![]() |
|
رحت اليوم للدكتور وسألني عن التطورات بعد البرنتلكس وحكيت له عن التحسن وسألته متى ارفع الجرعه قالي تقدرين من اليوم ترفعينها لكني اشوفها مناسبه لأن وزنك قليل وعموما اذا ودك تنتظرين تكملين شهر وترفعينها او من الان هذا قرارك .. قالي احنا نعطي وقت الادويه على الاقل سته اسابيع عشان نشوف مدى التحسن والرضا من المريض وانتي لك فقط ٢٣ يوم لكن البرنتلكس دواء سلس وامن اذا حابه ترفعين الان ارفعي الى ١٠ مل .
وانا قررت ارفع الجرعه من بكره ان شاء الله لاني اخذت جرعة اليوم من بدري . وسلامتكم . محمد البدراني تعال بقطار للشرقيه يقولون مره حلو ومرتب وجيب معاك صديق لك يوسع صدرك عشان ماتكون لحالك هنا .. لكن ترى الرطوبه اليوم مليون طلعت للدكتور وبس نزلت من السياره للعياده غبشت نظارتي وجاني صداع . استغفر الله الرطوبه تخنق الحمدلله على كل حال |
نسيت شي اليوم سوالي اختبار توازن والحمدلله ميه ميه .. قلت له سبق سويت لي اختبار دكتور ليش تكرره ؟ قال عشان اوريك ان عدم التوازن اللي كان عندك سببه نفسي مو عضوي وترتاحين لأن لما سويناه قبل الدواء كنتي تقولين لا يادكتور حاسه فيه شي براسي والان بعد ماخفت الدوخه صار فيه توازن والاختبار نفس النتيجه قبل وبعد .
فيه دكاتره ملمين ماشاء الله عليهم يريح المريض ويكون عنده خبره بكذا مجال عشان مايفتي وبس . هالدكتور استشاري نفسي لكنه اشتغل بمستشفى حكومي وكان يعرض الحالات على دكاترة مخ واعصاب وباطنه عشان يتأكد ان السبب نفسي وليس عضوي . الحمدلله الذي سخر لنا الدواء والعلم احمدك واشكرك يارب . شكرا للاطباء اصحاب الضمير . |
يا أخوان وأخوات هل هناك مهدئات للأفكار الانتحارية واستنقاص الذات والنظرة التشاؤمية من الممكن مراجعة الدكتور واعطاها لي؟ ..
لأن موعدي الآن باقيله شهرين بالظبط وما أقدر أتحمل والله.. أبي شيء آخر مع الدواء الحالي اللي أستخدمه الآن لي شهر وقبله دواء آخر لمدة أسبوعين.. أرجوكم لا تقولون توك على العلاجات -الله أعلم إنه حالتي النفسية كانت غير متزنة بالماضي من زمان لكن ما كان عندي إدراك لمعالجتها- |
|
هلاااااااااا قطراااااااااااااات
الحمدالله ان اختبارك ممتاز وعقبال الشفا التام ممتاز ارفعي الجرعة وان شاء الله يحصل تحسن كامل باذن الله ههههههه شفتي كيف تاخرتي في اخذ العلاج والحمدالله ما جاك شي من اثار العلاج الا امر بسيط انا زي ما قلت سابقا متفائل جدا لك وان شاء الله من احسن الى احسن ما دام دكتورك ممتاز انصح ابونجلاء يروح له لعل وعسى اما اني اجي للشرقية يا قطرااات شايل الفكرة من بالي هالايام خاصة اختي مسافرة وما ابي اسافر مع احد ================================================== =============== اسعد الله ظيهرتكم بكل المحبة والخير والفرح |
مساء الخير عليكم جميعا
اسألكم دعاءا يا اخوة و اخوات ...... فظلا و ليس امرا ..... الله يخليكم ، و ما فيه شك ان بينكم من هو مستجاب الدعوة ادعو لي ربنا و إلهنا. الله .... ان يوفقني و يحقق لي ما اتمنى الله يجزاكم خير و سأعلمكم يوما ان ها هو ربي استجاب و لي ما قدر يدعي كسلا او منعه مزاجه .مساااااااامحه ..بل اطلب من الله ان يعطيه من الخير كله و ما سأله نبينا محمد صلى الله عليه و سلم عاجله و آجله و ان يصرف عنه ما استعاذ منه نبينا محمد صلى الله عليه و سلم عاجله و آجله للتذكير : من يدعي بظهر الغيب لاخيه المسلم ترد عليه الملائكة .... و لك بالمثل يا عبد الله يا ريت تكونوا كلكم بخير يا معشر نفساني كل ب اسمه الحاضر و الغائب |
اقتباس:
|
هلا بك محمد البدراني
