عشان تشوفي المعامله تدخلي الخدمات الالكترونيه بعدين في اليمين في ديوان وزاره الداخليه بعدين الاستعلام عن المعاملات وتكتبي رقم المعامله ويطلعلك معاملتك وين وصلت

يا قلبي مااعرف انتي في اي اماره بس اغلبهم مو متطورين ماتقدري تدخلي عليها من الموقع لازم يروح احد يتابعها عندهم او تتصلي عليهم

والحقوق الخاصه هاذي اللي تكون فيها معاملات الزواج والوقت مااعرف بالزبط حسب المتابعه

انا اخذت تقريباً من شهرين لثلاث لان ماكان احد يتابعها

الله يوفقكم ويحقق لكم اللي تتمنوه يارب
هذي اول مشاركه ليا
انا سعوديه وخطيبي يماني ومعاملتنا اليوم راحت المحافظه
وبكره بابا حيروح يراجع المحافظه ياااااااااارب اكتبلي الخير
وبعد المحافظه فين حتروح تتوقعو ؟!!!
انا قصتي طويله بعدين اقولكم بس ادعولي الله يفرجها عليا وعليكم ياااااااارب العالمين

الله يفرجها عليك يارب

وننتظر تقولي قصتك الله يوفقك ان شاالله

يا رب يفرجها عليكي ويكتبلك الخير وعلى كل الاخوات الي منتظرين معاملتهم

من المحافظة تتحول الى الشرطة والبحث الجنائي المفروض يوصلك مسج برقم المعاملة المحولة للشرطة بعدها تروحو للشرطة يعطوكي ورقة الطلبات وخطاب موجه للاحوال وخطاب الفحص وورقة للعمدة تكملو الطلبات كلها وتجيبوها لهم سوا انتي وخطيبك تكونو فيه لمن يقدمها انت تروحي عند قسم النسا وهوا يصف سرا مع الرجال يخلوها عندهم يسوو بحثهم واذا انطبقت الشروط يحولها و ترجع للمحافظة وفي المحافظة تدرسها لجنة بالامارةو تطلع الموافقة ان شاء الله وتتحول للمحكمة

وربك يسهل ان شاءالله

ربك يسهل على الجميع

الله يسعدكم يارب ربنا يستجيب منكم ان شاء الله..
قصتي انه ولد خالتي اتقدم لي لمن كان عمري 18 ولمن سار عمري 22 قدمنا المعامله واترفضت لانه حامل للانيميا منجليه
وبعدها انخطبت كم مره وماكان في نصيب والآن عمري 27 وهوا عمره 33 وفكرنا نقدم المعامله مره تانيه وكانت بدايتها من مكتب الامير قبل 5 شهور . اخذت اجراءاتها من اماره لشرطه لتحاليل لشرطه ودحين وصلت في المحافظه
والموعد سار يوم الاحد الجاي بس طلع في تحاليله انه حامل للانيميا المنجليه وانيميا الفول ..
انا موافقه وابغاه طالما انه انا سليمه لكن ارادة ربنا فوق كل شيء
ادعولي انه ربي يسهلي ياها
ابغى اعرف ادا احد وضعه زي وضعي عشان نهوّن على بعض

اللّهم لك الحمدُ كما ينبغي لجلآل وجهك وَ عظيم سلطآنك ، الحمدُللّه الحمدُللّه الحمدُللّه حتّى يبلغَ الحمدُ منتهآه
أبشركم حبيباتي اليوم تمت الموافقة على زواجي في الأمارة وتحولت للمحكمة لعقد القران
الحمدلله الّلہٌ يبشركم بالخير والفرح زي مابشرني
و أشكر كل وحدة ساعدتني و ردت على أسئلتي. كلكم ماقصرتوا

أحبكم في الّلہٌ

ألف مبروك أختي والله يتمملك على خيرر

كنت بسألك لمن تمت الموافقة بالامارة هل طلبو ولي امرك يحضر ويوقع اوراق في الامارة عشان تتحول للمحكمة؟ أو ولي الامر يحضر في المحكمة وقت عقد النكاح فقط؟

والي عندها جواب على استفساري ياليت تفيدني

الله يجزاكم خير