ليش كم عمرك???
وايش جنسية خطيبك???

كم عمرك ???
وايش جنسية خطيبك???
وايش اسباب رفض المعاملات السابقة ???

ليش ماحد رد علي وش يعني باجراء احاله داخليه

ياجماعة ايش معنى مغلق...محول لقسم الاتصالات الإدارية؟؟

حالة القيد مغلق معاتو انهم انتهو منها وصدروها لجهة اخرى فشوفي لفين صدروها وجيبي رقم الصادر منهم عشان تتعابعي من الجهة الثانية دي
ثانيا مركز الاتصالات الادارية هوه قسم يستقبل فيه المعاملات اللي تجيهم او يرسلوها من جهة لجهة
يعني مثلا المحافظة ترسل المعاملات للشرطة
فتروحي لمركز الاتصالات الادارية في الشرطه عشان تاخدي رقم القيد وتتابعي بيه
اتوقع في حالتك الداخلية بتحول معاملتك للإمارة
ان اشاء الله اكون افدتك عزيزتي فاطمة

انا مامريت بالخطوات دي بس نسخته من الصفحات القديم عشانك

اختي اميرة محمد
زي ماقريت في المنتدى من تجارب الأعضاء انه الإمارة بتتكون من كذا ادارة
وكل المعاملات بتمر على كل إدارة وبتقعد فترة من أسبوع لشهر
وبعد كدا تتحول لادارة تانية
إحالة داخلية يعني المعاملة بتتحول من ادارة الى ادارة داخل الامارة نفسها
اوصيكي بالصبر والدعاء وربي يسهلك ويسهلنا امورنا جميعاً

السلام عليكم ورحمة الله وبركاته .
أنا شايفة انه الكثير مو عارف ايش الإجراءات
فحبيت أوضحلكم الخطوات اللي مريت فيها واللي
قرأتها من الأخوات .
هذا بالنسبة إذا كان الخطيب من مواليد السعودية
وبالنسبة لغير مواليد السعودية نفس الخطوات بس تتحول
من الامارة للداخلية وترجع للامارة وتتحول للمحكمة .

1/ تقديم الطلب في المحافظة وخلال 3 أيام تتحول للشرطة .
2/ الشرطة تطلب من الطرفين اجراء التحليل " أخذ موعد من خلال الموقع أو نفس المستشفى " يحضر الطرفين لاجراء التحليل " لازم يكون مع الخطيبة بطاقة أحوال أو الجواز " .
النتيجة تطلع خلال أسبوعين بالكثير .
3/ أخذ النتيجة إلى الشرطة واكمال الاجراءات من بصمات للخطيب وتعريف عمل وشهادة ميلاد وراتب وغيره تاخذ في الشرطة حوالي شهرين .
4/ تتحول إلى المحافظة برقم معاملة جديد?
وتاخذ أسبوع وتتحول إلى الإمارة برقم معاملة آخر .
5/ الإدارة الأولى " القضايا والمطالبات الخاصة "
وتاخذ تقريباً 3 أسابيع .
6/ الإدارة الثانية " الوكالة المساعدة للحقوق " وتاخذ تقريباً من أسبوعين لثلاثة .
7/ الإدارة الثالثة " مكتب الوكيل " مرة تكون بإجراء توقيع سمو الأمير وبعد 5 أيام تكون بإجراء عرض .
7/ الإدارة الرابعة " الادارة العامة للحقوق الخاصة ماتاخذ وقت وترجع مرة ثانية لإدارة الوكالة المساعدة للحقوق .
هذا بالنسبة للي صار معايا .
بعدها تتحول للصادر العام ومنها للمحكمة العامة ويتم تحديد موعد العقد بإذن الله .
أسأل الله التوفيق لي ولكم .

نقلت لك تجربة وحده من العضوات يعطيها الف عافية الافضل تنسخيها عندك لانه راح تحتاجيها بعدين

ايش 3 سنين ولااعطوكم تصريح ؟؟؟؟ لاحول ولاقوة الا بالله
طيب ايش اسباب الرفض وليش تقدمو معاملات من جديد ليش ماتكملو على معاملتكم السابقه ؟؟

الاسئله اللي بيسالونك هيا اعتقد ليش تبغى تتزوجي اجنبي ومن فين عرفتيه وغيرها من الاسئله اللي مالها داعي

نسبه حصولكم على الموافقه 80% ان ماكانت ميه بالميه باذن الله
بسبب اللي ذكرتيه وبسبب انه سوري بالعكس راح يساعدوكم لان هناك اوامر ملكيه
بخصوص السوريين المقيمين بالمملكه بسبب الاحداث اللي صارت
قدمو وربي ان شاء الله يوفقكم وكوني متفائله حتى لو رفضو بالبدايه مع اني ماعتقد

