهم |
ميس ماادري عندي اعتقاد لكن مش اكيد
هل تتوقعي ان المنطقه عندنافيها تشديد يمكن لو منطقة تانيه مايدققوا في هالمواضيع ؟اعتقاد لا اكثر احنا كمان ندور على قشه ومازلنا غرقانين ياليت يسهلوها شوي الاخ حياتي بتضيع نحن بالانتظار >>> عندي سؤال فرموزا؟؟تحليل الفول كان موجود في جده؟؟ |
من جد لعب باللاعصاب وهدر للوقت والمال
بس انا اشوف اذا في واسطه على الداخليه يمكن يمشي الموضوع خطيب اختي راح للامارة وقالوله روح للداخليه والداخليه يقولوا الامارة ومازلنا في التوهه ماعرفنا نبدا من وين ربي يسهلكم جميعا ويجمعكم مع ازواجكم على خير انا قرات ضمن الردود اخت سوسن اللي اتعاملت مع ابو مهند الراجحي لكن المبلغ اللي يطلبه غير محترم ومن غير ضمانات بس في نفسي اقول يمكن يكون عنده خير والله اعلم |
طيب بنات بليززززز احد يعرف واسطه بالشرقيه لانه المعامله حق اختي طبعا بتروح للاماره وعند واحد ثقيل دم
الله يعين |
امير الصمت الله يخليكي ايش التحاليل اللي عملتوها
فيها الفول؟؟انتم في اي مدينه ارجوووووكي انتظر ردكم |
ايش تحاليل الدم الوراثيه ارجووووكي انا انتظرك وفي اي مدينه
|
اميرة شو مشكل اختك ؟؟
|
أنا تعاملت قبل فتره مع شخص يستخرج تصاريج الزواج ... من طريقة كلامه كان شخص واثق من نفسه وكان محترم.. لكن طلب مني أوراق لم أستطيع إحضارها لأن الزوج كان مقيم خارج السعوديه فما أستطاع يساعدني إلا لما تكتمل الأوراق المطلوبه...
فيمكن يستطيع يحل مشكلتكم إذا حاب أحد يتعامل معه يراسلني وراح أعطيكم ايميله على الخاص لكن لا تدفعو مقدم نهائياً.. دائماً يكون شرطك (الدفع بعد الإنجــــــــــــــــــــــــــــاز) |
الساعة الآن 02:41 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا