شهرمبارك عليكم حبيباتي..

ومبروك للي اتيسرت معاملاتهم واتوفقوووووو وعقبالنا وعقبال كل من يبي الحلال..


عندي سؤال: كم مرا التقديم يكون.. واذا عدى عالمعامله السابقه اكثر من سنه هل ينحسب تقديم؟؟؟

افيدوني..


اسال الله لي ولكم بتييسير امورنا بهذا الشهر الفضيل ..

عندي أستفسار الي معاملته من مكه والزوجه من مكه والزوج من جده وهما مقدمين الاوراق كلها من مكه عادي يجيب تعريف سكن من جده لأنو م قدر يطلع من مكه تعريف سكن ولا يأثر ع المعامله نصيحتكم .

السلام عليكم

وانا اخوك المعامله بتطول بس هذي السلبيه الوحيده
يعني تخلص الاجراءات من مكه وبعدها تبدا اجراءات جده والله يعينك من قرأتي من الاعضاء انه جده معقدين ولكعيين وبطيئين جدا والله ييسرلك امورك

شكرا اخواني اخواتي للكل من رد عليا

طيب بستشيركم الين الحين لسه ماجهزنا الاوراق تنصحوني نقدم في رمضان ولا نخليها بعد عيدالفطر ؟؟؟؟؟؟

وكمان سؤال متى بتبدا الدوائر الحكوميه بعد عيدالفطر تاريخ كم ؟؟؟

اختي استغفر الله انتي جهزي اوراقك وتجهيزها ياخذ وقت لان وراءك طلبات من فحص طبي واحوال وبصمات للخاطب ومشهد من العمدة واثبات عمل وتعريف راتب واثبات سكن الخ فإذا استطعت إنجازها قبل اجازة العيد توكلي على الله و ارفعيها وأن لم يكن وهو ما أتوقعه خليها بعد العيد أفضل وتضمنين أيضا انها ما تضيع او يتوقف سيرها او تنسى في مكاتب الموظفين مع دخول الإجازة... هذا والله اعلم ...فاستخيري الله ايضا في ذلك ...والله ييسر امرك ..

السلام عليكم ورحمة الله وبركاته

رمضان مبارك عليكم واسأل الله انو يوفقنا جميعاً وييسر لنا الخير عاجلاً غير آجل

عندي استفسار

انا سعودية وخطيبي غير سعودي غير مقيم والعقد سيكون خارج السعودية بإذن الله
معاملتي في الداخلية جلست شهر واسبوع كانت تحت الإجراء في الحقوق الخاصة
اليوم اتغيرت حالة القيد وصار مغلق وصدرت الى وكيل وزارة الخارجية للشؤون القنصلية

في احد منكم عنده فكرة هل هذه تعتبر موافقة او لا ، وايش الخطوات القادمة ؟

وجزاكم الله خيراً

عليكم السلام و رحمه الله وبركاته

مرحبا اخيتي بخصوص انه مغلق من الداخليه معناه كل خير وان الأمور طبعت بإذن الله من عندهم سليمه .. وبخصوص أنها راحت للقنصل وكذا بإذن الله أن الأمور تمشي الحين ب خط سيرها السليم وربنا يكتب لكم ولنا وللجميع كل توفيق وخير

وسؤالي محد رد عليه🌝

شكراً اخي ابو حضرم ، ما عندك فكرة ايش الخطوة اللي بعد وزارة الخارجية ؟

بالنسبة للأخت نوال القلب تقدري تقدمي على طول بعد ما تنرفض المعاملة انا قريبة لي قدمت المعاملة وانرفضت ورجعت قدمت بعدها مباشرة وجاتها الموافقة وفيه ناس يقدموا اكتر من ثلاث واربع مرات ، الله ييسرلك الخير يارب ..

السلام عليكم ورحمه الله وبركاته

اخيتي السموحه ع التأخير بالرد .. عادي جدا تقدمي مافي عدد معين للتقديم بإذن الله ميسره امورك وتفرحي والكل يارب .. مافي مدة الله يبارك فيكم .. ويارب يرزقنا وياكم كل خير وفرح .. والسموحه ع التأخير

السلام عليكم ورحمه الله وبركاته

بخصوص وين وجهتها بعد الداخليه المتوقع أنها ترجع الإمارة و تكمل الباقي من سير المعامله وللمحكمه .. بس بما أنكم أعتقد زواجكم خارج البلد ف اتوقع خط سيرها لمكتب القنصل وكذا شيء طبيعي بإمكانكم تسألوا بالمكان اللي وصلت له لجل تعرفون خط سيرها كم باقي عليه لجل تصدر الموافقه بإذن الله .. موفقين يارب وان شاء الله نسمع الأخبار الطيبه قريب

السلام عليكم أخي الفاضل بو حضرم هل يمكن أن نقول أن حالة الأخت رزان عبدالعزيز يثبت أن الخاطب إذا غير مقيم وغير مولود فالمعاملة تمر على الداخلية وإذا كان مقيم غير مولود فيها لا تمر ؟ ولك جزيل الشكر

السلام عليكم اختي الفاضلة رزان ... لدي استفسار الله يحفظك حضرتك ذكرتي ان معاملتك في الداخلية باعتبار أن الخاطب غير مقيم هنا واتوقع أيضا انه غير مولود هنا .. سؤالي واتمنى ان تفيديني.. في حالة اذا كان الخاطب غير مولود هنا ولكنه مقيم فهل تمر المعاملة ع الداخلية ؟ فهل عندك خلفية عن هذه الحالة لان الاخوة يذكرون ان المعاملة تتوجه للداخلية في حال اذا كان الخاطب غير مولود هنا .. ولك جزيل الشكر مني ...

وعليكم السلام اختي بسمة

والله الموضوع غير واضح وماله شروط معينة لا عند الداخلية ولا عند الأمارة وقبل ما أقدم معاملتي سألت وبحثت ولقيت انو كل جهة عندها كلام مختلف ..
يعني انا اعرف واحدة معرفة شخصية هي حضرمية وخطيبها سعودي وهي مولودة ومقيمة في السعودية ووالدها ايضاً مولود بالسعودية
ولكن معاملتها صدرت من الأمارة للداخلية وتمت الموافقة هناك
وانا من تجربتي فأظن اذا كان الطرفين مستوفين جميع الشروط والأوراق كاملة فالمعاملة بإذن الله ما تاخد وقت سواءً صدرت للداخلية أو لا

الله ييسر لي ولك الخير ويرزقنا من حيث لانحتسب

هلا اختي الفاضلة رزان الله يجزاك خير على سرعة ردك ... وأسأل الله تعالي ان يبلغك وايانا المراد....