يا جماعة مزاجي مش و لا بد

و مشوش

آه ليت الموت خذاني من بدري

يمر يوم وكل يوم يمر أحس أني حزين
أمسي على ضيقة صدر وأصبح على ضيقة صدر

قالوا الفرج عقب الصبر قلت الصبر همٍ دفين
قالوا الوفي طبعه وفي قلت الزمن كله غدر

قالوا الصدف قلت الصدف ماعشمت طول السنين
قالوا القدر قلت القدر من اللي يردك يا قدر

قالوا الامل قلت الامل مثل السراب اللي يبين
أتلى العهد وانا على المطلاع وسط المنحدر

قالوا تشوفه قلت اشوفه في حلوم النايمين
اصحى على شوفه وانا خدران واصحى واخدر

قالوا وش اللي تذكره اذا تناولك الحنين
قلت التنهاته اذا طروه الدمع يحدر

قالوا يخونك قلت انا ياكرهني للخاينين
لو خاني ضاع الوفا في الناس الا ماندر

قالوا نسيته قلت واللي لحن المسلم جبين
ماانساه كود الناس تنسى الليل ومطلاع البدر

قالوا كم اللي راح من عمره شقى قلت سنتين
عامين وانا اغرب الخطوات والقلب يحدر

قالوا الكدر ويش الكدر قلت الكدر مثل السجين
ان عاش في سجنه كدر واذا طلع عاش الكدر

قالوا سواتك وش يسوي قلت بين الحالتين
اما توفى من غبن والا قضى عمره هدر

https://www.youtube.com/watch?time_c...&v=HdouJJ_YY1c

في حالة الضعف ما تدري وش تقول وش تدبّر غير يالله إنك تعين على قادم الأيام و العمر و تسمحها من عندك

الله يشد منك ماضعف يابو نجلا ويفرج لك من حيث لاتحتسب قل امين .

يا ناس هذا هو صبري اللي دايم اقولكم عليه 😊
انا ما ازعل منك ياخوي الله يحفظك و يحفظ لك اهلك
و يحقق لك كل ما تتمناه .

إللهم آمين 🌹

خطيرٍ علي لا جر عقب الونين صياح

و أسولف مع المجنون و أنقد على الصاحي

سبايب زمان ما يوريني الأرباح

سبايب نصيبٍ شين لو أرفعه طاحي

أنا البارحه ليلي سرا لاعب المسباح

مع هاجسي لين انقطع خيط مسباحي

بعد ما نفضت المسبحه لا االخرز طيّاح

من الهاجس اللي مودع السد ينباحي

مع الياس و الهوجاس في غيبة الأفراح

أسير الهموم الوقت بجنود و سلاحي

تساقى همومي مثل ما يسقي الفلاح

و تثمر بقلبي كنها زرع فلاحي

فأنا طالبك يا منقذ اللي ببحره طاح

تفرج هموم القلب و أعيش مرتاحي

عساها خيره

ما أغير أتنهد و عايف كل شيء هذا محصول زماني من الطفولة لين لاحت بواكير الشيب

كل أخواتي الكبيرات متزوجات و وحده أصغر مني متزوجه و الثانيه تنتظر الدور الله يسهل طريقها

أخوي اللي أكبر مني بسنه عنده خمس عيال

أخواني ثلاثه أصغر مني متزوجين و خلفوا كل منهم عنده إثنين و ثلاث كتاكيت

و أخوي الرابع في الطريق خاطب

و أنا محلك متسمر ما أدري وش أسوي لا وظيفه و لا حالة تسر

آخ يا راسي كم تعبت من ذا الراس و القلب

حتى الصديق اللي من صدق صديق فاقده كل صدقاني راعين مصالح

آخ بس آخ لك الله يالوحيد فحط فينا الزمن و تغبّرنا

يآلله بمعجزه منك تفك الآسر و تحل القيد

إنه الإكتئاب ملعون الصلايب كم هو مدمر و كارثة

سلامتك والله يارب تشفيه و تعافيه يارحيم .

أبو نجلا يارب فعلا يكون تبناها رحمة و أجر

و ترى ما يقدر يبيعها و هي بذا العمر ربي يحفظها

هو إذا تفكيره شيطاني يبيع ذريتها صغار و يستوثم فيها و فيهم ، لأن الناس ما يشرون غير الصغار لعبة لعيالهم ، لأن القط الصغير ما يقدر يدافع عن نفسه ضعيف الحيلة ، مخالبه ضعيفة صغيرة و صوته ضعيف مكتوم ، ثم من يوم يكبر شوي قضبوه الباب على أقرب اسفلت

و المشكلة الأكبر إن الأطفال الذكور و الإناث تحت سن الاثناعشر تجيهم لحظات يخلطون بين كون القط الصغير لعبة أو روح فيميلون لاكتشاف ما بأيديهم و يقومون بتفكيكه كما يفككون اللعبة و لك أن تتخيل ما يمكن فعله بهؤلاء الضعوف و هذا مو كلامي كلام علم نفس الأطفال

مرة كنت في أحد العيادات و دخلت سيدة كبيرة في السن مع حفيدتيها و معها قطين صغيرين اهدتهما لهما تقول شرتهم من الاستجرام مثل ما اقول لك عن اللي شفت شهادة حق ربي يسألني عنها ، واحد منهم طايرة وحدة من عيونه و مكانها حفرة و دم و الثاني حفرة في بطنه باينة احشاؤة ، إلى الآن أفكر بأي آلة قدروا يحفرون بطنه ، و الجدة كل اللي مزعلها الفلوس اللي دفعتها في القطين ، مو المجزرة اللي صايرة
كل شوية تقول خسروني ليتني ما دفعت

كله لأن حفيدتيها تحت سن الاثناعشر سنة و اللوم على الأهل

أهم شي تتأكد أنه عقمها تحت البنج في عيادة أمينة بحيث يتم إزالة الرحم و المبايض حتى ما تستغل في الإنتاج ضعيفة

يا كثر ما عرضوا في القروب مقاطع و صور لقطط مرضعة ميتات وسط عيالهن ، عوائل مجرمة حاشرين الامهات في دورات مياه صغيرة و يعرضونهن للحمل و الولادة المتكررة لين يضعفن و يموتن ، غير بيع عيالهن قبل الفطام و لانهم ما اكتسبوا مناعة من حليب الام مجرد يتم البيع يمرضون و يموتون

غير لو ما تم التعقيم و قلنا أن هدفه التبني ، القطة الأنثى لو ما تزاوجت يصير عندها مشاكل في الرحم و أمراض خطيرة تعرضها للوفاة و كذلك القط الذكر ، و لو سمح لها بالتزاوج لابد يتكاثرون ذريتها و بالتالي راح يرهق ماديا و يضطر يعطيهم أي أحد من أجل التخلص منهم و نهايتهم بالشوارع اللي تقتلهم ببطء ، يعني بالنهاية ما كأننا سوينا شي

أنت تدري أبو نجلا من الإجرام اللي في البشر أن بعضهم كانوا يأخذون قطط منقذة من بنات القروب المنقذات و آخرتها يطعمونهم أحياء لثعابينهم و اسودهم في مزارعهم الخاصة

ربي يوم أراد كشف أحدهم ، ولده اللي بعمر المراهقة صور المجازر لوحدة من المنقذات بعد ما استدرجته و من بعدها صار في تشديد على عرض التبني و متابعة القط المتبنى و قبلها اشتراط التعقيم حتى ما يستغل في الإنتاج

للنزف بقية

أبو نجلا الله يوفق اخوانك و أخواتك و يوفق جميع المسلمين

بعدين الزواج مو كل شي

أهم شي الصحة و راحة البال و قبلها رضا الرحمن

بعدين ما كل باب انقفل على إثنين معناه عايشين الرومنسية و الانسجام ، يا كثر الأزواج اللي متحملين بعضعم عشان عدم شتات الأطفال