الله يسعد قلبك على هالدعاء والدعم واسأله تعالى ان يعطيك ويسعدك ويفرج لك الى ان يرضيك يارب ياكريم . اثرك مثلي تخاف من السفر ههههههه قلت لابو نجلا وقال في خطته القادمه بيروح له ان شاء الله وربي يكتب له العافيه ويجعل هالدكتور سبب ان شاء الله في تعافيه وراحته . شاطيء الراحه اسأل الله العظيم رب العرش الكريم ان يرزقك فرحا وفرجا وراحة بال وتحقيق مراد تعجب منه الخلائق ويفتح لك ابواب الخير والسعاده يارب . طه عمار العفو الله يسعد قلبك تمارين التوازن يعملها كل اطباء المخ والاعصاب هو كشف اولي وعلى اساسه يشوف الدكتور لو عند المريض مؤشرات لمرض ما في الاعصاب او المخ . مثلا خلاني اوقف وتكون الاقدام متلاصقه وامد يد وحده واغمض عيني . التمرين الثاني امشي مشية الكات ووك يعني الخطوه تكون مؤخرة القدم تجي بعدها مقدمة القدم هذي المشيه يمشونها عارضات الازياء عشان اقرب لك اكثر . ثالثا يطفي النور ويكشف على العين بكشاف صغير وحركة بؤبؤ العين وهكذا . هذي التمارين اوليه لو لاحظ اي اعراض يطلب فحوصات اكثر مثل الاشعات والتخطيط . يقولي امس امراض المخ ماتاخذ وقت طويل لأن حجم الجمجمه اصغر من باقي الجسم ومايتحمل وحود اي خلل بالتالي تظهر الاعراض سريعا عشان كذا لازم مرضى القلق الحاد يطمنو اول شي واهم شي انهم سليمين من امراض الرأس لان اعراضهم مستمره شهور طويله او سنوات . اتمنى قدرت اوصل المعلومه واي سؤال حاضره |
هلااااااا قطراااااااااااات
تسلمين والله مثلك السفر مب قصة خوف بكثر ما هو تعب من طول الخط خاصة بعد ما شددوا على خط الشرقية وترسوه كاميرات ساهر وبصراحة ما فيه شي يستاهل العنوة رحت للدمام كثير وشبه حفظتها وعلى كثر روحاتي لها ما حفظت اي شارع امش على قوقل ماب الله يسعدك يا قطرااات ويوفقك ويشرح صدرك يا رب ------------------------------------------------------------------------------ اليوم سيطر على التعب بشكل عنيف واستغفر الله كلها شكوك في الدين وارهاق وكتمة نفس وتعب في العظام وهلاوس سمعية والله ما ادري وش اخرتها طول مدة المرض 20 سنة تحبط اي شخص ويسيطر التشاؤم عليه وانا والله حاس بضعف هالايام يا رب تقوي ايماني وتصبرني وتشفيني عاجلا غير اجل ================================ اليوم فيه مزاااااد لايف على الانستقرام ولازم اتابعه ولا ادري احسب بتعب كبير مدري اتابعه ا انام لاني دائم انحاش عن التعب بالنوم =============================== |
محمد معليش اتطفل واسألك وش نوع التعب اللي تحس فيه ؟ يعني وشهي اعراضك ؟
ثاني شي تصدق اني متفائله لك ان ربي بيرزقك حل وخروج من عنق الزجاجه بطريقة ما ؟ والله ماقول هالكلام عشان اطمنك بس عندي احساس ويقين ان ماتطول شده بانسان الا بعدها فرج عجيب . ثاني شي اتبع راحتك اذا تحس مافيك حيل للمزاد لاتغصب نفسك دور راحتك لو تبي تنام نام وقبل تنام ناجي ربي وادعيه وقوله يامن تجيب المضطر اذا دعاك وتكشف السوء ارحم ضعفي وقلة حيلتي وفرج لي من حيث لا احتسب يا ارحم الرحمين . الله مايضيع احد ابد ابد سبحانه |
|
أبشرك قطرات الندا و يا بو حميد رحت للمركز و عطوني موعد في 15 / 7 / 2008 يوم الأحد الساعة 8 مساء
|
هلاااااااا قطراااات
وش لقافته افا عليك انتي مثل اختي والله اعراضي عبارة عن هلاوس سمعية مثلا اسمع طوال اليوم اصوات تسبني وتسب اهلي وتهددني وتشككني في وجود الله وهكذا ضيقة بالصدر جد كتمة نفس احبااااااااااااط واكتباب شديد تمني الموت والتفكير القهري بالانتحار استفراغ يومي وقولون عصبي وضغط عااالي وصداااع عنيف قلق الجلوس او ما يسمى تعذر الجلوس مثلا تلاقيني في الصالة ثواني ثم غرفتي ثواني ثم في الحوش عصبي ونرفزة وقهر |
مساء الخير ع الجميع كلٍ بإسمه
هلا شاطي الله يفتح لك أبواب توفيقه و يسره من كل عسير عليك صامدة رغم المحن كيف حالك حاليا بعد ترك الزنكس هلا بالطش و الرش و التبوله المنعنشه بياسمين الظل الوارف تسلمين على هيك ترحيب ربي يحفظني و إياك و الجميع مشكورة قطرات الندا جدا على اللي قمتي به من إرشادي للمركز و إن شاء الله يكون عند حسن الظن هلا بأبو عمار و ببسمه و خلود و بشاكر و أبو علي صالح و أمل حياة و أبو مريم و غيرهم و بكل الغوالي و أخصهم بالذكر أبو حميد |
الله يقويك يا بو حميد و يشفيك بحق قوي قادر سبحانه و تعالى
شوف اللي يناسبك يا نوم يا متابعة نشاطك ما تشوف باس على قو ما فيك لكن سبحان الله فيك قوة و لا في الفيل :) |
الساعة الآن 07:42 AM |
|
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا