الله يسامحهم ماقال لنا اللي استلم الاوراق اخذ الشهدع مصدقه بدون خطاب
عشان كذا حفظت في الحقوق الخاصه ف الداخليه 💔 وهي مستوفيه الشروط

مرحبا .. ترى أغلب الأوقات والله ما يخبرونك اذا في شيء ناقص وتكتشف انه بعد ماتمشي المعامله ترجع أو يصير عليها أي تعطيل بسبب هالامور .. أسأل الله أنه خير لكم بإذن الله تتسهل الأمور ولازم أي ورقه تحتاج تصديق أو ختم أو تاريخ قريب انتهاء يتصلح صارت معاي ورجعت ولكن الحمدلله .. لعله خير ويارب يوفقنا وياكم ونسمع الأخبار الطيبه ..

مرحبا .. أسأل الله أنه يتمم امرك وأمرنا جميع على خير وتوفيق .. بخصوص موضوعك بتكلم على جانب انه اذا كان مقيم بيكون اسهل لكن من برا ماعرف كيف طريقه التقديم والأمر اللي راح يخلي الموضوع أكثر مرونة ب المعامله انه سبق لك الزواج وأسأل الله أنه يوفقكم ويسهل أمركم الموضوع ماراح يأخذ كثير وقت إجراءات وورق وكم إدارة واحتمال 50% ماتروح الداخليه وتتصدر على المحكمه .. المدة بتكون اذا ماراحت الداخليه طبعا هذا كله اجتهاد والأول والأخير كله بأمر الله حيكون من 3 أشهر إلى 6 وممكن أقل اذا مافي إجازات تدخل بخط سير المعامله واذا راحت الداخليه حيكون الزيادة أنها تقعد هناك من 40 يوم إلى 3 أشهر وفي ناس كثير طلعت من هناك بأقل من اللي ذكرته انا بس انا اتكلم عن الواضح من أغلب الأمور .. بالاخير الأمور حتمشي بإذن الله بسهوله اذا استوفيتوا جميع الشروط. . أما عن زواجكم هناك والله مدري بس اتوقع توثيق زواجكم هنا راح يتعبكم ويأخذ وقت وليه وليه وكذا أمور بس التقديم الصحيح اشوفه احسن وبالاخير انتوا أعلم أي طريقه راح تناسب وضعك بالتقديم .. أتمنى من الله اني افدتك ولو بالشيء القليل وأسأل الله لكم التوفيق وللجميع .

الحين لازم نقدمها من جديد ؟

خطيبي كان يبغا يجيب التصديق قبل ما يستلم
الخطاب من الشرطه عشان يختصر الوقت..
بس الاحوال رفضو قالو لازم خطاب.
اسالو عن سبب الحفظ واتاكدو قبل.. :(
قد يكون مو دا السبب ممكن سبب تافه كمان :/

دام اخذوها بإذن الله خلاص تمشي الأمور هيا من البداية اذا عارضوا المشكله .. بس تفاءلي خير وقولي يارب وبإذن الله خطوات المعامله تمشي كويس

اذا في مجال أحد يروح الداخليه يسأل عن مكتب الحقوق هناك ومعاه الرجال الناقص مختم وجاهز وقدر يعطيهم على أنها تمشي بيكون احسن وكمان تكسبوا زمن من أنها تبداء من جديد ... ودائما أحسنوا الظن بالله وقولوا لعله خير بإذن الله أهم شيء ماتياسوا ولا تتراجعوا أسأل الله توفيق قريب وفرحه صبر تغنيكم عن هالحزن ..

يطلبون أمور روتينيه .. بس عن اللي مو مقيم هنا والله ماعرف بس راح أسأل ويارب توفيقك وبإذن الله كل خير

بإذن الله بيسأل الاحد ويشوف وش السبب ويارب خييير
ربي يسهلها من عنده هو القادر على كل شيء

الله يسهههلها لنا وللجميع
يعطيك العافيه

ماقصرت يعطيك العافيه
ربي يوفق الجميع ويسهل اموورنا