الله يسهل امرك عن قريب ياااارب
واستودعي معاملتك رب العالمين وأمورك كله وموفقه ياعمري ❤

اللهم ااامين عن قريب وليس ببعيد يارب العباد❤

مشكوره ع الرد هدوله الموظف اللي بالصادر قال تاخذ من يومين الى ثلاثه او اسبوع بالكثير وترجع عنده الاماره ويصدرها اخر شي للمحكمه
هذا كلامه والحمدلله هانت ر اح الكثير بقى القليل

مرحبا ..


الولهانه, عالبركة العقد والله يوفقكم ويتمم حفل زواجكم يارب
عبير , الله ييسر لك امرك ويسخرلك يارب من يعينك ويسهل الامر ويتممه لك يارب على خير.
لمار و هديل عوض , الله ييسر لكم يارب

.. .

الله يوفقك ويسهل دربك تنوري الجنوب كلها
لا تخافي ان شاءالله سهالات
طمنينا عاد بكل التفاصيل

ابو حضرم , شكرا لك ,
قدمناها زي ما اقترحت بدون تعريف الموظف , بلاش يصير لبس وخربطة او نكاده .. وان شاء الله تياسير






اليوم الوالد قابل وكيل وزير الداخلية ع اساس تقديم استثناء
( المعروض مع التحاليل واوراق الخاطب , الاوراق اكملت ستة أشهر أتوقع يطلبوا تحاليل واثباتات مرة ثانية /: )
.. والله ييسر



المهم اللي ابغى اعرفه
الله يرضى عليكم من تجاربكم ,


الحين من الداخلية اذا تمت الموافقة عليها وتحوّلت على الحقوق , هل يتطلب متابعة القسم هناك , او لا .. هي تتحرك المعاملة من عندهم ؟
لأن الوالد حاليا في الرياض واحنا من جدة .. وقال له موظف بأنه ان شاء الله اذا اوكي تجيك رسالة بتحويلها للحقوق .
هل يحتاج يقعد بالرياض ؟؟ هل في اجراءات تتطلب وجوده .. اويرجع ؟


افيدوني الله يرضى عليكم كيف يكون سيرها من الداخلية ثم ايش ثم ايش ........
وهل تتطلب احد يتواجد يستلم إحالات او شي كذا او لا ؟

حبيبتي الله ييسر أمورنا يارب 🙏🏻🙏🏻 ويفرح قلوبنا يارب ❤❤ يارب. انا اليوم راحت الأحوال الله ييسرها لك ولي يارب ويبشرنا يارب راح الكثير وبقي القليل ❤❤

السلام عليكم .. اذا ممكن يااخوتي وأخواتي استفسار الله يجزاك خير ... اليوم وردني رسالة من الإمارة بأنه تم إحالة معاملتي لقسم الزواج علما بأن المستشفى رفضت تسليمي التحاليل لأن الخاطب به شيء يمنع الزواج ولم تطلب الشرطة مني أي أوراق ..فهل من الممكن أحد يفيدني ؟

مرحبا .. وصباحكم خير يارب جميعا .. اخيتي لازم تعرفي اول شو المانع اللي خلاهم يرفضون ومايعطونك الورق لخطيبك يعني شو نوع المانع .. الإمارة راح تمشي امورهم لين تروح الشرطه وتتوقف هناك .. طبعا انا حجاوبك نفس ماحصل لشخص قريب ليا من كم أسبوع راح توصلك رساله من الشرطه لأن المختبر يرسل للشرطه انه رقم المعامله أحد الطرفين بالتحديد يحمل أحد الأمراض التي تمنع زواجه .. طبعا هالكلام صار ب منطقة جده انا ماعرف انتوا من وين .. بس حاليا هو راح يطلع برا جده لجل يسويها يارب طبعا برا الغربيه جده ومكة ويارب يوفقنا جميع .. لاتحبطي بس تاكدي اول في ناس تزبطها وتمشي معاهم ارجعي للمختبر وحاولي معاهم أسأل الله يساعدونك انهم مايرسلون المعامله لتحليل الخاطب لقسم الشرطه ويتفهمون وضعك بإذن الله .. هذا والله أعلم
موفقه وموفقين جميعا يارب

السلام عليكم ورحمه الله وبركاته ..
أول شيء الشكر لله اخيتي أسأل الله يوفقنا جميع لكل خير ويسهل علينا كل عسير .. بخصوص موضوعك اللي أعرفه عنه خلاص تصير المتابعه عن طريق الموقع تتابعينها برقم المعامله أو القيد وتشوفين خطوات سيرها لين تشوفين حاله القيد : مغلق .
ساعتها تكون طلعت بإذن الله من الداخليه للامارة ومن ثم للمحكمة يارب .. تأخذ بالداخليه من تروح لهم من شهر إلى 3 أشهر طبعا الأغلب أقل من 3 أشهر أهم شيء .. نحسن الظن بالله .
ماسمعت أحد تابع الداخليه شخصيا إلا إذا في مشكله لا سمح الله والاغلب تمشي الأمور دام كل شيء تمام .. بالتلفون تقدروا تتابعونها كمان وان حصل تواجد والأمور طيبه عندكم بيكون كثر الدق يفك اللحام .. يعني خير وبركه .. انا عن نفسي اشوف يرجع الوالد لين يستجد جديد يدعوا لروحته يروح رغم ماتوقع في داعي بجلسته هناك بإذن الله تمشي بشكل سهل .. وأي شيء نقدر نفيدكم فيه جميعا راح نكون بإذن الله نساعد ونتساعد جميعا يارب .. أسأل الله العلي القدير انه يوفقنا لكل خير ويسهل للكل معاملاتهم ويعوض صبرهم بالخير كله

السلام عليكم
كيفكم بشرو مين طلعت موافقته
دايم لما يقرب رمضان وفي رمضان تصدر موافقات كثييير

وعليكم السلام شكلك من جده لان مستشفى جده يرفض يسلم التحاليل اذا فيها شي ويرسلوها للشرطه على طول وتنحفظ بس مستغربه ايش دخل الاماره ترسل رساله بانها راحت لجنه الزواج؟
المهم الله يعينكم شوفو لكم حل للتحاليل وقدمو من جديد

أخي أبو حضرم انا عملت التحاليل في جدة والمانع انه حامل لمرض وراثي وأكد لنا أطباء انه ليس مانع للزواج .. ولم يسلموني التحاليل وتمت إحالتها من عندهم لشرطة جدة ولم تردني رسائل من الشرطة واليوم أرسلوا لي رسالة من الامارة ان معاملتي احيلت إلى قسم الزواج ... ماذا يعني هذا الله يجزاك خير ؟