وعليكم السلام ورحمة الله وبركاته

لا اخوي الوضع تغير اخو صحبتي نزل جده يصدق شهادة ميلادها قالو له مكتب التصديق نقلوه في الصفا بس هو ماراح الصفا علشان مشوار من مكه ل جده علشان كذا بسال لها الخطوات كيف تكون.

اخوي بن لكيف من وين يجيبو الخطاب ???

اذا هي من مكه ??

كلامك صح أختي , أنا معاملتي بالرياض و الطريقة الجديدة لازم خطاب و اتبهذلت الحل اني رحت شرطة جدة بالنسيم و احتلت عليهم قلت لهم اني جاي لخويي و هو منوم بالمستشفى و مضيع خطاب تصديق شهادة الميلاد قعدوا يتلفتوا على بعض بعدين قال هات اسم المخطوبه و كتبه بيده , الخطابات عندهم جاهزه و مختمه يكتبوا الاسم بس باليد لازم مكانهم في النسيم على طريق الحرمين شرطة محافظة جده يدخل الباب و يقولهم مكتب الزواج و يطلع اعتقد الدور الثالث او الرابع و يحاول يحتال عليهم و ياخذ الخطاب هذي الطريقة الوحيدة او يجيب واسطة و تخلصه بثانية .

صح انها مخاطره بس لاجل عين تكرم مدينه .

اخوي شكرا على تجاوبك يعطيك العافيه

طيب لازم اخذ الخطاب بالحيله ??
مايعطونا هو بطريقه تانيه ???

لو سمحتو حدا يساعدني ! توقيف الخدمات يؤثر ع المعامله معاملتي بالإماره خلصت من الاحوال ؟!!!؟ التوقيف جديد من مبارح بس

السلام عليكم ورحمه الله وبركاته
ممكن يكون تغير رغم يعني الفرق مو كثير شكلهم غيروه قريب النظام هذا .. وبخصوص الورق مثل ما قال الأخ بن لكيف ضربت حظ معاه وجات الورقه .. انا عن نفسي اشوف الأفضل المعرس يروح يطلب ورقه من القسم بما انه الطرف السعودي أو العكس أن كانت العروس هي الطرف السعودي واتوقع مافي أشكال بالعكس لجل تستوفو الشروط بشكل رسمي بدون قروشه والله اعلى واعلم .. موفقه يارب والجميع

وعليكم السلام ورحمة الله وبركاته

اخيتي أن شاء الله امورك ماشيه بأحسن حال .. بس مافهمت مقصدك بخصوص التوقيف في مشكله صايره عندكم خارج نطاق أمور الزواج ولا كيف .. وأسأل الله اموركم طيبه وبإذن الله ماحولها أي شر

نعم مشكله خارج أمور الزواج

طيب اذا المشكله بعيد عن مواضيع الزواج بإذن الله ميسره ما تشغلوا بالكم فيها إلا إذا شيء ممكن يمس بالمعامله

لا هوه شي بشغل خطيبي ؟؟ يأثر ولا لا

وياك يارب

يا جماعة معاملتي من الاربعاء الاسبوع الي فات الى الان في الادارة العامة للحقوق الخاصة في الامارة وما تتحرك وبدأت اقلق ها هادا طبيعي
من ادارة ادارة القضايا والمطالبات الخاصة
الى ادارة الادارة العامة للحقوق الخاصة
ووقفت هنا من الاسسبوع الي فات

مرحبا .. يسعد الله مساكم .. لالا مرة طبيعي خلاص هانت كم يوم وبالمحكمه بإذن الله طبيعي التنقل هذا الأسبوع الجاي يارب تعطينا البشارة مرة لاتقلقي نفس ماحصل لي وبإذن الله الأمور طيبه جدا احسني الظن بالله وتجيك المسرات
يارب يوفقنا ويوفق الجميع

السلام عليكم ورحمه الله وبركاته

أن شاء الله مو شيء كبير يارب .. ودام قدمتوا كل الأوراق وانتهيتوا وخلصت من الشرطه خلاص الحمدلله وسعوا صدوركم وبإذن الله كل خير يارب .. أحسنوا الظن بالله وتفاءلوا هالايام أيام خير أدعي واستغفري ويارب لا يضيع لكم تعب جميعا

و الله أختي اللي شفته في الدوائر الحكومية بجدة انهم لكيعين جدا و مناهم يخربوا عليك و يردوك و الله احسهم يستانسوا اذا عقدوا الأمور ,
شوفي أختي اذا تبي تروحي تجربي القسم النسائي عندهم تطلبي و اذا تعكرفت خلي خطيبك يروح يسوقها و يتخارج .

ما أدري اذا يأثر لكن توقيف الخدمات يوقف جميع الخدمات الحكومية عن المواطن و يطلع عنده استدعاء في الحاسب , أتمنى ما يأثر بس لازم يراجع قاضي التنفيذ اللي وقف خدماته و يشرح له الأمر حق زواجه يمكن يتساهل معاه
و اذا كان عليه توقيف لا يروح ينتظر توصل المعاملة المحكمة و ان شاء الله يقدر يعقد بدون مشاكل و بعدها يراجع .