![]() |
|
فرحتيني عيون الله معك وراح يقويك صدقيني .
كل ماحسيتي باعراض الهلع كلمي نفسك وقولي اهدأي مافيه الا العافيه .. اذا جاك خفقان ركزي على قلبك وقوليله اهدأ اهدأ اهدأ مافيه الا الخير . امس الصبح رحت اشتري لابتوب ولما دخلت المكان كبيرررر حسسني بالخوف وانا ماكنت نايمه يعني خلقه متوتره شوي وانا واقفه اسأل الموظف حسيت بدوخه قمت على طول ركزت على داخلي واقول اهدي مافيه شي هذا الرهاب وراح يعدي واتنفس بهدوووء وعمق والحمدلله عدت وخلصت مشواري . بس ملاحظه هاليومين شيئين العصبيه والارق ما انام ابد هالايام مدرس ليه . عيون طمنيني اذا رجعتي واحكيلي بالتفصيل |
[QUOTE=قطرات الندا;1330475]فرحتيني عيون الله معك وراح يقويك صدقيني .
كل ماحسيتي باعراض الهلع كلمي نفسك وقولي اهدأي مافيه الا العافيه .. اذا جاك خفقان ركزي على قلبك وقوليله اهدأ اهدأ اهدأ مافيه الا الخير . كلامك صحيح ياقطرات والطريقة مجربة وجدا مفيدة فأنا مثلا حينما أحس بالدوار وعدم التركيز أعاتب نفسي بطريقة كوميديه واقول لها بطلي استهبال ودلع مافيك الاالعافية بلاش غباء وهبل ههههه |
مـشـيـت فـي درب الـعـمـر دون تـوفـيـق
لا مال .. لا راحـه .. ولا ارضـيـت الانـام عـمـري ثـلاثـيـن مـضـت كـلـهـا ضـيـق ولا عـمـري اسـتـرحـت فـيـهـا ولا عـام عـانـيـت تـكـذيـب و عـايـشـت تـصـديـق ورضـيـت بـكـل شـي وسـامـحـت مـن لام هـذا ولانـي دون كـل الـمـطـالـيـق ايـضـاً ولا حـصـل مـنـي قـطـع الارحـام ( خــــواطــــر ) |
اهلين اخوي طه عمار .
بالفعل توجيه الافكار للمنطقه اللي حصل فيها هلع او توتر وتهدئتها من اساليب العلاج السلومي النافعه صحيح يبغالها تدريب لأن وقت الخوف ينسى الشخص كل اللي تعلمه لكن مع التدريب يبدأ التحسن بالذات لما توحي للمنطقه بالهدوء والاسترخاء . شكرا لمداخلتك اسعدك الله |
السلام عليكم مساء الخيرات على الجميع |
عليكم السلام اخوي عبدو
طمنا عنك كيف الصحه والنفسيه ان شاء الله الامور زينه |
مساااااكم الله بالخيرات
قطرات اخبااااارك هلا عيوووووون بشر رحتي مشوارك هلاااا بالجميع |
|
اعتقد ان التفكير في الماضي لان يفيدني بشي
والحاضر علي التوكل بالله ثم فعل الاسباب ثم الصبر وحسن الظن بالله اما المستقبل فهو في علم الله انا دمرني الندم والتحسف على الماضي بكل ما يحمله من ذنوب واخطاء اعتقد اني اعذب نفسي كثير بالتفكير بالماضي الذي لا يمكن ان يعود صبرا جميل والله المستعان على ما تصفون حسبي الله وكفى حسبي الله ونعم الوكيل |
اقتباس:
السلام عليكم الحمد لله الامور زينة وانتم ؟ بالتوفيق دائما |
الحمدلله اخوي عبدو الامور ماشيه بفضل الله .
هلا بك اخوي محمد شلونك عساك رايق ؟ حضرت محاضره من سنتين اسمها هنا والان ومضمونها ان التفكير في الماضي يسبب الكآبه والتفكير بالمستقبل يسبب القلق والصحيح انك تعيش هنا والان يعني انا هنا بهالمكان واعي مكاني جيدا والان يعني هاللحظه وهالدقيقه ومايخصل بعد ساعه لايعنيني بشي . النظريه هذي حقيقيه لكن وقت النوبه صعبه في التطبيق .اخوي محمد لاتندم على مافات وتقضي عمرك بالحسره والالم وانت تحت رحمة ارحم الراحمين لانأخذ دور الله بالحساب والعقاب انظر للنعم اللي وهبك ربي اولها والدتك الله يحفظها لك قدام عيونك وهي باب من ابواب الرحمه انظر للابتلاء اللي اصبت فيه وكم من ثواب تحصله ان شاء الله عليه . انا انصحك وانا بنفسي بلشانه بعمري ههههه لكن الانسان يحاول ويحاول ويحاول ولا يفقد الأمل . اترك الماضي بزينه وشينه ماراح يمديك تغير فيه شعره وحده وحيسبب لك الالم والحسرات عيش لحظتك واللي ربي مقدره علينا حاصل حاصل والله يكتب لك الخيره بحياتك واخرتك ان شاء الله . عيون تختفي ماندري هي طلعت وخلصت مشاويرها والا خافت وقعدت الله يساعدها ويقويها يارب |
هلاااااااااا قطرااااااات
والله كلامك عين العقل تدري كثير جلست الوم نفسي واتالم واتحسر بدون فاااايدة والله المستعان اكثر ما يحزني يا قطراااااات هو تبلد المشاعر كنت اذا سمعت القران ابكي واحس بروحانية لكن الان لا لم اعد احس بها ابدا ابدا وهذا احد عيوب الادوية النفسية الشديدة التي تألمت منها لذلك يا قطراااااااات ان كااان نااااوي تقدمين على العلاج لازم علي اوضح نقطة وهي التبلد وانا اشوفها اصعب نقطة بالادوية بالنسبة للحاضر صراحة كنت افكر كذلك فييه واشغلت نفسي كنت افكر لو قدر الله وتوفت والدتي اكيد رااااااح اتحطم اتحطم اتحطم لان هي الباقي لي بالدنيا وهي الصدر الحنون وهي كل دنياي |
شوف محمد انت رجال وتحاتي شلون انا امرأه وحيده لا ولد ولا تلد واغلى ماعندي ابوي اللي هو ظهري وسندي وقوتي كنت مثلك احاتي يوم كان مريض اقول اذا راح من لي انا ماعندي اخوان اولاد و توفى عليه رحمة الله وهذا انا قدامك فهمت الدنيا وترى الدنيا اتفه من جناح بعوضه نشوفها تخوف لكن تأكد ان الله مايحملك فوق طاقتك ابدا .
بخصوص الخشوع بالصلاة والتلاوه انا مثلك محمد ماني مثل قبل لكن الله سبحانه عالم ويرى لاتلوم نفسك ابدا ولاتجيب الشين ولاتفكر بوالدتك وادعيلها بالعافيه وطول العمر وخذ كل شي بايجابيه وحسن ظن بالله ويقين لان لا كذا ولا كذا بيدك شي ولا تقدر تفير شي فتفائل احسن لك ولنفسيتك ولعل الله يحدث بعد ذلك امرا وامرا جميل ان شاء الله . اما التبلد يازينه وانا اختك انا حرمتن وسواسيه وابي الشي المثالي بكل شي وعصبيه كود التبلد يريح مخي شوي . البارح جاني صداع نفسي وشد في رقبتي وكتوفي مانومني الا الظهر بغيت اخذ ريلاكسون واشوف العلبه الا منتهيه من شهر ٤ قلت هاااااا هذي رساله اني ما اخذ الحبوب وقعدت اتالم لين نمت ههههههههه بالله هذا تفكير ناس عاقلين بس شسوي انا خيخه واخاف من ظلي . لو اني افهم كان بديت في برنتلكس وعشت حياتي لكن رعب يجيني يلخبطني الله يعين |
ما شاء الله عليك يا قطراااات اشوف فيك الصبر والرضى الله يكتب لك الاجر ووالمثوبة ويرحم والديك
ما شاء الله تبارك الله عليك عيني بااااااااااردة لا تخافي ههههههه بس انتي ادري مني بالامراض هذي بعض الاحيان تكون الافكار وسواسة قهري غصب عن الواحد ان بسلم امري لله الواحد القهار وهو خير حافظ وهو ارحم الراحمين شوفي قطرات اجل تشجعي وانا اخوك وابدئ بالعلاج واستعيني بالله يمكن يكون فااااتحة خير ان شاءالله صراااااااااحة البنات اوالنساء عموما جباااارات في الصبر والتحمل الله يرزقك الزوج الصالح الطاهر والله يسخر لك عباده ولا يحيجك لاحد اجل كيف تقدرين تتقضى وتخلصي امورك صراحة انت وعيون الله يكون بعونكم ويصبركم بس فيه نقطة يقولون الرجل مثل الطفل يحتاج للحنان والدلع كلما كبر ههههه يعني اتخيل شكلي طفل كبير هههه ما تجي ابدا |
الحمدلله يامحمد الخير واجد وابوي جعله باعلى جنات النعيم راح وترك لي ما يأمن حياتي والحمدلله بخير ونعمه وعندي سواق يقضي اغراضي وعندي خواتي بالرياض الله لايحرمني منهم كل وحده منهم تبي اشاره مني وعيالهم الله لايخليني منهم ودهم اعيش بالرياض قريبه منهم بس ماحب الرياض وزحمتها ومجتمعها احب الشرقيه هاديه رايقه لا مظاهر ولا وجع راس ولا تطفل على حياة الاخرين .
الزواج مالي به راضيه بحياتي ولله الحمد ومتعتي مع صديقاتي كلهم بعمري وعوانس مثلي 🤣🤣🤣 ماغير نطبخ وناكل ونتسدح على الافلام وعشقنا البقالات ماغير بالبقالات نتقضى حلاو وكيك وكل ماشفنا طبخه بالتلفزيون طبقناها . الحياه كانت جميله جدا لكن جاني هالهلع والقلق لخبطني وان شاء الله اني برجع مثل اول واحسن والحمدلله . كل يوم يامحمد اناظر في علبة البرنتلكس واراود نفسي لكني اجبن من اني ابلع الحبه اقول وان جتني دوخه قويه وان جاني ضعف وتعب وان وان .. انصح الناس وانا ترللي . بالفعل محمد انظر للحظه ولاتتحسف على شي دام برقبتك لايوجد دم ولا اكلت مال يتيم ولا عقوق لوالديك ولا قطعت رزق احد ولا اشركت بالله عش سعيد ولاتبالي . هذي قناعتي الراسخه ان الله بيعاملنا برحمته وليس باعمالنا ابدا ابدا وهو ارحم الرحمين |
الساعة الآن 06:21 PM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا