معقولة...
كذا مرة اسأل ومحد قدر يفيدني...؟؟

انا سالت الموظف قالي لازم 30 للاسف الكلام صحيح
مع انو لمن قدمت اول قالي اهم شي فوق 21

يعني انا من النظام القديم لكن حسبي الله ونعم الوكيل

انت متى بصمت

لانو البصمه يسموها الصحيفة الجنائية زي التحاليل
لها مدة وتنتهي وزيها زي شهادة الميلاد الغير سعودي لمن تتصدق لها وقت معين وبعدها ماتستفيد منها فممكن
دا سبب

انا بصمت اخر مرحله في المعامله
اسسيتلمت النتيجه حق البصمات وفي نفس اللحظه سلمت المعامله لمكتب الزواج واعطوني موعد بعد شهرين ونص مراجعه
وفعلا بعد شهرين ونص راحت المعامله من الشرطه الى المحافظه وجلست 3 ايام بس وراحت عالاماره


ذا اللي صار بالضبط

معقوله يكون انتهت المده ؟؟
واذا انتهت فالسبب من الشرطه مو مني انا
المفروض ما اتحمل نتيجه تأخيرهم لأرسال المعامله حقي

حسبي الله ونعم الوكيل
الله يجازي اللي كان السبب

تحولت من اسبوع من الامارة الى شرطة منطقة مكة المكرمة ولسى ماوصلت الشرطة وقالولي تعال الاسبوع اللي بعدو

ماعندي شي اقوله غير الله يسهل عليكم اموركم ياااااارب

اللهم امين اجمعين يارب

انا معاملتي في شرطة العاصمه بس ماحددولي فين بالتمام الله يستر

السلام عليكم انا توني مشتركه معكم وحبيت اسال وارجو منكم تفيدوني معامله زواجي لها سته شهور وكل شوي ترجع الشرطه مره نقص ومره تصديق اوراق واخر مره انه لازم اكتب معروض بس حبيت اعرف هل تروح الداخليه اذا هو من مواليد السعوديه الله يخليكم رودو علي

اذا مواليد السعوديه ماتروح للداخليه ابدا

لا إله إلا الله الحليم الكريم سبحان الله رب العرش العظيم الحمد لله رب العالمين . اللهم اني أسألك موجبات رحمتك وعزائم مغفرتك والغنيمة من كل بر والسلامة من كل إثم . اللهم لا تدع لي ذنبا إلا غفرته ولا هما إلا فرجته ولا حاجة هي لك رضا ولنا فيها صلاح إلا قضيتها يا أرحم الراحمين

مشكوره حبيبتي طال انتظاري بس من فين سمعتي انها ماتروح الداخليه مع النظام الزفت الي حاطينه يعني قصدي سمعتي احد قريب معامله زواجها من مواليد السعوديه ومهارات الداخلية الله يعطيك العافيه يارب

خطيبي من مواليد السعوديه وماراحت المعامله للداخليه
الداخليه لغير المواليد

طيب انتي شلون معاملتك يعني في اي مرحله وكم لها

ي حبيبتي معاملتي لها شهر ونص تقريبا
ودحين وصلت لشرطة العاصمه المقدسه
وانا قدمتها عن طريق اﻻماره ..

انا معاملتي قدمتها من مكتب الزواج في الشرطه

يلا الله يسهلك وييسرلك امرك يارب

امين يارب وياك ياعسل الله يفرجها ع الجميع

السلام عليكم ورحمه الله وبركاته

صباح الخير جميعا

يا اخوان لقيت معقب من طرف صديقتي صار لها سنتين والمعامله مو راضيه تمشي ... ومع دا المعقب تقول اقل من شهرين

المهم انا كلمته وقال خلال 40 يوم والموافقه في يدك بس طلب احد من اخواني يروح معاه الرياض لوزاره الداخليه

سؤالي هو الي تسير من وزاره الداخليه للمحكمه على طول فيها تحاليل ولا لأ ؟؟؟؟؟

واذا طلع جاد وكله تمام حرسلكم رقمه ولسه ما اتفقنى على المبلغ

وين اﻻعضآء !! مافي اخبار جديدهه حلوه وﻻ كيف ؟

حبيبتي شذى اعتقد التحاليل ﻻزم منها ف كل مكان
سواء داخليه او اماره لان مستحيل يخلوك تعقدي قرانك لين يشوفو التحليل
يعني الشيخ ف المحكمه م يعقدلك اﻻ ب التحليل
على حسب علمي

شباب بنات محد يقدر يفيدني بالموضوع 32qde... كم يوم تاخذ المعاملة في الصادر العام كــحد اقصى؟؟

المعاملة تروح للوزاره الداخليه لازم للكل خطيبي من مواليد السعوديه ومن ام سعوديه وراااحت للوزارة الداخليه

ف الصادر العام معاملتي اخد تقريبا يومين الى 3 ايام

مو شرط سير المعامﻻت يختلف انا خطيبي مواليد السعوديه
وماراحت معاملتنا للداخليه نهائي

مو اهب انتي كم جلست في الاماره بعدين راحت الداخليه انا ليه ست شهور في الاماره يعني بعد هذا كله تروح الداخليه وكم عمرك

مع القرارات الجديدة شرط يمكن انتي كا قدمتي بداية السنه دي حتى صحبتي راحت للوزارة😊

اقصد ما قدمتي بداية السنه

مشكور طال انتظاري ع الرد

طيب ايش كان الاجراء؟ انا عندي موقعة ! هل يحدد شي مواقفة او شي

ومعاملتك وين راحت الان؟

ايواا حتى انا بإجراء موقعه للاسف م يحدد اذا موافقه او رفض
وحاليا معاملتي خرجت من الصادر لديوان اﻻماره ومن ديوان اﻻماره
لشرطة العاصمه المقدسه .. و يوم اﻻحد بروحلهم اشوف اش صار عليها

مواهب حبيبتي قدمت شهر 2 معامله من وزاره الداخليه و اترفضت ف شهر 5
ودحين قدمت عن طريق اﻻماره ومرا خايفه

الله يعينك ويسيرلك اجل خبرينا ايش يصير معاك :)

حسبي الله عليهم
رحت اليوم الشرطة والكداب يقولي ما وصلت لسى وهو كداب أول ماعطيتوا رقم الصادر طلع اسمي معناتو وصلت بس الله ينتقم منو ويقول تعالي يوم الأحد بدري وانا عندي دوام مايمديني غير 12

كمان خائفة الموظفة سألتني هو في جده قلتلها المدينة أخاف تتحول فهناك ونحنا نبغى كل شي هنا حتى التحاليل ايش تتوقعوا

ردو علي ياناس معقوله بعد ست شهور كمان تروح الداخليه واصلا التحاليل راح تنتهي هدا الشهر

والله ماعرف يا أميره ولا كنت جاوبتني
بخصوص التحاليل عادي حتى لو انتهت تقدري تخرجيها من نفس المشفى بسهولة

كيف يعني اطلعها من نفس المستشفى

انتي الطرف السعودي؟؟
وكم عمرك ؟؟
وكيف قدمتي معاملتك في البداية ؟؟؟

وعندي سوال للي يتعاملو مع معقبين
هل المعقبين يجيبو الموافقة بعد الله حتى لو الطرف السعودي مو ع الشروط من عمر و و ؟؟؟؟؟
ولااا هما بس يعجلو في المعاملة من ناحية الوقت لكن يمشو ع الشروووط ؟؟؟

ايوا ي اميرة من الامارة للوزارة الداخليه بس ما طولت كدا تقريبا في اسبوع واحت ورجعت بعد 3 اسابيع للامارة تاني

اها انتي قدمتي من الوزارة عشان كدا احنا قدمنا من الامارة