يا قلبي اللي فيك مثل اللواهيب

صبرك على الدنيا و صبرك على الناس

https://www.youtube.com/watch?v=0edy16QQdfo

الصلاة يا قوم

أرحنا بها يا بلال

كان إذا حزبه أمر فزع للصلاة

اللهم صل و سلم عليه

لميا الحزينه

ربي يسعدك

وينك مختفيه

أحوالك أحوال العلاج معك

الله أكبر من ظروف ليا ظروف ليا ظروف

صبــــــــــــــــــ الخير ـــــــــــــــاح

جعل النساوين للماحي

صفق صفق يا مصفق

حطوا بنا أمراض نفسيه

يا عل ما فيهم الصاحي

كل وحدة فيها جنيه

حظي عجاجه و الحبايب قراطيس

من يمسك القرطاس وقت العجاجه

يا جعل النساوين للماحي يا جعل النساوين للماحي

حطوا بنا أمراض نفسيه حطوا بنا أمراض نفسيه

:)

قلت بنام بس موعد العلاج الطبيعي مطوفه و دام اني صاحي للحين بازرق لهم و أجي للمعالج بقوله بس تمرينين اللي قروشتوا أمي فيهم أسبوعيا رايح جاي عشانها إذا قال بس هم ما في غيرهم فأحلى سحبه و بالسيفون بعد

الله العظيم

هههههههههههههههه ابو نجلا ضحكتني جعل النساوين للماحي وش فيك حاط حرتك فينا .
تصدق اني عرفت علاجك يابو نجلا انت يبي لك دكتور عبقري يقعد معك بالساعات تتكلم معه وتطلع كل اللي بصدرك وعلى اساس هالجلسه يقرر لك العلاج .
احس ام فيك غبن من سنين يبي لك فورمات من جديد اما سالفة تروح لدكتور يقعد معك عشر دقايق ويصف لك من هالادويه ماينفع .
مشكلة اغلب السعوديين التحفظ والسكوت بحكم العيب والعادات ويقعد هالألم بالداخل يطحن بالصدر والتفكير وهذي نتايجه اكتئاب حاد مدمر للحياه .
صدقني يابو نجلا ان الحل والعلاج موجود لكن يبيلك اولا دكتور ممتاز وان شاء الله الدكتور علي يقوم بالمهمه وثانيا يبيلك صديق صادق وفي طويل بال يفهمك ويكون معك يتحمل كل النوبات اللي تجيك شوي شوي راح تطلع من اغلب حلقات الضيق .
لكن وين الصديق ؟ بعدين يبيلك سفره لمكان فيه الطبيعه تتكلم والجو رائع .
اسبوع واحد بس وترجع متجدد

أسعد الله ظهيرتكم بكل خير

ههههههههههههههه من قال إنها حرة لا بالله إلا كسحة هههههههههه
أنا المفروض إني متزوج أيام الثانويه و أنغبنت كثير كثير الله يسامح من كان السبب ترم ترم

ماتت عواطف حبنا وانتهينا
هذي على ماقيل تصفيف الاقدار
ماعاد ينفع دمعنا لو بكينا
هذا الزمن طبعه مع الناس غدار

تريني سهران حدي ما نمت من أمس الظهر رحت المستشفى و نسيت ورقة الموعد و جايهم بسيف الحجاج بن يوسف الثقفي لين خلصت أموري و جددت الموعد .

ما لقيت الدكتور أنتظرت أنتظرت حتى سألت الدكتورة قالت هو في البرج الطبي قسم التنويم و ما هو بجاي المهم رحت البوفيه اللي بالمستشفى و خذيت لي شاهي و تكيت ع الثيل لقيت لي واحد كان منوم معي و للحين ما طلع جلست معه و طقيناها حنك ما صدقت على الله لقيت لي واحد يشبهني كانت فرصتي إني أغير جو معه و الله يشفيه و يقومه بالسلامه

أتأأمل خير في علي السلامه

لا تعليق
صدق ثمك

100 % الصديق وقت الضيق و لا خير في ودِّ إمرئ متملقٍ حلو اللسان و قلبه يتلهب يعطيك من طرف اللسان حلاوة و يروغ منك كما يروغ الثعلب :)

يبغالي أول شيء أضبط عقلي تضبيط ثم أسافر لو بخيالي أوديه وين ما كان وده

و الله محتاج للسفر لأوروبا يقولون جنة الله في أرضه :( أروح ألمانيا ديار هتلر ثم أجي النمسا و سويسرا و اليونان و و و أدبك ما أخلي داعوس إلا دعسته و لنا الله يزين الحال و يطيب الفال

ساهرن و الليالي ما تجينا بكيفه

يبيلك تروح الريف الفرنسي والا الايطالي والله ان ينغسل مخك من الاكتئاب بفيري وتايد وكلوركس .. الله يعين يابو نجلا ويزين الحال .
ودي اقولك رح للبحر اخاف تنشوي شوي من هالحر وتدعي علي قبل امس كنت عالكورنيش واشوف هالحريم والشباب كلن حاط سنارته ويصيد سمك يقولون الصيد يبرمج المخ بس انا ماعندي طول بال اخاف اروح اصيد وتطول السمكه ثمن اقطع الخيط وازنط السمكه اللي تطلع لي بعد جول انتظار 😁
ماحب الانتظار يابو نجلا يخليني اعصب احيانا اطلب اكل من مواقع واكون جوعاااانه ولو يتأخر كنسلت الطلب ونمت على جوع عناد .. يارب يامثبت العقل بس .. اعاند بطني الحمدلله والشكر

اممممم ما شا الله عليك شكلك فاهمه في السياحه الأوروبيه يا قطرات الندا عيني عليك باردة

طيب كيف العمله في فرنسا و إيطاليا يعني أربع ألاف تقضي لزومي من غير قص البوردنق :)

مثلي حار و عجل و أعصب على طول سبحان الله أزريت مع هذي الخصلات لا و عندي في نفس الوقت تبلد من النظام و القوانين أتجاوز حدودها . ما أدري وش أقولك عني مختلط المشاعر و الوجدان

ما حلفتك و أنا في فترة من الفترات شريت لي سنارة و شافني أبوي قال ما شا الله أجل عشنا من صيدك و لا تقصر صيد الحوت ! و رحت الكورنيش معي أختي قالت بتروح معي و يلا عند الواجهة كان تخبرينها واجهة كورنيش الدمام و أحذف السنارة في البحر شعور رهيب هههههههههه معك رامي الصياد الصغير عاد خذيت الطعم عبارة عن أحشاء الدجاج أيام ما كانت محلات الدواجن تذبح بمحلاتها . أٌقولك شويات تهتز السنارة و فرحت أختي و فرحت قلت يالله إنه حوت كبير ما كنت أعرف أسماء السمك أقول عليه حوت . المهم الشنكار نشب في الحيود و أنقطعت السنارة و أعتق الله الحوت و من بعدها كنسلت أصيد بالبحر حظي نحس

أنا شكلي بروح المقابر أدعي لهم بالرحمة بلا بحر بلا بر :) الله يرحم الأموات و يحسن خواتمنا

و الله البحر جوه الحين غطس نفسك بالبحر و اسبح لين الغروب ثم تقهو و سامر البحر و تأمل في موجه ثم حاكه ثم جيب المشاوي و إشو و أنت ع الفوطة ههههههه ثم دردش بالجوال لين تدوخ و ختمها بلبن عيران و خذ علاجك و نام لين يجيك كلب و الا غراب ينقب فيك تنقيب يحسبك جثة ثم تصحى و تصلي الفجر و اقمز للبحر ختاميه هيلاهب ثم تروش

يآلله نفسي أسويها راح أنط من الفرحة .

الله يكون بعونك كيف تنامين و أنتي جوعانه شكلك تطلبين من مواقع زحمه و بعيده أو طلبك متأخر يا بنت الحلال أترسي الثلاجه بمعلبات نواشف عسل و قشطه و جبنه و سردين و فشار و فصفص و لبن عيران و الجود من الماجود :)

طيب الدواء ما حل مشكلة العجلة فيك يا قطرات الندا ؟

السعادة شعور داخلي نتيجة ارتفاع المزاج . صحيح المؤثرات الخارجية ممكن ترفع معدلها لكن ما تصنعها . المزاج الطيب يخلي كل شي حلو وتخلي الانسان يستمتع بأبسط الأشياء والعكس صحيح ..