الزواج زي القلعة كل اللي دخلها قال ليتني ما دخلتها و اللي خارجها يقولون متى ندخلها

طبعا مو كل من دخلها تمنى عدم دخولها ، لكن قلة القلة الموفق و السعيد و الراضي بشريك حياته

يمكن عشان ما تزوجت تفكر إنه سعادة ، أنا كذلك قبل ما اطيح على خشتي كنت أحسبه كذا ، لين طاح حظي و هربت

عندي أقعد بدون زواج و لا أعيش التعاسة أعوذ بالله ، و لو فكرت و لقيت المناسب تكون العصمة بيدي ، ما ودي اتمرمط بالمحاكم مثل ما تمرمطت من قبل حتى استخرج صك الحرية ، على قول أخواننا المصريين : موت و خراب بيوت

ترى التوفيق و التوافق أهم شي ، الغربة بين الزوجين قاتلة ، لدرجة تخاف تتكلم و يفهمك غلط و تصير مشاكل تصدع رأسك أنت في غنى عنها ، و أن تكلمت يتم تفسير كلامك بمليون طريقة و تظل طوال الوقت متهم و طوال الوقت تبرر و تدافع عن نفسك .

أبوها عيشة اللي زي كذا ..

لذلك الوحدة خير من شريك السوء



قبل فترة قصيرة برمضان ، يوم كنت أراجع بالقط اللي دمر السباك كلاويه عامله الله بعدله و أنا اتكلم مع الطبيبة الفلبينية ، تقلي خلاص يا بسمة زاد عليك الحمل و زاد عدد القطط قلت مو بيدي ما أقدر أشوف حالة ما تنتظر و ما اسعفها ، قالت أنت زي خالد ، قلت مين خالد ، قالت خالد أمير طوال ما هو مار بسيارته يظل يجمع القطط و يعالجها و يجي عندهم العيادة ، تقول لدرجة ممكن يدفع خمسة آلاف إلى عشرة آلاف في زيارة وحدة ، و تقول متبني آلاف القطط و الكلاب المشردة الله يجزاه خير في مزرعته ، قلت ماشاء الله تبارك الله معقول فيه ناس خيرين كذا ، و أضافت قائلة و هو غير متزوج و عمره في الاربعينات .

سبحان الله شوف يا خوي أبو نجلا ، وش ينقصه حتى ما يتزوج غير النصيب و التوفيق

سبحان الله فعل الخير اللي ما يفرق بين أمير و فقير

من صغري كنت أشوف شيبان من الجنسية اليمنية خاصة في الأحياء الشعبية اللي حول جدة القديمة ، طبعا معروفين بوزارهم اللي يلبسونه و العمة اللي فوق الرؤوس ، كنت اشوفهم من مظهرهم اللي يدل على بساطة حالهم ينبشون النفايات لاستخراج الطعام من الأكياس و تقديمه للقطط و كذلك جلب بواقي الطعام من المطاعم و فرشه حول الحاويات ، و إلى الآن كذا مرة اشوفهم ، لدرجة مرة كنت في زيارة لإحدى صديقاتي ، و قبل الأذان فتحت الشباك و قالت تعالي شوفي ، و إلا شايب يمني يمكن قرب على المئة يمشي ببطء شديد و القطط خلفه و حوله و في يديه أكياس بها بواقي طعام ربي يجعلها ظل له في قبره و يوم العرض عليه ، لأن ورد عن الرسول صلى الله عليه و سلم يوم القيامة يوم المحشر يوم تدنو الشمس من الخلائق قدر رمح يكون المسلم تحت ظل صدقته تقيه حر الشمس و أفضل الصدقة إطعام الطعام و سقيا الماء كما ورد عنه عليه أفضل الصلاة و أتم التسليم


بالنسبة لي ما ندمت على شي غير إني ندمت اني ما تخصصت في طب البيطرة ، وش نفعني تخصصي اللي تخصصت حتى وظيفة ما توظفت بوه و الحمد لله على كل حال

و أكثر وقت تمنيت فيه ذا التخصص يوم السباك قتل الضعوف ببطء احرقهم بالسم ، مع إني كنت عارفة أنه مزود الجرعة و حذرته قبلها لأن الحس الطبي هذا ما جاني إلا من عسكرتي في مواقع البيطرة العربية و الأجنبية طوال الوقت

و ليلة العيد تجدد هذا الندم يوم إني ما تخصصت في البيطرة لما إحدى قطط المنقذات تعسرت ولادتها و ما كان فيه عيادة فاتحة و القطط المتعسرة الولادة غالبا تموت لو ما حصل تدخل طبي سريع

يارب الطف بعبادك الضعوف ، ما لهم و لا لنا غيرك يا الله

بعدين هذا اللي يقول قذفت و ما قذفت

المشكلة الاقتباس عندي معطل

بالله أنا مجنونة أتحمل وزر القذف اللي من السبع الموبقات ؟

و عشان مين ؟



الظاهر إنه كذب الكذبة و صدقها

أنا من وين أعرفك أصلا حتى اقذفك ؟

اصلا أنا ما عمري رديت عليك او دخلت لك موضوع



و كل شوي كاتب مسكينة

ليش شايفني اشحد عند باب بيتكم

مسكينة لأني أفعل الخير الحمدلله

ما المسكين إلا اللي ما ذاق لذة فعل الخير و أعتبره خسارة

داخل منبرش علي كأني أتصدق من ماله و إلا سارقة راتبه

شي غريب


بالله يا مشرفات أتمنى ما تحذفون شي من ردي لأن ما فيه تجاوز ، و ابغاه يفهم حتى ما يمتحنا كل شوي و مسوي مظلومية و مصدقها

و بالنسبة لعفراء الآن انتبهت لردك أبو نجلا

أنا ما قلت أنها ما تشوف ، قلت لأن كل عين من عويناتها لون ربي يسلمها هذا النوع بالذات يجي أصم يعني ما يسمع ، و قبل كذا قرأت هذي المعلومة حتى قبل اتبنى فلة

عندي قطة نفس الوضع كل عين لون صماء ، سميتها فلة لأنها بيضاء



حسيت اليوم إني تكلمت كثير


انا كذا أغيب دهر ثم إذا ادهرت بالكلام وش يسكتني


ما يكفي برمضان عانيت معاناة ربي عالم بها بسبب المجزرة اللي صارت للضعوف غير الأمراض اللي تكالبت على الباقيين شي مو طبيعي ، و الحمدلله على كل حال ، و مع ذلك ما جيت فضفضت هنا ، قلت صيام و الخلايق ما هي فاضية ، قلت خليني أسكت و أبلع همي ، من باب لا يألم الجرح إلا من به ألم


و بعدين اللي يقول ليش ذا الاهتمام ؟

اللي خلاني أهتم غير الرغبة بالأجر ، لأنهم ترى يحسون مثلنا بالضبط ، ألم الجوع ، ألم العطش ، ألم المرض ، حتى الألم النفسي يوم يبعدون عن أمهاتهم او يمرض او يموت أحد الرضع كيف أمه تتعذب ، او يوم يحبس أحدهم كيف ينطوي و ما ياكل

تراهم مثلنا سبحان الله ، أمم امثالكم كما ذكر الله ذلك في كتابه الكريم

لكن وش اللي يخلي الناس تستهين باوجاعهم و الامهم النفسية لأنهم فقط لا ينطقون

تدري لو الحيوان نطق و قال أنا موجوع أنا جوعان او صرخ زي الأطفال يمكن وقتها الخلايق يستوعبون

لكن أنا أشوف عويناته أكبر معبر و انينه أكبر مترجم

لهم الله لا إله غيره