عبيير أتمني تكتبي كل الي يصير معاك لان اذا تمت امورك ع خير أبغا اقدم كمان بجيزان

لا مقدم من جده ..

انا جاتني الحمدلله .. مشيت على كم ادارة و جلست 3 أسابيع اسبوع في القضايا و المطالبات و اسبوع الحقوق الخاصه و اسبوع الصادر الخطي و بعدها صدرت لمحكمة الأحوال الشخصيه و اليوم رحت للمحكمة قالو لي انتظر لسى ما وصلت هي في البريد السعودي توصلنا المعاملة بعد عشر ايام من تاريخ صدورها ولكن انا مقدم من جده ..

و باْذن الله الاحد تسمعي خبر حلو 😝

من عيوني ...
يارب ياكريم انك تسهل لنا الامور وتسخرلنا الطيبين من خلقك

ياااااااااارب😭

صباحكم اخبار ساره بإذن الله

بس عندي استفسار الحين لما يطلبو من الطرف الاجنبي تصديق شهادة الميلاد
لازم يكون معاها خطاب مقدم للاحوال المدنيه ؟ ويوضع الخطاب بشهادة الميلاد من ضمن الطلبات اثناء تقديم الاوراق ؟
سؤال ثاني ايش افضل التقديم عن طريق الاماره او الشرطه ف مكة طبعا ؟

الأسـتغفار جـنة الحـياة وراحـة النـفوّس استـغفرك ربـي واتـوب اليـك........❤💭

الخطاب يرفق مع شهادة الميلاد في الملف عند تقديم الاوراق ؟

صباحكم سعاده وتباشير
ربي يبشرنا باللي يسعدنا وننتظره...
هدوء ايوا حبيبتي لازم خطاب من الشرطه موجهه للاحوال عشان تصديق شهادة الميلاد
اما عن التقديم ف ماعندي خلفيه ايش احسن
الله يسهلها لنا يااااارب ❤❤

كل الخطابات تاخذها الجهات المحدده
يعني خطاب التحاليل ياخذوه المشفى والبصمات تاخذه مدري مين وزي كذا