ربك يعدلها دي الشروط صحيحه بس اغلبها اتغيرت زي ان المعاملات كلها تروح للوزارة سوا مواليد او غير

لمن لديه خبرة في تصريح الزواج من الخارج

السلام عليكم ورحمة الله وبركاته:
الألف ميل يبدأ من خطوةلمن لديه خبرة في تصريح الزواج من الخارج لمن لديه خبرة في تصريح
قدمت على تصريح للزواج من المغرب من امارة الرياض وجلست شهر ثم انتقلت إلى الداخلية في سكرتارية لجنة الزواج ثم عادت مرة أخرى إلى الامارة قسم الحقوق الخاصة
لا أعلم متى تنتهي هذه الاجراءات والخطوات وماذا بقي لأحصل على التصريح

حسبي الله عليهم 21e1s1q
روح للضابط اللي في مكتب الزواج وقدم شكوى مانفع
الله يعينك تدخل على الامير وتقدم شكوى

تحويل المعاملة الى المحكمة يكون من الامارة وللا من الداخلية؟؟

السلام عليكم

أخواني أنا بعد ما قدمت عالامارة طلعت حالة الطلب مغلق وتم التحويل الي امارة مكة المكرمه . هالشي يعني تم الموافقة . وش الاجراءات بعدها ؟

اعتقد الاماره

من الامارة ...... وممكن الداخلية يحولك للمحكمة بس بواسطة قوية وليس بطبيعة سير المعاملة

ماعرف بس اعتقد انك تراجع الاماره اللي تحولت فيها معاملتك وهناك تعرف اذا وافقو او لا wewed

اخوي طيب يمكن استفسر عنها بالموقع لاني حاليا برا المملكة ؟ طيب لو تمت الموافقة وش الخطوة الثانية مع اني ما سويت شي ابدا لا اوراق ولا شي الا اني قدمت برقيه لوزير الداخليه

السلام وعليكم ورحمة الله وبركاتة ,أسعد الله صباحكم وكل عااام ونتم بالف خير
انا خلاص كنسلت الموضوع عمر المخطوبه صغيرة وقدمت استنساء ودخلت ع مسؤولين وتهجولت هجوله الله اعلم بيها وصار لي حادث ونا راجع الله نجاني منه والحمد الله ع كل شي وخطيبتي احد لعب براسها وفهمها شي مني عارف وش السالفه للحين ع العموم السالفه بلاول وبلاخير ارزاق وكلن ياخذ نصيبه وابد هي طلبت تكنسل الخطبه والله يعيني عاد برجع ادور ع عروس جديدة وموال ماله اول ولا تالي وانا نويت اخذ مغربيه من المغرب بس الاهل الله يهديهم رافضين الفكرة تماما وكبرو السالفه عاد شنسوي رضا الوالدين هو اهم شي وكنسلت هالموضوع ذا بعد وبنرجع ندور ع روس عمرها فوق الواحد والعشرين ونرجع لموال التقديم من الاول والله يكون بعوني وييسرها من عنده لان خلاص الموضوع واصل حده عندي ما صار زواج ماصار نص دين صار شي حرام وعيب استغفر الله العظيم ع العموم دعواتكم يا حبايب قلبي اني احصل لي ع عروس بنت حلال ورزينه عقل ewdas


تحياتي للجميع واتمنى لكم التوفيق dfsp
ا

وعليكم السلام ورحمه الله وبركاته
اخوي فيصل الله يعوضك ويرزقك ببنت الحلال طيب ليش ترجع للموال مره ثاني
خذ من جنسيتك وريح نفسك من الانتظار والهم والغم واللفه الطويله عشان تتزوج
ريح نفسك وخذ من جنسيتك اذا انت سعودي خذ سعوديه وريح نفسك بما انك جربت مره
وتعبت ليش تكررها ثاني الله يعيينك ويرزقك مع هالصباح

ايش نوع البرقيه اللي ارسلتها؟ وايش هي الاوراق اللي ماسويتها ؟
اللي اعرفه اذا معاك رقم صادر او رقم المعامله تقدر تتابعها عن طريق الموقع
مامعاك رقمها تتصل على الاماره وتستفسر عن معاملتك
اذا تمت الموافقه يحولون الاوراق للمحكمه وتروح تقعد باذن الله
بس قبلها تروح للاماره توقع على اوراق وبعدين يحولونها للمحكمه

معاملتي الى الان في قسم الاحوال الشخصيه يالله عساااه خير ان شاء الله
ياااااااااااااارب يوافقو على المعروض لاني كل يوم يمر احس اني بتعب

السلام عليكم
تصحيح
شباب انا قدمت مباشرة عالداخيله بس رفض امارة مكة المكرمة التقديم بسبب عمر البنت اقل من 30 مع اني من مواليد السعودية . واليوم شيكت علي موقع الداخليه مكتبوب مغلق تم التحويل الي امارة مكة المكرمة . هالشي هذا يعني الموافقة او الرفض ؟.؟

ماعتقد انها موافقه لانها تاخذ وقت طويل على بال ماتمر على الشرطه والاماره والداخليه
وغير الاوراق االي لازم تجيبها من اثبات سكن وتعريف راتب وتحليل وغيره ظن الاجرائات
لكن اذا قصدك انهم وافقو على انك تقدم معاملتك ماعرف افيدك
هل ارسلو شي على جوالك وقالوا لك تراجعهم او ارسلو لك رقم ؟

انا مثلك قدمت للداخلية بس مومعاملة جديدة قدمت خطاب استرحام للداخلية
مغلق معناته انه انتهت من مرحلة الداخلية ويكتبو عليها غالبا حسب الشروط وتروح للامارة يراجعو اوراقك ويرسلوها بعد
10 ايام لشرطة منطقة مكة وبعدها يحولوها للمباحث العامة ..........ومدري بعد كدا الى وين بس انا
الان في مرحلة البحث الجنائي وقالولي شرطة منطقه مكة المكرمة اراجعهم نهاية الاسبوع الجاي ..

نصيحة للجميع ولي نفسي اصبرو وبالذات للشباب مدام انت شاري البنت اصبرو وربنا كريم مابعد الضيق الا الفرج

الاخوة الكرام
س: انا قدمت على الامارة ملفي كامل بالفحص الطبي وسجل الادلة الجنائية والبرنت والتعريف بالرتب...الخ وذهبت إلى وزارة الداخلية ثم رجعت للإمارة ماذا بعد ذلك
حالة القيد : مغلق
رقم القيد : -----
إسم سجل القيد : إتصالات ديوان الوزارة
تاريخ القيد : 27 / 07 / 1435
الإدارة الداخلية المحال اليها : سكرتارية لجنة الزواج
جهة الوارد : امارة منطقة الرياض
رقم آخر صادر على القيد : ------
تاريخ الصادر : 17 / 08 / 1435
صدر لجهة : امارة منطقة الرياض
رقم بيان تسليم الصادر : -----

السلام عليكم
ياجماعه عندي استفسار
بنت خالتي سعوديه عمرها 18 سنه و خطيبها اجنبي عمرو 23 سنه
قدمت في امارة جده
حولوها للشؤون الاجتماعيه
و راحت للشؤون حولوها للمستوع الخيري
ايش دا يستهبلو عليهم ولا ايش السالفه
اللي يعرف يفيدني

نصيحة لها لاتتعب نفسها وتدخل في متاهات مالها اول ولا آخر
بنات فوق ال 25 وماجاتهم الموافقة وراايي تصرف النظر انا لو ادري من البدايه انه بيصير معانا كذا ماكان وافقت بس المكتوب والحمدالله على كل حال
وماتدري وين النصيب والوضع الان من سيء ل إسوء ربك كريم
الله يكتب للجميع الخير ويسهل علينا وعليكم

هلا بك
الان هي في الاماره ف تواصل معهم
اتوقع توصل للحقوق الخاصه بعدها تصدر للمحكمه بإذن الله اذا تمت الموافقه عليها swsqqqqqqq

هلا اخواني ومشكولاين عالرد . انا ما قدمت عالامارة رفعت برقيه لوزير الداخليه من صفحة وحده وقلتله انا فلان ابن فلان بتقدم لفلانه بنت فلان وعمرها كذا وانا عمري كذا ارجو الموافقه وارسلتها . والحين يوم اشيك بموقع الداخليه حصلت انها مغلقة ومرسله للداخليه . شكلي بدق عليهم نهاية الاسبوع وبسالهم ان شالله وبخبركم ايش صار معي

لا اختي لا تقولين كذا ولا تنصحين احد بهالنصيحه ما تعرفين يمكن لهم نصيب وماحد راح يرد نصيبهم . خلها تقدم بس انصحكم قدموا مباشرة عالداخليه ولا الديوان وماحد يقدم عالامارة لانها معقده قدم من فوق وريح نفسك موافقة او رفض

اخت انفاله و اخت الدين المعامله
مشكورييييين ع الرد والله
بس دحين لو تبا تقدم ف الداخليه
نفس امور الاماره ولا كيف
يعني معروض و من هالكلام

ايه تكتب معروض وتروح البريد الممتاز وترسله وبعدها بيومين يجيها رقم المعامله عالجوال وتتابعه عالنت .

طيب ممكن لو سمحت اسال عن عمر خطيبتك كم بالضبط ???

نعم هي الآن في الحقوق الخاصة وتحت الإجراء وعندي رقم المعاملة وكل فترة اتابعهم لكن ماذا بعد ذلك لا أتوقع فيها محكمة لأني أنا سعودي وراح اتزوج من المغرب اتوقع تروح للخارجية لكن متى الله أعلم

عمرها 21