هلا وسهلا قطرات وعيون والشلة كلها

اخباااااااااااااااااااااركم

امس واليوم نومي ملخبط واثر فيني كثير

كل ما حاااولت اعدل وقت نومي يتلخبط

المشكلة ان اليوم عندي موعد على الساعة 9 الصبح

يعني باقي ست ساعات

وما نمت

الموعد في مستشفى الامل لزيارة الطبيب الدورية وتجديد صرف العلاج

خااايف اطوف الموعد

----------------------------------------------------------------------------

امس جاااني رجال في الستين من عمره اعرفه معرفه وسط اسمه ابودلال هاااوي مثلي للسبح

شااااف مجموعتي من السبح وشرب الشاهي وسولفنا وخذ سبح ب ثلاثين الف ريال

هلا وسهلا محمد
الله يوفقك ويسخر لك خلقه ماشاء الله ربي يزود برزقك وينعمك ويهنيك فيه يارب .
لخبطة النوم هذي المعاناه الكبرى بالنسبه لي يوم انام زين واحسن ان مزاجي ووضعي احسن شوي ويوم اتقلب للظهر ومانام الا ثلاث ساعات واصحى بمزاج سيء وصداع ودوخه الله يعين .
اهم شي لا تضيع موعدك وعسى ربي يسر قلبك ويسخر الخيره لك ماتدري يمكن يغير الدواء او الجرعات ويتغير الحال الى افضل واجمل .. تستاهل كل خير محمد

اليوم نمت الظهر وصحيت الساعه ٤ بصداع وعدم توازن ولما جت ١٢ بالليل نمت وصحيت ٢ اشوا الحمدلله خف الصداع والوضع افضل

هلا وغلا قطرات

الله يجزاك الف خير على الدعوات الطيبة يا رب يبارك بعمرك وصحتك ومالك واهلك واحبابك

انا مثلك عندي نوم متقطع مشكلة كبرى صراحة وكوابيس

اكيد راح استشير الدكتور في حاااالتي خاصة انه رمضان على الابواب

النوم المتقطع ذبحني ودي انام نومه وحده متواصلة احسن وافضل للجسم

حاليا ورطان مدري متى بنام

محمد عندي صديقه تعاني من اكتئاب و نوبات هلع من عشرين سنه هي الحين الحمدلله افضل تستخدم فينيكس وديباكين وسركويل ماشاء الله ماشاء الله من تصلي الفجر وتاكل نص حبة سركويل نايمه نومه عميقه لين العصر وتقوم رايقه ماشاء الله مابي انظلها ههههههه كل يوم اروح لها واقولها بنظلك .. اااخ يالخوف اللي فيني من الادويه قطع مصاريني لا احب المنومات ولا المهدئات ما اخذ الا دواء صداع بنادول والا سولبادين . المشكله شخصيتي قويه واساعد كل صديقاتي واذا وصلت السالفه عندي قمت ارتعد كني دجاجه هههههههه
زمان كنت اموت خوف من الابر يعني لين وصل عمري ٣٧ سنه ماعمري اخذت ابره ابدا والتطعيم وانا صغيره ما اتذكره وبعد عمر ٣٧ فجأه جاني وجع باسفل ظهري واروح المستشفى قال الدكتور الحمدلله مافيه شي بس شد عضلة اسفل الظهر بنعطيك ابره مسكن فجأه وبدون مقدمات قلت طيب واخذت الابره بكل هدوء ومن بعدها اخذ ابر عاااادي . مدري شلون انكسر حاجز الخوف عقبال ماينكسر هالخاجز واخذ البرنتلكس اللي قاعد قدامي بعلبته كل يوم اناظر فيه واتحسر هههههه

هههههههههههههههه قطرات ليش الخوف بس ادري المسئلة اول مرا تناول دواء نفسي لكن مصيره ينكسر هالحاجز

تدرين سيروكويل كنت اخذه يوميا وانوم 18 ساعة يوميا اتعبني كثير وقفز وزني من 65 الى 110 وبالقوة نزلت الوزن حاليا الى 98

انا جربت كل مضادات الاكتئاب ومضادات الذهان

بس انتي لو تتشجعين وتاخذين اول نص حبة بعدها راح تنطلقين ان شاء الله

الاخ محمد والاخت قطرات. قرات دردشتكم وكانكم تتحدثون عني. وكاني اعرفكم من زمان. شفا الله الجميع. لي سؤال لو سمحت: تقول السيروكويل اتعبني . كيف اتعبك وهل ما زلت تاخذه ولا تركته؟

محمد اني شلون اخذ اول نص حبه هنا المشكله وانا اختك ههههههه .
انا كل شي ولا السمنه ماوراها الا الدهون الثلاثيه والكوليسترول والضغط وانا فيني ضغط اصلا مافكر ابدا في سركويل الحين خلني اخذ برنتلكس بعدين اصير منطلقه معكم هههههه
نعيم الغول هلا وسهلا حياك الله
احنا هنا كلنا نعرف بعض ونشعر في بعض ونعاني تقريبا من نفس المعاناه وكلها تدور حول الاكتئاب والقلق والرهاب والهلع اسأل الله العظيم ان يشفينا جميعا واكيد انت اخ لنا فضفض واحنا معاك وحاضرين لأي سؤال .
طبعا اخوي محمد البدراني تقدر تستفيد منه خبره بالادويه والية عملها .. بالتوفيق والشفاء التام

هلا وغلا اخوي

تركته او بالاصح استبدلته ب ابليفاي

لانه سبب لي سمنة ونوم ثقيل جدا

يالله يامحمد قم لموعدك لايفوتك

تـصـرف بـ ( إيـجـابـيـه )


عـنـدمـا تـقـتـنـع ان مـن حـولـك شـركـاء لـكَ فـي الـحـيـاه


لا مُـنـافـسـيـنَ لـكَ عـلـيـهـا .

لـكـلِّ الـذيـن نـسُـوا بـأنَّ بـيـنـنـا ايـام طـيـبـه

وذكريـات جـمـيـلـه .. نـحـنُ لـم نـنـسـى .
‏

مشكورة اختي.
انا عندي اكتئاب لكن اسبابه راجعة لخلل في شخصيتي وحساسية مفرطة وشعور بالذنب كبير خاصة اذا سمعت اذان الفجر وما قمت اصلي بسببب الارهاق اللي بعمله الارق وعلاجات ضغط العين اللي من اثارها الجانبية الاكتئاب. طبعا النوم يفتح الله. صار لي من الساعة 3 الصبح وانا صاحي بعد نوم متقطع حوالي وناوي استمر لحد ما جسمي ما يتحمل. شكرا لانك سمحتيلي افضفض لاني ما بخرج من غرفتي وما بقابل ناس خوف يجرحوني.

هلا بك اخوي.
الان فهمت ليش رغم اني باكل وجبتين باليوم وعامل حمية عن النشويات والسكريات الا ان وزني ما نزل عن 98كيلو. وطبيبة السكري مو مصدقة انه من الاكتئاب والخمول وقلة الحركة. توني عرفت انه السيروكويل هو السبب. عندي موعد بعد بكرة بدي اجرب لعل الطبيب يكتبلي ابليفاي اذا يساعد عالنوم.
تقبل احترامي