هلا ..
حسب علمي ، انه عادي يقدر يتزوج و لكن تقوم مقيمة في المملكة و اذا كانت غير مقيمة هل مسموح من المملكة انها تعطي تأشيرات لهذي البلاد الي فيها المخطوبه !!! مثلا الان معاملات الزواج من اجنبيه خارج السعوديه من اليمن موفقة بسبب العلاقات غير مستقرة بين البلدين ولكن اذا هذي اليمنية موجودة بإقامة في السعوديه يقدر قدم و تجي الموافقة حسب الشروط 😊👌🏾

والله يرزقك بعد الصبر هذا .. فرحة موافقة و ملكة و تحقيق للاماني 😴👌🏾

لا أردنيه مولوده بالمملكة واقامتي ماشيه الحمد لله

اللهم امين لي و لكم ربنا كرييييييييييم

صباح الخير الحمدلله الذي بنعمته تتم الصالحات تم عقد قراني يوم الخميس واعتذر عن التأخير انشغلت بالملكة يارب عقبالكم جميع عاجل غير آجل

الله يوفقك و يكتب لك الخير ..🌹

ماشاء الله تبارك الله .. الله يتتم عليك بالخير و السعادة و تكمل الفرحة بالزواج و الاستقرار في الحياه الزوجية ..

اتوقع في مجال انه يقدم ويارب يوفقكم .. كمان ما يمنع انه يسأل ..تفاءلي خير بإذن الله أن الموضوع عادي وتوكلوا على الله ..ويارب يوفقنا جميع لكل خير

ماشاء الله وبالبركه يارب الف الف مبروك يلا يلا عقبال البقيه يارب عاجلا غير اجل .. الله يتمم لكم على خير ويسعدكم وان شاء الله بالأيام القريبه نسمع من الكل الأخبار الحلوة مثل هذي وربنا يتمم لنا ما بقى وييسره ..

ماشاء الله الف الف مبروووك .. الله يكتب لك الخير والسعاده

السلام عليكم

قرأت كثير في الموضوع بس ماقدرت ألحق كله ماشاءالله تبارك الله XD

الله يوفق الجميع وييسر لكم معاملاتكم ويختارلكم الأنفع والأصلح يارب
,,,,,,



عندي استفسار


انا مبتعثة - مؤجلة الدراسة من فترة - وموظفة حاليا قطاع خاص , بس في الاحوال ماغيرت الحالة , مازالت طالب
المعاملة قدمتها طبيعي الامارة - ثم الشرطة - بتعريف الطالب بعد ماسوينا التحاليل وكل شي بس رفضوها بحجة اني مبتعثة وممنوع ومافي حل الا اتنازل (عالاغلب جهل منهم بالاستثناءات لأن سألتهم وكانوا يقولوا مافي شي اسمه استثناء )

ذا الاسبوع موعد الوالد مع وكيل الداخلية لتقديم طلب استثناء , بس ماعرف , هل يحتاج يجيب طاري اني موظفة في الفترة الحالية كـ طالب موظف لسد حاجة او ماله داعي /:
- نظام الابتعاث يرفض اني ارجع البلد واشتغل وانا ماخلصت دراسة- لكن الامر كان كله ظروف تأجيل مجبرة , وظرف العمل حاجة شخصية ولله الحمد -

المهم الوالد يبغى ياخذ تعريف بالراتب مع تعريف الطالب , عشان ان سأله عن وضعي الحالي يقول له الصدق /:
اخاف ان المعاملة تختبص وتنرفضبكوني مبتعثة ومتوظفة /: !

عندكم فكره ؟
اش الرأي الصواب ؟


الله ييسر

نسيت اقول , العريس مقيم من مواليد السعودية

وعليكم السلام ورحمه الله وبركاته

اول شيء أسأل الله أن يوفقكم ويتمم أمركم على خير ويكون فال خير عليك وان شاء الله دخله الوالد على الوكيل فيها خير كمان ... بخصوص وضعك ك طالبه وموظفة ومو متغير ب البرنت من الأحوال الأفضل تمشي ع المضمون وهو انك طالبه لجل ما تتصعد الأمور وتصعب طالبه حيكون كويس .. ولاتاخذي اجابتي بأنها الحل النهائي استشيري كمان لأن انا أعطيت جواب من منظور .. لاتصعب الأمور ويطلبون اوراق وكيف مبتعثة وتشتغل مانعلم ب نوايا الناس هناك .. الله أعلم .. بالاخير انتوا داخلين على أمر خير أسأل الله اني فتحت باب لتوسعة النقاش والتفكير لكم ويارب يوفقنا جميع

طاب خاطري من كل شي والله .. وزارة الداخليه تلف و تدور ضاعت اعمارنا من ورا الشروط اللي مالها وجه .. يحطون شروط ف موقعهم ولما قدمتا المعامله طلعوا لنا شروط تافهه يعني بالله نعنس وش بقى من اعمارنا ، عمري 32 وش بقى من عمري والله صرت انحرج من كلام الناس متى نشوفك عروس ؟! اللهم لا اعتراض على قضاءك حسبي الله وكفى

اذكري الله اخيتي ماتضيق إلا وعند الله فررجها. . ماخاب من قال يارب .. انتي وكلي امرك لله واعملوا باللي مستطاع والأمر من قبل ومن بعد بيد الكريم رب العرش العظيم .. ابدأ لا يدب اليأس لا قلبك ولا قلبه بإذن الله يجي الفرج من حيث لاتعلمون أهم شيء السعي .. صحيح نلقى ضغوط ومحد يحس بوجع ومرارة هالشيء فيهم لكن الله يعلم .. لعله خير دائما رددوا بإذن الله تفرج وازمه الضيق تنجلي ويعمل علينا وعليكم الخير والفرح ..