هلا وغلا عبورتنا
انا الحمدلله بخير الله يسعدك
ماعندي مشكله اكتبلك خطواتي بالتفصيل الممل خخخخ مع انه كان مشوار طووويل
اول شي اتصل خطيبي ع الاماره وسالهم عن الطلبات ماافادوه بس قالوله خلها تجي تقدم
في قسم النساء وخير اترددت واستخرت شهر كااامل وبعدين توكلت على الله وحده وايقنت انه محد بيساعدني
غير ربي وربي حفظت في جده من شهر 11 والحمدلله الحين صرنا سنه جديده
انا اصلا من جيزان وبطاقتي الاحوال مصدرها جيزان
كنت بقدم ف الرياض لانه ف البدايه محد نصحني بجيزان لانه غيروا وكيل الاماره واختلف النظام شويه
خطيبي سأل معقب قال لازم تصدربدل فاقد لهويتها بالاحوال بالرياض
وثاني شي ماعندي احد بالرياض وصعبت عليا اثبات السكن
ف قدمت بجيزان رحت الاماره الساعه 9 الصباح قسم النساء
استقبالهم مريح والمعامله قدمتها ف مكتب الرئيسه بذاتها
يعني مو زي جده طبعا خطيبي من جده وهويته مصدرها جده اخذت الهويات وقالت لي انت من وين قلتلها من جيزان
وسالت العريس من وين قتلها من جده قالت طيب دام انه مصدر هويته جده تروحي تقدمي بجده قلتلها والله قدمت ف جده
وحفظت عشان انا الطرف السعودي من جيزان وقالولي لازم اقدم من نفس منطقتي
طبعا هذا النظام ممنوع بأمارة جيزان لانه من ضمن الشروط لازم يكون الطرفين من جيزان
وسالتها عن الاشياء اللي ممكن تمنع المعامله وتحفظها قالت لي هذا زواج والله يوفقكم
بس سالتني عنده شهادة ميلاد سعوديه قلتلها ايوه قالت وعمرك 25 وفوق ماف شي يمنع المعامله تمشي
وطلبت شهادته الدراسيه لو متوفره تقوي الملف
وجبتها لها ثانويه عامه
وخلاص عبيت استماره مثلا مكان سكني العمده او شيخ القبيله انا ماعبيت لا عمده ولا شيخ قلتلها مااعرف قالت طيب مو مشكله
سالتها تأثر ع المعامله قالت لا ماتأثر ووقعت واخذت الملف واعطيت موظفه ثانيه قالت لي اسبوعين ثلاثه توصلك رساله
ورجعت البيت
بعد 16 يوم بالضبط صدرت للمحافظه جلست اسبوع ف المحافظه وطلبوا حظوري وفهموني ع نقطه مهمه اللي هي مسألة الزام وجود الطرفين بنفس المنطقه
واذا ماتوفر هذا الشرط تحفظ المعامله
طبعا فهمت وكيل المحافظ بوضعي قالي خلي العريس يدبر اثبات سكن هنا وبتمشي
ودبر عقد اجار والحمدلله الاسبوع الثاني صدرت للشرطه وهناك راجعناهم بعد اسبوع واخذنا الطلبات خطاب للادله الجنائيه
وخطاب تحاليل وخطاب برنت وبصمت انا وولي امري ع اقرار الموافقه بوجود شاهدين وختم العمده ولازم تدبروا شهود من المنطقه
وعملت اقرار اني مااشتغل ولا اتزوجت من قبل بتوقيع شاهدين وختمها العمده
جهزنا الطلبات اخرتنا التحاليل بس 10 ايام وطلعت النتيجه
والادله ماشاءالله ساعدوه في نفس اليوم اعطوه البصمات
والبرنت
وسلمنا الاوراق كامله للشرطه واليوم الثاني صدرت للمحافظه وفي نفس اليوم صدرت للاماره وها انا انتظر تخلص من الاماره
المكان الوحيد اللي طولت المعامله فيه هي الاماره بس بداية التقديم اسابيع والحين صار لها 3 اسابيع عندهم
وتحركاتها ماتعرفي الابرقم القيد وتتصلي ع تحويلة النساء او الخاطب ع تحويلة الرجال
واول اداره كانت فيها معاملتي بداية التقديم هي ادارة القضايا والمطالبات الخاصه
والحمدلله على كل حال الحين هذا 3 شهر ويارب تعديها على خير
دعواتكم...
ادري طولت بالكتابه بس عشانك عبيييير لاني مريت بنفس وضعك ولا لقيت من يفيدني والحمدلله

لمحه والله بديت اخاف لان انا هويتي مصدرها جده وخطيبي مكه ولما سالت النساء قالوا لازم بمكان الاصدار اقدم وقلت لها لو طلعت بدل فاقد يمشي الموضوع قال جهه الحفظ تبع ملفك وين قلت جده قالت ماتقدري
بس لما رحت قسم الرجال مشوها ليا واعطوني رقم قيد وهيا بادارة القضايا
وجبت اثبات سكن اني من جيزان والمدير بنفسه قالي خير ان شاءالله بسالك مكان الحفظ اللي بالهويه وين؟
يااااارب لاتكسرلي قلب وسهلها لي

صباح الخيرررررر


الله يسهلنا امورنا ونفرح جميعاااا ياااارب...


الحين سؤالي لازم هوياتنا تكون من نفس المنطقه ولاكيف.. طيب انا عايشه بالرياض والبيت باسم ابوي وهويتي من جده كيف اسوي هل تنقبل معاملتي ولاكيف افيدوني بالله ؟؟؟!

ايوا لازم يكون بخطاب موجه للاحوال المدنيه
و يكتبو بالصورة المصدقه لغرض الزواج من سعودي
او شي زي كدا، انا كدا سار معايا
من مكة ما اعرف صراحه لاني بجده..