![]() |
|
هلا وغلا ظلول الحبوبة مسموحة وان شاء الله تخلص اشغالك وترجعي بالسلامة
صبااااااااااااااااحكم جميل |
مسااااااااااااااكم الله بالخيرات
شكلي الوحيد الى فااااااااااضي مدري كيف اقضي اوقات الفراغ وينكم نايمين عطوني جدولكم برمضان وش نااااوين تسوون |
نتروح مع المسلمين وندعي الواحد الاحد انه يتقبلنا مع المقبولين
|
مساء الخير اخوي محمد وكل المتدالمتداخلين
اول شئ نسأل الله أن يبلغنا رمضان ونحن في صحة وعافية.. وان شاء الله نجتهد في الصيام والقيام وقراءة القرآن والصدقة.. وناوي بإذن الله اعتمر في خواتيم رمضان واسأل الله لي ولكم التوفيق |
السلام عليكم
أسعد الله جميع أوقاتكم الإخوان الكرام و الأخوات الكريمات ، كلن باسمه القدامى و الجدد قاعدة أنظف المجلس لي ساعة و نص و لا انتهيت ، شكلي ابنتهي الفجر ، من زمان ما نظفته ، هجروه الضيوف لين بنى العنكبوت فيه بيته ، تقريبا من مدة عام ما أحد طبه ، على العيد الماضي الله يعوده علينا وياكم بالخير و البركات و يمكن لو ما تبي تزورنا ضيفة بكرة ما نظفته غير ليلة العيد ، كمية غبار ما هي طبيعية ، الساعة و النص فقط امضيتها في غسل دورة المياه و انتم بكرامة و مسح اسقفها و الجدران و اللمبات و الأبواب من الغبار ، غبار ليوم الغبار و حتى الضيفة سبق رديتها ما لي خلق استغفر الله ، تحججت بحجة سابقة ، الحين عيب اردها ، أحس إني اببكي من الضيق الالتزام يخنقني حتى لو كان زيارة سبحان الله حنا في فترة الشباب و نفوسنا ضيقة و ما لنا خلق ، كيف بالله لا شابت روسنا ، ما أتخيل إني بكون عجوز شريرة اعوذ بالله ، ودي أكون زي جدتي الله يرحمها ، اللي الإبتسامة ما تفارق وجهها ، يارب جملنا في هذي الدنيا بالصبر و كملها لنا بالتقوى و لي عودة بعد الغبار بإذن الله |
الله يقويك ويعطيك العافيه
|
|
السلام عليكم
وين الخلايق النياما صاير ملتقانا كئيب بالله عليكم لا تضيقونها في وجيهنا فوق ما هي ضايقة ، و ارجعي يا قطرات الغالية و الباقيين على فكرة الضيفة اللي جات اليوم ساحبة معها عريس ، جايبة أمه معها و جايات الخاطب هذا متزوج و عنده طفل ، و هو أصغر مني بكذا سنة بصراحة ما حسيت إنها الزواجة المناسبة ، مو عشان فارق العمر ، لا لعدة اعتبارات تخص ظروفي و ظروفه أول شي اللي يبي يتزوج زوجة ثانية يبي حورية مو زوجة أقصد حورية من حيث التفرغ الكامل ، و راح اظلمه و أظلم أهلي ، أنا وحدتن ماشية على جدول من يوم أصلي الفجر لين أنام أنا أبي زوج يعينني على مسؤوليتي و يكون فرد من العائلة بطيب خاطر منه ، مو يضيف لي عبء جديد و مسؤولية جديدة و عتاب و تشره بسبب انشغالي عنه و لأني سبق جربت ذي المسؤولية أدري قد إيش ما هي هينة ، سبحان الله ربي قرن طاعة الزوج و ادرجها ضمن العبادات الموجبة لدخول الجنة يوم قال الرسول صلى الله عليه و سلم إذا صلت المرأة فرضها و صامت شهرها و اطاعت زوجها دخلت جنة ربها كيف أجل التقصير في الحقوق ؟ أنا أهلي محتاجيني أكثر من حاجة أولادي لو كان عندي أولاد ، لأن الأولاد مصيرهم يكبرون و يعتمدون على انفسهم و تنتهي مسؤوليتهم المباشرة بينما أهلي كلهم احتياجات خاصة من الوالدة المريضة الى أخواني الله يعافيهم جميعا حسيت إني انحرجت من أمه و احرجتها يوم رديتها بأسلوب مؤدب لين قالت ليش كذا طيب فكري على الأقل و شاوري ، أول مرة احسم موضوع مصيري بنفس الجلسة و أنا مقتنعة غاية الاقتناع لأني ملمة بظروفي و أدري قد إيش تستنزف مني جهد و وقت ، و المفروض ألقى اللي يقاسمني اياها رغبة منه و احتسابا للأجر مو ينتظر إني أرفه عنه و أكسر آماله العريضة في الحياة الفندقية اللي يطمح لها و الخالية من وجهة نظره من المسؤوليات ربي يوفقنا وياكم لما يحب و يرضى و جميع المسلمين اللهم آمين |
يا هلا وغلا عيوووووووون
ما تشوفي شر والله يبعد عنك الضيقة معليش عيوووووون الله يعوضك باحسن من الزواج احنا المرضى واهل المريض لنا ظروف صعبة جدا جدا مب كل واحد يقدر عليها بصراحة انا رافض فكرة الزواج نهائيا رغم الحاح الاهل بس ما بي اظلم بنت الناس معي يكفى انها تبي اهتمام وانا الى فيني مكفيني عشاااااان اكون معك صريح يا عيون اقولك احسنت التصرف حتى ييسر الله امرك ويختارك الاحسن والاجمل باذن الله =============================================== انا لعب فيني الناموس قرصني تقريص مجرم كانه ينتقم مني هههه مدري وش سالفتها ================================================== انا جالس استمع لتلاوة ناصر القطامي لسورة البقرة وحسايف كنت اتاثر اشد التاثير بس بعد الحبوب النفسية جاني تبلد تام للمشاعر ما اقدر اوصفه صرت ما اتلذ بالقران ابدا حسبي الله وكفى |
السلام عليكم
وصباح الخير ماجاني نوم وقلقانه ومن زمان عنكم محمد لاتنصدم الادويه الي اخذها عندي مشكله صحيه وان شاء الله مع الحبوب تزول مراجعتي للدكتوره السبت ان شاء الله اسوي فحص واشعه وتشوف اذا استمر على الادويه والا لا صراحه تعبت منها ووقفتها من ٧ ايام عيون انتي مثلي هالايام تنظفي وتشتغلي بالبيت والله صاير بيتنا مكركب والشغاله اللي كنت اجيبها صارت مشغوله فصرت كل يوم اخصص لي غرفه وارتاح يوم واليوم كنت بكمل بس مافيني حيل تعبت وشقتنا كبيره وانا مافيه احد يساعدني غير ربي الله يعوضك بالعريس اللي ترتاحي له يارب |
الله يطمن قلبك
حسبت انها حبوب نفسية ما تشوف شر وان شاء الله الفحوصات تكون سليمة يا رب معليش لولو تنضيف البيت متعب لكن احتسبي الاجر |
مشكور يامحمد هي الحبوب تلعب بالنفسيه كفايه انها جابت لي العصبيه وعلى مين على امي )-:
ايوه الله متعب التنظيف من بدا الشهر وانا امسك كل شوي جزء وصارت لي اصابت مره تنخدش يدي ومره ينصقع كوعي بطاوله هههههه |
ههههههههههههههه لولو حوادث التنظيف اعرفها لاني وحيد وانا انظف غرفتي والخيمة والسياراة
صدقني ما تدرين الا راسك خاااابط بشي وقلق ومتعب لا لولو حااااولي تمسكين اعصابك كلش الا امك لولو فيه موضوع بقسم الاكتئاب ياليت تدخلون عليه وتواسون اختنا رنود لان شكلها تعبان من جددا انا رديت عليها بس ابي انها تحس ان فيه ناس مهتمين لاجلها اصعب شي لما الواحد يكون منكسر و مع ذلك وحيد |
ايوه الله الحوداث لابد منها
شفت الموضوع وشفت ردك ماشاء الله بس ماقريته كله صراحه فيني كسل اقرا الكلام الطويل وداخله من جوال وصعب علي ارد واجمع كلام ان شاء الله ارد عليها وقت اكون نشيطه ويكون عندي رد يساعدها ويخفف عنها |
المفروض اكون نايمه من الساعه١٢ بس هالمره شكله مو جايني نوم )-: والمشكله بكره جمعه يتجمعون اخواني عندنا وازعاج وشاي وقهوة وحاله
|
الساعة الآن 09:26 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا