![]() |
|
|
ومن تاه يلقي بالعرب من يدله .. وياخذ من الدنيا دروس وتجاريب
|
ابشركم اليوم عملت تحليل غده درقيه طلعت سليمه ومخزون الحديد ممتاز .. يارب يارب يارب قدرني على حمدك وشكرك وحسن عبادتك يارب لك الحمد والمنه والفضل
|
ع البركه قطرات ، الله يتمم عليك فضله وعافيته،،
|
امين وياك ابو علي وكل مريض يارب .. الله يجزاك خير
|
مسااااااااكم الله بالمسرات والبركات
يا هلاااااااااا ملامح ما تشوف شر ان شاء الله فترة وتعدي اخبااااااااارك واخباااااااااااار الكهرباء واخبااااااار دوامك هلااااااا قطراااااااااات كويس الحمدالله انها سليمة يا رب لك الحمد والشكر يا مرحبا بكل الشلة |
السلام عليكم
الحمدلله على سلامتك قطرات الغالية ، و ربي يتم عليك عافيته و رضاه فيه مقطع عن بذور الفجل يتحدث عن هذه البذور الرائعة في علاج الأمراض الروحية كالعين و السحر و حتى الكوليسترول نبات عندما أذكره تضحكون https://youtu.be/DYBpa0PMzUE |
هلاااااااااا عيوووووووون اخبارك بشري حصلتي العلاجات
انا كل ما قرب الاذان تجيني نوبة هلع قبل شوي بدأت معي واخذت مهدئ وكني اشوى مدري وش قصة رمضان |
خلووووووووووووووود وينك هل تسمعيني نداااااااااااااااء الى خلوووووووووووود
|
هلا بك أخوي محمد
بالنسبة لي الخوف و الأفكار السوداوية ما تهل علي غير في الصباح و تزداد شدة لين قبل العصر مدري ليش و أحاول اطمن قلبي بكل وسيلة ماش من زمان كذا و خايفة أتناول الأدوية و ترجع تنومني ثلاث أرباع اليوم و أكثر ما أحد يبي يصدق إني كنت ما استيقظ غير أربع ساعات من الأربع و عشرين و الحين أصلا من ليلة رمضان طايح علي نوم فظيع بالقوة أصحى أطبخ بالنسبة لبذور الفجل اتناولها على شكل لهوم بعد الفطور الخفيف اللي عبارة عن تمرة و ماء و أنتظر ساعة ثم أفطر عادي جبت العصفر لكن للحين ما بدأت فيه يحتاج طحن و نقع بالماء مدة أربع و عشرين ساعة بالثلاجة قبل تناوله مرتين يوميا مدة عشر أيام قرأت كثير إنه بفضل الله يسكن الخوف |
المشكلة حياة الواحد متوقفة بسبب الخوف و القلق و رهاب الخروج
كل شي معطل ، المخ مبنج من سيطرة التفكير و الأدوية النفسية بلاء على بلاء ، تعطل الواحد أيضا عن الحركة ، شلل تام في الفراش بالنسبة لي تقلب معي بنوم فظيع حتى البروزاك اللي أسهر الخلايق يقلب معي بنوم فظيع مدة عشرين ساعة يوميا ، و الأربع ساعات خمول فظيع بنصف وعي و ربع تفكير بالله وش الفايدة حياة أموات في القبور نستعجل حياة القبور معقول مافي عقار عشبة تريح من الخوف و التفكير بدال السموم ذي اللي تخلي الواحد ما يفوق ، و وراه مسؤوليات ليوم المسؤوليات لا أحد يقول عشانك ما جربت أنا جربت البروزاك و السيروكسات و السيبرالكس خلال اكثر من عشر سنوات كلن منها كورس كامل و تركته تدريجيا انا جبت العصفر من قبل رمضان و للحين من ضيق الوقت ما جربته متفائلة بوه لكن المشكلة مدة استخدامه عشر ايام كأنه مضاد حيوي |
هلا محمد تسلم الله يسعدك ويحفظك .
ترى كنت زمان مثلك من يجي رمضان تجيني تكه ورعب وقلق و توتر استغفر الله ابد ما انبسط بدخول الشهر ومتى تشتد النوبه ؟ عقب السحور وهجدة الناس وتشتد اكثر بعد صلاة الفجر مشاعر غريبه ورعشه وارق واعراض كثيره . بعد العلاج السلوكي علمت الدكتور عن هالشي قال لأنه مرتبط بوقت وفاة صديقتك كان اول يوم رمضان الساعه ٦ الصبح تدري وش قالي ؟ قال استقبلي كل هالمشاعر السلبيه بكل هدوء وحاوريها داخل نفسك قولي طيب وبعدين اكثر شي بيصير وشو ؟ موت ؟ طيب وبعدين ؟ قال اذا تعمقتي بالفكره تصير تافهه بس خليك هاديه ومسترخيه جدا ونظمي التنفس بهدوء فيالبدايه شوي صعب بس بعدين عادي وبالفعل والله يامحمد اكتشفت ان نوبات الاكتئاب او الهلع تكبر لأننا في عز النوبه و قوتها نهرب بافكارنا منها ونهرب ونهرب وهي تلحقنا وتكبر وتكبر لين ماتصير مرعبه وكارثه بس لما واجهت مره ومرتين وثلاث بالفعل بدت تصير تافهه ولا تخوفني . انا امس رحت لاستشاري باطني وكسرت حاجز الخوف من الابر وعملت تحاليل كامله قلت عشان لو جتني دوخه او هلع ماقول انا فيني وفيني لا كل شي سليم معناها اهجدي يامره ولا تلعبين بنفسك وافكارك وبصراحه كنت سعيده بانجازي امس بالذات ان التحاليل سليمه لله الفضل والمنه . اختي عيون هلا وغلا تسلمين حبيبتي الله يسعدك ويسخر لك الخيره بحياتك .. انا مؤمنه بالطب النفسي والطب بشكل عام لكن يعتمد على توفيق الله وضمير الدكتور وشطارته ومؤمنه بالطب اكثر من الاعشاب لاتزعلين مني بس هذي قناعتي قولي ليش ؟ ايام الرسول عليه الصلاة والسلام ماعندهم امراض زي وقتنا هذا سواء دوده زايده او عمليات قلب مفتوح او او الخ ربي ماسخر لنا الطب الا لمنفعة البشريه ياما مرضى بين الحياة والموت بفضل الله بعملية قلب رجعو لحياتهم وياما مريض نفسي رجع لحياته وياما مدمن تعافى بس مشكلتنا كبشر تلفت نظرنا التجارب السلبيه وتاخذ انتشار اكبر من التجارب الايجابيه . اكيد فيه اعشاب تنفع لكن الى الان ماشفت حاله تعافت من عشبه . امس الاستشاري الباطني يقولي ليش ماتاخذين البرنتلكس امن ودواء جميل وتقدرين تتركينه بأي وقت ليش تضيعين ايامك بالخوف والضيق ؟ قالي على قصه حصلت لولد اخوه بمصر كان معاه اضطراب وجداني واكتئاب حاد من الصغر يقول امه من الصعيد ورافضه شي اسمه طبيب نفسي وصل الولد لعمر ٢٧ مامعاه الا شهادة ابتدائي لاشغل لا انجاز لا مشاركه بس في غرفته ياكل وينام ويعطونه من هالاعشاب وكل ماداهمته نوبه قويه ودوه طوارئ عطوه مهدئات يقول اهديته من سنتين لابتوب وبعد سبعه شهور قالي ياعمي عاوز اروح لدكتور نفسي يقول اخذته لمركز احمد عكاشه وامه زعلت تقول ابني مش مقنون يقول شخص حالته واعطاه الادويه يقول بعد شهر بالضبط شفت ابن اخويا واحد ثاني اول شي صار يصلي بالمسجد ونزل يدور على شغل ولقى شغل بمشروع بعيد عن القاهره واول مره بحياته يسكن بعيد عن اهله ٧٠ كيلو يقول وتبرعنا له كل العيله وعمل كشك يعمل فيه كشري وعصير ليمون بالنعناع في المدينه الجديده واقبلو الناس عليه وبعد كم شهر عمل محل صغير وفرع ثاني بالقاهره ... الى اخر القصه ادري طولت عليكم بس انا دائما متفائله لأن مقسم الحياه والارزاق والصحه وتدبير الامر كله بيد الله لكن ربي يبغانا نسعى بعد مانتوكل عليه . لاتيأسو ابدا الله موجود ويشوفك ويعرف حالتك ويعرف الحمل اللي بقلبك وعلى كتفك اهرب اليه والجأ اليه . الهروب الى الله اعظم انواع الهروب لكننا للاسف نهرب للخلق والشيطان واليأس ويزيدنا ابليس خساره . عيون اسعي وانفضي غبار الألم والذكريات المؤلمه لأنك ماراح تقدري تغيري فيها قيد انمله . قولي ربي خلقني لكي اعيش واعبده واكون سعيده بهالحياه .. القرب من الله ليس صلاة وصيام بس الهروب محبه ورجاء وأمل وحسن ظن وش فايدة تحفظين القران كامل وانتي الخوف مالي قلبك والضيق ؟ الاسلام اسلوب حياه وخارطة طريق مو بس فروض اعملها .. عيون حبي نفسك لان لها حق عليك سامحي الماضي بكل الامه . انظري لقدام بعين امل حتى لو كنتي مقفل عليك من كل جهه لاتعلمين اي باب راح يفتحه الله . كلامي مو فلسفه بس انا استشعر الله بكل خلايا روحي وقلبي لان وحده القادر على كل شي . اتمنى لكم السعاده من كل قلبي |
مسااااااااااااااااكم الله بالخير
هلااااااااا عيوووون ما تشوفي شر ان اعرف الاعشاب المفيدة مثل عشبة القديسين وعشبة الفالريان هذه تحصليهم في الصيدلية بدون وصفة ان شاء الله هلا قطرات ما شاء الله عليك ان شاء الله لو جتني نوبة هلع بتجاهلها وعساها تمر بسلام |
|
عيون انا جربت كل الاعشاب هذي الاعشاب افضل ما وجدت
1- حشيشة القلب 2- عشبة الفالريان 3- زهرة الالام الحمراء واسمها في الصيدليات Passion fruit هذه تجدينهم في الصيدليات اما الاعشاب الى على شكلها الطبيعي البابونج و المليسا واكرر المليسا |
الساعة الآن 07:36 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا