ماشالله تبارك الرحمن بنات أخباركم في المنتدى تفرح سبحان الخالق الحمدلله هذي نهايت الصبر فعلا الصبر مفتاح الفرج الله يسعد قلوبكم كلكم ويفرج عليكم يارب ويتمم فرحت اللي خلصو وجدتهم مواقفه ويسعد الجميع يارب انا منتظره خبر حلو من الاماره لان الأسبوع اللي فات اوراقنا طلعت من السشرطه وتحولت الاماره الله يعجل بفرجي

تسلمي ورود الله يبارك فيك حبيبتي عقبال كل البنات يارب يرتاحو من الهم

بنات دعواتكم لي ان ربي يفرح قلبي بالموافقة قريب الحين صار لي سنه ونص وأنا في معاناه

دانه احمد وملامح ناعمه تبع أي منطقه اماراتكم بنات ردو عليه بالله عليكم

صحيح كلامك أختي انا اعرف ان جده وضعها أحسن من غيرها وجربت الشي هذا صار مع خطيبي لمن تحولت له المعامله في الرياض علشان يكمل اجرئاته كل أنواع الاستفزاز والاستهتار صارت معه واهمال لدرجة ان المعامله جلست 8 شهور بس علشان تحاليا وغيره وكل يوم تعال بكره وبعده والحمد لله تسهلت علشان كذا انا بقول ل طهر تطرق كل الابواب وماتيئس مافيها شي تروح وبعدين مو من حق اي موظفه ماتخدمها هذا واجبها ليش حطتها الحكومه وتعطيها راتب يبغالهم شكوى عند الامير الناس ساكته وهم تمادو يالغلا.

.

انا وملامح من جده يالغلا.
وعقبالك يارب تسمعي أخبار حلوه ونفرح فيك .

الله يسمع منك حبيبتي ان شالله قريب انا متفائلا هي الحين تحولت من الشرطة الإمارة

الله يبارك فيكي شذى عقبالك

دندون تسلمي ماادري ليه انبسط لما اشوف منك رد

ان شاء الله قريب تاخدو موعد وتعقدي بااااااااااااارب

اكيييييييييييييييييد حعزمك انت اول واحده

عارفه اليوم رحت المحكمه الساعه8 وتخيلي الشيخ ماجا الا 12

ونا طول الوقت على ناااااااااار قلت شكلي ماحعقد بس الحمدلله عقدت وارتحت

شذى ايوة بعد ماتخلص من البحث ترجع للشرطه وبعدها على الامارة

ورود لاتياسي انت سنه ونص انا اربعه سنواااااااااااات الله يفرج همك عاجلا غير اجل

لاتنسي الاستغفار والله من بعد ماصرت استغفر الحمدلله المعامله مشيت

أشكركم على ردودكم أخواتي. أنا كمان استغربت مرة واتضايقت لأن عندي إحساس إن الموظف من دون شك يكذب لكني باذن الله بادور رقم اقدر اتواصل فيه مع امارة جدة أو الشرقية عشان أسأل اذا كان بالفعل تغير شرط العمر للخاطب الغير سعودي كمان.

أختي ورود أنا قدمت على إمارة عسير ( مدينة أبها ).

بالفعل أختي شذى هذي بداية المشوار. وكلامك نفس الكلام اللي قالته ليا أختي, مالنا إلا الصبر ونوكل أمرنا لرب العباد.

وجدا يؤسفني لمن أقرا من كلام البنات عن الطريقة السيئة اللي يعاملون فيها الموظفين الطرف الغير سعودي. مع أنني في بداية المشوار ومن أول مرة راح فيها والدي بدأ التعامل السئ من الموظفين وظهر معدنهم. حسبنا الله ونعم الوكيل!

أعتقد كمان بسبب قلة الطلبات في منطقة أبها الموظفين جاهلين ومستهترين. وكمان في منطقة أبها مافي ان البنت السعودية تقدم الطلب لازم الخاطب وولي الأمر.

اذا ممكن أسألك أختي شذا في أي إمارة قدمتي؟

طهر الموضفين كلامهم غير صحيح انتي ادخلي على موقع الأمارة واكتبي شروط زواج السعوديه من أجنبي اماره مكه المكرمه مثلا اكتبي في قوقل وصدقيني مستحيل هذا الشرط لانه تعجيز لكثير وبعدين وحده صديقتي تقول كثير بنات جاءتهم موافقات الفترة هذي الله يعطينا مثلهم يارب