سلامتك أخي ،،، حاول تلتزم بالموعد يوميا في نفس الوقت .

ان كنتي مرتاحه على الادوية ولو نسبيا فلا تتركيها صحيح الدواء ليس عصا سحريه يغير كل ما حولك لكنه يساعدك في تحمل الضغوطات..

الله يسعدك أختي .. أعجبتي مسابيحك واحجارك ومزاجك ههههه بس ابوحميد على ما اظن ما عنده احجار مسابيح فقط .

اهلااااااااااااين صااااااااااااااامدة

والله وانا اخوك قرار زي هذا لازم ما تتخذينه وانت زعلانه او متضايقه ولازم ياخذه وقت عشاااان القرار يكون نهائي

انا بصراحة مدري وش اقول لكن الله يسخرلك الخير من عنده

حااااولي بقدر المستطاع التجاهل والتنطيش واذا بالامكان غيري البيئة الى عااايشه بيها

الله يحفظك يا رب

-------------------------------------------

هههههههه ابوعلي صدقت مالي بالاحجار مب من هواياتي ادعي لي تكفى من هواية المسابيح وعلى فكرة عندكم بالقصيم هواة كبار في المسابيح وكذلك هناك محل في الزلفي بس ناسي اسمه مشهور وان شاء الله لي زيارة قريبة للزلفي

=============================


هلااااااااااااااا قطرااااااااااااات والله المزاج مثل الاسهم السعودية ما ينعرف لها يوم مستقر ويوم تحت ويوم فوووووووووووووووق هام السحب

شوفي قطراااات انا مالي في الاحجار الكريمة ابدا

بس حب اطلاع مثلا اعرف الزفير والكهرمان والعقيق والجزع والسليماني

بس هوايتي المسابيح هي الاصل وناشبه بحلقي ولا عرفت اتخلص منها

كل ما اشوف مسباح تقولين مسحور فيه اشتري ثم اشتري ثم اشتري

لكن ابشرك ابيع منهم بس والله العظيم ما استفدت ماديا بالعكس خسرت الكثير فوق ما تتصوري على المسابيح

اليوم مواعد واحد سوري بشتري منه مسباح يسمى مسكي الماني مغلف ب 5000 خمسة الاف ريال

شفتي الهواية كيف تكلف بس انا خااااق على المسباح واعرف انه بعد كم سنة بيجيب سعر طيب فوق 7000 الاف ريال

الهواية هذي جنون وعندي حساب بالانستقرام ابيع واشتري فيه وعندي صاااارت معاااارف واصدقاء كثر من بعد الهواية من عدة جنسيات

واتعااااامل على مستوى تركيا والعراق ولبنان ومصر اشتري منهم وابيع لهم

برافو عليك و باذن الله بتتحسنين اكثر و اكثر

بوحميد ، عندنا محل في عنيزه للمسابح هذا اللي أعرفه بس اتوقع يبيع سبحات عادية رخيصه مو الثمينه . بس انت هل تحفظها فقط او تقلبها وتستمتع بها كشكل ومظهر ؟

السلام عليكم و رحمة الله و بركاته

أسعد الله جميع أوقاتكم أخواني أخواتي الكرام و الكريمات

هلا بكم أخوي محمد و أخوي ابو علي و أخوي متأرجح و أختي صامدة و قطرات و الجميع

أخوي محمد هيضتوتي أنت و خلود أروح أفتح دروجي و انقض على علب الخرز اللي غبرت ، ترى لي فترة عنها .


مع إنه خرز عادي صناعي ما هو مكلف ، بس أكثر ما كان يأسرني فيه غير الألوان لمعته ، أروح ملح عند لمعته ، و تحس إنه يجمل أي قطعة قماش ينثر عليه لو مصنوع من خيش ، يعطي فخامة و أناقة غريبة .

كيف أجل الأحجار الكريمة اللي على إسمها كريمة و الكريم الله ، تحس من كلامكم عنها ما هي أحجار تحس إنها كائنات حية يوم إنها تتأثر بالحرارة و الرطوبة و عوامل الجو سبحان الله

هلا عيون . كيفك وكيف بسيساتك ؟

عيون عندنا بس من قطط الشوارع موالفنا نوعا ما لكن رغم اننا نعطف عليه ونطعمه الا انه ما وصل للالفه الكامله يعني احيانا اذا شافني يجي يتحكك فيني لكنه ينفخ ويمخش هههه وش الحل

عيون انصحك بخلاصة العكبر البروبولس اذا تعرفينه ممتاز للمناعه يجي على شكل بودره او قطرات ممكن يضاف لطعام القطط او للمويه اذا بيطريا مسموح لاني اعتقد معظم امراض القطط عدوى وضعف مناعه،،،

هلااااااااا ابوعلي


لا طبعا لازم اقلبها وتخلى يدي من مسباح مهما كان لازم واي طلعه اخذ مسباحين على الاقل

بس انا ابيع واشتري عرفت وشلون واصورهم وانزلهم بالانستقرام وحركات مب بسيطة ههههههه

--------------------------

هلا وغلا عيوووووون بالفعل الاحجار الكريمة رائعة وحلوة وممتعة

بس ترا مب غاااالية مراااا مثل المسابيح

والمسابيح تتاكسد بسبب الحرارة وتعتبر ميزه فيها وكل ما تاكسد المسباح كان اغلا

طبعا فيه الانتيك وفيه القديم وفيه الخراطة الجديدة

انا عندي من كل نوع والحمدالله

بس الانتيك تحس فيه روح متاكسد ويسمى مغلف

وله ريحة عند الفرك ولما تزينها الفضة الحلبية اااااه بس

--------------------------------------

استودعتكم الله رايح استلم مسباح توني شريته من سوري انتيك 45 خرزة مع فضة حلبية والله يعين على المشوار بعيد عن البيت

بس بقدر ما اقدر احاول انفه و اونس نفسي بس ما بيد الحيلة مرهق وتعبان بس بكسر الروتين واعاند نفسي واطلع بالقوة الجبرية هههه

أخوي نور الظلام أرحب ، اذا كملت شهر و ما شفت أدنى نتيجة لا تصبر على نفسك أكثر و راجع طبيبك ، و أسأل الله الكريم لك الشفاء العاجل و تبشرنا بعودة العافية و الصحة و الرضا و السعادة يارب




أختي صامدة لا تقررين قرار إلا بعد الاستخارة و أسأل الله الكريم أن يبصرك بما ينفعك و يدلك عليه و تعيشين العافية و الرضا و السعادة و النعيم و تبشرينا قريب




أخوي محمد في حفظ الرحمن يارب ، بالعكس لا يهمك خذ راحتك سل نفسك بما يسعدك و ينفعك و ربي يرزقك العفو و العافية و يوسع عليك رزقك و يحقق أمانيك






أخوي ابو علي يسعدني سؤالك عن الضعوف و اهتمامك يشهد الله كأنك تنشدني عن عيالي

: )

فعلا اللي ينشدك عن شي يهمك يبي يسعدك

تنشد عنك العافية و لا تفارقك دايم الدوم يارب



مو زي الأخوان اللي هنا و لا أحد قط سألني عنهم او تفاعل معي في موضوع أمراضهم أو حتى جاملني غير أبو نجلا لا صار مزاجه رايق فقط


حتى مواساة ما فيه ، أقول يا خلق الله الضعيف مات ، و عادي


لا أحد يمسك يديني ، اتركوني خلوني افضفض و أبكي







: (




أمزح يشهد الله عاذرتهم كلن على همه سرى الله يفك عوقهم









بس على الأقل مجاملة

كلمة و لو جبر خاطر





لي عودة بإذن الله بردود عميقة على أسئلتك كلها أخوي ابو علي ، و أشكرك الشكر الجزيل على اهتمامك و افادتك بخصوص رفع مناعتهم



و فيه قصة شيقة عن عناد اللي بالاخير نجحت في ترويضه و استدراجه و الحمد لله مع إنه كان قط شارع و مسوي فتوة على القطط اللي تجي قدام الباب و ابن امه اللي يقرب من باب البيت و ما كان يزبن غير قدام باب البيت حتى الحوش ما يدخله ، ما تشوفه غير معسكر قدام الباب او راقي الأسوار مسوي رادار على القطط اللي تقرب من البيت و يا ويلهم مستقعد لهم ، شوفه الحين بعد ما طاح و مرض يتخشخش في ملابسي شارد من القطط اللي حولي ، و أبشرك تعلم حتى التقبيل بواسطة العض قليل الحيا ما غير مخوشه في كفوفي و الأقدام ، هده المرض ضعيف لدرجة طاح نصف وزنه و صار مو بس أليف الا ناعم





الله يعينك عاد تحمل هذرتي عنهم

انت اللي سألت ترى ما لي شغل

: )

تدرون وش الشيء المحزن والمؤلم ؟
لما تشوف شخص عزيز عليك حزين يتألم
ولا تقدر تسوي شيء من اجل اسعاده
هنا يكمن الالم الحقيقي

والمحزن اكثر لما توصل الى مرحلة النقيض تماما.. خلاص ماعاد تهتم لأي شي
ولا تبالي بأي شي في هذه الدنيا

كل شي عاادي يزين اللي يزين ويخرب اللي يخرب
يبقى اللي يبقى ويروح اللي يروح

اصلا عادي دنيا فانيه

ياشينه شعور التعب من كل شي وان الوقت طوووويل
ومتى يخلص اليوم وانام عن الواقع